By 芳姐 ( 15 6 月, 2011 at 7:33 上午)
· Filed under 小兒常見病
天氣時晴時雨,加上氣温上升,細菌,病毒都活躍起來,近日猩紅熱患兒較往年多,故家長們要特別留意小朋友的健康,一有咽喉不適,流清涕等情況就要留在家中休息,不要上學,發燒不退必須要看醫生.要注意家居清潔衛生,叮囑小朋友勤洗手,在拿食物入口之前必須要先清潔雙手,有助減少染病機會.
在這種急性傳染病流行期間,小兒飲食宜清淡,營養要均衡,少吃蝦蟹,無鱗魚,鵝等助火生痰之發物,亦少飲凍飲,因為過食生冷會降底小兒免疫能力,當然辛辣煎炸食物亦要盡量少吃.
[綠豆薏米百合糖水]有清熱解毒,清心安神,消暑袪濕等作用,可適量供小兒服用,對預防猩紅熱病有幫助.
用料是: 綠豆,生薏米各1兩,百合1兩,陳皮2塊,片糖適量.
做法: 將材料浸洗,用5碗水煮約個半小時成2碗,加入片糖煮溶即成.
~ 小貼士: 這味糖水很好味,小兒大多不會抗拒,此湯同時能養陰益氣,潤肺止咳,可作為夏令保建糖水,全家老少皆可服用.加入陳皮,片糖可減少其寒涼之性.
Permalink
芳姐,您好!
我對塵螨敏感己廿幾年, 每晚都要食安眠藥敏感藥才可以睡覺! 我舌頭很紅, 會生唇瘡! 當身體燥熱時, 會癢得很利害, 常飲羅漢果, 五豆粥和白蘿蔔等清熱食物, 會好些但時好時壞很辛苦! 請問食杞子,紅棗, 印度棷子乾螺頭乾瑤柱湯會令我燥熱嗎? 請救救我!!!!!!!!! 謝謝! 聖誕快樂!!!!
訪客:
塵蟎要常保持室內清潔,勤換床單被褥.另外可以多種虎尾蘭,黃金葛,吊蘭,山人掌這類吸塵蟎的植物,可減少發病.紅棗含有抗過敏的物質,能減少體內過敏介質的釋放,可以多食.瑤柱,響螺等海產有滋陰補腎作用,不會上火的.
你好,芳姐。我仔仔經常食餅餅可以煲啲咩?俾佢清熱?
訪客:
可以煲些茅根竹蔗馬蹄紅蘿蔔水供服,以清熱氣,但都要指導不要吃太多零食.
KI:
芡實,淮山,蓮子配百合,薏米,陳皮煲糖水可以,無需加綠豆.
芳姐您好:
請問這個糖水,可不可以加入芡實.淮山,蓮子一起煲? 冰糖都可以的嗎?這個糖水一星期可飲多少次?
謝
MAN:
感冒不宜用百合,綠豆薏米可以服,但有痰不宜飲糖水,可以配粉葛半斤加陳皮1個及瘦肉一齊煲,能清熱解表,吃中藥都可以飲.
芳姐您好:
請問這個糖水,如果大人小朋友都有感冒.咳嗽,有痰,可不可以煲來飲? 小朋友吃中藥,飲這個糖水沒有問題?
謝.
芳姐,
用鮮百合薏米煲水飲,要多少水量、份量及時間。謝謝指教
connie:
如1人服,鮮百合1個,薏米1兩,5碗水先煮薏米45分鐘,加入百合再煮15分鐘即可服用.
BEE:
建議隔日1劑,因為都要BB身體自己工作的呀!
芳姐,請問你提供的湯水可日日俾bb飲嗎?
麥冬、甜杏仁係未藥房有得賣?今日我屋企就燉左川貝廋肉蘋果俾bb飲,此湯ok?
BEE:
甜杏仁即南杏,藥店,雜貨店有售.
BEE:
你可以用麥冬3錢,馬蹄6粒,紅蘿蔔1個,無花果4粒,甜杏仁5錢,5碗水煮成2碗供服,有助潤肺止咳,潤腸.可以早上煲些番薯粥供食,或買美國西梅乾,用4粒,加暖水3湯匙,壓爛供食,有助通便.記得要飲多些水.
