By 芳姐 ( 30 11 月, 2011 at 8:04 上午)
· Filed under 外感/頭痛/呼吸道病, 小兒常見病
天氣轉變,肺弱的小兒最容易傷風咳嗽,而且會咳好一段日子,令父母非常擔心.不妨在没發病的日子煲些健肺食療作調理,以增强防禦能力.
[蟲草花川貝沙參瑤柱湯] 功能潤肺化痰,止咳定喘. 對肺氣虛,容易氣管敏感咳嗽小兒很有幫助.
用料是: 蟲花草5錢, 珍珠川貝3錢, 沙參5錢, 南北杏1兩, 無花果4粒,瑤柱1兩.
做法: 瑤柱用清水浸軟; 其餘材料洗淨; 將全部材料放入煲內,用6碗水煮約2小時成3碗左右即成.
~小貼士: 此湯對肺弱容易咳嗽的成人亦適合.如全家飲用,可加豬肺一個同煮.
Permalink
芳姐你好, 我係以上個位Bonnie, 我可否飲[淮杞海底椰虎乳靈芝雪耳湯]?
謝謝~~
多謝芳姐~~
芳姐你好, 我想問問, 我咳咗已經二至三個月, check 過肺話無事, 西醫話氣管敏感, (食緊放氣管藥, 化痰藥), 之前中醫話我係燥咳…依家仍咳,喉嚨仲有啲痕癢, 半夜都會咳醒…有啲咩湯或者水可以飲…? 可以飲羅漢果半個,無花果6粒,切片煲嗎?
謝謝~~
Bonnie:
你可用防風3錢,白朮4錢,北茋3錢,生薑3片,紅棗6粒,5碗水煮成2碗供服,有助增强體質,化痰止咳.羅漢果湯較寒涼,你半夜咳屬風寒咳,故暫不宜用.
芳姐您好，請問我兒有G6PD缺乏，可飲用此湯嗎？
另外不用豬肺的話，可用瘦肉嗎？因為我不懂洗豬肺呢！
謝謝！
姚太:
G6PD缺乏症可飲此湯,如不用豬肺,可用鷓鴣或瘦肉煮.鷓鴣有補益及化痰功效,療效較佳.
芳姐那份量煮法應如何？
joey:
紅蘿蔔紅棗水寒熱咳都得,如要化痰,宜加3錢北杏同煮.食西藥可以飲用.
芳姐你好，請問紅蘿蔔紅棗水是否寒熱咳都合用？能化痰嗎？食緊西藥可飲用嗎？
芳姐,
如果屋企重有急凍鱷魚肉想用埋,要用幾多及功效是否有別呢? 及川貝原粒定粉呢?要煲幾耐? 謝謝!
cc:
急凍鱷魚肉1人量可以用2~3兩,川貝售價貴,最好研成粉,湯煲好後趁熱加入湯碗水服用,原粒煲可以和湯料一齊放,飲湯時撈些出來食.此湯煲2小時.
芳姐,
小女四歲這兩天發高燒,醫生說肺炎,因有菌及痰咳不出來,現正打針食藥.請問有甚麼湯水可幫助.及好返可煲甚麼作保健?謝謝
另因她有—個妹妹同樣四歲現正有咳,好似冇乜痰,睡著冇咳,很擔心她被傳染,怎麼辦?
cc:
你患肺炎的囡囡最好戴口罩,雖然不太舒服,但為免惹到妹妹最好戴口罩,或妹妹戴都得.可以用魚腥草1兩,桑白皮5錢,蘆根各1兩,北杏5錢,6碗水煮成4碗,兩個囡囡每人每天飲2碗,如服西藥,隔2小時服,有清熱解毒,消炎止咳等功效.病好後可以用虎乳靈芝,海底椰各4錢,南北杏1兩,無花果6粒,雪梨2個,去芯煲瘦肉湯服.或用鱷魚肉乾1兩,川貝3錢,雪耳2錢煲鷓鴣湯服,都有助補益肺氣,增强體質.
