By 芳姐 ( 18 1 月, 2011 at 8:12 上午)
· Filed under 外感/頭痛/呼吸道病
急性支氣管炎患者如果没有妥善治理,會轉化為慢性支氣管炎.患者會反覆咳嗽,痰多,每年發病至少持續兩三個月.由於經常咳嗽,至肺腎兩虛,出現咳嗽,氣喘,乏力,腰酸膝軟,喉間時有哮鳴等症狀.
[雙果核桃湯]有益肺補腎,歛肺定喘之效.對肺腎俱虛的支氣管患者十分適合.
用料是: 白果10粒,羅漢果1個,核桃肉1兩.
做法: 白果去殼,去芯;羅漢果打碎;核桃肉洗淨;將全部材料用5碗水煮約1小時成2碗,飲湯吃白果,核桃肉.
~ 小貼士: 白果有歛肺定喘之效,但芯有小毒,必須去除.此湯對小兒經常咳嗽不止亦有裨益,用量減半.
Permalink
芳姐，你好！我有咳嗽，鼻水，而且痰是黃色的，夜晚咳到瞓唔到。總是覺得氣唔順，請問會唔會係支氣管炎呢！請問可以飲”蟲草花淮山無花果鷓鴣湯”嗎？又或者可以煮哪個食療會有幫助呢？謝謝
Candy:
你試用鮮龍脷葉,枇杷葉各1兩,雪梨1個,去核,北杏3錢,陳皮1個,5碗水煮成2碗服,連服3劑,有助清熱化痰止咳.蟲草花湯待黃痰消除了才飲.
想再請問下：可以飲桔餅陳皮蘋果水嗎？(可以後加川貝未嗎？)謝謝
Candy:
可以用桔餅陳皮蘋果水加川貝末2錢.
芳姐你好，仔仔5歲睇完醫生話係支氣管炎，要食抗生素，請問有咩湯水可以調理下？仲有咳，鼻涕有小許黃。
另外一個仔仔11歲屁股兩邊長滿瘡，可以飲啲咩？他身型略為肥胖！
Nicole:
你可以買鮮魚腥草,用2兩,配南北杏1兩,陳皮1個,蜜棗2粒,4碗水煑20分鐘成2碗供仔仔服.另外用2兩煲水15分鐘成1碗,作外洗劑,有助消瘡腫,一碗可用藥棉沾藥汁塗患處,一日塗3次,不用清洗.
芳姐
仔仔兩歲十個月大
最近 幼稚園很多同學仔病，兒子 18號開始發燒， 流鼻水咳嗽很嚴重
看了醫生都是說傷風感冒， 咳到 氣管炎 還未到支氣管炎。
一路靠食 退燒藥 控制，現在剛剛開始退燒， 仍然有鼻涕， 睡著了便沒有咳嗽，但一起床就咳得很嚴重及頻密， 仍然在吃西醫的鬆氣管藥及傷風咳藥，抗生素等
請問我應該煲什麼給他喝或者做什麼呢謝謝
補充： 感覺好像有點敏感，咳到停不了似的， 一起床便咳，一說話咳， 咳到撕裂一樣，
而且他 還會咳到嘔吐及仍然有腹瀉
補充： 感覺好像有點敏感，咳到停不了似的， 一起床便咳，一說話咳， 撕裂一樣，
而且他 還會咳到嘔吐及仍然有腹瀉
Phoebe:
你試用蘇子,萊菔子各3錢,入茶包袋,北杏3錢煲瘦肉粥供食,連服3劑,有助袪痰止咳.
Phoebe:
除了用蘇子,萊菔子,北杏煲粥供食,亦可以放一個去了衣,切了頂部的洋葱在仔仔床頭,讓洋葱吸走床邊及房間的細菌病毒.
芳姐：
我仔仔歲半，晚晚睡覺都好不安，整晚都係床碌來碌去，每晚都醒幾次，又難以入睡。
經常無謂口食野，請問有咩湯水幫助到.謝謝！
Shirley:
你試用有心蓮子1兩,百合1兩,燈芯草6扎,圓肉10粒,5碗水煮成2碗供服,最好吃些百合,有助清心安神.
