By 芳姐 ( 8 10 月, 2016 at 1:53 下午)
· Filed under 外感/頭痛/呼吸道病, 小兒常見病
小朋友一上學就容易感染上呼吸道疾病,有些小朋友肺氣較弱,一旦受感染,咳喇好像停不了似的,一兩個月又會再病一輪,令做父母的非常擔心!
容易痰咳的小朋友不妨多用些健脾胃食療,因為中醫認為「脾為生痰之源」,健脾自然可以減少痰涎的發生。此外除了脾臟,肺及腎臟亦需要强壯,可以減少咳和喘。今天推介這味「白果核桃芡實鷓鴣湯」能補益肺、脾、腎,强壯體質,經常服用,對小兒容易咳喘者有良效。
用料是:白果15粒(去芯),核桃肉6~8顆,芡實1兩,腰果2兩,生薑2片,紅棗6粒,鷓鴣1隻。
做法:鷓鴣劏洗淨,斬大件後出水;其餘材料浸洗;將全部材料放入煲內,用10碗水煮2小時,即可連湯料同食。
~ 小貼士:鷓鴣能補益五臟、益心神,活雞檔有鮮活鷓鴣賣,如買不到鷓鴣,可用鵪鶉或竹絲雞代替。此湯老少可服,但感冒發燒者不宜。
Permalink
ann:
可以用紅蘿蔔紅棗水供服,如痰多加塊陳皮同煮.連服3劑.
芳姐,以上再補充吓,因為女夜晚咳得多今朝去睇西醫
食咗西藥大半日不過冇乜胃口,下晝咳到嘔,夜晚都係咳得多,但係咳唔出有痰亦唔覺有痰,所以唔知佢熱定寒咳,有D乜嘢可以飲吓俾佢舒緩吓?見佢咳咁辛苦又瞓唔好好可憐唔知可以點幫吓佢。。
芳姐你好,11月頭請教過你兩個女痰咳收鼻水食療已好番,但兩嵗9個月大女呢一兩日有咳,夜晚咳得勁D,講一陣嘢又作咳,唔多覺有痰聲,可以食/飲乜好?唔想咁快就食西藥..
以上提及到嘅紅蘿蔔紅棗水可以嗎?
訪客:
可以燉些花膠食,或煲些脚筋湯服,豬脚筋,牛孖筋,最好鹿脚筋,不過羶味重.配北茋,黨參各3錢,杞子3錢,紅棗6粒,豬展或雞胸肉適量.
芳姐,吾好意思,想再問,有咩湯水另骨裂可快些愈合?謝謝
訪客:
你可用川貝末3錢,蘋果1個,去皮,去核,陳皮1塊,4碗水煮成1碗供服,連服3劑,有助袪痰.
芳姐,你好,老父今年84歲,有慢阻性肺病,醫生話個肺會不停衍生有痰,加上佢有哮喘,所以,平時媽媽只會煲雪耳湯或蘋果湯。早兩日剛在家跌倒,肋骨有裂,每每咳時痛苦非常,想問有什麼湯水適合他,謝謝
訪客:
你可用淮山,茯苓,蓮子,芡實各1兩,紅蘿蔔1個,陳皮1塊,紅棗6粒煲排骨湯,全家可飲.仔仔飲湯吃些少湯料,一星期2~3次.
芳姐您好,小朋友5歲感冒咳好返、食左很多西藥,瘦左很多。他好容易病,通常一至二個月就病一次,請問有什麼湯水可以幫助他恢復體力和增強抵抗力,十分感謝您。
芳姐,
你好,朋友個BB,兩月大咳有痰,瞓瞓下咳醒,請問有什麼方法可以袪痰。謝謝妳
蕎媽:
你試用五味子3錢,炙甘草2錢,4碗水煮成2碗供服,有助歛汗止咳.五味子如打碎煮療效更佳,但會酸,飯後服較佳.
你好芳姐 又係我 果日燉左蘋果川貝一次,第日就又咳,到今日應該3.4日,試過俾川貝蛇膽陳皮未,都係差不多,有痰上頸 但咳起試來無痰聲 早上訓醒會連續咳幾次 午睡會也會咳醒 其他時間好小咳 但晚上睡覺不會咳 請問可煲咩 而且晚晚訓覺都濕衫
Ceci:
你試用洋葱1個,去衣,切塊,放碗中,用大火蒸半小時,用湯匙壓大約3湯匙洋葱水供小朋友服,有助止咳,一日可蒸2個洋葱.
