By 芳姐 ( 11 4 月, 2012 at 6:51 上午)
· Filed under 小兒常見病
小兒肺氣弱,患上感冒後會咳嗽一段時間,甚至喘咳不休,故平時可以煲些有益肺氣,具化痰止咳功效的補益湯水作調理,以增加抗病能力.
[海底椰川貝杏仁鱷魚肉湯]湯味清甜可口,有滋補肺腎,化痰止咳功效.對小兒肺氣弱容易咳嗽,哮喘很有幫助.
用料是: 海底椰3錢,川貝母3錢,南北杏1兩,急凍鱷魚肉6兩(乾品2兩)陳皮1塊,蜜棗2枚.
做法: 鱷魚肉洗淨,出水;其餘材料浸洗;將全部材料放入煲內,用8碗水煮約3小時成4碗即成.
~ 小貼士: 此湯温補,全家可飲.圖中的是正宗非洲海底椰,邊緣有鋸齒狀,果肉雪白有果肉紋.
Permalink
謝謝芳姐
May:
如果放雪櫃没有變質及生蟲,尚可用.
你好芳姐，
貝川可存放幾耐？我大概3年前買左存放雪櫃到現在，不知道有沒有問題。
謝謝！
Winnie:
我本身怕蟲,所以未試過用沙蟲乾煲湯.鱷魚頭肉亦從未試過,所以抱歉不能給意見!
芳姐你好，请问下鳄鱼头肉和沙虫干可以一起煲吗？再加什么材料煲，加合掌瓜可以吗？谢谢!
Hi 芳姐
請問懷孕38周左右已經咳了十多天，早前是綠痰，早幾天是白痰，現在是黃痰都結結地，
可以飲鱷魚魚湯嗎？ 還有其他方法嗎？
早前感冒 已看醫生吃了十多天藥 現只有咳嗽同痰未完全康復。
請賜教，謝謝。
Ky小姐
KY:
痰黃稠不宜用鱷魚肉,可以用川貝末3錢,蒸燉蘋果一個,去皮,去核服,用雪梨都得,去核才蒸燉,可加蜜糖.連服3~5劑,有助化痰止咳.
謝謝芳姐！
joeytabo:
感冒可以飲瘦肉湯,不肥膩就成.咳了一星期,你試用橙一個,浸洗20分鐘,去農藥,切開頂部,加少許鹽,用筷子插幾下,置碗中蒸半小時,用湯匙壓榨橙汁供服,橙皮素能化痰止咳,又無副作用.但鮮橙食則惹痰惹咳,有咳不可以吃生的橙.連吃幾天.
補充，女兒3歲
芳姐，你好！
女兒咳嗽了一星期，看了三次西醫，請問服食西藥可否飲用此湯？
另外，如不落瘦肉可以嗎？因網上說如若感冒不要飲肉湯，否則會將病菌困在體內。
hong:
仔仔偏食營養不均衡容易生病,要改善偏食習慣,仔女都要多飲水,平時可以用薏米1兩,加水煮40分鐘,加入鮮檸檬片2片,熄火焗5分鐘供服,可加些少蜜糖,每人一杯,有助增强抗病能力.一星期3~4次.氣管敏感可以用川貝末4錢,蘋果2個,去皮,去核,4碗水煮成2碗,加少許蜜糖調服,仔女都可飲,有助減少氣管痙攣咳嗽,同時能化痰.一星期1~2次.
小兒2歲女女4歲
小兒2歲，女女4歲
芳姐，仔仔經常有咳嗽感冒，好返一個星期，又開始鼻水咳嗽，有痰聲，有喘，有濕疹，醫生話他氣管敏感，偏食唔吃蔬菜，血色素低，兒科跟緊，，最近有煮豬潤水他撈飯，有咩食療可以幫到他。女女夜晚咳嗽，經常有清鼻水，又可以煲咩吃？
szeki:
持續發燒表示病邪未趕走,必須繼續吃藥.可以用川貝末3錢,蘋果1個去皮,去核切塊,陳皮絲1塊,2碗水蒸燉至蘋果熟爛,可加蜜糖.睡前替囡囡用棉紙巾(剪成條狀,捲緊)沾温鹽水通鼻.
