By 芳姐 ( 18 4 月, 2011 at 7:28 上午)
· Filed under 外感/頭痛/呼吸道病
很多時感冒後會喉嚨不適,咳過不停,無論寒咳,熱咳,都可以用鮮龍脷葉,石黃皮煲湯作調理.鮮龍脷葉,石黃皮是山草藥,民間常用來治療感冒後咳,痰火喘咳,喉痛,支氣管炎等,配合南北杏同用,能清燥潤肺,化痰止咳,加兩個蘋果,及紅蘿蔔同煮,無論寒咳,熱咳都適合.
用料是: 鮮龍脷葉1兩,石黃皮2兩,南北杏1兩,蘋果2個,紅蘿蔔1個,瘦肉4兩.
做法: 瘦肉出水;蘋果洗淨,去核切塊;紅蘿蔔去皮,切塊;其餘材料浸洗;將全部材料放入煲內,用6碗水煮個半小時成3碗左右即成.
~ 小貼士: 如果咳嗽重濁痰黃稠屬熱咳,蘋果可用雪梨代替.此湯清甜好味,藥味不重,對內傷肺陰,經常咳嗽者亦適合,要多飲幾次.
Permalink
芳姐你好呀,請問此湯可加青欖一齊煲嗎?
小女半夜咳(喉嚨痕),應寒咳,青欖寒涼嗎?🙏🏻🙏🏻
Suki:
青欖微温,可以加青欖10粒同煮.
芳姐你好,想請問下小女九歲,連續發燒一星期,現在暫時退燒了,但是一直咳嗽有痰聲,痰吐出來是淺黃色。訓到凌晨三四點就會咳醒。呢款湯水岩佢嗎?謝謝。
momo:
這款湯對痰黃有咳痰多小朋友合適,可連服3劑.
芳姐你好︰囡囡2歲, 昨日開始咳嗽、無痰, 今日咳多左, 而我自己喉嚨都開始痛, 龍脷葉石黃皮蘋果湯現在適合囡囡和我飲嗎? 有其他更適合嗎? 謝謝您!
vanessa:
你可囡囡都可以煲這款湯,喉痛可加金羅漢果半個同煮.
芳姐,我囡囡今天咳嗽之餘,開始有鼻水,繼續飲個湯嗎?還是煲其他嘢比佢飲?
Vaneesa:
可以繼續飲這款湯,另外用6~8朵辛夷花剪開泡茶供服,可加蜜糖,有助收鼻水.
芳姐早晨:今朝囡囡咳嗽時聽到有痰了,但沒有咳出痰,加入枇杷葉煲這個湯適合?還是煲其他嘢?
Vaneesa:
你可用蘇子,萊菔子各3錢入茶包袋煲瘦肉粥供食,對小朋友痰咳有益.蘇子是紫蘇的種子,萊菔子是白蘿蔔的種子,能袪痰.
芳姐你好,什麼情況下才需要同時加上枇杷葉一起煲?
Sluming:
通常肺熱痰咳才要用枇杷葉.寒性咳嗽不宜.
芳姐您好!
小兒18個月大,傷風感冒第3天,第一天發燒已退,還有咳,很多痰和鼻涕唔識‘申’出,晚上成日咳,這個湯可飲嗎?還可以煲甚麼給他等佢晚上唔使該得咁厲害舒服d?謝謝!
Liz:
這款湯你仔仔可以飲,如果痰多可以用蘇子,萊菔子各3錢入茶包袋煲粥供食,加些瘦肉會好味些,蘇子是紫蘇葉的種子,萊菔子是蘿蔔的種子,皆有化痰功效,性質平和,幼兒可用.
芳姐,你好,兩個小朋友感冒,一個兩歲,感冒左6日,瞓著咳有痰,一個4歲開始流黄鼻涕,平日有咳,瞓著都有痰咳,呢個湯岩?
Miffy :
你可以煲這款湯供兩個小朋友飲用,可加1個陳皮.如流鼻涕,可另外用6朵拍碎的辛夷花泡茶供服.
此湯對氣管敏感有冇作用?
小兒有氣管敏感,早上及午睡時較多咳,有時有痰。
此湯適合他嗎?
Jasmine:
此湯對氣管敏感咳及日間咳多有幫助.小朋友如3歲以內,可以分2天飲.
芳姐,你好!
女兒之前發燒,退燒後咳嗽差不多有一個月,現在日間有像氣管敏感咳,帶有少少痰,最近零晨四五點就會不斷有痰咳。加上之前食西藥常常會出冷汗。有那款湯水適合佢飲?
Koel:
你囡囡可以飲這款湯.如汗多可以用炒香浮小麥2湯匙泡茶供服.可沖泡2杯飲.
