By 芳姐 ( 24 10 月, 2011 at 7:11 上午)
· Filed under 外感/頭痛/呼吸道病, 小兒常見病
有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.
棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.
用料是: 紅棗6粒,南棗2粒,蜜棗1粒.
做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.
~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.
Permalink
芳姐，小兒有發燒38.5左右，醫生說他喉嚨有少少紅，但不服用抗生素。但他常說喉嚨很痛，我可以煲什麼給他喝來舒緩他的痛。另外，喉嚨痛期間是否可以飲三棗茶？陳皮煲蜜棗是否可以常常飲用。
Catherine:
你試用胖大海3粒,金銀花3錢,甘草1錢,板藍根3錢,3碗水煮成2碗供服,有助舒緩喉痛不適.可連服2~3天.喉嚨痛不宜飲三棗茶,陳皮蜜棗可以飲,一星~2次左右就夠.
你好，小兒2歲10個月，想問飲完三棗茶 點解晚上咳得仲多左既？係米紅棗躁？咁我煲浮小麥比佢可以嗎？佢好大汗呢，謝謝
Cindi:
三棗茶有點燥的,可減少紅棗量,小兒大汗可以用浮小麥5錢,黑豆1兩,南棗4粒,5碗水煮成2碗供服.
芳姐請問鱷魚肉在哪裡買，鱷魚肉乾和鱷魚肉有甚麼分別，我次次都是鱷魚肉乾燉湯。
kathy:
急凍鱷魚肉在大昌超巿有售,乾品在大間海味店有售.急凍鱷魚肉不會有假品,乾鱷魚肉容易有假品冒充,故要去有信譽店舖買乾品,食療價值一樣.
芳姐. .不好意思..如果沒有淮山,芡實可以嗎?.家中有川貝, 可以轉加川貝同煲嗎?..小兒還有鼻水都可飲用這湯嗎
kathy:
可以加川貝3錢同煮.
芳姐你好,
小兒夜晚咳已好了好多, 媽咪買了急凍鱷魚肉, 她說可以跟海底椰一起煲, 請問鱷魚魚適合嗎. 因為以我所知鱷魚肉是治哮喘, 所以想請教芳姐..
kathy:
鱷魚肉能强肺補虛,小兒可以服用鱷魚肉湯,可配海底椰同煮.加南北杏,紅棗,淮山,芡實同煮湯,全家可飲.
謝謝芳姐..
不好意思…想問..新鮮淮生不是開胃健脾嗎? 為什麼不能加入湯中….? 是不是都要清了外感才可蒸熟給小兒食
kathy:
新鮮淮山只要用量少都可以加入湯料中,但多本食療書都提出,有濕邪,實熱者不宜食淮山,百合.
謝謝回覆..無花果 – 乾的和新鮮的有沒有分別,
kathy:
鮮無花果不耐存放,售價亦貴,乾品味較甜,煲湯最佳,然而也要看產地,以中東及美國產品較優質..鮮品當生果吃,療效應該没分別.
謝謝您芳姐
kathy:
連服3劑辛夷花茶,是指鼻塞那位小朋友.
芳姐, 上面有個同名, 我怕攪錯了, 我是海底椰鮮合何淮山瘦肉湯的那位,
兒子16個月, 有鼻水+夜晚咳
女兒3歲, 有鼻水, + 小小咳
哦..連續煲3日這個湯呀…除了小兒, 小女都有咳..日間時有痰, 夜晚就幾聲乾咳..這個湯水都適合嗎?
芳姐你好…
小兒最初流鼻水, 食西藥都不止, 半夜還咳得厲害, 菜檔教煲海底椰鮮合何淮山瘦肉湯..請問可以喝嗎
kathy:
你仔仔咳得厲害,可以用海底椰,南北杏,陳皮,無花果煲瘦肉湯服,淮山,百合等外感好了不再流鼻水才用.
芳姐,您好！我個仔飲了辛荑花北茋蔥薑+浮小麥可止鼻塞，但他是鼻敏感經常到了晚上就有
鼻水，還有少少塞，想問這劑藥可否經常飲。（隔一兩日就飲）因怕他少塞會變得嚴重。
kathy:
可以連服3劑,停3天再服3劑,至症狀改善為止.
芳姐妳好!
仔仔14歲有”G6PD”症, 本身有鼻敏感哮喘底, 有用易扁桃腺發炎.