芳姐,你好,本人有慢性支氣管炎,常有咳嗽,而且喉嚨感覺常有東西卡住, 又不是痰,非常不舒服,已有多年, 有什麼湯水可緩解?
芳姐，你好，本人69歲，患了慢性支氣管炎多年，之前都是每天有些咳嗽而已，去年每天咳嗽加多，而且行一段小路和上落樓梯，有氣喘還試過咳出血塊，照過肺片，沒事。現在每天都有咳嗽，請教可有什麼湯水可舒緩咳嗽。
另外晚上睡着了時或早上起牀，口和喉嚨乾得很像一點滴口水都沒有，把得我弄醒。亦請提供湯水改善，如湯水可二合為一就最理想，感謝。
Fanny:
你試用沙參,麥冬各5錢,石斛3錢,白果15粒,去芯,核桃肉1兩,無花果3粒煲瘦肉湯服,8碗水煮成碗,可分2天飲,要吃些湯料.如口太乾可以用羅漢果1/4個,青欖6粒拍鬆,4碗水煮成2碗飲,每日1劑,至症狀好為止.
芳姐,請問第一個食療是舒缓咳嗽嗎? 八碗水煮成幾多碗呢? 沒有寫出.
芳姐,我住這裡買不到青欖,可有什麽代替?
芳姐，（上兩年曾患過肺炎）我爸爸一個月前食完抗生素就開始咳到而家，佢話係喉嚨痕（頸中間位置），冇痰的，胃口差，食野感反胃，有啲咩食療可以幇到？我巳經常煲黨參雲苓白术比佢了，謝謝！
Karen:
你試用青木瓜1個,雪耳3錢,南北杏1兩,無花果4粒,陳皮1個煲豬展湯供服,連服3劑.有助健脾益氣,潤肺止咳.
你好芳姐，他有腎病洗腎的，可能木瓜未必吃得多，有冇其他可以代替？冬蟲夏草（屋企有）可以點配其他食？川貝是否岩佢？
Karen:
冬蟲草可以配白果10粒,去芯,核桃,芡實各5錢,川貝3錢燉豬展或鷓鴣湯供服.
芳姐你好， 我先生一年裏面有大半年都係會有痰卡住喺喉嚨 佢好容易氣管炎感冒， 今年年頭感冒咳 好番到而家 都係成日有痰 在喉嚨， 但係咳極都咳唔到出嚟， 佢話覺得啲痰好杰， 之前佢感冒有綠色痰我煲過魚腥草兩次畀佢飲， 綠色痰就冇咗， 龍脷葉桔餅羅漢果海底椰 青欖 等等 我都不停煲畀佢飲， 但係就係個痰咳唔到出嚟， 我好驚佢變咗慢性氣管炎， 佢而家50幾歲 我好驚佢去到老嘅時候好似啲阿伯咁日日喺度咳， 呢個雙果核桃湯 啱唔啱佢飲? 可以煲咩比佢調理下同埋咳咗啲痰出嚟呢? 可唔可以同佢拍啲痰出嚟呢 ?
謝謝你。
芳姐，同埋佢有時呼吸间中一兩下会有聲。。音，好像條氣不順，喉嚨有声，不知是否就是哮鳴。先谢谢你。
shum:
你可用法夏,茯苓,白朮各5錢,陳皮2錢,甘草2錢,5碗水煮成2碗供服,連服3劑,如見效,停2~3天再服3劑,至症狀改善為止.
芬姐，小兒一歲四個月，自打流感針後一直流鼻涕咳差唔多半個月，好多咳，還有氣喘，看西醫一直都冇咩改善，應該煲啲咩？
Fong Jessie:
你試用桔餅1個切碎,陳皮1個,辛夷花6朵,4碗水煮成碗半供仔仔一天分服,連服3劑,看能否改善?
如果 80歲老人 氣促 有 喘鳴聲 晚上難入睡
Miki:
你可用白果15粒去芯,核桃肉1兩,百合1兩,無花果3粒煲瘦肉湯供服,8碗水煮個半鐘成4碗,老人一天分服2碗,連服3劑.
