By 芳姐 ( 29 9 月, 2010 at 7:28 上午)
· Filed under 婦科病/產前,產後/不孕
在街頭偶爾見有糖炒栗子賣,一顆顆油亮的栗子在大鑊中炒呀炒,空氣中盪着栗子的香味,引人垂涎.
栗子是很適合懷孕初期婦女食用,因為它含豐富葉酸,有助促進胎兒神經系統發育,而所含的維生素,礦物質,胡蘿蔔素等對預防流產,早產及妊娠紋都有幫助.懷孕初期不妨常以栗子,紅棗煲粥服.有健脾養胃,補腎壯腰,預防骨質疏鬆等益處.
用料是: 栗子10粒,紅棗(去核)8粒,白米2兩.
做法: 栗子投入沸水中2分鐘,迅即撈起去衣;與洗淨的紅棗,白米加水煮成濃稠適度的粥,隨量食用.
~ 小貼士: 栗子粥可治老年腰腿痠軟無力,小便頻數.然而栗子雖然有益,但一次不宜吃太多,以免滯胃.每次吃5粒已足夠,要細嚼慢咽.
Permalink
吾好意思,容我問多句,可否炆白蘿蔔排骨助化胃氣 ? 我加了花椒八角中和寒性 ?
芳姐,吾好意思.2-3餐份量是否三個份量一次煲,或是一個份量分開三次煲?
懷孕天書推介提子乾干姜焗水,剛買了今晚試下.謝謝你!
man ling:
嘔吐太厲害要看醫生,妊娠嘔吐有藥可服.糖薑水;砂仁扁豆陳皮水都有助止嘔.砂仁打碎後下,療效更顯.可煲定2~3餐份量,但要隔渣存放,温服.
早晨芳姐!
我女兒懷孕二個月,嘔到好厲害.我煲了砂仁,陳皮,生姜,砂糖茶給她飲,稍為舒服些,但一到晚上就不適,仍然嘔.
現在嘗試煲砂仁,白扁豆,紅棗,瘦肉湯,睇下能否改善.
我女兒住得遠,要一次煲幾餐給她,請問芳姐,可以用三劑分量(15克砂仁,三兩白扁豆,24粒紅棗)
一次煲多些可以嗎?葯我知不可以,但湯可以嗎?因為砂仁是葯.
謝謝芳姐!
kelly:
雪耳雪梨糖水煲半小時可飲.
芳姐..甘想請問以上這個糖水要煲大約幾耐:)
Thank you
芳姐, 你好:)
我現在懷孕5週, 胃口十分好.. 但感到很熱氣
本身應該屬熱底人士, 而且是很濕熱的..
現在感到有點喉嚨痛、扁桃線位痛 和牙肉有點腫?
請問能夠飲什麼或食什麼改善嗎?
Thank you
Kelly:
你可以用雪耳2錢,雪梨2個,去核,無花果4粒煲糖水飲,有助清熱潤燥.要吃些雪耳等湯料.如喉痛可加1/6個羅漢果同煮.連服3劑.
芳姐
你好,我岩岩有一個月,但近日發生2隻手五同地方耐五耐生左一粒一粒既水泡仔好細隻有D 會痕痕哋有D又無痕。但我以前都有生過不過無咁多,通常生1.2粒就會無而架呢幾日都有Keep 住生,我體質怕寒涼,未有之前我好小去飲涼茶。因為有我係街普通涼茶舖飲過杯記得係雞骨草定五花茶之後有D 唔舒之後我好少再飲涼茶!我呢個情況可以煲咩飲下!我無飲凍野,食魚生!多謝你既回覆!
COF:
如果雙手都有水疱多屬濕疹,你試去山草藥檔買塊鮮蘆薈,切下一小段,去皮後用來塗患處,一日2~3次,半小時後才洗手,有助消炎止癢及消疹.餘下的要放雪櫃存放.懷孕不宜飲任何花草茶,可以煲些綠豆海帶糖水飲用,加塊陳皮就可減少寒涼之性.
