兒童長新冠調理—太子參雪耳核桃花果湯
小朋友患上新冠會令父母非常憂心，因為有些幼童會出現很多後遺症，包括咳嗽、疲倦乏力、食慾不振、頭痛、焦慮、容易發脾氣、注意力不集中、記憶力下降等，所以家長最好盡快帶家中幼童接種疫苗，及外出必須戴好口罩，時常清潔雙手作防禦。
如果小朋友不幸受到感染，除了看醫生治療，症狀稍為緩和不妨多用食療來作調理，因為食療容易入口，小朋友一般不會抗拒。
由於患兒普遍有精神不振、體虛乏力、食慾欠佳及咳嗽等不適，可以用太子參煲湯作保健之用。太子參又稱孩兒參，它不是參科植物，屬石竹科植物孩兒參的塊根，它有類似人參的功效，雖然力稱弱，但對小朋友來說勝在安全，不會有上火及其它副作用。
太子參藥性很平和，味甘，有補氣生津、健脾養胃等功效。用太子參配合雪耳、核桃肉、百合、杏仁、無花果同煮湯，對咳嗽、倦怠乏力、脾胃差、注意力不集中、夜啼、驚悸的患兒很有幫助。
用料是：太子參3錢，雪耳3錢，核桃肉1兩，百合1兩，南北杏1兩，無花果4枚。
做法：材料分別浸洗；雪耳去蒂；全部材料用7~8碗水煮1小時成3~4碗即成。
~ 小貼士：此湯清潤，鹹甜皆可，全家可飲。甜的加冰糖；鹹的加瘦肉或鷓鴣不肥膩的肉類同煮就成。
芳姐你好，
小兒7歲，這幾日有點凍親感冒，昨晚飲過一次生薑蔥白紅糖水，今早起床明顯好好多
他本來有鼻敏感，好容易感冒
請問還可以煲什麼湯水調理嗎？
多謝芳姐解答
黎小姐:
玉屏風散顆粒沖劑能預防傷風,感冒,可以去裕華或華潤堂買,或農本方買都可以.西營盤皇后大道西一帶亦有磨成粉狀的藥粉賣,售價便宜.因為主要是三味中藥,北茋,防風,白朮.都不屬貴價藥,故可以考慮到該地方買,每天或隔天給你仔仔沖服1杯,服半個月應該有效.
芳姐你好，如果用太子參，南棗，茯苓，熟薏米，唔想加冰糖，但小朋友唔鐘意飲，可否煲好後加蜜糖？謝謝
訪客:
可以用蜜棗代替冰糖的.
芳姐，用合桃煲湯，時常帶有一點苦澀味，有什麼辨法可去除？謝謝
訪客:
你買去衣核桃肉就不會苦,主要是核桃皮有苦味.
唔該芳姐
小朋友5歲，訓覺時一訓落枕頭就咳，半夜5點又咳，早上有鼻涕，但日頭就冇咩咳，可以食咩好返，已經一段時間，佢
訪客:
你試用紫蘇葉3錢,葱白3棵,甘草2錢,3碗水煮15分鐘成2碗,一天分服,連服3劑,看能否改善?
芳姐你好，
小女11歲，前兩日中咗新冠. 一路高燒至有時104度. 吃退燒藥後會退到101左右. 但現在第三天還燒又有咳嗽. 她說有一點東西在咽喉裏. 請問她除了退燒藥還可以吃什麼來幫她退燒和減輕咳嗽呢？謝謝你！
Christy:
你可用青欖10粒拍鬆,金羅漢果半個,雪梨1個去核,5碗水煮成2碗供服,連服3劑,服西藥亦可飲,有清熱利咽消炎作用.
多謝芳姐. 如果我找不到青欖，請問可用什麼來替代呢？
Christy:
你可用百合5錢,北杏3錢代替,有潤肺止咳功效.
芳姐，請問小朋友一星期飲一次太子參湯水作保健是對身體好的嗎？謝謝
訪客:
太子參補氣又平和,一星期1次可以的.
小朋友胃口好，但面色不好又偏瘦，食極不長肉，請問有什麼湯水可以常煲給小朋友飲？
謝謝芳姐
LingLing:
你平日可以多煲些紅棗小米粥供食,可加藕粉令粥香滑些,加小朋友喜歡的肉類都可以.小米最健脾,助吸收.日常亦可以多用淮山,蓮子,芡實,茯苓各1兩煲紅棗鮮魚或肉湯,全家可飲.
謝謝芳姐
芳姐，請問茯苓還是土茯苓？
LingLing:
是白色的茯苓,不是土茯苓.