芳姐你好，我老婆27歲一直都有支氣管炎，乾咳多但有時會有痰。以前係一年365咳，依間係冬天特別凍果陣最嚴重，之前試過藥物冇太大幫助。唔知係咪生過小孩，身體有冇變化同有影響，因為懷小朋友果陣，試過氣喘唔到上黎🙏🏻可以煲d咩？或者有咩食療可以指教下🙏🏻謝謝你！
Mr Ice:
你試用虎乳靈芝3錢,白果15粒去芯,核桃肉1兩,南北杏1兩,陳皮1個,紅棗6粒煲鷓鴣湯,7碗水煮個半鐘成4碗,你太太一天分服2碗,最好吃些白果,核桃肉,一星期2~3劑.此湯全家可飲,有助補益肺脾腎,減少咳喘.
我2個月前感冒帶咳 及後keep 住有少咳及覺得氣管唔順 有少量 白色痰。有時見少黃痰
Cat:
你試用桔餅1個切碎,蘋果1個去核,陳皮2個,5碗水煮成2碗服,連服3~4劑.
謝謝
芳姐你好
小朋友3歲氣管炎食左5日抗生素但現在還有痰鼻水同咳，請問可煲什麼湯給他調理？謝謝！
Cat:
你試用桔餅1個,陳皮2個,茯苓3錢,白朮3錢,辛夷花6朵,4碗水煮成2碗供一天分服,連服3劑.
芳姐你好，我媽咪最近一直咳嗽，看了幾次醫生也沒幫助，晚上咳得非常嚴重，請問有咩湯水岩佢飲？
Wilson:
你試用桔餅1個切碎,陳皮2個剪碎,蘋果1個,去皮,去核,4碗水煮成2碗供服,連服3~4劑,看能否改善?
芳姐，我個仔沉日發燒今日睇e生話氣管炎要食一星期抗生素，仲有2粒痱滋仔生咗出嚟！我可以煲啲咩粥同埋湯會好啲，麻煩哂
yu:
你可以用桔餅1個切碎,雪梨1個,去核,4碗水煮成2碗供服,有助清肺熱止咳.生痱滋可以煲些鹹瘦肉皮蛋粥供食.連服2劑.
小兒兩歲半，感冒後一直咳，咳了半個月，晚晚咳到瞓唔到，睇醫生話係支氣管炎，好多痰，要食抗生素同聞蒸氣，請問食緊西藥有咩湯啱飲？
stella:
你試用川貝末3錢,蘋果1個,去皮,去核切塊,4碗水煮半小時成碗半供仔仔一天服,連服3~4天.服西藥後2小時飲,有助止咳.
Stella:
我BB又係兩歲都係有咁嘅情況，你可以教下我嗎？
Angel:
川貝能袪痰止咳,減少氣管痙攣,小兒最合用,配蘋果有益正氣及有止咳功效;如痰黃屬熱咳就配雪梨.
芳姐，不好意思，最後嗰度打錯字， 我意思係話佢一般早上和晚上係咳得比較嚴重， 中午的時候比較穩定緩和， 我到底怎樣才能幫助他呢？謝謝你賜教。
芳姐，您好，我大仔今年7歲8個月，說來話長，他由2歲開始咳咳咳……一年到晚都咳…… 醫院又話佢類似哮喘氣管敏感之類， 咁多年嚟一直都有跟進， 今日才去醫院覆診 回來也是給 小小 鼻水藥佢用， 話唔知會唔會係鼻水倒流， 但係佢隻被係乾嘅冇鼻水。 又開咗啲一直用開嘅 聞氣噴劑， 其實咁多年嚟一直覆診都不大大。睇嚟睇去中醫西醫都係一直咁咳，基本上咁多年冇停過，我都真係身心疲累佢又辛苦我又辛苦。 佢一般係組 嫦娥 晚上咳得比較嚴重 中午時比較穩定緩和， 芳姐請教您我應該如何幫助他呢？謝謝指教。
仔仔媽咪:
你試用虎乳靈芝3錢,川貝3錢,白果10粒,去芯,核桃肉1兩,南杏5錢,陳皮1個,紅棗6粒煲鷓鴣湯供服,一星期2~3次,全家可飲,仔仔最好吃些湯料,有助補益肺脾腎臟,減少咳喘.
