小兒痰火核—金羅漢果陳皮水
俗語有謂：「羅漢果，去痰火。」雖然羅漢果較蔗糖甜300倍，但不會升血糖，而且有潤肺化痰等功效，對經常吸煙、常捱夜、易上火者，以及教師、歌唱者、推銷員等常用聲帶之人非常有益，可泡茶來飲。
羅漢果對於那些易生痰火核的小兒亦很有幫助，但有些小朋友不太接受羅漢果奇怪的甜味，如改用低温烘焙的金羅漢果，其清甜味會容易接受。
低温脫水處理的金羅漢果，顏色黃綠，內瓤白嫩，上下兩孔，果肉飽滿。味道清爽甜潤，亦由於低温快速脫水處理，營養流失較少。配南北杏、陳皮同用，對小兒痰火核療效更顯。
用料是：金羅漢果半個，南北杏5錢，陳皮2個。
做法：金羅漢果拍碎，南北杏沖洗；陳皮浸軟後剪碎；全部材料用6碗水煮半小時成4碗，可分2天服。
~ 小貼士：優質的金羅漢乾果是用低温長時間烘烤的，外殼已乾，但內瓤有糖潤感，淺褐色，没有焦苦味。所以購買時要作選擇，要挑選皮色均勻，搖不響，殼没破爛，大個而圓的為佳。此茶老少可服。
請問用普通羅漢果, 加無花果可以嗎?會較容易入口?
Pat:
我覺得金羅漢果的味道清甜,但如果你用開普通羅漢果也没問題的,按個人口味選擇就成.
謝謝芳姐。
請問咩係痰火核？即係啲痰係深色？
Pat:
痰火核是頸部淋巴結核,一般細細粒,觸摸下這些淋巴核外表圓滑可推動,透過食療可以消除.
芳姐你好，如果小朋友有鼻水加咳，微燒，可否飲羅漢果水，飲羅漢果水要分寒咳，熱咳嗎？
訪客:
羅漢果利咽消炎,對熱咳較有益.痰黃,喉痛可以用,因屬熱症.鼻水多加6~8朵辛夷花,宜後下.
芳姐你好
如果兒子4歲，口嚨痛（我覺得係熱氣和脾胃差），請問羅漢果水適合嗎？我身在海外，家中有羅漢果，南北杏，陳皮，但其他中藥材就沒有和未必買不到。
如不適合羅漢果水，可煲什麼湯水可清熱並舒緩喉痛？
謝謝你！
SK:
你可以煲些羅漢果水供服,對喉嚨痛有幫助.如加些雪梨,蘋果,南北杏同煮更佳.
芳姐陳皮水有什麼功效? 小朋友可飲嗎
有一些簡易的消滯茶可給小朋友飲?謝謝
Daisy:
陳皮理氣化痰,可以配些炒香麥芽入茶包袋泡茶供了朋友飲,有助消積滯,化胃氣.
謝謝芳姐，食物方面可以食雞蛋？蒸魚嗎？可以食蘋果，其異果嗎？
陳小姐:
可以食雞蛋及蒸魚的,蘋果,奇異果等生果可以食,適量食新鮮蔬菜生果反而有益.
你好芳姐，女兒3歲半， 好多痰，好咳，好多鼻涕，9／1發燒，食了退燒藥退了三日特然昨晚又開始發燒，咳得更厲害，醫生說是支氣管炎，正準備進入肺炎階段，但現在暫時未肺炎，開了抗生素，請問我應該煲什麼湯水給她有幫助？ 魚腥草湯有幫助嗎？現在我只給她吃豬肉，蕃茄，菜，飯，麵，粥，其他不敢給她吃，請問可以食雞蛋？魚嗎？可以飲魚湯嗎？ 紅衫魚湯可以飲嗎？那些魚湯可以飲？好擔心，麻煩你解答，感謝
陳小姐:
魚腥草能殺少量病毒,對你囡囡有益,可以用4兩,加南北杏1兩滾瘦肉湯,全家可飲.如果燒未退,可以用蘆根5錢,生薏米1兩,淡竹葉1扎,5碗水煮成2碗供一天分服,有助清熱退燒,很平和的,可連服3天.魚湯待燒退了才飲.現時飲食以清淡為主,痰多可以用洋葱1個,放碗中不用加水,隔水蒸半小時,用湯匙壓洋葱汁供服,大約得3湯匙左右,對支氣管炎有益.
