By 芳姐 ( 22 7 月, 2010 at 6:37 上午)
· Filed under 外感/頭痛/呼吸道病
哮喘在中醫辨証分型上有虛証和實証之分.實証主要是寒性哮喘和熱性哮喘;而虛証主要是肺虛哮喘和腎虛哮喘.
今天介紹這味[淮山川貝鱷魚肉湯]很適合虛証哮喘人士飲用,有補益肺,脾,腎三臟功效.對喘促咳嗽,痰色白清稀,氣怯聲低者很有幫助.
用料是: 淮山1兩,芡實1兩,川貝3錢,陳皮1塊,鱷魚肉乾2兩.
做法: 將材料用清水浸洗;全部材料放入煲內,用8碗水煮約3小時成3~4碗即可供飲.
~ 小貼士: 鱷魚肉乾功能補肺益腎,是治療哮喘的良藥.如果加一隻鷓鴣同煮,療效更佳.此湯對支氣管痙攣亦有幫助.
Permalink
你好芳姐，如果市面上有冇得買處理好嘅鱷魚肉湯比較足料🙏
訪客:
你指湯料包?如果為方便可以買現成湯料包,如果自己配製肯定料及食療功效會優質些.
你好 芳姐，
朋友懷孕 因為久咳至哮喘 ，請問她可飲這款湯呢?
謝謝回答！thanks
Nic:
懷孕都可以飲此湯.平時可多用白果肉(要去芯),核桃肉,杏仁,無花果煲湯服,有助補益肺脾腎及改善哮喘.
芳姐 謝謝你的回答🙏🙏🙏
你好芳姐，我的媽媽73歲，上年中了新冠後就氣喘，上個月又二次中🙈，現在行5分鐘已經好辛苦，抖不過氣來
Joey:
你可用白果15粒,去芯,南北杏1兩,核桃肉5顆,陳皮1個,紅棗5粒煲鷓鴣湯供服,8碗水煮成4碗,可分2天服,連服3劑,有助止咳定喘,强壯體質.
芳姐你好，請問此湯對鼻敏感有效嗎？謝謝
May:
此湯主要是治咳喘的,鼻敏感可用桑葉,菊花,南杏各3錢煲水代茶服.
芳姐
我個女兩歲，有鼻敏感氣管唔係咁好，之前中咗一種鼻嘅病毒入院，「鼻水流不停，係咁咳不停，咳到瞓唔到覺」，留醫一晚，而家好咗好多啦，呢幾日開始瞓覺嘅時候開始有鼻水鼻塞同埋咳有啲痰，請問應該煲咩湯水比較好呢？
另外我仲有一個仔五歲，鼻敏感都比較嚴重，可以飲咩湯水呢，謝謝你🙏
Gigi:
你可以去裕華或農本方買[玉屏風散]顆粒沖劑,每次沖給仔女飲時加8朵辛夷花同泡供服,有助改善鼻敏感及增强體質,減少發病,可服一個月,隔日1次.
芳姐, 請問老人定咳左個幾月, 痰中帶小小血絲, 可煲此湯嗎?
ca:
你可用麥冬5錢,南北杏5錢,五味子3錢,桔餅1個,甘草1錢湯供服,對久咳老人家適合.
芳姐, 請問老人定咳左個幾月, 氣管唔係咁好, 痰中帶小小血絲, 可煲此湯嗎?
芳姐你好，我現年37歲，約30歲時才患上哮喘。根據你的資料，我應是寒哮喘。天氣轉變時，特別容易發作。想請教一下以上湯水是否適合我服用？而且我好希望可以找方法根治或改善哮喘。最近一次瞓覺時發作，但因太攰連發作都唔知醒，在夢中感覺到抖唔到氣的感覺，早上起來發現自己緊握哮喘藥，實在可怕。謝謝🙏
Yan:
如果你經濟能力許可,每天或隔天用7條冬蟲草泡茶服,然後將蟲草吃了,服一段時間後可以治好哮喘，但冬蟲草實在貴得不合理,可以多用蟲草孢子頭煲湯服,例如配核桃肉,白果肉(要去芯),南北杏各適量,紅棗或南棗5粒煲鷓鴣或鵪鶉湯服,一星期2~3劑,至症狀改善為止.此湯補益肺脾腎三臟,對身體有益.要吃些湯料.
芳姐，我想問問月經期間，飲鱷魚肉虎乳靈芝得唔得？怕唔怕寒涼？定來完經先煲？謝謝你
Ms ko:
鱷魚肉湯是温性的,來經可以飲.
