By 芳姐 ( 17 12 月, 2019 at 5:08 下午)
· Filed under 外感/頭痛/呼吸道病, 小兒常見病
小朋友一上學即很容易感染上呼吸道疾病，小朋友不會吐痰，如果他們平時不喜歡飲白開水，痰涎易積聚在肺部，引致炎症發生，故一旦有傷風咳嗽，氣管敏感不斷咳嗽，必須多飲水以袪走痰涎。
太苦或有藥味的茶飲小朋友未必肯飲，今天推介這款防氣管敏感的茶飲好味易入口，小朋友大多不會抗拒。
用料是：青欖7~8粒，桔餅1個，甜杏仁1湯匙。
做法：青欖洗淨，用刀背拍扁；桔餅略為沖洗，切碎；杏仁洗淨；全部材料用4碗水煮半小時成2碗即可供服。
~ 小貼士：桔餅上的白霜有袪痰止咳功效，不要完全沖洗走。此茶老少可飲，成年人飲用此茶，青欖和杏仁可以加多些少。
Permalink
芳姐你好，請問可以此湯水可供1歲大小朋友飲用嗎？ 另外想請問芳姐貓耳草1歲大小朋友可以飲用嗎？感謝你
Odo:
此湯1歳小朋友可以飲.但凡山草藥都較寒涼,貓耳草一樣,小朋友最好盡量少飲.
芳姐 你好
兒子四歲
二月底開始反覆感染上呼吸道感染
持續咳嗽超過一個月
看了兩次西醫，喝了很多藥水
剛剛照了肺，醫生說不是肺炎，上呼吸道感染導致氣管敏感
現在學第三次西藥
他咳嗽日輕夜重，痰多，有時候有黃色的杰痰
半夜起床時，睡覺時咳得特別厲害，不停咳
吃東西及運動時咳嗽厲害
請問這款茶可以嗎？還是魚腥草紅棗茶比較好？
可以和西藥一起使用嗎？謝謝
而且他現時喉嚨也有發炎
Phoebe:
你可用青欖15粒,拍鬆,金羅漢果半個,南北杏1兩,雪梨乾8片,8碗水煮成4碗,可分2天服,有助利咽化痰止咳.連服2劑.(飲4天)
謝謝芳姐
請問如果細佬1.5歲，跟哥哥症狀相同，可否同喝此茶
Phoebe:
此茶很平和,幼兒可服.
謝謝
他們已喝此茶四天，晚上氣管敏感咳漱有改善
但出現開始流鼻水，杰的，黃色的，不容易流出來的，然後又開始加重咳嗽
西醫說是重複上呼吸道感染或者感冒
請問可以喝些什麼幫助一下呢？
Phoebe:
你試用菜乾1兩,白菜3~4棵,紅蘿蔔1個,南北杏1兩,無花果3粒煲瘦肉湯,全家可飲,有助清肺熱,止咳.睡前用棉紙巾剪成條狀,沾温鹽水然後捲緊替幼兒通鼻仔,有助安睡,記得不能用棉花棒,易傷鼻黏膜.如鼻水多可用辛夷花6朵泡茶供服,可加少許蜜糖.
芳姐
這個星期煲了幾次白菜乾湯
4歲大兒子已經好返
1.5歲細路仍然會有黃色傑傑的鼻涕
日間及睡覺時會仍然有咳嗽痰多
請問應該喝什麼可以舒緩？
Phoebe:
可以用金羅漢果1/4個,南北杏5錢,無花果2枚,雪梨1個,去核,4碗水煮成1碗,一天分服.有助清肺熱化痰止咳,可連服3劑,如果全家飲,金羅漢果用半個,南北杏1兩,無花果4枚,雪梨3個,6碗水煮成4碗.
小兒8個月大，流鼻水，有痰聲，呼吸有啲急促！睇左西醫都未收到鼻水，想問我加蘇子 萊菔中
子煲粥bb食可再加埋辛夷花嘛？
Kapo:
可以加6朵辛夷花同煮的.取汁煲粥供服..