/芳姐你好,
小女4歲星期—因鼻塞發燒看中醫,醫師說她有熱開了兩劑茶,飲完後星期三身體(肚及背)出了紅印,一達達,似風賴有D痕,點解會咁,是否發左D熱在皮膚上?另晚上流鼻血,是否熱未清,我可以煲乜乜對佢有幫助,請芳姐指教. 謝謝
KK:
你囡囡出風癩可能是接觸了致敏物,例如動物毛,塵垢,油漆,花粉等或吃了致敏食物引致,可記錄這兩天吃過或接觸過的東西,方便日後追查是何種東西敏感,避免接觸就不會發病.流鼻血可以用生地5錢,蓮藕節2~3個,馬蹄6粒,鮮茅根1扎,5碗水煮成2碗服,有助清熱涼血,止鼻血,對風熱引起的風癩都有幫助.另外可用米醋外塗患處,有助消風癩.
芳姐，你好，阿B 21個月，幾日前開始感冒，有打噴嚏同流青鼻，食左幾曰保嬰丹，但佢仲有好多鼻水，咳同痰多。佢今日午睡時，試過3次瞓著但咳醒，仲咳到嘔左3次，嘔哂啲飯同奶出黎，佢應該係有好多痰，請問我可以點做呀？謝謝。
Ra:
你試用生薑4,5片,陳皮2塊,茯苓4錢,白朮3錢,甘草1錢,5碗水煮成2碗供你小b服用,有助化痰止咳.
芳姐！
小女四歲半，早前她患了肺炎及乙型流感，發燒！而家痊癒了，但仲有痰多情況，痰帶稀白，有咳，應該煲咩呢？是屬於寒咳還是濕重咳嗎？
謝謝！
Cora:
你可以用川貝末2~3錢燉蘋果1個,陳皮1塊,北杏3錢,2碗半水燉40分鐘供囡囡服,有助袪痰止咳.痰白清稀多屬寒咳.
唔好意思, 芳姐, 想confirm下”羅漢果半個,無花果6粒,切片煲..可以用3碗水煮成2碗.小兒早晚咳可以服用.鼻塞可以加6朵辛夷花同煮.”, 請問兩歲半小孩用的份量都是這樣嗎? 可以連續飲多少天? 謝謝
LadyAng:
兩歲半小兒可以服,無花果4粒就夠.可連服3天,看能否改善?辛夷花煮前要用刀背拍扁或剪開,才易出味.
明白哂 , 我會先助他退燒. .. thanks !
芳姐, 請問”羅漢果半個,無花果6粒,切片煲.”, 用幾多碗水煲? 另外, 小兒有早晚咳, 又鼻塞, 可飲此羅漢果水嗎? 謝謝
LadyAng:
可以用3碗水煮成2碗.小兒早晚咳可以服用.鼻塞可以加6朵辛夷花同煮.
thanks 芳姐 !!!
但我又想問 , 他是 “寒底 ” 可以飲用雪梨水嗎 ??? ” 肩胛骨 “是否我們叫 ” 雞翼位 ” ???
煩惱媽媽:
先退了燒,等症好了再作調補.清熱退燒藥必定寒性的,否則怎能退熱?雪梨主要作用是清肺熱.肩胛骨大約是雞翼位,該處是容易積痰的部位.其實整個背部都可以拍的.一拍到小兒有咳聲表示有痰積聚哪個部位.
芳姐 , 你好 , 請問小兒由冬至病到而家 , 已看西醫 , 正服用 ” 抗生素 ” + 西藥 , 但仍咳得很緊要 , 特別是晚上 , 半夜時 , 而且痰很多 , 咳不出來 , 醫生怕會變成肺炎 ( 我很擔心 ) , 請問可以如何清痰 ??? 同時他間中會高燒 , 又可以如何盡快退燒呢 !!! 請指教 …..
煩惱媽媽:
令兒正服用抗生素,即病邪仍未袪走,故經常會發燒,你可以用蘆根5錢,生薏米1兩,石膏1兩,雪梨2個,去芯,5碗水煮成2碗供服,或取汁來煲粥供仔仔服食,能有效退燒.可於服藥後2小時服用.