現在喉嚨好乾請問芳姐有咩湯水可以飲呢?
Carol:
你可以用羅漢果半個,青欖4粒,冰糖適量,3碗水煮成2碗供服,有清熱潤肺,消炎止痛之效.如買不到青欖,可以去中藥店買鹹欖,用2~3粒就夠.
謝謝芳姐
芳姐多謝您!我個仔間中一兩聲咳,但就覺得好多痰,昨日才煲白果核桃北杏粥給他吃,請問有咩會特別見效?
還有您是否有出過小童湯水的書,在商務有嗎?我沒記性,有本書我就不用每次煲湯上網看.
kathy:
痰多可以在粥料中加陳皮1塊,平時可以泡些羅漢果茶給仔仔飲,有助袪痰.我没有出小兒食療書,或許日後向出版社作建議.
芳姐,您好！請問白果沒有去心，怕不怕，因我第一次用白果沒看到有心，今朝還煲了白果粥給仔吃，有沒事呀？
另喉嚨剛開始癢，有點痰，請問吃甚麼好呢？
kathy:
有些白果較嫩,未長芯的,煲粥供仔仔服不成問題.喉嚨作怪可以用牛蒡乾1湯匙,無花果3,4粒沖水焗茶飲,加些少蜜糖更佳.或用羅漢果半個,甘草3片煲水代茶飲,有助化痰利咽喉.
芳姐您好
小兒一歲四個月,最近突然發燒,接著出疹子,一天大便多次(都上一點點成型跟稀狀都有),
有看西醫…說是腺病毒,反覆發燒跟緩瀉很困擾,我可以準備什麼食療給他吃呢??謝謝!!
janna:
你試用白朮3錢,炒扁豆1兩,茯苓4錢,薏米1兩,煲粥供服,有助止瀉.另外可以用蒜頭4,5粒,生薑3片,3碗水煮成碗半供服,有助殺病毒.
我囡囡十六個月大，上個月中開始傷風感冒，食咗西藥，好咗一陣又再病，而且有微燒，再睇西醫。食曬啲西藥，重有咳同流鼻水，比佢食猴棗散，食咗成個幾星期，都係有咳同流鼻水；不過就見到佢咳到啲痰出黎，但因為唔識吐，我見唔到乜嘢色。前日開始再冇比猴棗散佢食，食到叫若連天，所以停咗。昨日就見佢嘴唇上生咗1粒嘢⋯
飲三棗茶對佢有幫助嗎？還有冇其他湯水可提供？
Ellen:
你試用鮮龍脷葉1兩,南北杏5錢,紅蘿蔔1個,5碗水煮成2碗供服,有助化痰止咳.唇上生瘡,是有點虛火,三棗茶暫時不宜飲.宜煲些豆腐鮮魚湯或煲些皮蛋鹹瘦肉粥降虛火.
也不知什么原因，他从小就经常会呕吐的，不知是不是肠胃差。可以将鱼改成猪肉吗？这个方一般吃几次？
芳姐你好,
小兒8個多月大, 早前氣管敏感睇西醫成2個幾月未好, 而家已經無咳, 但耐唔耐仲聽到佢有D痰聲, 有鼻水, 我可以煲D咩佢飲下???
萬分感謝
鎬B媽媽:
你可以燉些陳皮絲雪梨水供服.陳皮1塊切幼絲,雪梨一個洗淨,去芯,切塊後與陳皮絲加1碗水同燉45分鐘即可供服,連服2~3劑,有助改善症狀.
芳姐：我仔仔15个月，最近晚上喝奶时老会吐，而且是全部吐出，有些腹胀，拉的便便前面是好硬而后面的却烂烂，嘴唇和舌头红。请问有什么汤水或者凉茶适合他呀？多谢晒！
lanlan:
你仔仔如果嘔吐,没有發燒,可能風重,如有發燒要看醫生.可試用生地5錢,淡竹葉1錢,茯苓,白朮各3錢煲粥供服,有助止嘔,改善症狀.可將材料入魚湯袋中與白米一齊煲.
芳姐, 您好, 阿仔(兩歲多)上星期感冒氣管炎後到現在還有咳, 晚上和晨早起床咳比較多, 有痰, 請問煲咩比佢食好呢? 謝謝!
澤mama:
你試用紫蘇3錢,北杏3錢,生薑3片,陳皮1塊,紅糖適量,3碗水煮20分鐘供服,有助疏風散寒,化痰止咳.
