By 芳姐 ( 26 3 月, 2012 at 7:58 上午)
· Filed under 婦科病／產前，產後／不孕, 肝胆，腎，腸胃病
在鮮魚檔見有石崇魚賣,56元1斤,是冰鮮魚,不是游水魚,相較其它海魚算是貴的了,鮮活的石崇魚一向要二百多元1斤,而且不是時常有供應,故冰鮮的都買了1斤,配薯仔,番茄,紅蘿蔔煲湯,鮮味之至!
[番茄薯仔紅蘿蔔石崇魚湯]有健脾開胃,滋陰補腎,强壯體質之效.對促進傷口癒合很有幫助,最適合剖腹生產婦女飲用.
用料是: 石崇魚1斤,番茄2~3個,薯仔2個,紅蘿蔔1個,生薑2片.
做法: 石崇魚劏洗淨,用少許油煎香;番茄,薯仔,紅蘿蔔去皮,切塊;將全部材料放入煲內,加6碗滾水煮約2小時成3~4碗即成.
~ 小貼士: 石崇魚對傷口深層癒合有良效,如買不到石崇魚,可以用石九公,牛鰍魚或木棉魚代替.
Permalink
芳姐你好，媽媽本身有口腔癌的，已經做化療、鏢靶藥，現在免疫治療法都有3個月，近一個月胃唔舒服，食欲下降，有時想嘔。一個月輕左5公斤，得返44公斤。想問下有乜湯水對胃好，可以開胃啲，同埋可以補充多啲營養。希望芳姐給啲意見，謝謝你🙏🏻🙏🏻
V仔:
你可以用小米加藕粉煲粥供令堂服,可加她喜歡的食材如肉碎,雞肉,魚肉或其它蔬菜,鮮淮山,杞子等都成.因為小米最健脾胃,但黏性不足,故要加些藕粉令其滑口及更健脾開胃.佐敦裕華有藕粉賣,一盒盒,內有獨立包裝的小包,每次粥煮好後加入加藕粉,滾片刻就成.單用紅棗煲小米藕粉粥都可以.
多謝芳姐。
芳姐：
你好！新年快樂！我媽咪新年前做完腦腫瘤手術，但術後直至現在，思緒混亂，而且由於涉及咽喉神經，令她吞咽困難，不能喝或吃液體食物，因為很易濁親而感染吸入式肺炎，加凝固劑後，她又不肯喝，請問可否用石崇魚煲湯後，再煮成爛飯給她吃？如可以的話，應用甚麼食材配搭石崇魚呢？謝謝。期待你的回覆。
Jo Jo:
你可以去佐敦裕華超巿買蓮藕粉,用藕粉加入粥或湯內調勻可令其黏稠不易濁到,藕粉配圓肉小米粥供令堂食能健脾補血及健腦.石崇魚可配北茋3錢,杞子2錢,圓肉3錢,陳皮1個同煮,煮好取湯汁,加入藕粉調煮至黏稠供服.
芳姐，
媽咪做完開刀切息肉(因息肉太大粒無法微創), 請問是否可用牛鰍或大眼雞魚代替石九公魚煲湯？啲魚係咪都要落油同薑煎左先煲？魚唔煎會唔會好腥？係咪手術後第二日可煲黎飲？
感謝！
MerMer:
令堂手術後可以飲魚湯,新鮮的小海魚,牛鰍,大眼雞有益,可以煲湯供服,海魚多數有腥味,用少許油煎香才煮湯會好味些,否則病人可能因為魚腥味欠食慾.手術第二天可以飲.
芳姐，請問乳癌手術後(現在術後第10天)，石祟魚湯之外，還有哪些湯水幫助回覆體力，以及之後的補身。先多謝芳姐指教。
訪客:
乳癌手術後可以多用補氣血的湯水.如用北茋,黨參,紅棗,杞子燉海參豬展湯;或用四紅湯補血.四神排骨湯亦適合.你可在我網頁找到有關湯水.
多謝芳姐
芳姐:手術後買唔到石崇,石頭魚煲湯可以嗎?
kie:
可以用海鱸魚代替.因為海鱸魚同樣能令深層傷口加快埋口,只是肉質較粗,療效和石崇魚一樣.石頭魚我未用過,不知是否和石崇魚是表親關係?有待了解.