芳姐 你好! 我現在早上起來會咳出黃痰,間中會乾咳。 日頭及晚上沒有痰 沒有喉嚨痛。 有時會頭痛 反胃。這款湯水適合我嗎?
Shirley:
你可以用這款湯清肺熱,止咳化痰.
芳姐 :
妳好! 小兒喉嚨痛後 ,開始咳嗽。 喉嚨癢癢的,冇痰 ,冇鼻水。他患有癲癇及g6pd ,請問可唔可以 飲 石黃皮龍利葉 。另外有否其他適合湯水可介紹。 謝謝芳姐幫忙。
Thomas:
你可用烏梅2粒,菊花1湯匙,甘草1錢泡茶供仔仔飲,可沖泡至淡,連服3劑,對喉癢咳有幫助.
你好芳姐:
感冒有幾聲咳無痰喉嚨痛呢個湯岩唔岩?
cary:
你可以飲這款湯.有清熱解毒作用.
芳姐你好!小朋友2歲半,想問下朋友送左包太子參比我,有冇d湯水係可以煲比小朋友飲作日常保健?😀
Cherry:
太子參用3錢,可配淮山,蓮子,茯苓各5錢,紅棗6粒煲瘦肉湯供服,全家可飲,有補氣血健脾胃作用.
請問淮山係用曬乾淮山定新解淮山?
Cherry:
5錢是乾淮山.
芳姐,你好!
請問此湯煲半小時已經可以了嗎?通常賣龍脷葉的嬸嬸都說要煲兩小時的,還有是用什麼火煲的,謝謝!
Cara:
鮮龍脷葉煲半小時至45分鐘已出療效,不用煮2小時的.
芳姐,我昨晚在商場Promoter曾試飲過少量玄米茶和胡椒豬肚湯,回家後覺得喉嚨痛,幾小時後就發冷,而家喉嚨痛消退,有鼻水,這是不是感冒初起,請問煲咩飲可以快好返呢?
謝謝芳姐解答!
Tracy:
你可能作感冒,可以用芫荽葱各3~4棵,皮蛋1個(或茶瓜4條)滾豆腐湯飲,有助解表,消喉痛.
您好, 芳姐;
本人懷孕33週, 感冒第三日, 黃痰, 日夜咳, 黃鼻涕, 喉痛, 請問是否適合此食療, 謝
翊:
你可以用鮮龍脷葉1兩,羅漢果1/4個,南北杏1兩,桔餅1個切碎,5碗水煮成2碗服,連服3劑.石黃皮較寒涼,暫未知對孕婦適不適合?
我小朋友繼繼續續不停病。以家病好。但乾咳未停過。開頭一兩聲以家變得頻密左應該煲咩湯水謝謝
koey:
你可用白果10粒,去芯,核桃肉1兩,南北杏1兩,百合1兩,無花果4粒煲瘦肉湯,全家可飲,有助補肺脾腎臟,減少咳喘及乾咳.
芳姐你好
想請問小女22個月 感冒第7日
平時好多痰 仍有少許鼻水 晚上咳好嚴重
可以煲咩湯俾佢飲呢?
Laurensmom:
你可以用蘇子,萊菔子各3錢入茶包袋,陳皮1塊煲瘦肉粥仔供囡囡食用,隨量食就可以,很能袪痰止咳.
仔仔4歲近日
第一二天鼻水鼻塞初起。吃了收鼻水藥己收鼻水
第三天鼻水倒流引致有早晚咳
痰/分泌卡在喉嚨不停咳症,今天還有肚瀉(疴晞爛大便)
但咳起痰聲很實。曾用葱白煲水反而更咳
請問可喝紐西蘭蜜糖?還可煲什麼、
湯水
ANN:
如痰稠難咯,要用羅漢果半個,桔梗3錢,辛夷花3錢,甘草1錢,4碗水煮成2碗供服,有助化痰止咳,可連服2劑,看能否改善?如有改善,飲多兩劑.紐西蘭蜜頗甜,會惹痰,乾咳就很適合.肚瀉可以用淮山,蓮子,芡實,茯苓各1兩,陳皮1塊,紅棗6粒煲排骨湯,全家可飲.仔仔最好吃些湯料.中醫認為健脾就少痰涎發生,此湯一星期可煲2次.
咽喉痕癢 咳嗽湯
angela:
你可用烏梅3粒,菊花1湯匙,甘草4,5片泡茶服,可沖泡至淡,連服3劑.
Eva:
你試用花旗參,桔梗,麥冬,杞子各3錢,甘草1錢,3碗水煮15分鐘服,連服3劑,有助清肺止咳,生津.