你試用拍痰的方法為仔仔袪痰.方法是用手拍打仔仔背門,以肩胛骨下開始拍,如拍到一個地方仔仔會咳起來,那表示痰積聚在該處的肺部分,要稍為拍多幾下,然後讓仔仔飲水,讓水將痰排走.一日可拍背門2~3次,然後飲蘆根雪梨水或暖開水.只要多飲水,就不容易發展成肺炎.
另外可以用川貝未3錢,杮餅2個切碎,用2碗水蒸熱吃,一天分3次服.有助化痰止咳.
芳姐!早晨!
最近因為聖誔假期, 所以成日出街食飯,又燒嘢食,以致喉嚨有啲痕癢,仲有幾聲咳,又有痰!請問芳姐我這個情況,煲羅漢果加無花果水得唔得呢?又我老公早排因感冒同咳,睇左兩次醫生都唔好,我成日聽倒他咳,啲痰好似困住係裏面咁(夜晚都有咳),他說啲痰好似係氣管咁!如果我煲羅漢果他可唔可以一齊飲呢?請芳姐指點吓我啦!謝謝!
yan:
你和丈夫可以用羅漢果加無花果煲水代茶飲,有代痰止咳的功效.羅漢果半個,無花果6粒,切片煲.
芳姐：
請問南棗與紅棗功効有什麽分別，如果煲靈芝應該用南棗或紅棗？
Jess:
紅棗健脾補血,南棗有紅棗的功效,尚能補腎,對腹瀉,小兒遺尿等都有益處.靈芝一般配紅棗,但亦可以配南棗的,用任何一種看你喜歡.
芳姐,
感冒多時, 喉嚨好痕癢住來咳, 最近幾日覺得心口好(悶悶藝藝), 想反胃想嘔的一種, 好煩又辛苦,
中西醫都看了好耐, 西醫指氣管敏感, 中醫話肺寒咳. 會不會感冒菌入了氣管架? 月經剛完了半個月, 身體真很煩又感到弱的呢! 西醫有提議用濾固醇的藥嘖鼻. 但有擔心會有副作用. 都不知可以再看甚麼醫生好. 麻煩你幫忙幫忙, 十分十分謝謝你!
芬:
咳嗽真是很煩人的,如果你肺氣虛弱,有時可咳兩,三個月.你喉嚨痕癢,試用防風3錢,白朮4錢,北茋3錢,桔梗3錢,甘草1錢,紅棗6粒,生薑4片,5碗水煮成2碗供服,連服2~3劑,看能否改善?此湯能提高免疫力,有袪風止咳功效.
芳姐,
小女四歲早三日因熱滯,發燒加嘔,看中醫後巳冇燒.但現在十分冇胃口,請問可煲咩可以開胃D,亦可平時經常飲用,因為好多時都冇胃口,另想問開奶茶對四歲小朋友重有冇功效?
謝謝
KK:
開奶茶一般1~7歲小朋友都可以直接煲來飲,無需用來開奶,有清熱消滯,去濕,利小便,通暢腸胃等功效.你囡囡可以煲來飲.平時可以用雞內金3錢,紅棗6粒,淮山5片煲瘦肉湯供服,有助健脾開胃.
芳姐你好：
我見近期非常乾燥；我想煲d雪梨水飲；我想問要d乜材料、要煲幾耐？凍水或熱水下材料？
我時常都有煲沙參、玉竹、因為我仔仔3歲；有時見他流鼻水；所以佢又無得飲！
所以想請教芳姐！
tingyan61:
雪梨可以配蘋果,無花果煲瘦肉湯,大約煲2小時,凍水放料.或配紅蘿蔔,粟米,無花果煲豬展湯都很滋潤,全家老少都合飲.都是煲2小時.材料用量隨意.兩款湯都很清甜可口的.