芳姐,你好!!!我個小朋友今年3歲…佢平時好好動,無時停!已經每日9點上床訓教早上7點起身,下午都有2-3小時午睡.食方面,每朝有食早餐,返到學校有茶點,放學返黎就食一大碗杰粥(另有餸一碗),午睡後有時會有零食,晚飯1碗飯加1餸…但係都唔係好識長肉…2-3歲呢段時間重量增長大約只有1-2磅…只係長高!!
重點係佢夜晚訓教質數麻麻地…成日郁黎郁去!!有咩湯水飲左會同佢有幫助呀!!!
anna:
小朋友如果活潑好動,又有胃口,應該没問題.可以用雞內金2錢,生薑2片,紅棗8粒煲瘦肉湯供服,有助健脾消滯.夜睡不寧可用蓮子(連芯)1兩,燈芯草4扎,麥冬5錢,冰糖適量,5碗水煮成2碗供服,有助安神.
我宝宝三岁伤风咳嗽反反复复大约有半年了，有吃西药，猴枣散吃过也不见好，现在仍偶尔听到他几声咳，有痰(因他咳没有吐出來並不能看到是什么颜色),流清鼻水以及他嘴唇干很红有时烈开还流血，平时喝很多水，晚上睡觉颈项后面衣服都湿到完，所以我並不知他是什么体质，要怎么帮他清除伤风咳嗽流鼻水及增强抵抗呢？谢谢
xingnan:
你試用紅蘿蔔1個切薄片,紅棗8粒切片去核,4碗水煮成2碗供服,連服3~5日,至症狀改善停止,對小兒久咳有有幫助.另外可用浮小麥5錢,北茋3錢,紅棗6粒,5碗水煮成2碗服用,對流虛汗很有療效.此湯亦有提高免疫力作用.咀唇乾要塗點潤唇膏,可能有點陰虛,待咳嗽好了,煲些沙參,玉竹,麥冬,杏仁瘦肉湯供服.
多謝芳姐!
用羚羊角絲加石膏能很快退燒.可以入茶包袋中,煲粥服,療效更佳.
請問用羚羊角絲份量要幾多?
食緊藥雖唔雖要隔2小時?
煲時間1小時OK?
Carol:
羚羊角絲用3錢.服西藥後2小時服,煲1小時就成.
芳姐好多謝回覆
仔仔14歲有”G6PD”症, 本身有鼻敏感哮喘底, 有用易扁桃腺發炎.
扁桃腺發緊燒可唔可以用羚羊絲加1兩石膏同煮可助退燒?
或用飲蘆根,青欖,冰糖水,再加1兩石膏同煮,可助退燒?
那一個最快退燒?
Carol:
用羚羊角絲加石膏能很快退燒.可以入茶包袋中,煲粥服,療效更佳.
萬分多謝芳姐!
北茋3錢,防風4錢,白朮4錢,辛夷花3錢,生薑3片,紅棗6粒.
請問2個人份量要幾多?
扁桃腺發緊燒可以飲蘆根,青欖,冰糖可助退燒?
Carol:
2個人份量,北茋4錢,防風6錢,白朮6錢,辛夷花4錢,生薑3片,紅棗8粒.6碗水煮成4碗,一天分2次服.扁桃腺發燒可以飲蘆根,青欖,冰糖水,再加1兩石膏同煮,可助退燒.
芳姐, 您好, 過去幾天真的很辛苦, 因為阿仔(兩歲多)由感冒發燒變至氣管炎, 現在還要食消炎藥, 病這一個禮拜都完全沒有胃口, 只飲少少奶和食幾塊餅仔, 現在應煲咩比佢食? 之後又可食咩補益一下呢? 謝謝!!!
澤mama:
你可以用花旗參3錢,老黃瓜1個,赤小豆,薏米各1兩,蜜棗2粒煲瘦肉湯供服.全家可飲,對感冒後脾胃功能未恢復,口乾等症有幫助.仔仔隨量飲就可以,主要清肺胃熱及益氣生津.之後可以用淮山,蓮子,芡實,紅棗適量煲豬肉湯供服,有助健脾益氣,增加食慾.
芳姐多謝
仔仔14歲有”G6PD”症, 本身有鼻敏感哮喘底, 有用易扁桃腺發炎.
現在有流鼻水和鼻塞北茋3錢,防風4錢,白朮4錢,辛夷花3錢,生薑3片,紅棗6粒,此湯可以飲嗎?