芬姐你好,
本人感冒寒咳已兩星期,飲了四天龍脷葉石黃皮蘋果湯, 咳嗽已好了很多, 現覺得身體虛弱,有很多胃氣,有白痰,少許咳,喉嚨乾,舌尖紅,出街時吸了空氣喉嚨覺得凍,請問有什麼湯水可調理?謝謝! (本人屬陰虛寒濕型,正值更年期)
Cheryl_mama:
肉類和中藥材凍水落;有苦澀味的蔬菜瓜果滾水落.蘋果凍水落都得.
芳姐,
請問這湯蘋果要凍水落還是水滾後落.平時煲湯係咪都應水滾落湯料呢?
ANN:
喉痛可以飲椰子粟米紅蘿蔔湯,另外用羅漢果1/4個泡茶服,有消炎利咽作用.
你好,芳姐!請問喉嚨痛可飲非洲椰子粟米紅蘿蔔煲豬展湯嘛?!謝謝
哈哈~唔好意思,因為我用「search」功能查”感冒後咳”就得出呢啲湯水/食療,所以先一下問咁多。
咁係咪即係熱咳就可用龍利葉,但寒咳不可?
痰黃係咪熱咳?痰白係寒咳?
我女女昨天飲左紅蘿蔔馬蹄麥冬水之後咳少左,咁係咪屬於熱咳呢?謝謝!
Priscilla:
咳有好多種的,你囡囡合飲,飲了好些就繼續飲多兩劑.
Priscilla:
你提這麼多湯,都不知如何答你!龍脷葉湯對熱咳者最適合.但如感冒後咳,又不知寒咳,熱咳一般都可以用,痰黃稠用雪梨,馬蹄;痰白者用蘋果,無花果,紅蘿蔔.南北杏則兩者可用.
因我女女咳嗽時有較濃較重既痰聲,所以想問問龍利葉那類型既湯水可否幫到她舒緩痰咳。
謝謝你的囘覆。
也想問一下龍脷葉三果湯,龍脷葉石黃皮蘋果湯,蓮子百合麥冬湯,桑杏飲,三子粥,龍脷葉杏仁蘋果湯,紅蘿蔔馬蹄麥冬水,龍脷葉枇杷葉雪梨湯,合掌瓜馬蹄鯇魚尾湯這些是不是也適合女女飲用呢?
芳姐你好,三嵗女女感冒發燒剛痊愈,之前氣管炎有食過抗生素,但宜家仲有痰咳,想問有咩湯水可以清感冒後的咳嗽,同埋有咩湯水可以調理返服用抗生素后的身體呢?謝謝!
Priscilla:
你可以用羅漢果1/6個,麥冬3錢,桔梗3錢,甘草1錢,3碗水煮成2碗供一天服,連服3劑.病好後可以用淮山,茯苓,蓮子,百合各5錢,無花果4粒煲瘦肉湯服,有助强壯體質.
芳姐請問懷孕兩個月及四歲小孩可飲此湯嗎
文:
此湯懷孕及小兒可以服用.
芳姐你好,請問懷孕中和四歲小孩可以飲此湯嗎
好的,謝謝芳姐!
芳姐,您好!
我早前感冒好返,今日無端端有黃色既鼻水流出,顏色是很黃,好像烚熟晒蛋黃顏色一樣,好奇怪,我無感到有其他病症,只係頭有輕微痛。是否有咩病呢?
謝謝芳姐!
carrie:
你的情況建議都是看醫生較佳,無端流黃色鼻水有點奇怪.如果再流,要看醫生.
carrie:
傷風感冒可以飲椰子湯,鮮海底椰其實並非真正的海底椰,只是一種棕櫚果來的,没有化痰止咳功效.要買真正非洲海底椰才能化痰止咳,要150~175元一兩那種.
芳姐,
另外我想要請問傷風感冒係咪唔可以飲椰子湯架?任何椰子都唔得?包括海底椰?
謝謝芳姐!
芳姐,您好!
早幾日我熱感,煲左桑葉菊花辛夷花飲。今日依然鼻塞塞,依家痰白色微黃,頭有痛,間中有些咳嗽。請問我繼續煲桑葉還是有冇其他食療可以幫助。
謝謝芳姐每次解答!
CARRIE:
你可以在桑葉菊花辛夷花材料中加1錢薄荷葉同用,有助改善頭痛及鼻塞.
芳姐,您好!
早幾日我熱感,煲左桑葉菊花辛夷花飲。今日依然鼻塞塞,依家痰白色微黃,頭有痛。請問我繼續煲桑葉還是有冇其他食療可以幫助。
謝謝芳姐每次解答!
莫愛蓮:
你可以煲些菜乾紅蘿蔔南北杏無花果瘦肉湯;或用玉竹5錢,蘋果,雪梨各1個,無花果4粒煲瘦肉湯服,都有助潤肺止咳.菜乾湯用量隨意.煲個半小時就成.
轉天氣咳煲什麽汤水好?