請問芳姐魚腥草南北杏滾瘦肉湯應該煲幾耐？需要加陳皮嗎？加幾多？謝謝
陳小姐:
鮮魚腥草4兩,南北杏1兩,瘦肉適量,6碗水滾20分鐘成4碗,全家可飲.
請問我只是痰咳，一咳連鼻水一齊來，食止咳成藥好幾天都唔得，可以飲這羅漢果陳皮南北杏水嗎?
wonglaukit:
你可以飲這款湯水,如鼻水多可以加8朵辛夷花同煮10分鐘.
芳姐,
我昨日煲了金羅漢果 加 胖大海, 飲了後, 現在就可以吐到黃痰出來.
現在喉嚨痛+發燒+發冷+又有出汗中, 已食西藥, 請問還有什麼可煲來飲?
謝謝賜教! ^.^
Claris:
痰黃表示炎症未消,可以繼續吃西藥消炎.另外用鮮魚腥草2兩,蜜棗2粒,陳皮1塊滾瘦肉湯飲,滾20分鐘就成,連服3劑,服西藥後2小時才飲較佳.
芳姐,
近日,我同亞仔 15歲近都有感冒, 他和我都喉嚨腫脹/腫痛, 牙肉腫痛, 有痰咳唔出(唔知乜野顏色) ,個人比較累, 請問可以煲什麼湯水?
注: 仔有G6PD
Claris:
喉嚨痛,試用金羅漢果1個,胖大海5錢,陳皮2個,6碗水煮半小時成4碗,你和仔仔各服2碗,連服3劑.G6PD患兒可以飲的.但這個時期都要小心,如有發燒及症狀嚴重一定要做些快速測試及看醫生.
有去睇醫生呀！食完西藥，就有其他徵狀出現，所以問問你有冇食療可以幫助！
謝謝芳姐！^^
祝大家都平平安安，身體健康！❤️
芳姐，您好。 請問懷孕21週喉嚨乾小小咳可以飲焗羅漢果芯茶喝嗎？ 天氣乾燥，新鮮的無花果，雲耳。。。霸王花湯OK嗎？ 親家母煲清補涼湯有薏仁，也下當歸，孕婦能喝嗎？ 勞煩您賜教有關的食療。謝謝您。
蘇太:
懷孕不宜用薏仁,木瓜等食物,因為會令子宮收縮.清補涼湯有益,只要將薏米拿走煲就不成問題.當歸如果配其它補益中藥,少量吃也可以,但孕婦宜涼潤,產後才適合温補,宜多用涼潤湯水.羅漢果配無花果當茶飲,有利咽潤喉作用.雪耳,鮮無花果適合食用.孕婦不宜用花草茶,花煮湯亦少用.
你好，芳姐
請問你四神湯煲定燉好？煲的話要煲幾耐？？我想加瘦肉，果皮，紅蘿蔔，粟米，小朋友剛支氣管炎和感冒初癒， 昨天剛停食抗生素， 而家仲有幾聲咳同流鼻水請問現在適合飲這個湯嗎？ 在網絡上的食譜我見到四神湯要加豬腸同米酒請問需要嗎？ 謝謝你解答祝身體健康
陳小姐:
四神湯主要是4種有健脾益氣,强身健體的淮山,茯苓,蓮子,芡實,放任何肉類及加些紅蘿蔔,粟米,陳皮,紅棗等完全可以.我不會加豬腸,怕有異味.小朋友感冒初好可以飲此湯.如尚有些不適可加百合和南北杏同煮.
9個月大bb, 流鼻水痰咳可以飲嗎？
Yomi:
此茶嬰兒可以飲半杯.
芳姐
小兒9歲，有小許鼻水未清和有咳。但咳時無痰，只是喉嚨好痕。煲羅漢果，陳皮，有幫助嗎？
恩:
喉嚨痕通常有點風,用桔餅薑棗茶較理想.
芳姐
我仔8歲，最初喉嚨痛好番。現有小許鼻水未清和有咳。但咳時無痰，只是喉嚨好痕。煲羅漢果，陳皮，有幫助嗎？
芳姐，您好我的女兒八歲半喉嚨痛，有鼻水，打噴次，晚上鼻塞睡不著
訪客:
你可以用金羅漢果1/6個,胖大海4,5粒,辛夷花3錢,4碗水煮15分鐘供一天服,連服3劑,有助紓緩.