你好芳姐！
女兒4歲，持續發燒咳嗽痰，鼻涕鼻塞，睇西醫話喉嚨有點紅，細菌感染，睇中醫屬寒咳，女兒寒底，想請問煲咩湯水較舒緩？
芳姐
請問十個月大既bb可以唔落肉煲俾佢飲嗎？我女女有d感冒，少少咳，想煲呢個湯比佢潤肺。唔該
訪客:
你可以煲些菜乾紅蘿蔔南北杏無花果湯供仔仔服,全家可飲,用量隨意.如痰多加半個羅漢果同煮.兩餐之間幫仔仔拍背,拍到有咳表示該處積痰,可多拍兩下,然後飲水,有助將痰排走.
芳姐你好，阿仔食咗三劑鳥梅麦冬菊花甘草茶已好D了，但仲有咳，一起床就開始咳有痰韾，但係聽到痰韾而咳唔出。我想停咗西藥，可否有其他湯水幫他，多謝。
COCOS:
你試用烏梅2粒,麥冬,桔梗,菊花各3錢,甘草1錢,3碗水煮15分鐘供服,可加少許蜜糖,連服3劑,看能否改善?
芳姐coco
你好仔仔九歲，三天前發燒39.3度。醫生話氣管炎，食左藥，但現在仲有低燒37度，咳到面都紅無痰聲。咳白天比較多夜間一二聲。請問有冇湯水帮他止咳。
因之前都試過一咳就几個月，多數日間咳特别早上咳到反胃。好易發脾氣。
唔好意思忘記留名。 多謝！
芳姐
你好仔仔九歲，三天前發燒39.3度。醫生話氣管炎，食左藥，但現在仲有低燒37度，咳到面都紅無痰聲。咳白天比較多夜間一二聲。請問有冇湯水帮他止咳。
因之前都試過一咳就几個月，多數日間咳特别早上咳到反胃。好易發脾氣。
多謝！
33:
木瓜1個,雪耳2錢,百合1兩就夠.鱷魚肉湯能止咳定喘,加薑没問題,如飲後症狀加重就不要服,等病好才服,此湯主要補肺健脾補腎,適合病好後作調補之用.
芳姐你好!
仔仔晚上咳得好犀利 (仲有痰), 我尋日第一次煲咗鱷魚肉+海底椰+川貝母+瘦肉+南北杏+陳皮+, 准山+無花果 + 幾片薑. 點知㝷晚瞓覺時咳得非常多+有痰. 我係唔係唔應該加薑呀？
我聽日會試蒸橙 同煲木瓜雪耳百合湯. 請問要幾多份量呀？
多謝芳姐😊
小B媽:
你可以用烏梅2粒,菊花1湯匙,甘草4,5片泡茶服,可沖泡至淡,每日1杯,至喉嚨痕及咳嗽好為止
=>芳姐，已按照你所講，但飲左幾日，時好時壞，都係間中咳，有時咳得好勁，喉嚨痕，有痰聲，痰白色，間中有鼻水白色的是否繼續飲！平時飲食要注意咩？水果是否到介，因為我食過萍果，謝謝
小B媽:
你試用鮮橙一個,連皮洗擦乾淨,切開頂部加少許鹽,隔水蒸半小時,用湯匙壓橙汁服.當中的橙皮素能化痰止咳.但鮮吃則惹痰,你不妨試試.如喉癢甚,可以用鮮薄荷葉1包(超巿有售),或乾薄荷葉2錢,加生薑3片泡茶服,有助解表止喉嚨不適,收鼻水.兩樣都可以一天內服.
芳姐，
聽你講加淮山,芡實,茯苓粉係粥，反而唔食粥，可能有味道，小兒依家間中咳有痰聲，鼻涕白色少量，可煲咩加埋奶一齊飲嗎？因為我比保嬰單都係開奶，猴早末合適嗎？
IRIS:
最好歲半以上才食蜜糖.現時只能用赤砂糖.