虎乳靈芝都沒問題嗎？麻煩晒你🙏🏻🙏🏻
Ms ko:
虎乳靈芝其實是產自東南亞一種[茯苓菌],味淡性質平和,因有補肺功效,又長得像老虎奶,故名.
唔該晒，我明天就放心煲了🙏🏻🙏🏻
你好芳姐,女兒五歲，轉季期間，哮喘發作個多月,中西醫都睇過，病情反覆，而且最近有鼻竇炎和氣管炎，日日都有咳，而且好多痰又喘，需要食藥水及抗生素十多日，療程仲未完，請問食藥期間，我可以煲啲咩食療俾佢，等女兒身體冇咁虛嗎？
她面青口唇白，咀邊周圍起敏感。
kayi456:
你可用冬瓜仁5錢,北杏3錢,白果6粒去芯,辛夷花6朵,5碗水煮成2碗供服,服西藥後2小時飲,連服3劑,看能否改善?
你好, 芳姐。小兒四歲有哮喘，定期閒氣。發作通常因傷風感冒鼻水引起。請問有邊款湯水岩佢，幫佢補強身體？謝謝！
JC:
此湯能補益肺腎,你可煲此湯供仔仔飲,一星期1~2劑.另外可用白果6粒,去芯,核桃肉3顆,南北杏5錢,紅棗4粒煲鷓鴣湯供服,能補益肺脾腎,止咳定喘,一星期1~2劑.兩劑食療可交替飲用,服一段時間令兒體質可改善.
謝謝芳姐。想問此鱷魚肉湯或鷓鴣湯係咪有些時間不能飲，如發病時？及是否適合所有哮喘類小朋友？（因我不清楚小兒係實/虛型）。另外邊度有得買鷓鴣？
JC:
小朋友哮喘如果屬熱哮就不宜用鱷魚肉湯或鷓鴣湯,可以用枇杷葉,北杏各3錢,雪梨1個煲水供服;虛性/寒性哮喘不在病發期則適合飲用鱷魚肉湯或鷓鴣湯.鷓鴣在活雞檔或專賣冰鮮家禽的檔口有售,你要問活雞檔人員,一般都是急凍了的.
熱性哮喘痰稠色黃,發熱面紅,渴喜冷飲,容易便秘;寒性哮喘痰清稀色白,形寒無汗,面色蒼白,口不渴,喜熱飲.
真的非常多謝你, 會試下. 小兒其實剛發病完, 出院後要定期聞類固醇, 一出院就飲這些湯水有否問題?同湯水會否與西藥相沖?
唔好意思芳姐, 川貝有否代替品, 因淮山川貝鱷魚肉湯是否不適合寒咳?
JC:
小朋友出院後可以飲,服西藥隔2小時飲就成.川貝主要袪痰,寒,熱哮喘都可用.
芳姐, 唔好意思, 想問加埋冬蟲草會唔會好D? 但長期食係咪唔好, 補得濟? 另外, 如經濟能力關係, 用冬蟲草粉代替原條冬蟲草得唔得?
JC:
蟲草太貴,如打粉你未必知是否正冬蟲草打的粉?其實可以用蟲草孢子3錢代替,不貴但有部分冬蟲草的功效,可食用1~2個月,一星期2~3劑.如本身尚有冬蟲草就先用完它.
明白芳姐, 你知父母心想給子女最好的… 那冬蟲草應怎樣處理, 用量多少?
JC:
冬蟲草每次用5~6條,沖洗後煲湯或燉湯,燉好後取出最好剁肉餅蒸餸供小朋友食,看不到蟲又全部可吃掉.
芳姐，請問此湯可以加栗子嗎？謝謝
你好，芳姐,我仔11個月,喉嚨有好多痰咳唔出，又有氣管敏感，有甚麼湯水適合，謝謝
cheng0511:
你試用川貝末2錢,蘋果1個,去皮,去核切片,陳皮1塊,4碗水煮成1碗供仔仔一天分服,連服3劑,有助化痰,減少氣管敏感.
芳姐你好，
我囡囡由出世到而家15個月，夜晚12點&3點會大哭。我朋友燉鱷魚肉湯比佢飲，飲完，竟然一覺訓到天光。
想問一問有無其他湯水可以推介？ 感謝！
Mavis:
你可用有芯蓮子1兩,百合1兩,燈芯草6扎,4碗水煮成1碗供囡囡飲,有助清心安神,連服3劑.