好的，謝謝芳姐。
女兒17個月大，睇咗兩次西醫，話佢支氣管炎，已經食咗藥兩個星期，但仍然未完全康復。今日開始由鼻水倒流，轉為流清鼻涕水，而且仲伴隨着有痰聲嘅咳，請問可以飲咩調理？
我自己都患咗支氣管炎加氣管敏感，夜晚比較多咳，可以飲以上湯水嗎？
pooo:
你可以用這款湯,但羅漢果偏涼,你改用桔餅1個代替,女兒鼻水倒流可用5朵辛夷花拍碎泡茶,加些少蜜糖供服,連服3劑.
芳姐,
妳好, 家中媽媽常氣管咳. 遇冷氣即咳….請問是否有合適湯水調理及舒緩? 較早前睇中醫亦提醒過媽媽不適宜食及飲用順貝..煩請幫忙提供湯水及材料. 謝謝.
更正資料 ( 川貝不能食/飲用 )
Candy:
你試用桔餅1~2個(桔餅上的白霜能止咳,是天然結霜,不要洗去)切碎,陳皮2個剪碎,4碗水煮成2碗供服,連服3~4劑.
收到妳回覆, 謝謝, 但請問桔餅可以在甚麼地方購買? 街市? 或海味店?
Candy:
桔餅在中藥店有售.
你好芳姐。老人家有支氣管擴張 反覆會咳血 大概數星期就會出現咳血4.5天。平日也十分多白色痰。請問可煲什麼湯水讓支氣管擴張情況改善 減少咳血情況 平日也有食止血丸。
Mary:
你去中藥店買白芨,用白芨3錢,白果10粒,去芯,雪耳2錢,南北杏1兩煲瘦肉湯供老人家服,連服3~4劑會有幫助.
芳姐你好！我媽媽年紀已經很大八十多歲， 患有慢性支氣管炎和哮喘，肺功能很差、不停反覆病發，體弱、無胃口、睡眠質素差夜咳多痰。
請問有什麼合適的保健湯水和可以恆常每天飲用的食療？
謝謝！
Ting:
你試用虎乳靈芝3錢,雪耳3錢,南北杏1兩,核桃肉6顆煲瘦肉湯供服,一星期2劑,全家可飲.
芳姐，想問羅漢果會太寒嗎… 媽太寒都會咳厲害 ，佢支氣管唔舒服好多年，一咳幾個月，痰又多
cbic:
羅漢果寒涼,你改用陳皮1個代替就成.
芳姐，小兒16個月大，急性肺炎加支氣管炎，出院後想調理身體，想問此湯水適合嗎？可以日日煲此湯嗎？
還有什麼適合的湯水可以介紹給我，謝謝
Cynthia:
由於白果有小毒,小朋友一歲只能吃1粒,2歲吃2粒…故建議你用虎乳靈芝3錢,核桃肉1兩,南北杏1兩,百合1兩,陳皮1個煲鷓鴣或鵪鶉湯,全家可飲,8碗水煮成4碗,仔仔隨量服,一日碗半差不多,可連服3~4劑.
芳姐, 你好.
小兒3歲, 於上星期六睇中醫, 話感冒未清及敏感咳, 但這兩日咳得嚴重了, 日夜都咳, 夜晚訓住咳, 咳到有少少喘聲. 早上有鼻水, 咳多數是乾痰, 但有時都有幾聲痰聲.
請問有什麼湯水能飲. 感激感激.
芳姐你好,我很多時午夜给喉嚨乾醒了,上喉嚨乾得一丁兒水份都沒有,要起來喝一两口水才可睡下去,但喉嚨仍然乾得很,一直到天亮起牀都是一樣乾得很,不知何故,請教芳姐煲什麽湯水可以改善?
fanny:
你可能陰虛內熱引致.可用花旗參,石斛磨粉,每天服用2茶匙,温水送服,連服一周見效.
芳姐，請問慢性支氣管炎有那些湯水可幫助？
訪客:
慢性支氣管炎可以用蓮子,百合各5錢,白果15粒,陳皮1塊煲瘦肉湯服.或用淮山,百合,沙參,麥冬各適量,煲豬肺湯飲亦佳.