芳姐,我囡囡剛10個月大,呢兩日都有幾聲咳,乾咳唔見有痰,聲都有少少沙啞,請問適合飲咩湯水?同埋佢去便便時,要好大力,谷到塊面紅晒,但只all到一小舊便便,而且硬身。麻煩你解答!
taro:
蘆根水性質平和.這款糖水偏涼,可加些紅豆同煮就不太涼.
芳姐,想問一下,昨天飲完蘆根水,今天煲這款糖水會否涼
WONG:
不加百合,改用雪耳,我甚少這樣搭配,但應該不相沖的,没問題.
芳姐,您好,請問這湯可以不加百合,但加雪耳嗎?即綠豆薏米雪耳湯。謝~
芳姐 想問呢個糖水 唔落果皮,可以用咩來取替避免太涼?
natalie:
清熱解毒湯水一般都偏涼,不然何以能清熱?如怕寒涼就煲些白果腐竹雞蛋糖水服.都有助消暗瘡.
芳姐,
知道!我會保重!你都係呀^^!我睡了~
芳姐,
原來我係較虛!好多謝您呀! 很詳盡!
近幾天我已早點上床,暗瘡冇再爆新的,經又剛剛來了,成個人感覺好返好多!
我會繼續飲南棗糖薑茶,經期時唔洗頭,經後會試下玫瑰青提子乾茶^^,再早點睡,希望身體會更好!
芳姐,您都要好好保重,趁這幾天假期休息輕鬆下!
PS 我推介左你既blog俾我屋企人看!哈哈!
Hei Hei:
要多保重身體!因為健康最重要呀!
芳姐,
好多謝你既詳細解答呀,我會去買白果! 我仲有少少想請教! 謝謝!
我覺得我係比較熱的體質(平日我飲紅棗同桂圓茶都會覺得燥,運動會好易出汗,手除了經期/在冷氣房會較冷外都是暖的),但自公開考試之後,我抵抗力好差,特別現在對得小朋友多,就會成日傷風感冒(不過,你的糖南棗薑紅茶好好^^,有次我冇睇西醫都慢慢好)。我間中都會飲下薑茶,特別經期及經期前後。有時經後都會飲下玫瑰花茶/紅棗茶(經後飲少少熱,但ok)。
想請教我現在狂爆瘡,之後來經是否 不適合飲薑茶/玫瑰花茶?
在非經期時間/經後一段時間後,隔日「卡拉」咁飲連翹菊花茶 和魚腥草是否可以?
糖水方面,覺得紅棗較燥,改南棗/ 加多片果皮 是否可以?
多謝你呀! 唔好意思問咁多,因為我想調理好少少身體^^。
HeiHei:
其實你主要是體質較虛,故不耐寒熱.南棗糖薑茶較適合你.可以常服,來經都可以飲.玫瑰花可配青提子乾泡茶飲,好過你用紅棗.你最重要是多休息,不要捱夜.魚腥草茶可一星期飲2次,至暗瘡消退為止.連翹菊花茶主要是外感時用,平時較少作保健茶飲.糖水方面,你可用南棗代替紅棗,加陳皮都得.
芳姐,
好鍾意睇你個blog 同書^^
我20歲。不知是否因之前壓力大、經常熬夜(3至4點才上床,7點起床)、加上常吃薯片、巧克力,
而家在左邊面、額頭爆左好多暗瘡,下巴還有一顆很大的暗瘡,上個月仲沒有來經。
今個月應該就快到(腰酸和肚痛),想問連續五天飲用綠豆薏米糖水/粥會否太涼?
另外,我媽媽到藥房執左D 連翹菊花茶 和魚腥草 煲比我飲,我卡拉飲左4日,覺得有D效,但月經快到,會否太涼?
謝謝!
Hei Hei:
你睡眠不足,陰虛火旺,加上吃燥熱食物,腸胃積熱,所以生暗瘡.可用生的白果肉,搗爛後用紗布包住按摩患處,15分鐘後洗淨,每日1次,有助消除暗瘡.綠豆薏米糖水是寒涼的,如怕太寒涼,可加紅棗6粒,陳皮1塊同煮.此糖水來經不要服用.魚腥草茶來經亦不宜.連趐菊花茶亦屬寒涼之品,暫時少飲這類涼茶.