芳姐，
你好！我細囡3歳，自9月返學以來不斷生病，一個月氣喘一次，所以醫生叫佢聞氣。她傷風和咳已經好了但仍有很多痰咳不出來。請問有什麼方法可幫助她呢?謝謝你
Elaine:
你可用蘇子,萊菔子各3錢入茶包袋煲瘦肉粥供囡囡食,連服3劑,有助袪痰止咳.咳好了可用白果15粒去芯,核桃肉1兩,南北杏1兩,無花果4粒煲鷓鴣或鱷魚肉乾湯,全家可飲,有助防咳喘.囡囡一次只可食3粒白果.
芳姐，
我囝囝16個月大，半個月前得了”嘶哮症(croup)”不能呼吸(是病菌感染導致呼吸氣道腫脹，不能呼吸，但不是哮喘)，在急症室用了類固醇無效，最後也要插喉呼吸，在ICU留醫，現已退燒情況穩定回家。 我已煲了數次龍利葉蘋果湯給囝囝清痰。 現時囝囝仍十分氣喘，呼吸急促，就算坐在椅子上沒有什麼大動作仍氣喘，睡覺時有像大人的鼻鼾聲，請問芳姐可建議煲什麼湯水嗎？謝謝你！🙇♀️
Annie:
如果仔仔仍有痰,可以用川貝末3錢,蘋果1個,去皮,去核切塊,陳皮1個,4碗水煮成1碗供服,有助化痰止喘.蘋果有益正氣,可以用幾劑没問題.如没發燒,可以用些核桃粉加牛奶,少許蜜糖煮糊仔供食,能補腎氣,止喘.
芳姐好，
不好意思，有一續問……我們留意到囝囝在晚上特別氣喘嚴重，白天氣喘情況有改善，我們不太明白。如有湯水針對這情況，請建議……🙇♀️🙇♀️謝謝你！
Annie:
由於秋季氣候驟變,尤其是晚上温差變化較大,如你仔仔本身氣管有毛病,晚上氣喘症狀會嚴重.如仔仔痰白清稀,可用白果10粒,南北杏1兩,核桃肉1兩,南棗6粒煲鷓鴣湯,此湯全家可飲,有助補益肺,脾,腎臟,改善咳喘.但如外感未清有發燒就不宜服.
謝謝芳姐😘
芳姐，小兒15個月大，自從3個月前感冒後一直偶有氣管咳，而且自幾個月大起便痰多，痰聲很重，今日開始傷風+氣管咳，清涕，請問可以飲這個湯嗎？川貝會使他咳更多嗎？謝謝
Renee:
可以用川貝末3錢,蘋果1個,陳皮1個,4碗水煮成1碗供仔仔服.傷風咳可以用芫荽葱各3棵(連根),生薑3片,辛夷花5朵,3碗水煮成1碗供服,有助解表收鼻水.這款補益湯傷風好後才飲.
芳姐,
小兒10個月, 有蠶豆症, 最近哮喘病發入院了, 請問之後我可煲甚麼湯水補身?謝謝
芳姐你好！仔仔兩歲有哮喘，燉冬蟲夏草每星期三次食咗三個月，屋企啲長輩都叫唔好俾佢食，驚高血壓早發育，請問芳姐冬蟲夏草有冇幫助可唔可以長期食用。
訪客:
冬蟲草對小朋友哮喘有益,一星期食3次可以.如長輩怕長期食對身體不好,也可以用白果15粒,去芯,核桃肉1兩,南北杏1兩,陳皮1塊,紅棗6粒煲鱷魚肉或鷓鴣湯供服,一星期2劑,有助補益肺脾腎臟,改善哮喘.此湯全家可飲,8碗水煮成4碗,仔仔飲1碗就成.此湯對體虛小朋友有益,不會有副作用.但白果你仔仔兩歲最多吃兩,三粒,不宜多吃.
芳姐,
請問妳我在這一兩個星期間,在半夜都咳,乾咳,時時咳到醒了!
喉嚨好似有痰,好乾, 呼吸有些小唔暢順 !
又唔似感冐!
我可飲什麼湯水呢?
謝謝妳.
玲:
你試用沙參,玉竹,麥冬各3錢,雪梨,蘋果各1個,去皮,去核煲瘦肉湯服,煲1小時,連服3劑,有助滋陰潤肺,生津.
芳姐，你好，我個女一歲兩個月，咳左成個禮拜，醫生話依家氣管炎，可以煲咩湯佢飲，擔心死
訪客:
你可以用川貝末2錢,蘋果1個,去皮,去核,冰糖少許,4碗水煮成碗半,供囡囡一天分服,連服3劑,有助改善.
芳姐，佢有少少痰，可以加D咩化痰呢
訪客:
川貝其實是化痰佳品,而且能減少氣管痙攣咳嗽,如痰多不要冰糖,加塊陳皮同煮.