請問剖腹產幾耐可以魚湯同使用薑、紅棗之類？有啲人話得，有啲人話唔得好混亂， 希望能你解答到我，謝謝
訪客:
魚湯只要不是細胞活力過强的生魚,山斑魚,田雞等,一般的鮮魚一週後可飲,一週後可以加兩片薑,紅棗補血可以用.由於有些意見認為生薑行氣,怕剖腹產用行氣食材會導致大出血,故為安全計一週後可以用生薑,用量不多没問題的.也可以用陳皮代替生薑.
太好啦， 非常之感謝你
芳姐:
妹夫做了小腸氣手術,如用石崇魚煲湯,可以用什麼配料,手術後何時可飲?隔天飲可以嗎?謝謝芳姐!
wendy:
手術後可以用北茋5錢,杞子3錢,紅棗5粒,陳皮1個煲石崇魚湯服,有助加快康復.手術後第二天可飲.隔天一服.
芳姐你好!謝謝回覆!請問若飲後有好轉,那還需多飲調理嗎?配料需要轉換嗎?謝謝!
wendy:
手術後一,兩星期可以用北茋, 黨參,圓肉,紅棗以補氣血.之後可以煲營養湯水,如這款番茄薯仔紅蘿蔔石崇魚湯.番茄海藻蛋花湯,蓮藕栗子無花果排骨湯等調理.
芳姐你好!手術後一,兩星期飲用北茋, 黨參,圓肉,紅棗,是隔天飲還是1星期2次?謝謝!
wendy:
可以隔天服,有助補氣血.
想請問如果剖腹產12朝前， 啲湯品或者蒸魚是不是都不可以放薑？
仲有石崇魚是不是12朝前也可以飲不會生肉芽？
芳姐你好，我下周便要做切除子宮卵巢手術、想問術後多久才可飲用這湯？每天飲用嗎？
除這湯外還有什麼可以令身體早日恢復？謝謝🙏🏻
Macy:
手術後出院第二天可以飲這款湯,連服3劑.亦可用北茋,黨參各3錢,淮山1兩,杞子3錢,紅棗4粒煲海鱸魚或石崇魚湯服,有助加快深層傷口癒合,一星期2劑.
謝謝你芳姐，我出院了！已經叫媽媽做這湯飲給我。
呢個湯小朋友可以飲嗎？
Candy:
此湯幼兒都可以飲.
手術後兩星期，傷口未埋曬，部分埋口位唔係咁靚，現在飲有用嗎？
Candy:
傷口未好得晒可以飲此湯.
請問產婦剛剛開刀生產完10日，可煲呢個湯飲？ 如果用牛秋魚又如何？
Joanne:
可以用牛鰍魚,生產完10天可飲.
家人做了腸開肚手術，想煲石崇魚復元傷口，但怕煎魚對腸不好，不煎過石崇魚煲，會否減少蛋白質等營養?
Mandy:
石崇魚不煎也可以,稍為泵水,撈起再和其它材料一齊煲,會有少許腥味,但如果買得新鮮都很少腥味的,蛋白質營養不會損失.
做完膝蓋手術後还有腫，可食用石崇魚湯嗎?
Charmaine:
你可以煲石崇魚湯服,有助加快康復.
Jojo:
懷孕作小產,宜用桑寄生1兩,蓮子1兩,紅棗5粒,紅糖適量,5碗水煮1小時服,有助安胎.連服3劑.石九公湯可以飲.
芳姐你好，想問問我16周作小產，有流啡，照到肚裡有瘀血，可以飲石九公湯嗎？謝謝！
煲幾多碗水
waiwai:
煲湯海魚例如木棉魚,紅衫,馬頭,牛鰍,梭欏魚仔等都可以.
海魚即係大概邊些魚呀？
我爸爸大腿開刀放血快後，手術後講說話聲沙，還有咳，半個月到我煲了一些北芪當心豬展湯，但飲完之後口乾，而家仲有聲沙同咳，我想問這種湯是否不適合，我可以煲什麼湯呢？
Waiwai:
你可以用沙參,玉竹,麥冬各3錢,雪耳2錢,無花果4粒煲瘦肉或海魚湯供令尊服,有營養又滋陰生津.番茄這款湯可以飲.