芳姐您好
小兒三歲，兩天前高燒，大便呈糊狀，剛退燒，只是服了退燒藥和益生菌
但昨晚開始咳，聽起來是氣管敏感，容易飲水時嗆到而咳，請問適合用什麼湯水適理？謝謝
Yy:
你可以用川貝末2茶匙燉雪梨1個(要去核)供服,飲時調入少許蜜糖,好味些,連服2劑,看能否改善?
懐孕初期可以飲？
Wendy:
懷孕可以飲的,没問題.青欖含鈣量在水果中排首位的.
懐予初期可以飲？
芳姐你好，我仔仔今年四歲，每天朝早起身就會咳不停，日頭冇咳，睇醫生又話冇事，一咳連續半個鐘都有，已經持續兩三個月，有什麼辦法？
訪客:
你試用酸梅3粒,甘草4,5片,菊花1小撮,3碗水煮10分鐘供服,連服3~4劑,看能否改善?
芳姐，你好
BB 9個月大，呢個湯水啱飲嗎？
經常有痰同咳🥲
Yomi:
BB如果痰多不要用桔餅,可以用金羅漢果1/6個代替.
芳姐，你好！早晨，我兒子5歲，這2日有傷風感冒。
早幾日吃過辣蝦，來不及飲涼茶，又遇上一冷一熱，他有很多汗，所以感冒發燒，流清鼻水。現在已經止鼻水，但開始咳黃痰，多數早上起床比較多痰。我不確定屬於風熱還是風寒感冒。
請問有什麼湯水可以幫助化痰止咳？
趙師奶:
有黃痰一般都屬風熱感冒,可用龍脷葉1兩,金羅漢果半個,南北杏1兩煲瘦肉湯,全家可飲,有助清肺熱化痰止咳.如鼻水多可以另外用6朵辛夷花泡茶供飲,可加蜜糖.
多謝芳姐解答！
小兒已經好左大部分，但發現病後出好多汗，可以怎樣調理？
謝謝
趙師奶:
可以用北茋3錢,浮小麥5錢,紅棗4粒,5碗水煮成2碗供服,連服3劑,有助止汗.
芳姐，你好，我小朋友6歲，氣管炎睇咗幾次醫生還未清，咳嗽有痰，但咳唔出啲痰，無鼻水，請問可以煲啲咩湯水？
芳姐你好，囡囡就黎2歲，新年後開始咳，早晚吸緊類固醇，啲痰好似一直唔清，想問有咩湯水適合？
Hilda:
你試用蘇子,萊菔子各3錢入茶包袋煲瘦肉粥供囡囡食,連服3~4劑,有助袪痰.此粥對小兒痰咳有幫助.
芳姐 你好
我仔仔咳左個多月 睇左4，5次西醫，2次中醫
現在咳都有痰 痰時白時帶綠 仔仔亦有氣管敏感
先生亦咳了個多月 亦睇了很多次醫生 咳亦帶白色痰
可以請教一下煲咩湯
Koie:
你試用桔餅2個切碎,陳皮2個剪碎,蘋果1個,去核,5碗水煮20分鐘成3碗,你先生和仔仔分服,連服4~5劑.
芳姐你好，小兒8個月之前有試過感冒咳嗽，痊愈後痰一直未淸，通常都係半夜又或者者一早起身就會咳同聽到有好多痰聲，請問會有什麼湯水或茶建議（期間不斷有食過西藥，或喉棗末、寶嬰丹）但情況都未見到有改善！
訪客:
你可用蘇子,萊菔子各3錢入茶包袋,加塊陳皮煲瘦肉粥供仔仔食,連服3~4劑,有助袪痰止咳.蘇子是紫蘇的種子,萊菔子是白蘿蔔的種子,很平和的,幼兒可用.
