By 芳姐 ( 9 7 月, 2019 at 4:50 下午)
· Filed under 癌症, 養顏潤膚／消脂瘦身
在超巿見有來自美國的檸檬，金黃色有綠色間條，稱之為「斑馬檸檬」，肉黃中帶紅，頗為特別，一盒有3個，大約5元左右1個，都不算太貴。用來泡茶，頗為清香，皮稍為有點苦味。
而這種苦味來自柑橘類水果中的檸檬苦素類化合物，是一種能抑制癌細胞生長的植化素，非常有益，而且檸檬含有豐富維生素C，有助於解肝臟毒素。檸檬皮中這種物質同時可以增加肝臟中解毒酵素，將有毒物質排走。
3個斑馬檸檬我用了兩個，用鹽擦一會去蠟、去農藥，再用水沖洗淨，抹乾後切薄片，放入玻璃瓶內，加入純蜜糖，浸過面，置雪櫃2~3天可用，隨時取兩三片用温水沖來飲，非常美味可口。
如經常對着電腦工作的白領一族，可以用這款檸檬蜜，加5~6朵菊花同沖泡飲用，清肝明目又健胃，尚有排毒瘦身功效。
~ 小貼士：圖中的是美國的斑馬檸檬，其實表皮多了幾條紋，和普通檸檬可能没太大分別。沖泡時最好用温水，以免損失維生素C，常服可減少體內炎症發生，同時令皮膚更年輕、更健康。
Permalink
芳姐你好！懷孕6週小產出血很多，做了清宮手術，應該煲什麼湯水調理？謝謝！！
hohopolly:
你可用北茋,黨參各3錢,圓肉5錢,紅棗5粒煲鮮魚湯或瘦肉湯服,手術後第4~5天後才煲較佳.此湯能補氣血,可一星期2~3劑.如加些阿膠粉同用效果更佳.
芳姐、請問黑豆要炒嗎？
芳姐：
你好！
1. 歐芹丶芫茜丶薑片和瘦肉-請問可否每期煲一次及幾耐煲一次？
2. 我朋友媽媽腎臟情況係上星照左超聲波，正常人的腎呎吋约11cm.,而我的朋友就8cm.
尿酸高，同有好高蛋白尿，請問有什麼食療可以幫到她？
3. 鉀高- 有什麼食療呢！
謝謝你！
May
May:
建議患者看中醫治理.鉀高,尿酸高,蛋白尿多種毛病可以用紅菜頭,椰菜,粟米,洋葱煲瘦肉湯服,用量隨意,都屬低鉀食物.另外可以用白果15粒,芡實1兩煲粥常服,對蛋白尿有益.歐芹,芫荽都含鉀,患者唯有少用.
芳姐：
請問純蜜糖是指沒有用水開的嗎？-
Amy:
是純正蜜糖,没有用水開的那種.
芳姐，我最近個人，成日都好易驚，西醫話焦慮症。
請問有冇咩湯料可以輔助清心安神，減少緊張？謝謝
Nat:
你可用茯神5錢,丹參3錢,圖肉10粒,煲瘦肉湯,5碗水煮成2碗服,連服4~5劑,有助紓緩焦慮症.
早晨，芳姐
因為將會做眼睛手術(糖尿上眼而眼底出血),請問手術前，後可以食D咩作調理呢？有D咩要介口呢？謝謝
Lee:
你可以用鮮淮山3兩,杞子3錢,粟米連鬚2支煲瘦肉湯,有助調節血糖,對眼睛亦好.戒煎炸肥膩食物,行氣中藥材如人參,黨參,北茋等暫不要用.
你好，芳姐
因有時朝早有飲開田七粉，石斛粉冲水飲，手術前，後要吳要暫停吳好飲住？ 如果手術後要暫時停飲，禁手術後要隔幾耐先可以再飲呢？謝謝
Lee:
手術前暫停田七粉,石斛粉則没問題.田七有活血袪瘀作用,怕手術會引起出血量多,一般手術後一週才服應該可以.
芳姐，早晨、孫女7個早前患感冒、現祇有流鼻涕和晚上睡覺有淡汗，冇乜胃口，請問可煲什麽茶水可解決？謝謝！
訪客:
你可以用黑豆1兩,浮小麥5錢,南棗4粒,辛夷花5朵,5碗煮成2碗供服,連服3劑.
芳姐，下午好，柠檬干可以拿来煲水喝吗？还是只能泡水喝或要煲好的时候才放不能煲久？谢谢您^^
scy:
檸檬乾可以煲水或泡茶都得.維生素C受檸檬酸保護,泡水飲或煲水3分鐘左右應没問題.
芳姐:
你好，我個小朋友8歲有氣管敏感，最近出風冷可以煲什麼湯飲或洗澡？謝謝你！
M:
出風癩多數吃了或接觸了致敏物,最好記錄發病當天吃過或接觸過的東西,逐樣去試,以後避免吃或接觸就少發病.如買到樟木碎,用1兩煲水沖涼很快消疹.或試用白癬皮,地膚子,側柏葉各5錢,6~7碗水煮20分鐘,兌入涼水作外洗劑亦可,試用3天.
芳姐：
你好，兩孫女（9個月/3歲）嘢了手足口病，持續幾日發燒，依家個口有口瘡，不想食嘢，請問可㷛啲咩飲？好番又㷛啲咩？由於幾日都少食嘢，平常食好多又唔吸收，醫生要飲營養水，所以想㷛嘢畀佢哋，謝謝
訪客:
你可以用赤小豆,綠豆,薏米各1兩,加冰糖煮成糖水,然後加魚膠粉製作成果凍,供孫女食,因為口腔痛吃不下熱東西,故要稍為雪凍食,不要太冰凍,近室温最佳.另外可以用合掌瓜2個,老豆腐2磚,鯇魚尾1條,陳皮1個,7碗水煮1小時,全家可飲,對手足口病有防治作用,可連服2~3劑.湯料可以食.
芳姐
謝謝解答，請問9個月都可以食赤小豆果凍嗎？
訪客:
9個月BB可以食糊仔就可以食赤小豆果凍,最好將赤小豆薏米打成蓉,再做果凍就容易吸收.因為赤小豆要煮較長時間才腍,打成蓉好味些.