芳姐:
你好,我上年有左2個月之後就自然流產左,之後去睇中醫,中醫話我唔係大產五使好似大產咁坐月,所以無坐月只睇中醫調理吓就算,現在又有左一個月,但今次同上次有些不同,我覺得子宮有些輕微抽痛,似經痛,雖然輕微好多,而我咁大個女經痛次數不超過3次,五知咁正五正常?但當我訓足夠啦或者飲完花膠湯,海參湯又會舒服些,耐五耐有少少作嘔既感覺早上又無咩胃口!而架開始食埋燕窩,老人家要我食,一日食2啖!又叫我唔好食牛肉!有時覺得五舒服我會含幾塊高麗心,又會好啲,未有之前睇中醫個中醫教我日日食幾塊高麗心好過冬天燉黎食!不過我無日日食,耐五耐記得或五夠訓先食下,之後身體無咁易病,我以前成日病,而架連我老公都話我身體好左好多!因為我地都想要小朋友又頭一胎又怕好似上次咁所以我地都比較緊張!但咁補法有無問題架?我怕三個月我會肥到我頂五順自已!哈哈!同埋有好人都教人有左要訓多些要成日訓床,但我消化系統比較慢咁點算?懷孕天書同坐月天書我上次懷孕已經買左!我重可以煲什麼湯水可以煲,我現在日日食葉酸同波菜,但我食紅棗會喉嚨痛,藍棗我可五可以蒸黎食?
非常感謝你既回覆!
COF:
高麗參雖然有益,又補氣,但懷孕不宜食,等產後惡露清了才用就最適合.
懷孕吃高麗參,尤其是產前食,很易造成產後大出血,不可不慎!燕窩間中吃些少没問題,子宮輕微抽痛更要少心,可能胎動不安,最好多休息,多放鬆心情.可用桑寄生蓮子蛋糖水服,有安胎作用.懷孕初期會有作嘔作悶感覺,可以用生薑4,5片,竹蔗2段煲水代茶飲.或用砂仁2錢搗碎,生薑3片泡茶服,都有幫助.砂仁化胃氣,亦是安胎藥.牛肉,鵝肉,筍,無鱗魚,蟹等盡量少吃些,屬發物,尤其是蟹,有活血袪瘀作用,會引致流產的,不要吃,魚生也不要吃,以免影響胎兒,因為有寄生蟲.紅棗燥可改用黑棗或南棗,可蒸來吃.每日吃3~4粒很有益,健脾補血.少食多餐,只要量不要太多,及計算一下熱量,應該不會變肥女人!
MAY:
你可以用大豆芽菜半斤,雪耳2錢,煲湯豆腐2磚煲排骨湯,煲夠2小時飲就不寒涼,有清熱降火作用.
芳姐:
我而家懷孕八週,感覺好熱氣,喉嚨痛而且牙肉痛,本身又偏寒底,我可以飲什麼清下熱?
Thank you!
知道, thx芳姐
Ms Leung:
牙肉腫是虛火上升,可以煲些皮蛋鹹瘦肉粥食;或煲蠔豉粥食亦佳.亦可用大豆芽菜半斤,雪耳2錢,豆腐2磚,蠔豉2兩,瘦肉適量,8碗水煮成4碗,全家可飲.你飲湯吃些湯料,有助滋陰降火.另外用很濃的温鹽水潄口,每一口含久些,有助消炎止痛,但必須濃度差不多逹飽和點才見效,有點刺脷,之後用涼開水再潄口就成.
你好芳姐
懷孕30週 牙肉腫痛 好似熱氣? 已經食大量水果 都無用
未有之前係偏寒底,但2x週開始 經常牙肉腫..
可以多吃什麼嗎?
懷孕初期,完全冇胃口 ,有時肚餓又食唔落野,有咩辦法
siudydy:
你試用砂仁3錢,陳皮1塊,蜜糖適量泡茶常服.有助舒緩不適.砂仁是安胎藥,可打碎用.
Tamm:
如果仍然有咳,晚上咳多,可以加紫蘇葉3錢同煮.如痰黃稠,日間咳屬熱咳,益母草糖薑水可加麥冬3錢同煮.
芳姐:如果媳婦仍然有咳,可以吃這些食療嗎?
Tamm
Tamm:
你可以用益母草5錢,生薑4,5片,紅糖適量,4碗水煮成2碗服;紅棗8粒,去核,小米2兩煲成粥供服.
