By 芳姐 ( 8 3 月, 2018 at 11:12 上午)
· Filed under 婦科病／產前，產後／不孕, 家常湯餸／雜病, 手術後調理
去鮮魚檔買海魚，見有一些細細條的午仔魚，這種魚肉質鮮嫩美味，製成鹹魚後稱為「域仔]，煎香吃非常鮮美，為老一輩人最喜愛的鹹魚之一。新一代怕鹹魚含亞硝酸鹽致癌物質，故較少食鹹魚了。
我見每條午仔魚口上都有個釣鈎，魚檔老闆娘說由於細條才低價售賣，42元1斤，如此新鮮釣上來的海魚售價也真便宜，買了1斤，揀大條一點的香煎，細條的煲豆腐節瓜湯，煲出來的湯奶白色甘香味美，是健脾補鈣皆品。
用料是：節瓜1個，豆腐2磚，生薑3片，鮮海魚12兩。
做法：鮮魚劏洗乾淨，用少許油煎香；節瓜刮去皮，切塊；豆腐沖洗切塊；燒熱6碗水，將全部材料放入煮45分鐘即成。
~ 小貼士：此湯營養豐富，可作為手術前/後補充營養的湯水，對產後婦女調養都有益。如買不到午仔魚，可用任何小海魚代替。
Permalink
芳姐：
你好！
朋友因工作斷了大拇指，現剛接駁，有什麼食療和湯水可促進痊愈呢？謝謝🙏🏻
Joey
Joey:
手術後可用北茋4條,杞子3錢,紅棗5粒,生薑2片煲石崇魚或海鱸魚湯服,有助加快傷口癒合.連服3劑.
芳姐
飲完三服後，可再吃什麼呢？唔該！
Joey:
吃了3劑,有胃口的話,可以燉些花膠食用,配淮山,杞子,雞肉或瘦肉就成.
謝謝芳姐🙏🏻
感恩🙏🏻
芳姐
街市無石祟和鱸魚，牛鞦可代替嗎？
芳姐
是否做完手術已可以飲呢？thx
Joey:
由於不是內臟手術,手術後可以飲湯就可以飲.牛鰍魚都可以.石崇魚,海鱸魚能令深層傷口加快痊癒,手指手術就無需要用到這類魚都得.
芳姐
多謝🙏🏻
感恩有妳，祝願妳和家人也身體健康🙏🏻
剛做完換較手術，如果煲魚湯加薑，會唔會生肉牙呀？
想問吓，剛做完換手較手術，煲魚湯加薑會唔會生肉牙呀？
Jo:
一般只要不用生魚,山斑魚及田雞煲湯應該不會長肉芽的.可以加2片薑.
芳姐，
請問川貝末是指川貝母？還是普通川貝的粉末？
chan:
是川貝母磨成粉,可以全部服用,因為現在售價都頗貴的.
芳姐，你好！本人懷孕初期，但呢排喉嚨不適，日頭有時喉嚨突然有d氣湧上，引致咳嗽，晚上訓覺亦有咳，最嚴重係早上起床，咳個不停，直至吐出黃痰/黃綠色，才舒服一點。
請問我可以煲d咩湯藥？謝謝
Chan:
有黃綠色痰就要看醫生啦!否則嚴重了更難治理.食療只能作輔助治療,可以用金羅漢果1/4個,麥冬3錢,陳皮1塊,4碗水煮成2碗服,連服3劑.
睇完中醫，無甘咳，但喉嚨依然不適，好似有d野係喉嚨甘，感覺仲有d痰，我可以煲d咩？（懷孕初期）
Chan:
你試用陳皮1個切絲,雪梨1個,去核,甘草4,5片,4碗水煮成1碗服,連服3劑,有助袪痰止咳.
芳姐，
試左你d藥方，好左好多啦，多謝你！但早晚喉嚨仲有d痕，引致咳，未斷尾，請問可以有咩保健湯水？
另外，小朋友4歲，日頭夜晚都有咳，一咳就聽到有痰聲，有輕微鼻水，睇過西醫，但仲未斷尾，請問可以煲什麼？
謝謝你！
Chan:
你試用川貝末4錢,蘋果2個,去皮,去核,陳皮1個,5碗水煮半小時成3碗,你和仔仔一天分服,有助化痰止咳.川貝能減少氣管痙攣咳嗽,要多服幾劑才見效.