Carol:
有少許外感或鼻塞可以飲此茶,有助通鼻塞.
芳姐妳好!
仔仔14歲有”G6PD”症, 本身有鼻敏感哮喘底, 有用易扁桃腺發炎.
現在時常鼻塞請問芳姐有咩湯水可以飲呢?
Carol:
你仔仔平時必須要多飲水,每天8~12杯水.每天分2~3次用1茶匙粗鹽加温水潄口.用北茋3錢,防風4錢,白朮4錢,辛夷花3錢,生薑3片,紅棗6粒,5碗水煮成2碗供服,一星期2~3次,至症狀改善為止.此湯平和,對蠶豆症患兒都適合.
Thanks alot 芳姐
你好，我來身住在歐洲，請問如果沒有南棗，可以用什麼取代？定或是可以不加南棗呢？
Jo:
没有南棗,就用2粒無花果代替吧!同樣要切片才易出味.
多謝芳姐你嘅回覆呀！因為仔仔哮喘底常常敏感咳,睇咗你個Blog學到好多湯水可以煲比佢飲,多謝！
你好芳姐,請問係咪凍水落三棗,蜜棗同南棗啲核要唔要呀？謝謝
mon mon:
三棗凍水落，如果濕重者，三棗的核都要去除．否則不去核亦無所謂．
芳姐妳好!我仔仔現在1歲4個月大, 上星期開始發病, 先干咳後有痰咳及流鼻水,及後食了一星期西藥,現在仍偶然聽到他有痰(因他沒有咳出來並不能看到是什麼顏色),幾聲咳及少許鼻水,這幾天給他口棗散,外婆亦煲了川貝果皮 瘦肉鷓鴣湯,但他每次睡眠後半小時必定頭仔濕晒,及後不斷拆轉返則以及他口唇有烈,他平時亦飲很多水(一日有4次,每次都飲用200ml) ?所以我並不知他是什麼體質,怎樣幫他清咗d痰及增強抵抗力呢?除飲此三棗茶還可飲用其他湯水呢?
lucille:
你仔仔可能有點陰虛內熱,可以用沙參,麥冬,玉竹各5錢,北杏3錢,無花果4粒煲瘦肉湯飲.全家可服,仔仔每天可飲2碗,有助改善唇乾咳嗽症狀.睡後出虛汗,可以用北茋3錢,浮小麥5錢,南棗6粒,5碗水煮成2碗供服,連飲3劑,能改善盜汗,此茶亦有强壯體質功效.
你好~芳姐
紅棗表面有d白色粉末,對身體有害?
jc:
網絡可能有點故障,登入廻響有困難,久不久會出現這等情況的.紅棗表面有白色粉末表示發霉,不能吃,就算洗掉了,霉菌菌絲已深入棗肉中,對人體有害.
澤mama:
你可以用水晶梨的,此茶有少許甜味,可以加些少蜜糖會好味些.
謝謝芳姐, 明天會去買材料煲比仔仔飲, 但我這裡(New York) 冇雪梨賣, 沙梨, 啤梨, 水晶梨就有, 可以用咩代替? 另這款茶有甜味嗎? 我怕仔仔不喜歡飲有苦味嘅嘢….
澤mama:
可以用水晶梨,没問題.此茶有些少甜味,可以加少許蜜糖,好味些.
芳姐您好, 仔仔(2歲多)又病了, 星期六晚開始發燒, 醫生話感冒, 喉嚨有少少紅, 但只開了退燒藥, 冇消炎藥, 今天第三日了, 體溫仍在100-101度之間, 冇胃口, 只肯飲奶, 睡覺時咳很厲害, 甚辦?
澤mama:
現時的細菌,病毒真是很厲害,認識不少幼兒一感冒發燒就病完又病,病邪没法袪走.可以用蘆根5錢,生薏米1兩,竹葉芯3錢,雪梨1個,北杏3錢,5碗水煮成2碗供服,有助清熱解毒,退燒止咳.服西藥後2小時服.記得要多餵他飲水,以便將痰排走,否則很易變成肺炎.
芳姐妳好!小女出年一月就17歳啦,她本身有鼻敏感,所以一轉天氣她就成日打黑痴,又流鼻水,有時
個鼻好痕就係咁打黑痴,係咁申鼻!請問芳姐我有咩可以煲俾佢飲?等佢無咁辛苦呢?另外,我想問下如果她每個月來完月經,我可以煲返啲咩俾佢飲,等佢補返吓呢?最近天氣乾燥,有咩湯水適合煲呢?請芳
姐能給我指引啦!