芳姐，您好，請問我兒子15歲了，每晚半夜咳嗽，有鳴聲，不似有痰，又不似乾咳？請問他是什麼湯水適合呢?麻煩芳姐！
芳姐，您好，請問我兒子15歲了，每晚半夜咳嗽，有鳴聲，不似有痰，又不似乾咳？請問他是什麼湯水適合呢?麻煩芳姐！
yo:
你可用白果10粒,去芯,核桃肉1兩,南北杏1兩,無花果4粒煲瘦肉湯供仔仔飲,8碗水煮2小時,你仔仔可一天分服2碗,飲湯吃些湯料最有益,一星期2劑.
阿囡咳左2個月，每朝起床 半個鐘之後就開始咳，有膿痰有時咳唔出，有時咳得出痰，日頭和夜晚都好少咳， 一做運動就會咳 照個肺冇事睇咗幾次醫生都唔得，請問可以煲啲咩湯舒緩。
杜太:
你試用枇杷葉,龍脷葉各5錢,羅漢果1/4個,桔餅1個切碎,5碗水煮成2碗服,連服3劑,有助化痰止咳.
芳姐:
你好, 小女2.5歲, 自從上次患感冒咳嗽後好像未有断尾. 她氣管一直ok的, 但現在到公園跑一會和晚上半夜會咳嗽厲害, 伴有痰聲. 請問是上次感冒令氣管變差了嗎?有什麼湯水可根治問題? 另外, 老人一星期會煲兩至三次鱷魚肉湯. 請問鱷魚肉湯感冒未清的話是否適宜飲用?另，乾鱷魚肉跟急凍鱷魚肉效用上有分別嗎? 謝謝你.
yu
yu:
你試用紫蘇葉3錢,生薑3片,葱白3棵滾肉片湯供囡囡服,滾10分鐘可服,連服3劑.鱷魚肉湯没發燒可以.急凍鱷魚肉可以用,乾品都好,但必須去大間有信譽店鋪買,因假品太多.
芳姐:
謝謝回覆, 請問紫葉是否乾品?係藥材鋪買到? 謝謝
YU
yu:
紫蘇葉是乾品,中藥店有售.
啊仔佢病左，有鼻塞，咳，少少痰，日頭同半夜都會咳，咁可以飲你講既湯嗎？
虎乳靈芝川貝湯及“鄧”川貝有用嗎？
ching:
你可以用川貝末3錢,蘋果1個,陳皮1塊,4碗水煮成2碗,可加少許蜜糖調味,連服2劑.
想問點煮？
芳姐
小兒9歲，一直都有鼻炎，時好時壞。自去年年尾到现在，差不多每個月由乾咳開始，接着有痰声，继而犯感冒（流黄鼻涕）；断断续续重覆三次了，每次医生都是說感冒導致氣管受病毒感染，從而氣管收窄。他精神和胃口都好，晚上睡着後也不会太咳，只是日常活动時就多咳一点，感觉有些緊，已经好好壞壞的持续了幾個月，可以给他煲些什么湯水呢？
東東媽:
你可以去裕華或農本方買[玉屏風散]沖劑,此沖劑能强壯體質,減少傷風感冒.如鼻炎,每次沖服時加6朵拍碎的辛夷花同沖泡,焗5分鐘可飲.一星期2~3劑,至症狀好為止.
可以同時止咳嗎？
我一直有焗辛夷花茶給他喝，鼻炎有些改善，目前是咳最麻煩，已經三個月了。
東東媽:
玉屏風散不能治咳,是病好後用來强壯體質,減少傷風,感冒,+辛夷花是防鼻敏感.如果咳,可用桔餅1個切碎,陳皮1個剪開,桔梗2錢,4碗水煮成2碗供服,流鼻涕或鼻塞加6朵辛夷花一齊煲,連服3~4劑.
芳姐
我仔仔剛病好幾日，冇再咳。但半夜有時會乾咳，比啖水佢飲就冇事！
老公由細到大都會乾咳，每次都咳兩聲就冇事，但一日都咳好幾次，好似成為習慣咁，唔係唔舒服咁
呢款湯岩佢地兩個飲嗎？
我覺得仔仔喉嚨同肺都比較乾，因為佢跑兩下、大笑得多、半夜都會咳，如果唔馬上比水佢飲，佢咳多幾下就有機會會嘔！係咪要煲反D潤既湯水補下。
thanks
ching:
風咳可用烏梅2粒,甘草5片,菊花1小撮,3碗水煮成碗半供服,連服3劑.另外可以用玉竹3錢,蘋果,雪梨,紅蘿蔔各1個煲瘦肉湯服,全家可飲,有滋陰潤肺燥功效.