芳姐:
我在二十九日給你電郵,媳婦在三十一日見紅,兩三天後便流產了。請問益母草薑紅糖水和紅棗小米粥的份量若何?謝謝。
Tamm:
你指你媳婦剛流產,你上月29日還說她剛懷孕兩週?流產後會有惡露排出,不是月經.流產要和普通產婦一樣調理,第一週多煲些益母草糖薑水袪除惡露;煲些紅棗小米粥補血.第二週可以煲些清補涼排骨湯調理,蓮藕紅腰豆瘦肉湯;紅菜頭紅蘿蔔湯都適合.可以用薑水沖涼兩三天.生化湯可以飲兩劑.
多謝芳姐。但是媳婦流產了。現在她有如來平常的月經的經量和感覺。這次是比她正常月經遲了一星期左右。
芳姐,除了看醫生檢查清楚身體狀況外,我應該怎樣照顧她,好譲她快些康復?是否有如小産或產後一樣調理?需要飲生化湯和薑水沖涼等嗎?再謝。
Tamm
Tamm:
你可以用紫蘇葉3錢,北杏3錢,砂仁2錢(打碎),生薑3,4片,紅糖少許,3碗水煮成2碗供服,有助散寒止咳,止嘔,安胎.
芳姐:
你好。我媳婦剛有身孕,(大約兩星期多)。現在她患上感冒,初期有燒,現在已退燒,但久不久有微温。有咳嗽(亱間尤其嚴重),因有作悶作嘔現象,沒有胃口吃東西,也吃不下東西。請問有什麼吃和喝的食療,可使她早些痊癒和恢復食慾,對懷孕初期的她有幫助。謝謝
Tamm
cherry:
懷孕大部分生果可適量食,不宜吃木瓜(木瓜會令子宮輕微收縮),冰凍生果如西瓜就不要食就成.橙可以空肚食,不寒涼.杮子不宜空肚食.
芳姐想問初期可以食咩生果,橙吾可以空肚食嗎?有人話會涼
芳姐初期食栗子炆雞翼得吾得,我好鍾意食車厘茄同士多啤梨而家食吾食得會吾會涼得滯有d人話食得因為有茄紅素有d又話吾食得
初期食栗子炆雞翼得吾得,我好鍾意食車厘茄同士多啤梨而家食吾食得會吾會涼得滯有d人話食得因為有茄紅素有d又話吾食得
cherry:
栗子燉雞没問題,車厘茄屬基因改造食物,少食些,士多啤梨只要用淡鹽水浸洗乾淨可以食,没問題.
cherry:
懷孕初期可以食雞,不要太肥膩,最好嘉美雞無激素飼養的最佳,桑寄生蓮子蛋茶安胎.你可以在網頁左手邊按婦女產前/產後來找合適的食療.又可去大眾書局買我的著作《懷孕天書》看,全書包含全個懷孕期需要的食療.
芳姐請問懷孕初期可吾可以食雞同有咩安胎食物同湯水,謝謝
請教芳姐:懷孕早期,胃唔舒服,有時胃痛到標冷汗,有什麼食療或中藥可幫助,請指教,謝謝!
YAN YAN:
胃痛厲害要看醫生,平時可以用香附,砂仁各3錢,陳皮1塊,紅棗6粒煲瘦肉湯服,有助改善.砂仁是味安胎藥.西蘭花,椰菜都對胃好,可以多食些.平時要少食多餐,晚飯後不要再吃任何東西,讓胃多休息.
你好芳姐, 先祝你新年進步,身體健康!
請問甲亢人士在懷孕初期飲咩可以安胎?
如果1-3週,可以飲桑寄生黑豆蓮子蛋嗎?
之後有什麼湯水可以飲?
多謝!
ivy:
甲亢者懷孕初期可以飲桑寄生蓮子蛋茶以安胎.之後多飲一些營養豐富,尤其是含鈣質及葉酸豐富的食材煲的湯水,例如節瓜黃豆冬菇瘦肉湯;番茄薯仔椰菜排骨湯;豆腐鮮魚湯等.你可以去大眾書局買我本《懷孕天書》作參考.或在網頁內[婦女產前/產後]篇找合適的湯水.由於患甲亢,紫菜,海帶等含碘多的食材盡量少用.
TUNG:
你可以用羅漢果1/4個,牛蒡乾1湯匙泡茶服,有利咽止痛作用.
芳姐,我懷孕5個月,之前幾日有D喉嚨痛,宜家不痛但有D痰及打乞次流鼻水,可以飲D咩好?
謝謝芳姐!