明白晒~唔該芳姐
桑葉菊花茶可連服3劑,症狀好即停.佢唔肯飲我攞黎開奶就肯飲唔知可以嗎~連服三劑係一日三次嗎我今天只俾左四安唔知夠嗎
Cindy:
桑葉茶可以用來開奶,小朋友肯飲就成,隨量飲用,不用强迫,3劑即每天1劑,連服用3天之意.4~6安士差不多了.
芳姐 said,
三月 30, 2013 @ 8:29 下午
Cindy:
建議你帶仔仔看醫生,因為有炎症.食療可用桑葉,菊花,辛夷花,蟬蛻各3錢,甘草1錢,3碗水煮15分鐘飲用,有助清熱解毒,清肝明目.但都要看醫生較安全.
Cindy:
桑葉菊花茶可連服3劑,症狀好即停.
唔該芳姐我想知每日飲幾次~要飲幾多日~每次幾安
Cindy:
你指的是哪款食療?我找不到你先前那個廻響,故下次必須重寫一次才能回答.
我仔仔七個幾月感冒流綠色鼻涕同鼻塞眼睛有好多眼交痴住我可以點
Cindy:
建議你帶仔仔看醫生,因為有炎症.食療可用桑葉,菊花,辛夷花,蟬蛻各3錢,甘草1錢,3碗水煮15分鐘飲用,有助清熱解毒,清肝明目.但都要看醫生較安全.
芳姐,非常感謝您一直以來的指導,您真是活神仙,我囡囡上次喝了些去濕開胃的湯,現在胃口好了好多,真的很感激您!
zslgjr:
祝闔家健康愉快!
芳姐,您好!我囡囡10個多月,最近兩三天大便時,前段是硬的,後段是糊狀的,晚上睡覺難入睡,有點煩燥的表現,請問我囡囡是否上火了?能喝這個甜湯嗎?謝謝芳姐。
zslgjr:
你可以用這個湯,或用蓮子(連芯)1兩,百合1兩,燈芯草3錢,5碗成水煮成2碗服,有清心經積熱,煩躁等症狀.
芳姐
此糖水如果唔用綠豆改用蓮子會否冇咁寒涼?
如—家大小四人份量要幾多?煲幾耐?謝謝!
cc:
要用綠豆才有清熱解毒作用,可以加蓮子同煮,減其寒涼之性.一家四口可用綠豆,蓮子,薏米,百合各1兩,冰糖適量,6~7碗水煮個半小時成4碗左右服.
芳姐,今天家人不小心吃了一些發霉的麵包,我煲了這糖水,想請教這是否有幫助解毒或者合適. 另外,可用洋薏米嗎? 功效會否不同?
Li:
發霉麵包對肝腎有損害,以後千萬不能吃.用綠豆,薏米加甘草2錢煲湯服會好些.洋薏米療效不及生薏米好.
Thx! 芳姐!
芳姐,係加兩粒蜜棗定紅棗呢?如加左,要唔要再加果皮,請指教!Thx!
Kris:
你可以用紅棗,但份量要加些,6粒左右,陳皮要用.
Kris:
這味糖水你囝囝應該可以飲用,不過稍為寒涼,如囝體質偏寒,可以加兩糖蜜棗同煮.
芳姐,您好!我囝囝現在仍有敏感引起的鼻涕、痰和咳咳,醫生話需服一年"青蛙仔"藥粉改善。請問上述糖水囝囝可飲用嗎?
芳姐,
我時時急尿(平均一小時一至兩次) , 另外, 成個人時常都覺得好倦好倦; 睡覺時常常發夢…….吃什麼可減少此情況呢?
Michelle:
你試用白果10粒,去芯,芡實1兩,5碗水煮成2碗,飲湯吃湯料.(最好用攪拌器攪成糊吃.)有補腎縮尿功效.但你的情況可能是泌尿系統有問題,宜看醫生治理,食療只起到輔助治療之效.平日可多用淮山,蓮子,芡實,百合,圓肉煲湯,有助消除疲勞,改善失眠多夢.
芳姐,這味糖水可以改成煲骨頭湯嗎?煲骨頭湯是否要加些其它料,請芳姐指教。小兒就快一歲,可以飲嗎?