知道唔該
芳姐太子參對五歲小朋友可否作日常補健湯水？一星期飲一次可以嗎？
另外石斛是否對小朋友也很好的？唔該
Cwai:
太子參5歳小朋友可以一星期1~2次應用.石斛性質平和,小朋友也可以用,有養胃陰,明目等功效.
芳姐，請問三，四歲的少朋友也可以用太子參嗎？
如果清浦涼湯包內有黨参，可否再加太子參？
Dede:
太子參又稱孩兒蔘,屬石竹科植物不是參科,小朋友氣虛就可以用,清補涼料如果黨參分量不多可以加,否則不用黨參,改用太子參對小朋友更佳.
多謝解答
你好芳姐，我女差唔多3歲，中過2次新冠
第一次係上年2月個次只有燒冇咳冇鼻水
第二次係上年12月，當時只有痰冇咳，我燉左川貝肉眼陳皮3日就好
每次有鼻水就用辛夷花焗水都好有效
但最近佢年30晚之後初一早上起身咳帶痰，痰好濃稠，又咳唔到出黎睇唔到咩色，只知日頭咳比較多，試過燉川貝2次但之後去了日本就冇再比湯，只比猴棗奠散，川貝陳皮粉末，可能加奶飲，效果欠佳
而家已經接近2星期，時好時唔好，有咩方法可以幫到?
試過川貝蒸柿餅，唔係太肯食…
米媽:
已作回覆.
感謝回覆
芳姐 你好 囡囡2歲9個月 剛感染完新冠轉陰性，請問可飲此湯 囡囡當時感染時發高燒 沒有其他症狀 請問除此湯之外 還有其他湯水作調理，謝謝芳姐！
Joyce:
你囡囡已轉陰性就好,可以飲此湯的.另外可以煲些木瓜杏仁雪耳百合糖水以清熱潤肺,全家可飲.
謝謝芳姐 解答
芳姐你好
我哋一家岩岩中完新冠兩星期，仔仔一歲半，無打針，轉陰之後都一直仲有鼻水，而且會鼻水倒流引起咳嗽，佢又太細過唔識咳痰出嚟，請問有無湯水可減少鼻水？呢個湯如果加鷓鴣，可以唔可以同時加果皮呢？謝謝。
Lucia:
此湯可以加鷓鴣的,全家適合飲用.仔仔可以另外用6朵辛夷花剪開泡茶供服,歲半可加少許蜜糖,好味些,連服3天.有助收鼻水.
芳姐你好，
小兒14歲，中新冠剛好轉陰，但上下唇非常白，晚上睡眠脈搏比之前低了10下（之前68，依家58），請問此湯對我兒有幫助嗎？或者有沒有更合適湯水，謝謝你！
蔡太:
你仔仔14歲,可在湯料中加3錢北茋及15粒圓肉以行氣補血,連服3劑.
HELLO芳姐,小朋友頸部細細個半歲開始有一兩粒淋巴核可以見到,特別系佢郁一郁就會好明顯,到宜家兩歲有五粒細細粒淋巴核,去睇醫生又話有咩,想問可以有咩食療幫助下嗎?
YU:
你可用浙貝母3錢,夏枯草5錢,金羅漢果半個,5碗水煮成2碗供服,一星期2~3劑,至痰火核減少或消失為止.
你好芳姐，我同仔仔啱啱中完新冠，過左兩星期仔仔又感冒，而且咳得好勁。請問以上湯水啱佢飲嗎？
中招媽媽:
如果仔仔冇發燒可飲此湯,但如果感冒未好,可以用白蘿蔔1個,雪梨1個,去核,北杏3錢,6碗水煮成2碗,飲時調入蜜糖,連服3劑.
收到，非常感謝
芳姐早安因我平身有玫瑰痤瘡但最近發現卵巢有血塊心裏十分擔心為何會這樣芳姐請問可飲些什麼食療可幫助減輕此証
Ada:
你平時宜暖飲暖食,少吃生冷寒涼及凍飲.可以用山楂3錢,生薑4,5片,紅糖適量煲水10分鐘代茶常服.黑木耳,紅菜頭也可以適量食用,有助活血袪瘀.建議看中醫作調理.
芳姐，如果有子宮肌瘤，日常可飲什麼來改善？謝謝
KL
子宮肌瘤最重要少吃燕窩,紫河車,快大家禽等激素多的食物.平時可以多用白背黑木耳煲湯服,飲湯吃黑木耳,但只能吃幾多浸幾多,黑木耳不宜浸過夜.
謝謝，知道了