芳姐,一歲8個月小朋友,初初流鼻之後又咳,睇左醫生無流鼻但還咳,夜晚訓覺都咳,應該煲咩湯?
thanks芳姐
芳姐,妳好,我女3歲半,返左學成日病,兩星期前發燒5日,睇左兩次醫生食左7日抗生素,到宜家心中成日有咳,日頭咳得比較多,想問有冇湯水可以幫到阿女唔好咳?之前我係街市買左佢話係曬乾左的鷓鴣,唔知係咪真,買左無煲,如果咳煲曬乾鷓鴣有冇效?咳左好耐啦,求方法,thx
Yoko:
小朋友一返學一定易感染上呼吸道疾病,要身體儲夠一定[抗體],加上注意營養吸收,才可減少受感染.曬乾鷓鴣含亞硝酸鹽太多,不要用來煲湯.用鮮活鷓鴣或急凍鵪鶉最佳.或者瘦肉都好過用曬乾紅褐色的鷓鴣.太多防腐劑及其它不好的化學品啦,不建議用.你可以用虎乳靈芝3錢,川貝3錢,南北杏1兩,紅棗6粒煲瘦肉湯供服,如果一家人飲,加些紅蘿蔔,雪梨一齊煲就成.連服3劑.此湯補肺氣,化痰止咳.
芳姐:你好,我女4歲,咳左二個月啦!反反復復,特別系呢幾日咳到好犀利,日夜咳!睇西e話氣管咳!吃葯無效,好慘!求賜方!拜托,謝謝🙏🙏🙏🙏🙏🙏thanks
mimi:
紅蘿蔔紅棗水對小兒百日咳有良效,又好飲,你不妨試試.紅蘿蔔1個,洗淨去皮,切薄片,紅棗10粒,去核,北杏3錢,5碗水煮成2碗,供囡囡一天服,連服3~5劑.如晚上咳得厲害,可以用紫蘇葉3錢,桔梗3錢,生薑3片,甘草1錢,3碗水煮成1碗,睡前1小時飲.痰多加蘇子,萊菔子各3錢同煮.
ann:
如果鼻水收了,粥料就不要放辛夷花,再服2劑.
芳姐謝謝你早前7號的回覆,兩個女食0左 “蘇子,萊菔子各4錢,辛夷花3錢(入茶包袋中),紅棗6粒,瘦肉適量煲稀粥” 三日, 痰咳好好多,鼻水都收了,不過細女今朝起身仲有幾聲咳,好似有痰同無痰之間甘,應該點做好?
蕎媽:
黑豆湯和紅蘿蔔紅棗水可以同日飲.
黑豆1兩,浮小麥5錢,黑棗6粒 呢個可以飲嘛?因為每次睡覺都會一身汗 但午覺不會..
每種湯茶是否要分開日子飲比較好?
多謝你既回覆 咁紅羅白紅棗水可以飲嘛仲?
蕎媽:
紅蘿蔔紅棗水對小兒久咳不好有幫助,可以飲.
蕎媽:
你試用川貝末3錢,蘋果1個,去皮,去核切塊,1碗水蒸半小時供囡囡服,連服4~5劑.
川貝可減少氣管痙攣,蘋果可潤腸,平時可以用白果10粒,去芯,核桃肉1兩,南北杏1兩,
紅棗6粒煲鷓鴣湯供服,有助强壯肺氣,補益肺脾腎,止咳定喘.一星期2次.
小女今年3年半 自從上年讀n班後 一個月有20日都要食藥 而家早晚要聞氣..
前排病左十日左右 睇左3次醫生 仍然有痰上頸咁同單邊鼻塞..訓教有鼻寒.而且佢好容易便秘..
今日試左羅白紅棗水..可以再煲*姐古*嘛?之前煲過兩次蟲草花 好像唔多岩佢
ann:
痰咳可用蘇子,萊菔子各4錢,辛夷花3錢(入茶包袋中),紅棗6粒,瘦肉適量煲稀粥供兩個囡囡服,能化痰止咳,收鼻水.可連服3劑.
芳姐,
我兩個女一個兩歲九個月一個歲半,傷風好番後又好似清唔到,仍然留鼻涕同有痰咳,夜晚咳得多少少,尤其係細女,大女有時識咳後吐出少少痰但細女唔識,食過猴棗末好了些但都係斷唔到。應該食保嬰丹嗎定係飲洋蔥水定係其他湯水?
