清肝明目—夏枯草菊花茶
連續幾天假期，不少網友會趁新年假去外地旅遊，主要是想減減壓。打工一族日常工作及生活壓力大，經常捱夜，常食油膩及辛辣的食物，容易令肝火旺盛，出現煩躁易怒、眼睛紅筋多或乾澀，睡眠質素欠佳等，故久不久需要外出散散心，也需要清清肝火。
今次推介這款簡單易煮的「夏枯草菊花茶」，對肝火盛，身體出現頭痛、失眠、脾氣暴躁人士十分有益。
用料是：夏枯草5錢，菊花3錢，冰糖適量。
做法：夏枯草浸洗乾淨；菊花沖洗；用6碗水將夏枯草煮30分鐘，加入菊花再煮5分鐘，最後加入冰糖煮溶成3碗左右即可供服。
~ 小貼士：此茶清香微有苦味，所以加些冰糖好味些，不加也可以。菊花可用杭菊、胎菊或貢菊，療效差不多。
芳姐，
祝新年快樂，身體健康。
2020年做左切除肝臟6成既手術，原因係肝臟有石，本人唔飲酒食煙，只係捱夜比較多⋯
因為自己一個人住，做完手術冇調理好身體，上個年頭開始，頭暈（醫生話我有缺鐵性貧血），醫生話肝臟已經復原。
想問下有冇咩湯水可以作出遲來既補救，謝謝你
高妺:
你可用紅豆1兩,紅衣花生1兩,杞子1湯匙,紅棗6粒,去核,5碗水煮成2碗服食,要連湯料食,可2天分服,一星期2劑,服4天.服用1~2個月可改善.如想療效更佳,可4錢黨參同煮.此外,淡菜對缺鐵性貧血很有益,可以經常煲湯或煲粥食用.蒜茸蒸青口都有益,淡菜其實是較小的青口.
芳姐你好，請問小朋友可以飲嗎？
祝芳姐身體健康，萬事如意，笑口常開！
訪客:
小朋友2歲以上可以飲.同樣祝你和家人身體健康﹗心想事成!