護肝明目—鮮石斛杞子鮮鮑雞湯
新的一年，謹祝各位網友新年快樂!身體健康!平安喜樂!
新年假期可以煲個靚湯供家人享用，美味富營養的湯水不但能增强體質，更有助營造喜樂的家庭氣氛。
現時的鮮鮑仔很便宜，一碟6~7隻才50元，並可叫檔主代為劏好去腸臟，鮮鮑無論入饌作菜或煲湯都非常美味。今天配些鮮石斛、杞子、紅棗、雞肉同煮，有護肝明目及健脾益氣等功效。
用料是：鮮石斛1兩﹙乾品3錢﹚，杞子3錢，生薑3片，紅棗5粒，鮮鮑6~7隻，走地雞半隻。
做法：鮮石斛沖洗後切段；杞子浸洗；紅棗去核；鮮鮑劏洗淨，與去皮及斬大件的走地雞同出水；全部材料用9碗水煮2小時成4~5碗，即可連湯料同食。
~ 小貼士：此湯鮮甜美味，老少可飲。對糖尿病、手術後、病後體虛人士亦非常適合。
芳姐你好，如果做完頸椎手術可以飲啲咩湯？
Arena:
你可以用巴戟,杜仲各3錢,青仁黑豆1兩,南棗6粒煲豬展湯服,對你有幫助.如有胃口,可以用淮山,杞子,紅棗,雞胸肉燉花膠食用.
芳姐首先祝您身體健康,萬事如意,芳姐最近天氣很大變化,今早超床口很淡有點苦澀,不只可什麼改善
Amy:
你可以手青木瓜1個,雪耳3錢,百合1兩,無花果4粒煲瘦肉湯,煲個半鐘,全家可飲,有助清心潤肺,健脾養胃,此湯不寒不燥的.
芳姐，感謝過去勞心勞力、撥出保貴時間解答問題🙏🏼。
祝願妳和府上各人身體健康，新年快樂！
好好敬上
好好:
祝你和府上各人新的一年身體健康!事事如意!
今年71歲,本人係有骨質蔬鬆症,年輕經常會烈骨,因那些藥太貴,經濟負擔不起冇買來食,在2022年頭因唔小心,抽起個皮箱之後就好痛,因為疫情問題,冇去睇Dr.,只有食止痛藥,其後到覆診期3月(政府家庭Dr.)點知疫情問題冇Dr.睇!只得取藥,期間只有食止痛藥,再後等到6月有得睇Dr.將情況告知,叫我去照X光,照到背部有一節骨貶咗,解釋話威化餅應有三層,我現得兩層之類,現況比之前冇咁痛,但洗頭,伸手向前的動態,好似有人在後拉扯,拿重物都後都覺不適,就食止痛藥,請問這樣啲骨會否有得生翻,見你有一湯方係鹿根杜仲木瓜花生芡實紅棗煲湯,對我這症狀合用?謝謝.
Amy:
你的情況建議最好看醫生,看中醫也有用.平時可以多吃些補腎及補鈣的食物,如黑芝麻,黑豆,核桃肉,海藻,小海魚,豆類及豆製品,金針菇,冬菇,黑木耳,雲耳等.最好每天曬20分鐘太陽及經常用醋煮餸,有助吸收鈣.你提鹿筋這款湯一星期可飲2次.如疼痛甚可用田七5錢,雞血藤5錢,川牛膝3錢,紅棗5粒煲瘦肉湯服.
謝謝芳姐,咁快答我,萬分感激,每星期出去買一次餸,用架車仔慢慢推返來,三年冇出街進食,現在又通關在即,我一針都冇打,所以遲遲冇去睇Dr.,只有忍痛食住止痛藥,起初想遲些才去睇,人算不如天算!你指中醫係跌打定普通中醫?近來有煲好多黑芝麻,黑豆,核桃肉,腰果,栗子,雪耳,雞/豬腳,(粉葛紅蘿扁/赤小豆腰果薏米牛大力土茯苓煲湯)你話用醋煮餸,煲豬腳薑可行?不過那些係黑醋.每日都食Dr.比鈣片,飲豆漿加麥皮,(豆漿係自己整),之前買咗半斤干豬腳根,若照你湯方代替鹿根來煲可以嗎?網上睇到話豬腰/尾對腰骨煲湯都好,又是否合適?非常多謝你提點,我係獨居,只有靠睇網上知識,無意中睇到你,真係幸運.祝安康.🙏🙏🙏
Amy:
看普通科中醫就成.最好幾間大學的中醫門診,骨傷科收費貴,如果你經濟負擔得到看中醫骨傷科最理想.用巴戟,杜仲,川牛膝各3錢,南棗5粒煲豬展湯服,對腰痛很有幫助,先連吃3劑,停3天,如有改善再煲3劑服用.