芳姐
想請問想用花膠燉水鴨湯,再可以落甚麼材料.一家大細飲,謝謝
kate:
水鴨配淮山1兩,杞子4錢,紅棗8粒,瘦肉4兩燉花膠湯,全家合飲,不寒不燥.有滋陰養血,健脾益氣之效.
芳姐, 請問這個”冬蟲草用4,5條,虎乳靈芝3錢,核桃肉1兩,南棗6粒煲瘦肉湯”, 可用燉的方法煮嗎? 用多少水及燉幾耐? 一星期可飲多少次? 另鱷魚肉煲湯對兩歲半哮喘咳小孩有幫助嗎? 非常謝謝!
Lady Aug:
可以用燉的方法,大約3碗水燉2小時,一星期燉2次.鱷魚肉湯小兒可以服用,有助止咳定喘.可加川貝末2錢,海底椰3錢,雪耳2錢,紅棗6粒同燉.
補充以上,女兒仲有幾聲咳加痰
芳姐,
小女4歲可能因為近期經常外出食飯,今晚流鼻血又有口氣,是否燥氣?請問可以煲甚麼清熱?
謝謝
KK:
流鼻血可以用茅根1扎,馬蹄6粒,鮮蓮藕節2~3個,南北杏1兩,5碗水煮成2碗.有清熱潤肺,止咳,止鼻血之效.
芳姐, 請問以上提到嘅冬蟲草和白靈芝適合兩歲半有哮喘咳嗽的小兒吃嗎? 份量用幾多? 有冇其他哮喘咳嘅食療呢? 謝謝!
LadyAng:
冬蟲草用4,5條,虎乳靈芝3錢,核桃肉1兩,南棗6粒煲瘦肉湯.亦可用白果5粒,去芯,核桃肉1兩,紅棗6粒煲粥服用,有止咳定喘功效,可常服.
芳姐：
1) 小兒四歲，之前連續感冒兩個月，現已康復，如想燉冬蟲草給他吃增強免疫力，請問應用什麼材料及份量，做法怎樣，我將會用電子燉盅燉。
2) 另我朋友於中藥店煲好了一些湯包給小兒增強抵抗力，材料有靈芝、南北杏及果皮，因味道帶苦，請問可以加什麼材料煲或燉令此湯不苦。
3)小兒每晚用熱水浸腳，浸得多有害嗎?
謝謝！
芳姐：
1) 小兒四歲，之前連續感冒兩個月，現已康復，如想燉冬蟲草給他吃增強免疫力，請問應用什麼材料及份量，做法怎樣，我將會用電子燉盅燉。
2) 另我朋友於中藥店煲好了一些湯包給小兒增強抵抗力，材料有靈芝、南北杏及果皮，因味道帶苦，請問可以加什麼材料煲或燉令此湯不苦。
3)小兒每晚用熱水浸
Jess:
冬蟲草5~6條,可以配淮山1兩,杞子3錢,南棗或紅棗6粒同燉瘦肉湯.用4碗水燉3小時.蟲草撈出,剁碎拌入肉碎中蒸給仔仔吃.赤靈芝療效最好,但最苦,黑靈芝味道不太苦,但都不好味.建議用白靈芝,(即虎乳靈芝),完全不苦,無甚藥味,可以去中藥店買原顆的,買好才叫店員切片,那就放心.白靈芝最補肺氣,小兒合用.天氣冷適宜用熱水浸脚,有助安睡及增加血液循環,成年人都適合.
芳姐,
多謝你的意見. 鮮檸檬蜜糖水係唔係有咳都飲得架? 另外生薑3,4片,紅糖少許,南棗4粒切片泡茶, 要煲幾耐架? 謝謝!
HOHO:
鮮檸檬水有咳都可飲,生薑,紅糖,南棗茶煲10分鐘可飲.
我個囡3歲, 今年九月開始上幼稚園, 到十月就一路病到依家, 多數都係流鼻水, 咳有痰, 有次仲耳朵感染, 因在外國, 沒有藥食, 要他自己好, 所以有時都要2星期左右先會好, 但好番不久番學又病過, 反反覆覆, 都2個幾月, 感冒期間可以煲什麼湯呢? 剛剛好番又有什麼可以煲, 讓他能快些增強抵抗力, 唔好成日病呢? 謝謝!
