强肺氣抗流感—虎乳靈芝椰子粟米甘筍湯
新聞報導指下星期本港可能受到流感和冠狀病毒雙重夾擊，大家要小心作防備，去公共塲所最好戴上口罩，小朋友和長者最好及早打預防針。
很快又要過農曆新年了，親戚朋友很多時會聚首一堂，所以趁這段期間不妨鞏固一下體質，多煲些有助强壯肺氣，增强免疫力的湯水。今天推介這款「虎乳靈芝椰子粟米甘筍湯」味道清甜可口，對增强身體免疫能力大有幫助。
虎乳靈芝我經常都會煲湯飲用，因為它能促進新陳代謝，令身體有能力抵抗不良物質入侵。迷你椰子能滋陰潤肺、清燥熱。粟米、甘筍、紅棗都是富含營養又好味的煲湯料，加上潤肺止咳的南北杏同煮，對肺氣虛弱，容易感染呼吸道疾病人士十分有益。
用料是：虎乳靈芝3錢，迷你椰子1個，粟米1支，甘筍1條，南北杏1兩，紅棗5粒，瘦肉半斤。
做法：虎乳靈芝、杏仁沖洗；椰子沖洗後切片；粟米去衣，切塊；甘筍去皮，切塊；紅棗去核；瘦肉切片後出水；全部材料用9碗水煮2小時成4~5碗即成。
~小貼士：迷你椰子香味濃郁，但容易發霉，切開後如有霉味切不可用。此湯性質平和，男女老少皆可飲用。
芳姐你好＇請問用非洲海底椰＇金川＇鱷魚肉干＇燉兩碗水材料應該多少克？還有可以加那些材料呢？感謝你🙏
Wongee:
2碗水海底椰可用12克，鱷魚肉50克，可加些雪耳5克，南北杏15克同燉。
你好芳姐，7歲小朋友早幾日感冒發燒，2日後退後退咗燒，之後呢兩日就係咁咳咳過不停，應該係乾咳，仲有小小鼻水鼻塞，請問有咩可以幫到佢呀？謝謝
訪客:
如無發燒,可用沙參,玉竹各3錢,蘋果1~2個,去核,南北杏1兩,無花果3粒,5碗水煮成2碗服,連服3劑,有助潤肺止咳.如鼻水多,用辛夷花8朵泡茶供飲,可加少許蜜糖.
謝謝芳姐回覆，其實我同小朋友徵狀一樣，咳有濃痰，好難咳出，鼻塞 鼻水只有小小，之前你教過我用農本方玉屏風散加辛夷花焗水飲，請問7歲小朋友適合嗎？
訪客:
玉屏風散是預防傷風感冒的良方,小朋友亦可飲用,鼻敏感就加辛夷花一齊焗水飲,可加少許蜜糖,好味些.痰難咳出,可用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑可袪痰,煮好後加8朵辛夷花同焗水飲能減少鼻水.
芳姐你好，我7歲嘅小朋友昨天又發燒，佢呢大半年都係30幾日就病一次，一係傷風，呢2次就發燒，38.1最高38.4度，食咗藥就退燒過咗又燒返，請問有咩方法可以幫佢免疫力好啲呀？佢呢2日都不停咳，我唔敢比莎蔘玉竹湯佢飲，因為唔知飲唔飲得，上次發完燒，我哋飲咗2次都好返冇再咳架
訪客:
你可用蘆根5錢,生薏米1兩,淡竹葉3錢,甘草2錢,5碗水煮成2碗供服,有助退燒.沙參玉竹湯感冒未青不宜服.病好後去裕華或華潤堂,農本方買「玉屏風散」顆粒沖劑,此方主要是防傷風,感冒及增强免疫力的,小朋友沖服可加些蜜糖.隔日1劑.服3~4星期試試.此方主要是三種中藥製成,即北茋,防風,白朮,很平和的.
你好芳姐，謝謝你回覆，請問小朋友食玉屏風散個份量係幾多呀？係咪一日一次呀？
小朋友今日仲係有燒不停咳，又打噴嚏有鼻水，請問魚腥草適合飲嗎？喺呢個時候有咩方法止咳呀？
訪客:
玉屏風散感冒清了無燒才能服,一日1次,照說明書上的份量服就成.小朋友如痰多咳嗽,可用蘇子,萊菔子各3錢入茶包袋中,煲瘦肉粥供食,煲好後將茶包袋拿走就成.因為蘇子很幼細,一齊煲很難揀走.
謝謝芳姐回覆，請問蘆根喺邊到買架？
訪客:
蘆根是蘆葦的根,能清熱退燒,在中藥店有售.