請問孕婦6個月，飲咩湯水好？
訪客:
懷孕6個月,可以飲飲補鈣湯水,如這款節瓜豆腐鮮魚湯;薑汁鮮奶燉花膠等,可在左手邊[婦女產前/產後]一欄找合適湯水.或買我本《懷孕天書》,海濱圖書公司出版,張佩芳著.內裡有齊整個懷孕期合適的食療.
芳姐：
我的經期在五年前左右開始變得少，得三日左右，到前年 （16年）開始，只得 一日經期，一日經期的量如其他女士第一天的量，但第二天就 突然少到只需用護墊的量。沒有經痛，但有腰骨痛。
請問有沒有食療或湯水可以幫助？
感謝。
Liane
Liane:
你可以買些烏雞白鳯丸,隔日服食,食用1個月,看能否改善?另外可用益母草5錢,紅棗6粒,紅糖適量,4碗水煮成2碗服,一星期2劑,至下次來經停服.
芳姐您好，下個月我會接受子宮，卵巢切除和腎臟切除手術，我可以也依照你的手術後調理湯餸去調理身體嗎？謝謝！
new:
你做的是大手術,可以依照我本著作的食譜調理身體,但必須依照醫護指示,幾時才能半流質飲食,幾時才能吃正餐?一定要聴足吩咐,不能操之過急!
芳姐，多謝您的意見。🙏🏼
芳姐: 請問邊種海魚比較沒受污染, 馬頭魚那些好嗎?
Priscilla:
一般新鮮的小海魚,如馬頭,牛鰍魚,紅鱣魚等都很好,只要不是深海魚就成.
芳姐悠好：
請問生蛇（頸背開始生）醫生說沒有藥可以吃， 可以煲那些湯水有一定幫助？
謝謝
yin:
生蛇如果黃金72小時內服藥,很快會好.你看過另外一個醫生吧!用新鮮馬齒莧2兩,生薏米1兩,綠豆2兩煲水代茶服,連服4~5劑應可改善.
芳姐，
淮山, 雞內金, 紅棗, 陳皮煲粥可化胃氣, 但如有便秘是否不能落淮山? 能用什麼代替?
訪客:
你用合掌瓜代替淮山.
芳姐，
你好! 囡囡1歲有少少咳同傷風, 精神唔好, 脷胎白白黃黃, 好似作感冒, 有咩煲粥或煲湯適合呢？
訪客:
你試用白蘿蔔半個,去皮切片,雪梨1個,葱白3條,冰糖少許,4碗水煮成1碗,葱白後下,連服2劑,看能否改善?
謝謝芳姐!!
如她有痰唔落冰糖可以嗎？
訪客:
有痰不要放冰糖.
謝謝芳姐!!
芳姐，
請問雪梨係唔係連皮呢？葱白後下大約煮幾耐?
訪客:
雪梨皮化痰止咳,連皮用,但要清洗很乾淨才用.葱白煮3分鐘就成.
芳姐你好，
媽媽一個月前中風及開腹切除脾藏，可以飲什麼湯水增強她抵抗力？謝謝
King:
你可以用北茋1兩,黨參4錢,紅棗6粒煲石崇魚或海鱸魚湯供服,有助補氣血,增强體質,連服3劑.
芳姐,
感冒過後總是有白痰不清, 擦牙後特別多痰, 另氣管近日有似打EGG的感覺,
但又唔是打EGG, 因為打EGG 飲水後會止的, 間中有點感到呼吸困難 , 真是煩,
有氣管敏感, 飲食又無問題, 既不似胃氣. 想麻煩妳, 萬分感謝!
田:
你試用法夏3錢,茯苓,白朮各4錢,陳皮2錢,生薑3片,甘草1錢,5碗水煮成2碗服,連服3劑,應可見效.
芳姐，孫兒2歲半近三天喉嚨發炎引起發燒，請問芳姐我可以煲什麼湯水给孫兒飲用減低佢喉嚨發炎，謝謝芳姐
amy5:
你可用羅漢果1/4個,金銀花3錢,胖大海3錢,4碗水煮成2碗供孫仔一天分服,連服3劑,有助清熱利咽消炎.如買到金羅漢果會好味些.
芳姐你好 請問如果乳房有纖維瘤或乳腺增生 能吃花膠嗎 花膠有激素嗎 謝謝
Yee:
未聴聞花膠含激素,患乳房纖維瘤應可以適量食用.