HOHO:
小朋友一上學校,無可避免會感染上呼吸道疾病,故必須教她勤洗手,拿食物前更必須洗手,但幼兒太細個,怎會跟足做?建議每天給一杯鮮檸檬蜜糖水供飲,另外可以用生薑3,4片,紅糖少許,南棗4粒切片泡茶供飲,對感冒初起小兒很有幫助.用北茋3片,防風3錢,白朮3錢,生薑3片,紅棗6粒煲水代茶飲,有助增强抵抗力,一星期可服2次.
方姐,
請問孕婦可飲用蟲草花煲的湯嗎? 我想用瘦肉、淮山、杞子加蟲草花呀，我16週了。謝謝!
Ka wing:
蟲草花孕婦可用,配淮山,杞子能健脾益氣,補眼.
我的女兒經已16歲, 但經常都好似喉嚨唔舒服，早晚都有乾咳聲, 因她從小都有鼻敏感, 有什麼可以煲?
Kuku:
你可以用羅漢果半個,無花果4粒,3碗水煮成2碗供服,有化痰止咳,利咽之效.鼻敏感食療我已寫過多次,可以找來看看,參考應用.
芳姐,
我囡囡28個月大,最近一路都有幾聲咳,有時就聽到有啲痰, 我煲雪梨川貝陳皮冰糖水比佢飲,可以嗎?謝謝!
SARIAMAMA:
川貝陳皮雪梨水能化痰止咳,你囡囡可以服用.或用紅蘿蔔1個,切薄片,紅棗6粒,切片,4碗水煮成2碗供服,對小兒久咳不愈有良效.
芳姐,
請問點先可以收成膏,是否煲半小時再加入川貝粉蜂蜜便成?每日三次要食幾耐?謝謝
KATE:
大火滾起後用慢火煮半小時,伴入川貝粉及蜜糖,再煮5分鐘左右即見濃稠,可以放雪櫃存放,每日吃3次,吃完為止.可以再次製作,又再服,服1個月左右,對肺甚有裨益.
我老公日前照肺,發現肺尖有影,醫生說應該是潛伏肺結核菌,
又不想食西藥,因副作用多,請問芳姐睇中醫可否治療,平日煲咩
湯水比較合適.謝謝
kate:
肺結核菌中醫可治.建議看經驗好的中醫.食療方面,可以用大蒜1兩,白芨粉3錢煲粥,每日早晚服,連服2周.有抗癆殺菌止血之效.或用天冬,麥冬各半斤,川貝粉2兩,蜜糖3兩,將天冬,麥冬用500毫升水煮半小時,加入川貝粉及蜜糖收成膏,每日3次,每次1湯匙.有滋潤肺陰,清熱化痰之效.如果不想煉成膏服,可以天冬,麥冬各用5錢,用5碗水煮成2碗,調入川貝粉及蜜糖食用.
芳姐你好！
我今天煲了此湯,我女兒說好好味,該因她平時不喜歡喝湯的,今天喝了兩碗.在此多謝你每次的耐心回復.
又想問:早上起床喝什麼最好.有人說如:空肚子喝牛奶不易吸收,真的吗?
meimei:
空肚喝牛奶牛奶會妨礙一些營養的吸收.因為牛奶營養豐富,但空腹喝牛奶，就不能好好地將鈣,蛋白質等營養吸收，因為當中所含的蛋白質，要在攝取足量澱粉食物後，才能真正發揮構造新組織、修補舊組職的作用，否則只會被當作熱量消耗掉，這樣就大大浪費了其營養價值。
芳姐,
鹹甘桔沖暖水可以有助寒咳定熱咳? 喉嚨好痕好痕又得嗎? 麻煩你幫忙!
Grace:
鹹甘桔是性涼的,而鹹金橘是性温的,用四季桔醃的鹹甘桔較適合喉嚨痕癢飲用.偏於熱咳多點.