芳姐你好! 仔仔今年4歲，自1月尾因甲流拼發腦炎後，2月尾已出院，現已大至上康復。期間用了很多藥物，請問我可煲甚麼湯水養身和補腦？
還有自從腦炎後，明白會對睡眠有影響，請問還有可煲甚麼燙水能令安神睡眠？
雯雯:
你可以用茯神5錢,蓮子5錢,百合5錢,圓肉20粒,杞子3錢,生薑2片煲烏雞湯,全家可飲,煲個半小時,有助健腦及安眠.
芳姐，你好。
小朋友5岁咳咗2个星期。白天好少咳，训到半夜咳得比较厉害，有黄痰。是属于热咳定寒夹热呢？有咩食疗建议？
Vicky
Vicky:
小朋友可能是寒熱夾雜咳,鮮龍脷葉無論寒咳,熱咳都可用,你可用鮮龍脷葉2兩,蘋果1~2個,去核,南北杏1兩,無花果4粒煲瘦肉湯,煲個半小時,全家可飲,有助止咳潤肺燥.可連服3劑.
芳姐你好，
小朋友昨日突然开始发烧38.5度，今日痰的颜色有时黄色有时白色咁，有鼻涕鼻涕颜色偏透明，是否都系就咁龙利叶苹果无花果就可以？
訪客:
小朋友發燒必須先退燒,可以用蘆根5錢,淡竹葉3錢,生薏米1兩,5碗水煮成2碗供服,有助清熱退燒.龍脷葉蘋果無花果水可以煲來飲,有助止咳化痰,痰多加1/4個金羅漢果同煮.
芳姐你好，請問用呢個配方退燒係咪唔食西藥架喇?或者飲咗之後隔幾耐先可以食西藥呀？
芳姐，
你好。小朋友已经退烧，夜晚训觉唔咳啦。但系一早起身就会咳，听到有痰声但系咳唔到痰出黎。最近小朋友眼白比较蓝，请问系咪风重定系缺铁？唔清楚寒热请问系咪继续饮龙利叶？定有其它食疗帮助？
訪客:
你可用蘇子,萊菔子,防風各3錢入茶包袋煲瘦肉粥供小朋友食,對眼藍有風及痰咳有幫助,連服3劑.
芳姐：
請問這款湯不放迷你椰子，改放椰子片可以嗎？唔知兩者功效是否相同？謝謝！
WING
訪客:
可以放椰子片,兩者功效相若,只是迷你椰子一餐可以煲完1個.
你好芳姐，
我大仔九歲，呢幾個月內有感冒過，然後一路斷斷續續咁咳，現在卻沒有痰，早上起身咳得比較嚴重，做運動跑步時也容易咳，他說吸入空氣後氣管感覺痕癢，估計是氣管敏感。吃了幾次西藥都是停藥又咳返轉頭。應該吃什麼會比較好？
細女七歲，剛剛感冒，吃完抗生素退了燒，但持續咳嗽，主要早上和日間咳，吃西藥也沒什麼幫助，咳的時候聽到氣管好多痰聲，但咳不出痰。應該吃什麼比較好？感謝！
hfonnie:
你可用蘇子,萊菔子各4錢,甘草2錢入茶包袋,煲瘦肉粥供囡囡服,有助袪痰止咳,仔仔也可以食1碗的,連服3劑.另外仔仔風咳,可用烏梅3粒,菊花1湯匙,甘草4片泡茶15分鐘供服,連服3~4劑,有助袪風止咳.
女兒跌倒，令左腳膝頭、小腿及腳踭出現大片紫紅色瘀傷。 直至現在為止，已3星期有多，每日用冷敷方法冶療，但患處仍然大片紫紅色瘀傷，請問有冇食療可幫助去瘀傷。謝謝！
心心:
你可以去西藥房買[特效喜療妥]軟膏作外塗,有助加快袪瘀傷,但只能塗薄薄一層,不要貪多.食療可用田七3錢,雞血藤5錢,桃仁3錢,紅棗5粒煲瘦肉湯供服,有助活血袪瘀.
請問芳姐 一直咳綠痰，食了抗生素 依然都係甘咳，應該飲咩好？飲虎乳靈芝湯適合嗎？
Alice:
你的情況是炎症未好,試用鮮魚腥草3兩,北杏3錢,陳皮1個滾瘦肉湯服,有助清熱消炎,滾20分鐘就成,不要煮太久,可連服3劑.虎乳靈芝待痰色變白才用.
芳姐，
請問加紅棗會否燥熱？唔知小朋友係熱底或寒底。謝謝指教！
爺子媽:
紅棗過多會稍燥,可改用南棗.
芳姐，如果小朋友仲未有一，二聲咳，煲蘋果，海玉竹，太子參，南棗，陳皮水，可唔可以加百合，茯苓？因為我唔識分小朋友係寒咳定熱咳，百合會唔會寒涼？
謝謝芳姐
訪客:
百合微涼,茯苓性平,配合你提的材料就不太寒涼了,小朋友可以飲.