謝謝你☺️
芳姐你好！小朋友剛滿一歲，咳了一個月還未好，早上起來咳得厲害有痰聲，中午過後好些，睡覺亦少咳。請問可以喝什麼止咳清痰（之前飲過你介紹的青欖湯已好些但未斷尾）
謝謝🙏🏻
Cheung mama:
你試用紅蘿蔔1個去皮切薄片,紅棗6粒去核切片,4碗水煮成碗半供仔仔一天分服,連服3~4天,對小兒百日咳有療效.
謝謝你
請問這個水囡囡哮喘吸緊類固醇可飲用嗎？
Hilda:
你指紅蘿蔔紅棗水?如果痰多不適合.先用蘇子,萊菔子瘦肉粥清了痰,然後煲紅蘿蔔紅棗水作調理.
☺️😉芳姐，現時天氣好潮濕，有咩湯水煲下，囡囡舌頭經常有白色舌苔。謝謝🙏，
訪客:
可以簡單的用雲苓,白朮,扁豆衣,澤瀉各5錢,蜜棗2粒,7碗水煮1小時成4碗,全家可飲,有助健脾袪濕.
芳姐你好：麻煩問下青欖怎樣拍碎？
訪客:
青欖用刀面拍就成,無需一定碎,只要拍鬆易出味就可以.
芳姐，你好，bb一歲。兩星期前開始咳，嘔左幾日，屙左幾日無發燒。而家只有夜晚訓著後咳，有時候咳到醒，咳聲有痰，但呀仔唔識吐。日抖只有一兩聲咳，夜晚明顯比較嚴重，有什麼湯水可以煲，謝謝
katie:
你可用蘇子,萊菔子各3錢入茶包袋煲瘦肉稀粥供BB食,連服3劑,有助袪痰止咳.
芳姐， 小兒近兩歲，起床時經常打幾個噴嚏、愛用手抓鼻子、有少少清鼻水，可能遺傳了爸爸的鼻敏感，請問有什麼湯水可常飲改善此情況呢？
謝謝賜教
pui Lam:
你可以去裕華或農本方買[玉屏風散],每次沖給仔仔飲時加6朵辛夷花同沖,有助滅少鼻敏感發作,一星期2劑.
芳姐，您好，小女和先生都經常生痱支，請問平時可以多煮什麼給他們？女兒5歲，而且經常睡眠不好！感謝🙏
訪客:
生痱滋有可能是陰虛火旺,或身體缺乏維生素B群,故你不妨買維生素B什,每天給一粒你囡囡及你先生服食,連服1~2週,有助改善.另外可以煲些大豆芽菜雪耳豆腐蠔鼓湯供全家飲用,能減少生痱滋,要煲個半鐘,最好連湯料同食,用量隨意.滋陰降火後可能睡眠會改善.
好👌謝謝
芳姐你好，
早前有請教你兩姐弟（2歲及10個月大）咳睇醫生食坐幾個月西藥一直唔好，家姐乾咳仲有啲氣管敏感，你教我用蘇子、萊菔子各4錢煲瘦肉粥食後都未好，昨日去藥房買了猴棗未加川貝，細佬好似止咗咳但有些少hur hur 聲，家姐則今早咳帶有微痰，應該煲咩好？求賜教🙏🏻
Me:
你可用虎乳靈芝4錢,雪耳3錢,百合1兩,南北杏1兩,陳皮1個,紅棗6粒煲鷓鴣或瘦肉湯,全家可飲,兩個小朋友分別飲用,連服3天,有助强肺氣,減少咳喘.
唔該晒芳姐！
請問食西藥可同時飲用嗎？
額外一問，三棗水、桔餅果皮水啱佢地嗎？
Me:
服西藥後2小時飲.三棗茶,桔餅果皮水可以服.
虎乳靈芝要幾多水同煲幾耐，唔該芳姐！
Me:
虎乳靈芝湯煲個半小時就成,如果你一家3口,個半小時會消耗大約4碗水,就7碗煲成3碗,如果一家4口,就8碗水煮成4碗就成.