你好！芳姐。
本人咳了接近2個月，醫生說氣管炎。中西醫看過也不好轉：（
主要係氣管唔順，遇到下列情況會咳：
1. 覺得空氣凍
2. 空氣濁
3. 聞到濃味
一轉天氣，冷一點，我的氣管就出事，不停咳。
一瞓覺開頭會狂咳，瞓落暖咗就好啲。
請問可以如何改善？有什麼食療？
感謝您抽空回應！
Amy:
你可能是敏感咳,試用桔餅1個,切碎,蘋果1個,去核,甘草2錢,4碗水煮半小時服,連服3~4劑.
芳姐你好，小朋友4years，睇咁幾次西醫都唔好，依家仲係咳，有時有痰聲，醫生話係氣管炎，食咗5日抗生素，有給了藥氣聞。差不多9日了。
Hi:
你試用川貝末3錢,蘋果1個,去皮,去核,陳皮1塊,冰糖少許,4碗水煮成2碗供服,連服3劑.冰糖盡量少放,如小朋友不怕微苦,不放更佳.川貝能減少氣管痙攣咳嗽,陳皮去痰,蘋果有益正氣.
Hello,芳姐、請問食緊抗生素可以飲呢個湯嗎？
Anna:
服抗生素可以飲這款湯.
謝謝您
請問芳姐囡囡食左幾日抗生素仲有痰、可以煲咩？另外埋佢食左好多西藥又食特效藥，有咩湯水可以調理下身體？謝謝
Anna:
你可以用川貝末2錢,蘋果1個去皮去核,陳皮1個,4碗水煮成碗半供服.可以煲淮山,蓮子,百合,南北杏陳皮各適量煲鷓鴣或鵪鶉湯供服.
芳姐你好
我已咳了接近一個月，睇咁幾次西醫一次中醫都唔好，依家仲係會咳，醫生話係氣管炎，夜晚唔食藥訓唔到會咳醒仲食咗6日抗生素，我可以煲啲咩飲，好煩呢咳到
謝謝🙏🏻
Bonnie:
你試用川貝末3錢,蘋果1個,去核,桔餅1個,切碎,5碗水煮成2碗服,連服3~4劑,有助化痰止咳.川貝能減少氣管痙攣咳嗽的.
芳姐 你好
我先生返夜班 晚7早7 近期感冒已有2星期多了 反覆看了中西E 西E說他支气管炎
想問吓有咩食療啱他呢？他說在公司咳少左 但回到家又咳不停 很煩惱
在我監視吓 辣生冷食物沒有吃 。
小檸檬:
你試用這款白果羅漢果核桃肉茶,連服3劑.
芳姐小朋友歲半支氣管炎.痰多鼻水黃色.已經睇左醫生.飲咩湯水可以有幫助？
Candy:
你可用川貝末2錢,雪梨1個,去核,陳皮1塊,4碗水煮成碗半供一天服,連服3劑.川貝能減少氣管痙攣咳嗽.
芳姐你好, 我喉嚨吞嚥痛左3星期, 睇左西醫打左針食左消炎藥, 依家紅腫消左,無咩痛, 不過變左深呼吸到盡時, 喉嚨感覺到緊緊的, 不過無痰，請問那個食療有幫助呢？謝謝!
Alice:
你可以用這款白果羅漢果核桃湯服,如果用金羅漢果會好味些,用半個就成.
芳姐 我一直咳 睇過醫生但醫生冇同我講咩事
半夜都會咳醒
請問那個食療有幫助呢？謝謝!
謝謝芳姐! 想問如果清了感冒，白果核桃羅漢果可作日常強化氣管保健食療嗎？
Candy:
清了感冒,白果核桃羅漢果一星期可以2劑作保健.
芳姐 我過年後一直咳，由風熱咳轉成多痰喘咳，吃了10天擴生素，差不多好又開始流鼻水、發燒加乾咳，醫生給了藥氣聞，現在退了燒，鼻有少許塞，咳變成痰多氣管咳。請問那個食療有幫助呢？謝謝!
Candy:
你試用法夏,茯苓,白朮各4錢,桔梗,辛夷花各3錢,陳皮2錢,甘草1錢,5碗水煮成2碗服,連服3劑,有助化痰止咳,收鼻水.