謝謝芳姐
kiki:
是分開兩次服洋葱汁,例如早,晚各1個洋葱汁.
謝謝芳姐,是否一次過飲完兩個洋蔥汁定分開飲
kiki:
你試用洋葱1個,去衣切塊,放碗中,隔水大火蒸半小時,用湯匙壓洋葱汁供囡囡服,一日可蒸2個洋葱,有助止咳.
訪客:
主要治寒咳.
芳姐:
囡囡3歲,我見囡囡呢幾晚瞓覺都有幾聲咳 ,起身時都有咳幾聲,日間冇咩咳,冇其他症狀,所以未同佢睇醫生,請問有咩可以改善呀?
請問以上良方有冇分寒低定熱底服用?
訪客:
你試用蘇子,萊菔子,辛夷花各3錢入茶包袋,煲瘦肉粥供囡囡服,有助化痰止咳,收鼻水.
芳姐,
我個女8個月大,9月尾開始感冒支氣管炎未全癒,之後再傷風,接著上星期又聲帶發炎,一直有咳多痰,鼻水倒流,一直未能全癒,可以怎樣做好?很心痛呢!
芳姐:
仔仔15個月大,一個星期前有鼻水,無睇過醫生,3日後收了鼻水開始有痰咳,好多痰,到訓覺時咳得更為厲害,飲過川貝燉蘋果及洋蔥水都沒有好轉,但我將川貝燉蘋果加到奶/粥內餵食仔仔都有點抗拒,請問還有哪些湯品適合?謝謝!
Pierre:
此湯能止咳定喘,但最好抗生素食完才煲來飲.白果芯有小毒,宜去除,小朋友一歲食一粒,兩歲食兩粒….你此份量煲全家飲可以,仔仔最多食2粒白果,不宜多吃,飲湯可以.現在可以蒸條絲瓜汁供服.能清熱痰.絲瓜去皮,切塊,置碟中,大火蒸20分鐘,用湯匙壓汁供服就成,吃抗生素可服.
芳姐,小兒2歲半,痰咳了一星期,看医生吃抗生素都未好,有一點點鼻水,请问可否飲此湯止咳,白果分量是否要減少?
Jimmy:
如無鷓鴣,可用鵪鶉或竹絲雞半隻代替.
Hello 芳姐
If i dont have 鷓鴣, what else can i use?
Thank you.
謝謝妳!芳姐
kitty:
你試用烏梅3粒,菊花1小撮,麥冬1湯匙,甘草4,5片泡茶服,連服3~5劑.
芳姐 你好 ,
感冒發燒多天,睇中醫, 感冒已好,
但斷斷續續都有咳,但冇痰, 氣管好急促,
咳了都有2-3星期, 請問有甚麼可飲用的來改善.
麻煩哂妳! 謝謝妳!
Mama:
蟲草可以配白果10粒,去芯,核桃肉1兩,南杏1兩,紅棗6粒燉瘦肉湯供服,有助止咳定喘.咳都可以飲,但有感冒發燒不宜服.
你好,芳姐
女兒4歲,身體免疫力一般,時常生病,敏感體質。 由其氣管時常咳,要早晚聞氣。我已經買了冬蟲夏草給她增強免疫力,請問我應該落什麼材料燉湯給她飲?咳緊可飲嗎?
請問芳姐,不知是否近排天氣影響,喉嚨很多痰和痕癢,而且精神不振,頭暈暈,還有幾聲咳,想請問如何治療?
美君:
喉癢多痰,精神不振,可以用法夏,茯苓,白朮各3錢,陳皮2錢,甘草1錢,5碗水煮成2碗服,連服2劑,看能否改善?
芊芊:
可能小朋友有些消化不良,你可以用白蘿蔔半個,陳皮1個,紅糖適量,4碗水煮半小時供服,連服3劑,看能否改善?
Wei:
你的囡囡可能有點虛火,可以用羅漢果半個,玄參3錢,麥冬3錢,6碗水煮成4碗供兩個囡囡一天分服,連服2~3劑,有助改善.另外可以用大豆芽菜1斤,煲湯豆腐2磚,雪耳2錢,無花果4粒煲瘦肉湯,8碗水煮成4碗,全家可飲,有助滋陰清熱降火.
芳姐:你好,小孩为什庅时常会作反胃似的,没吃東西时也会?
芳姐:你好!两個女(6一10歲)這個禮拜吃東西時時經常咬到舌頭或口腔,請問要點做?多謝芳姐。