芳姐,
我將你教我既湯水全部跟足煲，家姐咳還未清，佢一係唔咳，一咳就咳唔停（無痰）成日捽眼捽鼻；細佬痰咳唔到出嚟，仲有少少hur hur 聲，呢兩晚仲開始鼻塞（無鼻水）。請問有咩好提意？
我試過猴棗散唔得、猴棗未川貝（中藥房執）食完仲咳得厲害咗，有人叫我食玉屏風散；鱷魚肉；海龍海馬之類，這些都唔敢試住，想先請教你，求賜教！
Me:
建議你去裕華買[玉屏風散]沖劑,用3錢菊花,3錢辛夷花煲水沖玉屏風散顆粒沖劑供服,連服3劑,看能否改善?玉屏風散主要是北茋,防風,白朮3種中藥,能增强體質,減少傷風感冒,及減少過敏.如見效,一星期1~2劑供服,至症狀好為止.
桔餅陳皮水可連續飲幾天？小朋友有痰咳，氣管又敏感請問
訪客:
桔餅陳皮水可飲4~5天,加個蘋果(去核)更有益正氣.
感覺咳到有時冇乜氣咁個人，飲呢個嘅同時仲可以再加啲乜好？謝謝
訪客:
試加3錢麥冬同煮.
好的，見你有介紹玉屏風散，痰咳未好可以服用嗎？小朋友3歲，應如何服用？謝謝
訪客:
玉屏風散小朋友可以1日或隔日服1包,開水沖服就可以,服兩星期,看效果如何.痰咳未清可以用蘇子,萊菔子各3錢,3碗水煮成1碗,加1包玉屏風散沖服,如顆粒沖劑就用1平湯匙沖服.
好的謝謝你
如果沒有新鮮的青㰖可以利用什麼替代
Y燕:
無青欖用無花果3~4粒代替.
芳姐你好，
16個月bb有少許流鼻水，可以飲這湯嗎？
還有什麼湯可以預防傷風感冒，止咳，全家都啱飲？
謝謝！
Celine:
你可以滾些芫荽葱生薑魚片水全家飲,BB都可以飲這款湯,芫荽,葱各4棵,生薑5,6片,鯇魚肉1條切片,全部材料用5碗水滾15分鐘成4碗,即可趁温熱飲用.如有些咳可以加4條茶瓜(雜貨店有售)同煮.
芳姐你好，
我囡囡6歲，感染了甲型流感，吃完5天特敏福，現在還有流清鼻水，也有咳，咳嗽時有痰，請問可以飲用這款青欖桔餅茶嗎？另外桔餅怎樣分別真假？謝謝你。
mick:
你可以用這款桔餅茶,如鼻水多加6朵辛夷花同煮.桔餅表面的白霜是天然發酵而成,不會黏手,散佈均勻,有袪痰止咳作用,如果黏手又濕膩,多數是用糖霜加工造成的.
多謝你芳姐。
你好芳姐，小朋友2歲10個月，咳左兩星期，日間少咳，每晚訓到3.4點就咳醒，聽到有痰聲，我有煲過桔餅，青欖，龍脷葉，枇杷葉湯，但都仲咳，又食過幾盒猴棗末，都未見效。請問有咩湯水推介？謝謝你
Karen:
小朋友肺氣弱,咳嗽要一段時間才會好,要慢慢調理.晚上咳可用蘇子,萊菔子各3錢入茶包袋煲瘦肉粥供食,連服3天.
謝謝你芳姐，如果小朋友唔食粥可以煲水飲得嘛？煲幾耐？
Karen:
可以滾瘦肉湯代替粥.
芳姐，阿女之前鼻水倒流咳，現在收左鼻水，間唔時都有咳，之前係流清鼻，依家咳左個幾星期，咳時好似有痰卡喉嚨咁，咳到好大聲，咳時聽到有d沙。請問有咩湯水？之後煲過蘇子萊菔子飲左三日
Carrie:
如果痰黏稠,可用枇杷葉,龍脷葉各5錢,桔餅1個,陳皮1個,5碗水煮成2碗供服,連服3劑,有助清熱化痰止咳.