煩惱人:
首先我要說明,我回應網友有關食療問題完全樂意,但不太贊成一次問太多問題,主要是你自己都會覺得累,未處理好一樣又要想第二樣,變成真正的煩惱人.之前有位網友都像你一樣,被我拒絕了.希望你不是那位網友.
鼻敏感試用辛夷花3錢,蒼耳子3錢,紅棗6粒,葱白3條,煲瘦肉湯服,葱白後下,5碗水煮成2碗供服.如體質偏寒,可以加3錢靈芝同煮,療效更佳.
如你女兒氣血弱,來經後可以用黨參3錢,切薄片,加[三棗茶]料泡茶飲用,能補益氣血.
芳姐, 您出書我一定捧場, 但唔知有冇得網上郵購寄至外國呢? 我住New York, 唔知買唔買到….
澤mama:
這點我都不清楚,出版社是海濱圖書公司,總代理是世界出版社..新書出版後我會問一問.
芳姐您好, 昨晚煲咗三棗茶比仔仔飲, 佢非常喜歡, 請問此茶可常飲嗎? 一星期可飲多少次? 如成人飲份量是幾多? 仲有冇其他類似這茶易整又有益? 萬分感謝!
澤mama:
此茶很平和,一星期可飲2~3次.成人份量就是6:2:1. 小朋友就一天飲杯.如果用一半份量就没有味道,故煲好後你及仔仔各飲1杯就成.
我的新書[每天一杯養生茶]很快會推出,書中總共有48款茶飲,都是簡單易煮的,到時你捧場買本來看看就成.^^
訪客:
小朋友可能不懂表達,是否耳不舒服,還是有點頭痛,影響耳仔附近不舒服呢?試用辛夷花2錢,蒼耳子3錢,白芷3錢,葱白3條,紅棗6粒,5碗水煮成2碗供服,葱白後下.有通鼻塞,治頭痛等功效.
芳姐：
小兒四歲，自九月感冒未好，經上次向你請教，㷛蘋果雪梨加天冬等材料，我每隔兩天㷛給他，又帶他看中醫，醫師話他脈像肝熱，肝不好影響肺，所以還有咳，服了四劑中藥後有好轉，但依然有些微鼻水，要他”申”就有，但不多，今早聽到有幾聲咳有痰聲，已即刻給他服猴棗散，請問應該㷛什麼給他以防鼻水及咳惡化？
另外，每天用熱水浸腳對身體是否有益，如預防感冒，增強免疫力？
Jess:
熱水浸脚很有益,睡前浸最好.可以參考我寫給馬太的食療方給你仔仔服.
您好,芳姐;
小朋友如果系鼻塞,又话耳不舒服,可煲咩也钦呢?
早晨呀!芳 姐:
小女最近因轉天氣,呢排成日打嘖.流鼻水,有時個鼻又好似好痕咁,我想她應該是鼻敏感所致!請問芳姐我有咩湯水可以飲呢?
馬太:
你試用辛夷花2錢,北茋,防風,白朮各3錢,紅棗6粒,5碗水煮成2碗供服,一星期服2天.有助改善症狀.
嘩, 芳姐你回復得好快呀, 非常感激!
芳姐, 您好, 請問這三棗茶除咗對氣管敏感好之外, 有冇其他好處? 小兒兩歲多, 近日晚上睡覺和早上起床時有咳, 很多痰, 但他唔識吐出嚟, 他體質比較弱, 氣管唔好, 飲這茶有幫助嗎? 另外本人最近有支氣管炎, 晚上睡覺時咳比較多, 可飲這茶嗎? 應否煲鷓鴣湯比全家人飲? 另最近買了些新鮮牛蒡, 可以煲甚麼湯? 謝謝!!
澤mama:
三棗茶能健脾胃,養顏潤膚.你仔仔可以飲此茶,但1天飲1杯就可以,即份量減半.支你管炎試用紫蘇葉2錢,天冬3錢,陳皮2錢,枇杷葉5錢,4碗水煮成2碗供服,對支氣管炎有療效.鷓鴣湯全家可飲,可以配鮮牛蒡,南北杏,雪耳,紅棗,生薑一齊煲.