芳姐您好,我懷孕5個月,今日有D喉嚨痛,有D痰,可以煲咩飲?仲有近排有痔瘡,大便出血,又可煲D咩食會好D?謝謝!
ling:
你可以用青蘿蔔1個,無花果4粒,南北杏1兩,羅漢果半個煲瘦肉湯服,有助清熱利咽,潤腸通便.
芳姐您好!我想問呢我宜家懷孕4個月,成日好易有痰及唇好乾,是否熱氣,平時都食得好清淡,請問有冇咩湯水可調理?謝謝!
LING:
你可以用麥冬3錢,玉竹3錢,馬蹄8粒,紅蘿蔔1個,南北杏1兩,無花果4粒煲瘦肉湯服,有助滋陰潤燥,減少痰多.
VIVI:
懷孕可以飲魚湯,以小海魚為佳.
剛懷孕可以飲魚湯?
芳姐,
非常感激妳的建議. 謝謝.
火馬峻星:
栗子我喜歡買去了殼有衣那種栗子,真空包裝的我感覺好像用了化學品去衣,不太好味.有殼那種要去殼較麻煩,但你會剝殼可以買這種.栗子稱之為[腎之果],平時可以多吃.例如用栗子3兩,芡實1兩,白果10粒,核桃肉6粒煲瘦肉湯服,就有助補腎氣.要飲湯吃湯料才成.
芳姐,
請問栗子買有殼的那種比較好, 還是買無殼黃色皮, 用胶袋真空包庒的那種比較好呢 ?
另外, 腎氣虛可煲什麼會比較有療效呢 ? 因我這兩星期都頻屙夜尿(一晩三次,尿偏黃,), 故睡得不好, 早上起床后感到仍很疲累, 晚上好似無訓過. 去睇中醫, 說是腎氣虛, 吃了中葯后舒緩症狀. 請問有什麼湯水可協助快些回覆正常 ?
拜託指教.
謝謝芳姐
MARUKO:
懷孕初期無論燉湯,煲湯都得,只要不太温燥就成.因為孕婦宜清潤湯水.蟲草花雪耳豬展湯滋潤,可以用.薯仔番茄紅蘿蔔粟米瘦肉湯;淮山,蓮子,百合鮮魚湯;節瓜黃豆海藻瘦肉湯都適合.
芳姐,請問懷孕初期應該飲燉湯好定煲湯比較好? 燉蟲草花雪耳豬湯適合嗎?還有什麼好介紹(懷孕天書內嘅湯水外,因為已買了),謝謝
CHRISTY:
有衣蓮子較有益.杜仲用5錢,浸洗後與淮山1兩,杞子3錢,紅棗6粒煲瘦肉湯,有健脾補腎,强筋壯骨及安胎作用.
謝謝芳姐回覆!
請問蓮子是用那一種? 有衣用來煲湯或白色用來煲糖水(果)種?
之前你題過可以用桑寄生,蓮子各1兩,紅棗6粒,雞蛋1隻,冰糖適量煲糖水服.有安胎作用.杜仲亦有安胎功效.可用杜仲錢,淮山1兩,杞子3錢,紅棗6粒煲豬展湯都有益.兩款食療一星期各服2次.懷孕3個月後可停服.
杜仲應用幾多錢同要點煲呢?
CARMEN:
黑豆,黑芝麻粉懷孕都適合飲,没問題.
芳姐,
您好,本人剛懷孕5週。未懷孕前,我會焗些黑豆,黑芝麻然後打粉。每天朝早用20克黑豆粉,20克黑芝麻粉加1匙羹蜜糖冲熱水飲。現在剛懷孕5週還可以飲嗎?網上有些說法話好好,有些說不可以飲。所以想請教芳姐。
謝謝
christy:
懷孕後要放鬆心情,多休息,可以用桑寄生1兩,蓮子1兩,紅棗6粒,雞蛋1只,冰糖適量,5碗水煮成2碗服,雞蛋烚熟後下,有强筋骨,養顏安胎功效.可多飲牛奶,豆奶,吃深綠色葉蔬菜,燕麥,豆類,豆製品,小海魚,雞蛋等都可適量食;木瓜,薏米,紅菜頭,益母草等可能會令子宮收縮的食物盡量不要吃.生冷寒涼東西及魚生亦要戒.宜暖飲暖食為佳.
芳姐您好,我一年前小產後,最近剛得知懷孕4週,請問可以飲或食什麼來穩定胎兒呢?