佢清鼻清痰，吉餅會否惹痰？
Carrie:
桔餅表面的白霜是袪痰止咳的.或可用金羅漢果半個代替.金羅漢果較砂糖甜300倍,却不惹痰是袪痰良藥.
芳姐，你好
小兒一歲半，上星期五發燒，冇任何其他徵狀，睇咗醫生食藥水，星期六晚之後開始無燒。但星期日晚瞓覺突然開始不停咳有啲痰聲，所以星期一朝早馬上煲咗以上呢個湯水比佢飲，飲完之後的確咳少咗。到咗星期一睌上瞓覺不停喊醒，差唔多一個鐘一次，唔知佢係喉嚨痛定咩原因(冇咳)，今朝起身仲有少少咳(咳時有痰聲)，同埋開始有流鼻水，請問應該煲啲咩俾佢飲？定係可以繼續煲返呢一個青欖桔餅水？非常感謝🙏🏻
karen:
你要看看仔仔喉嚨有没有紅,如果有表示喉嚨發炎疼痛,要吃消炎藥;如喉没有紅腫,只是痰多咳,及鼻水倒流引起,可用蘇子,萊菔子各3錢,辛夷花5朵入茶包袋煲瘦肉粥供服,連服3劑,有助改善.
芳姐，
小女3歲多，剛發燒2天，起初出吾到汗吾退燒，之後這兩天吃了2次退燒藥，出到讦，好快退燒了，人吾似有熱，所以很快退了燒，無其他鼻水咳徵狀，似好返。不過，今日第五天，但汗似吾停，日間活動手腳凍，一睡覺穿好薄都每小時出汗，個個鐘醒。出多了幾小時後，便鼻塞，訓吾到。早上起身，又無鼻塞。我吾肯定她仍病邪未消定虛了，現在可飲湯水，汗情況如何改善，助入睡？謝謝
Man
Man:
你囡囡流虛汗,如日間流可用北茋3錢,浮小麥5錢,紅棗4粒,5碗水煮成2碗供一天分服.如晚上流汗可用黑豆1兩,浮小麥5錢,黑棗或南棗4粒,5碗水煮成2碗分服,連服3劑,有助止汗.如日夜都出,用北茋3錢,黑豆1兩,浮小麥5錢,南棗4粒煲水供服.
芳姐你好，女兒8歲，十二月中感冒咳嗽有黃痰，看了西醫三次還未應完全康復，現在日間無咳但晚上會咳，有少許痰聲但咳不出來，有什麼湯水適合她？？謝謝
惠碼:
如晚上咳多,你可以用蘇子,萊菔子各3錢,陳皮1個滾瘦肉湯供囡囡服,連服3劑,對痰咳有幫助.
芳姐你好，我想問食新鮮橄欖會唔會胃寒，我食咗1粒之後訓攪，個胃好似好嘈，想入睡就驚醒，第二日疴大便，大便最后有一粒好似糯米的質感東西包著一点点的大便，仲有一小粒指甲大好似猪血的東西，唔知喺乜嚟？麻煩請芬姐解答我的難題，唔該！
Vienna:
你可能脾胃虛弱,胃酸過多,故吃青欖會有不適.吃1粒應該没問題的.青欖性平,一般人群可服,胃酸多就配無花果,陳皮等煲湯.
芳姐您好～
我家女兒三歲容易氣管敏感咳，沒有痰聲佢唔啃吃藥請問我可以煲些什麼俾佢飲呢？如好返又應該煲些什麼保健加強體質呢？謝謝～
陳太:
易氣管敏感,可以用虎乳靈芝3錢,雪耳3錢,南北杏1兩,無花果4粒,生薑3片,紅棗5粒煲鷓鴣湯供服,全家可飲,有助强壯肺氣,增强抗病能力,好味的,一星期2劑.