你好芳姐，屋企小朋友呢排有痰，在喉嚨卡住，一直發出很大聲音想將痰整出嚟，但一直整唔出，不知道她是寒或是熱底。請問有甚麼方法能化痰嗎？我現在係美國，不知是否可以買到全部材料，謝謝
馬小姐:
你可用梨子2個,連皮洗淨,去核,加個陳皮,剪碎,放燉盅內,用2碗水燉1小時供1天服,如有川貝更佳,加2錢同燉,有助袪痰.連服3劑.
芳姐你好，我仔一歲，同時佢又開始出緊牙仔。
我仔好似有痰困住咽喉間的感覺。佢有時會好用力的噴出聲音，應該係從深喉與鼻腔間發出的，不明白點解會咁。有時佢又會好似大人想吐痰「卡～～～吐」果種咁「卡～」出聲。我應該煲咩湯水佢飲呢？
另外，佢左臉上開始有少少濕疹想發作，之前摸上去係紅、有少少凸同鞋，依家只係不斷搽藥膏同凡士林做舒緩，係明顯有少少無咁鞋同有少少平伏，但依然有疹係臉上，尤其瞓緊同瞓醒果陣會比較紅，呢個情況大概係天氣轉冷果陣開始就咁，所幸的是未見佢不斷抓癢塊臉。之前有帶去睇醫生，果陣臉上無疹嘅，係只有背隻沖完涼先出現一粒粒。醫生話我仔係濕疹+熱痱底人。咁請問又可以煲咩湯水呢？
謝謝🙏
呱呱:
你可用蘇子,萊菔子各3錢,陳皮1個切絲入茶包袋,與白米煮成粥供食,連服3劑,有助袪痰.如果仔仔不喜歡味道,可加瘦肉同煮.濕疹可用地膚子,白癬皮,側柏葉各5錢,6碗水煮半小時作外洗劑,用藥棉沾藥汁塗濕疹患處,一日3次,有助消疹止癢.
芳姐你好
請問煲羅漢果是否一整個殼連芯一齊煲？因為朋友說她上網見有人話唔好煲埋個芯，因為會惹痰，只要用外殼煲就可以了，想請教對嗎？
謝謝指導。
Jamjam:
羅漢果皮及芯都可以用,有化痰作用的.
芳姐你好，請問小朋友一歲半，早上起床及晚上睡覺會有痰咳嗽。其他時間正常。適合飲此茶嗎？謝謝
Joyce:
你可以煲此茶供小朋友服,連服3劑,(一劑可以供2人服)有助化痰止咳.
謝謝芳姐。請問這個可以當開奶茶嗎？
Joyce:
如果當開奶茶會頗甜,羅漢果用1/6個就夠.
Hi 芳姐，若成日有痰，要咳下去清痰，呢款湯水可以以嗎？還有咩湯水可以考慮？謝謝妳。
訪客:
你可用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑可清痰.
Thanks 芳姐。是否任何體質都適合？.
訪客:
任何體質可飲.
Thanks 芳姐
芳姐，請問小朋友2歳，近日喉嚨發炎，牙肉帶紅腫，冇胃口，可以配合甚麼湯水？謝謝
卜媽:
你可用金羅漢果1/4個,胖大海4,5粒,甘草3,4片,4碗水煮成2碗供小朋友一天分服,連服3劑,有助利咽消炎.另外可以用鹽水潄口,有助改善牙肉腫.
那是大火後細火？煲好了是否分3次一日？
大約要約多少天？
卜媽:
是大火後轉細火煮,2歲小朋友可以一天分3次服.
小朋友3歲半，前兩日發燒，昨天已退燒，喉嚨發炎，有很多痰，係咁咳，好多鼻涕，鼻塞，請問飲這茶合適嗎？還需要加配什麼嗎？
陳小姐:
此茶可以供小朋友飲,如鼻水太多,加6~8朵辛夷花同煮.
芳姐：
您好！請問這款湯水可以無病都煲來飲嗎？謝謝
PC:
這款湯水可作保健飲品的,没問題.