芳姐，
感謝你的回覆，14個月可食蜜糖嗎？
IRIS:
你可以買淮山,芡實,茯苓,叫店員替你磨成粉,每次各用2茶匙煲粥供仔仔食,對痰多小兒有益,可加其他仔仔喜歡之粥料同煮,例如菜和肉等,每日煲粥時都加些
–>>芳姐，謝謝回答，如食緊西藥可否落係弼，因為西藥飯後食，但仲有鼻水難收，需要加其他嗎？另外，如何可以加強小兒抵抗力，因為好易感冒咳又難好返晒！感激！
IRIS:
淮山,芡實,茯苓粉只要没發燒,服西藥都可以用.初用量少些,各1茶匙就夠,待病好再用多些.鼻水多可以用辛夷花6朵拍碎泡茶供服,可加蜜糖.服西藥後2小時飲.病好後可以去裕華等店買玉屏風散,每天沖服1劑,有助增强體質,防傷風感冒.
陳生:
你試用白蘿蔔1個,洗淨去皮,切條,用3湯匙蜜糖醃5小時,會滲出很多蘿蔔水,用半杯,加半杯温熱水調勻服,一日服3次,有助清肺止咳.
芳姐,
本人咳, 有痰, 間中咳出係黃色, 鼻水間中有, 吃咩好.THANKYOU
小B媽:
你可以用烏梅2粒,菊花1湯匙,甘草4,5片泡茶服,可沖泡至淡,每日1杯,至喉嚨痕及咳嗽好為止.
芳姐,
你好.
本人已咳嗽一段時間, 中西藥都食過, 好似仲未斷尾.依家有時喉嚨宊然會好痕咁, 就會咳不停, 咳出來間中有痰白色的, 鼻水間中有, 想知應煲咩好呢?
多謝芳姐的回复！ 💕💕
芳姐：
您好！囡囡19+個月，發燒、咳嗽無伴痰液兩天，今早開始流鼻涕，白色，而且咳的時候好像有點痰，但又沒見她咳出來。而且經常是一咳嗽，就很容易引發惡心嘔吐，嘔得很厲害，以前也出現同樣的情況，一咳就經常嘔吐。請問這種情況下在食療方面應該注意些什麼？還有就是有什麼止咳，收鼻水的對症湯療，還請指點！謝謝！
connie:
如囡囡發燒不退要看醫生,因為現時的細菌,病毒都頗厲害的.你試用紫蘇葉2錢,辛夷花5朵,生薑3,4片,甘草1錢,3碗水煮成碗半供服,有助收鼻水,化痰止咳止嘔.嘔吐不要吃甜食,可以在兩餐之間幫囡囡拍背,拍到有咳時表示該處積痰,要多拍兩下,然後飲大大杯水,有助將痰排走.
葉小姐:
如鼻水倒流引起,可用五味子,辛夷花各3錢,甘草1錢,3碗水煮15分鐘服,連服2劑,看能否改善?
芳姐,
你好.
感冒一段時間, 間中咳有白痰, 間中有鼻水, 有時夜晚訓覺都咳可以煲咩?. 謝謝.
芳姐，
你好，小兒14個月大，最近一個月總是咳嗽，有痰聲和流鼻涕白色，時好時差，難斷尾，睇西醫食藥，依家食埋抗生素也不見好返晒，想知有咩湯水可以加係粥當粥底用呢？如何幫佢增強抵抗力，因為佢好易生病.另外，佢上年6月份約七個月時，因出世時發現肚臍右邊隔離位置生左粒野，之後愈來愈大，做手術割除，化驗結果係良性的脂肪組織，醫生話係皮下脂肪，同內臟冇相連，可惜依家又不斷長大，想知有冇咩可以食幫助我兒呢？謝！
IRIS:
你可以買淮山,芡實,茯苓,叫店員替你磨成粉,每次各用2茶匙煲粥供仔仔食,對痰多小兒有益,可加其他仔仔喜歡之粥料同煮,例如菜和肉等,每日煲粥時都加些.脂肪瘤成因不明,成年人可多用山楂,荷葉,菊花之類中藥材泡茶服,但仔仔得14個月大,未必適合這類茶飲,建議看中醫,了解可否用藥消瘤?