Laurie:
可以加瘦肉同煮的,一歲小兒可以飲.
HI 芳姐,
您好!請問青黛膏那裹才有得買?
因到很多問药房都說沒有?
Best Regards,
King
YEE KING:
你可以去中藥店買青黛粉,(粉很易買到),然後買些凡士林油,自己拌製,作外塗用,有止皮膚癬患,痕癢等.
芳姐, 還有小兒夜睡不寧很容易哭鬧,是不是也是因為出牙影響, 有什麼可舒緩呢
japo:
小兒夜啼,多因心經積熱,或脾胃虛寒,如果小兒夜睡不寧,伴面赤唇紅,口鼻出熱氣,可用蓮子5錢,燈芯草1錢,3碗水煮成1碗供服,連服2天.如面色青白,伴四肢欠温,腸部發涼,可以用生薑數片,紅棗6粒煲粥服.
芳姐,
請問生薏米和熟薏米在功用上有什麼分別? 什麼時候用生薏米? 什麼時候用熟薏米?
sweetcutecat:
生薏米健脾補肺,清熱去濕,熟薏米健脾益氣作用,如果飲用者體質偏寒,就可以生,熟薏米一齊用.通常老人家生熟薏米一齊用較好.
小兒7個月大食了1星期多西藥, 咳同鼻水也停了, 不過發覺他總是睡不好, 不知是不是出牙問題,下面已有2隻初出了, 想問問可煲什麼給他飲?
另外我有煲蘆根5錢,苡米5錢 加 1錢燈心草 2個雪梨煲水比bb飲, 這可不可長時間當水飲用呢, 會不會太涼?
japo:
小兒出牙仔會流口水,有些少扭計,没問題的,很快會没事.蘆根薏米燈芯草雪梨水有清熱作用,但不宜天天飲,通常有發熱,或打預防針時可適量供服,有助減少發燒等不適症狀.一星期飲1次可以.
華:
你試用辛夷花2錢,北茋3錢,防風3錢,白朮3錢,紅棗8粒,5碗水煮成2碗服,一星期可服3次,至症狀改善為止.此湯對防治鼻敏感有幫助.
芳姐: 你好! 我兒五岁身體廋弱, 愛出汗臉易紅, 鼻敏感, 感冒時鼻塞尤其嚴重。請問有何湯水可以幫助改善?
謝芳姐!囝囝尚未發燒。媽媽在藥材鋪介紹下買了包生地、白芍、參鬚及甘草的茶包說可治口瘡,可給他喝嗎?
Irene HO:
你囝囝的情況不宜用參鬚,白芍這類材料宜用生地,甘草再加1錢蓮子芯煎湯服,對口腔炎,潰瘍等有療效.
芳姐,早晨,本人現在懷孕29週,但最近感到好眼瞓和彼倦,不知是否天氣或自己經常出汗的關係.想問有咩湯水可以煲?可否煲赤小豆和扁豆豬尾骨湯?
QQ:
你可以煲淮山扁豆赤小豆豬尾骨湯服,有助健脾袪濕,消除疲勞.汗出太多,可以用浮小麥5錢,北茋5錢,黑豆1兩,5碗水煮成2碗供服,連服數天見效.
以上的糖水可否飲用?
芳姐,你好!有事急請教,4歲兒子今早上學檢查口腔,老師發覺兒子口腔內有一點白點,數點小點在白點周圍,懷疑他有手足口等病毒要他戴口窄。但他並無發熱。請問應甚麼治理?如有發熱又怎辦?應看西醫or中醫?謝芳姐!
Irene HO:
你囝囝如果有發燒,要立即看醫生,看是受什麼細菌,病毒感染.可以用合掌瓜1~2個,老豆腐2磚,無花果4粒煲鯇魚尾湯服,有助清胃火熱.這味綠豆薏米糖水都合飲,有外感就暫時不用百合就可以.有發燒看西醫好.
芳組:
早晨!!!想請教綠豆同熟意米要浸幾耐??
思明:
綠豆,薏米如先浸半小時至1小時,會容煮腍.
芳姐..早晨..如我化療完4個月可否食用這糖水
小吉婆婆:
做完化療4月可飲這糖水,如怕寒涼,加幾粒紅棗同煮.