多謝回覆～祝你2020年新年快樂，身體健康
芳姐，你好
小兒4歲半，前2日發燒退後，一直咳，有痰聲，但痰咳不出來，流鼻水，喉嚨痛，本身有氣管敏感，有聞緊哮喘藥，現在就食緊一D止咳藥，飲上边的湯可以嗎？
Mandy:
你試用鮮龍脷葉1兩,金羅漢果1個,南北杏1兩,雪梨2個,去核,陳皮1個,6碗水煮半小時成4碗,仔仔一天分服2碗,可服2天.吃西藥後2小時飲,連服2劑.如鼻水多加3錢辛夷花同煮.
你好
芳姐想問小朋友身體瘦弱體質差可以飲滴雞精嗎？
芳姐，阿女早兩日流鼻，但鼻水唔多，現在開始幾聲咳，請問可以煲呢個湯嗎？暫時咳冇痰。佢氣管好差，次次咳會慢慢幾成氣管炎
Carrie:
你可以煲這款湯供囡囡飲,如鼻水多加6朵辛夷花同煮.
Hello芳姐，我仔仔成日有咳，痰和鼻水。自從3歲起，一星期幾次食咗飯一陣會連痰一齊嘔出嚟。可以㷛什麼湯水。
Karen:
你用蘇子,萊菔子各3錢,陳皮1個入茶包袋煲瘦肉粥供仔仔食,一星期2~3次,至症狀好為止.如不喜食粥,就滾瘦肉湯供服,滾30分鐘可飲,對小兒痰咳很有益.
芳姐，你好！我小朋友3歲半，患上呼吸道感染，無流鼻水有咳聼到有痰聲，但痰咳不岀來，請問有什麽湯水可以推介？🙏
ping:
你可用蘇子,萊菔子各3錢及陳皮1塊入茶包袋煲瘦肉粥供小朋友食,連服3劑,有助清痰止咳.
芳姐，你好，我小朋友6歲，氣管炎睇咗幾次醫生還未清，咳嗽有痰，但咳唔出啲痰，無鼻水，請問可以煲啲咩湯水？
芳姐您好，囝囝4歲，氣管好差，一轉天氣就咳唔停，呢2日有黃痰，鼻水，有朋友話煲魚腥草加萍果，可以嗎？謝謝
Cat:
你試用我今天介紹的[鹽蒸橙],供仔仔食用,鹽放很少就夠.橙皮要洗得很乾淨以去農藥，蒸熟吃時可以用湯匙稍用力壓榨橙汁供服.連服3天.
您好芳姐，
小兒今年7歲半，由k1—k3, 咳足三年，小學開始，情況開始好轉。但每日都會流鼻水，每日都要擦鼻。請問有食療/湯水可以改善，或斷尾？
雯:
你仔仔肺氣弱,可以用蟲草花5錢,虎乳靈芝3錢,雪耳2錢,南北杏1兩,紅棗6粒,生薑2片煲鷓鴣或鵪鶉湯供服,一星期2劑,服兩,三個月.另外可以去裕華或農本方買[玉屏風散]沖劑,一星期沖服3次,有助增强抗病能力.
您好芳姐，
我的小兒一歲半，由細到大都用針筒飲水，唔肯用杯，食野方面，飯量細，有時仲唔肯食。體重偏輕。有咩野湯水/食療健脾胃。
同埋佢好多野都唔肯食，完全無食慾，好令我擔心，麻煩您啦🙇♀️
心急人上
Iris
Iris
Iris:
你仔仔情況要你們悉心教導,學習用杯飲水,自己學習吃東西,例如餵食時另外烚些珍珠粟米仔,紅蘿蔔仔供他自己咬,少吃零食.可以用絞碎牛肉3兩,隔晚用一碗水浸住,第二天牛肉連浸的水蒸燉半小時,加少許鹽供服,一星期3劑,有助健脾開胃.
芳姐您好！我個仔3歲，最近也有上呼吸道感染，咳嗽有痰音，流鼻涕和打噴嚏。他的氣管也很敏感。咳得多容易喘。我在美國，這邊沒有青欖和柿餅。可以用哪些來替代呢？謝謝！
yan:
你用白蘿蔔1個,雪梨1個,去核,陳皮1個,4碗水煮半小時成2碗,一天分服,有助舒緩氣管敏感.流鼻水等可以用鮮薄荷葉4棵,生薑3片,葱白3條煲水,大約滾10分鐘可飲,會有幫助.