陳太:
先治好咳嗽要緊,如咳一直未好,痰有時又黃綠色,要用鮮魚腥草2兩,北杏3錢,甘草1錢,4碗水煮20分鐘服,連服2劑消炎,建議不妨看經驗好的中醫,因為久咳必傷肺陰,加上炎症一直未好,表示你免疫功能較弱,看中醫調理一下好些.頭痛,肚痛,試用暖水袋作熱敷.
芳姐,
你好.
最近本人咳嗽已有大半個月, 總係唔斷尾, 中西醫都睇過, 抗生素食左二次都未見好返晒, 依家間中都係咳, 有結痰, 如咳出來, 有時白色, 有時淡黃綠色咁,可以煲咩飲好呢? 本人本身氣管敏感, 之前咳到有少少氣喘. 感冒未清, 加上今日來月經, 頭好痛, 肚也痛, 如何減輕痛楚. 經前經後應食D咩好…謝謝.
天天:
你試用紫蘇葉3錢,北杏2錢,紅糖少許,3碗水煮成2碗供服,有助散寒止咳.
芳姐，
小女晚上咳，少痰声，鼻水不多，已咳1个小時多，所以飲西藥至咳，現在想問煲什麼湯好？
1）鱷魚湯
2）雪梨燉川貝
3）紫蘇葉
4）皮巴葉，桔餅，（監）攬
那款好？
謝謝！
天天上
芳姐，
你好，我已聽你講買左玉屏風散，但係濃本芳的，有2克，5克，10克份量，一歲和4歲兒子應服用幾多，也買左辛夷花！有感冒咳係咪好返先可以飲，謝
陳太:
農本方的用一歲幼兒用2茶匙沖泡;4歲小兒用1湯匙沖泡.如有鼻敏感,可以放5朵,與玉屏風散顆粒一齊沖服.有感冒都可以服.
谢谢芳姐果我用电子沙煲时间应该多久
聂太:
電子煲最少煲2小時.
聂太:
是一劑煲好後,囡囡一天分服2碗,尚有2碗存放雪櫃,第二天加熱供服就成,湯渣要撈出第一天食用,否則雪耳等湯渣浸在湯裡會起不良化學變化.
对不起请问分俩天分服用是分一半存放冰箱第二天弄热就可以了是吗
谢谢芳姐请问一次包分两天服用是吗?如果一星期两剂就是四天的份量是吗?
聂太:
你所指的鮮海底椰其實是棕櫚果,對氣管毛病没多大幫助.反而虎乳靈芝適合,產自東南亞,你住處應該有售.可以用虎乳靈芝3錢,雪耳2錢,川貝3錢,陳皮1塊,紅棗6粒煲鮮鱷魚肉半磅.8碗水煮2小時成4碗,分2天服,一星期1~2劑,服一段時間可減少發病.
我儿气管炎每月都反复发作一次请问新鲜鳄鱼肉是否有帮助治疗9岁份量应该几多和参什么药材,如果要用海地椰可用新鲜没有晒干的吗?因为我住马来西亚可以买到新鲜的海底椰很难买到干的
請問芳姐 : 我咳左好幾個月, 大大話話中西醫睇過10幾次, 耳鼻喉專科都睇過, 都係喉嚨痕就咳, 間中咳到反胃嘔, 鱷魚肉湯對我有效嗎? 我可以飲什麼湯水?
ISABEL:
你試用烏梅2~3粒,甘草4,5片,菊花1小撮,泡茶服,每日1劑,可沖泡至淡,有助袪風止喉癢止咳.鱷魚肉湯可以飲的,能强肺氣,止咳定喘,但一定要去有信譽大間海味店賣,因為坊間很多以蜥蝪肉代替.