芳姐,
如果不用紅蘿蔔, 轉用蘋果可以嗎 ? 又再麻煩你, 好多謝你!
試用蟲草花5錢,雪耳2錢,南北杏1兩,紅蘿蔔1個,無花果6粒煲瘦肉湯服,有潤肺止咳之效.
金太:
可以用蘋果的,没問題.
芳姐,
不用瑤柱可以嗎? 感冒差不多結尾, 有白痰可以飲嗎? 唔該哂! 謝謝^^
甘泉:
不用瑤柱當然可以,加瘦肉也成.感冒將愈可以飲.
芳姐,
你好, 請問這個湯喉嚨癢咳可以飲的嗎? 呢個月家人逐個感冒, 煲平果栗子龍利葉石黃皮南北杏都煲左10次8次(十分悶), 想轉下其他有效湯水, 一屋人都是寒底. 麻煩哂你先!
金太:
你試用蟲草花5錢,雪耳2錢,南北杏1兩,紅蘿蔔1個,無花果6粒煲瘦肉湯服,有潤肺止咳之效.
芳姐你好!
請問用乳鴿煲湯會否用朱肉更加好,另外如果份量少用燉方法有沒有影響?
Thanks
wai:
可以用豬肉代替乳鴿,如果份量少,用燉的方法會好原汁原味些.
芳姐;請問你的新書作品每一杯養生茶,現在在書局有得售賣未呢?我今天去大眾書局問都未有得賣?
micky:
因為尚有些圖片需要調整,故可能遲些少才能出版.謝謝支持!
芳姐
唔好意思, 請問有外感未清可以飲此湯嗎?
amylam288:
没有發燒可以飲.
芳姐
我的兒子4歲呢排經常早上仲有幾聲乾咳, 請問有何湯水合適煲給他喝, 麻煩芳姐。
思明:
你可以煲這個蟲草花湯,或用沙參,玉竹,麥冬各3錢,加雪梨,蘋果各1~2個,無花果4粒煲瘦肉湯服,有滋陰潤燥,止咳功效.全家可飲.
AMY:
你可以用人蔘鬚3錢,紅棗6粒,每天用3碗水煮成2碗供服,有助補益氣血,暖身.臨睡前如果用温熱水浸脚會易入睡.另外可以買對襪套給你女兒,睡時穿著會好得多.
芳姐你好,想請教你我女兒19歲一到秋冬手腳就很容易冰冷,在牀上睡極都是不暖的,請問可煲什麼給她吃才不會手脚冰冷呢謝謝!
芳姐,
請問這湯可以加鷓鴣煲嗎?多謝幫忙!
蚊蚊媽媽:
加鷓鴣煲更補益肺氣.
芳姐,
瑤柱作煲湯料是否不宜多用, 友人說會容易有膽固醇高?
數天你介紹生地和熟地兩有何區別?
我買是蟲花草包裝,色澤偏橙, 店舖老闆說應是淺啡色, 可能是染製的, 但兩者價錢相差1倍多
何寧:
瑤柱滋陰補腎,並不含太多膽固醇,現時售價頗貴,就算經濟環境好都不會一次用太多,故放心用好了.蟲草花的橙黃色是天然色澤,應該不是染色的.售價不同皆因產地不同而已.
芳姐:
早晨! 街市賣藥材老板說，虫草花有分等級，最平幾拾元一包(半斤)，跟住係拾多元一兩，跟住就係淨蟲草花(苞子)，差不多20元一兩，說是功效最好的。
但見圖中的蟲草花是沒有那個所謂的(苞子)，請問芳姐，我們買蟲草花時，選那些比較好?
謝謝!
BBA:
蟲草花因培植的地區不用而品質各異,售價亦有分別.以粗壯,顏色鮮明,有香氣者為佳.一般由紐西蘭及東南亞進品的會貴一點,可能培植所用原料較貴,貴一點的氣味香一點,療效没有驗證,故也未知是否不同.你買廿元一兩的會好些.太便宜總是不太放心.