芳姐：您好
請問家人有肺炎 屬初期 現在住院 有食抗生素
可以煲d咩湯水飲用 我有煲蘋果無花果水適合飲嗎 多謝芳姐
Haze:
你可以買鮮魚腥草,用2兩,紅棗5粒滾瘦肉湯供服,滾20分鐘就成,連服3劑,有助消炎解毒.
芳姐你好，小女5歲，17號開始發燒，睇左醫生，喉嚨好紅，無鼻水，小女話喉嚨痛，偶爾會咳兩聲，聽落去有些少痰…請問尼個湯水可以用得嘛？巨會口臭
Emily:
你囡囡是喉嚨發炎,試用金羅漢果半個,胖大海3錢,板藍根3錢,4碗水煮20分鐘成2碗供一天分服,連服2~3劑.如喉痛不好要看醫生.
早晨芳姐
我老公已咳了3星期同有鼻水, 痰和鼻水係白色
煲龍脷葉, 桔餅 2個, 南北杏 湯水比佢飲可以嗎？
早晨芳姐
我老公已咳了3星期同有鼻水, 痰和鼻水係白色
煲龍脷葉, 桔餅 2個, 南北杏 湯水比佢飲可以嗎？
另外阿女（7歲）今早突然痰小小綠色, 冇咳, 輕微鼻水, 應該煲咩湯？
謝謝
謝謝
訪客:
你可以用桔餅2個,南北杏兩,陳皮2個,辛夷花3錢,6碗水煮20分鐘成4碗,你先生和囡囡一天分服,有助化痰止咳收鼻水.囡囡痰有綠色要留意變炎症,要多飲暖水,多休息.試蒸一個鹽橙供食.橙洗乾淨,切開頂部,用刀界三下,加少許鹽,放碗中隔水蒸半小時,用湯匙壓橙汁供服.
謝謝你回覆。
另外好奇一問，見你煲的湯水都是用富士蘋果，為甚麼不是用蛇果。
還有蘋果必須保留皮嗎？
Jenny:
我覺得富士蘋果肉厚多汁又甜.蛇果有時不太甜,除非有機那種,但要14元左右1個.蘋果最好連皮用,要先浸熱水片刻,去蠟,再用鹽洗擦走農藥才用.
哦…明白晒。
原來可以這樣清洗蘋果，謝謝你。
芳姐你好，重感冒一個星期，不見好轉，抗生素都換了兩種，就是很多鼻涕，黃色綠色的鼻涕，很多很多，總是收不了，有咩方法可以緩解？
可樂媽:
你試用辛夷花3錢,蒼耳子3錢,金銀花3錢,葱白4棵,4碗水煮半小時成2碗,一天分服,葱白後下,連服3劑.
芳姐:
甜杏仁是否南杏?
芳姐，請問呢個湯食緊西藥期間飲唔飲得？定係平時保健用？阿女氣管炎，岩岩食完打生素療程，佢好易氣管敏感
Carriechung:
你囡囡服西藥隔2小時可飲此湯,可連服3~4劑.甜杏仁即南杏.
芳姐你好，我兒4歲。
他的鼻子常索下索下，好像有鼻涕（但無流出來）
星期天，吃多了水果，零食。
昨天起有點咳。不是咳得密，無痰。
我可煲甚麼湯水幫他。
之前他返學，咳了很久，煲龍利葉，頗有用。今次情況也適合嗎？
Jenny:
你可以煲些龍脷葉湯供仔仔服,如鼻水多,可用6朵辛夷花拍碎泡茶供服,可加蜜糖,連服3劑.
謝謝你回覆。
另外好奇一問，見你煲的湯水都是用富士蘋果，為甚麼不是用蛇果。
還有蘋果必須保留皮嗎？
Jenny:
已作回覆.