By 芳姐 ( 26 3 月, 2010 at 7:01 上午)
· Filed under 外感/頭痛/呼吸道病
經過海味店,見一大箱霸王花擺在店門前,剛開箱,非常新鮮,於是買了半斤.霸王花是仙人植物曇花的乾燥花朵,有清肺,止咳,化痰功效,對感冒後餘熱未清,或肺熱痰多咳嗽有一定幫助.新鮮的霸王花我亦買過,味清香但性較寒涼,黏液又多,煲完湯後整煲湯都滑潺潺,潤腸通便功效倒是不錯的.
鮮花曬乾後則寒性大減,近於清涼,對肺有積熱引起的咳嗽最為有效.小童頸部生有[痰火核],可常用霸王花煲湯,痰火核有消散可能.
[霸王花甘筍瘦肉湯] 能清肺,止咳化痰.對肺熱咳嗽,或胃腸有熱滯,大便秘結,胃部脹滿不適,口臭難聞,面紅目赤,口腔生膠,咽乾喉涸者很有幫助.
用料是: 霸王花2兩,甘筍1條,紅棗6粒,生薑2片,瘦肉6兩.
做法: 霸王花洗淨;甘筍去皮,切塊;瘦肉出水;將全部材料放入煲內,10碗水煮約2小時成4~5碗即成.
~ 小貼士: 此湯只要煲夠時間,就不會太寒涼,全家老幼可服.
Permalink
芳姐你好！上月中了covid康復後一直覺得有痰卡喉嚨，有咳但又咳不出痰，所以煲左這款霸王花湯，用無花果再加南北杏羅漢果。飲完第二日突然喉嚨痛，是否不應再飲？
訪客:
飲霸王花湯後喉痛就不宜再飲,其實喉痛屬熱症,無關霸王花湯事的,可以用金羅漢果1/4個,雪梨乾~7片煲水20分鐘成2碗飲,有助化痰止喉痛.
你好芳姐
請問用乾霸王花可以嗎？用幾多克呢？
小朋友現在發燒中，咳得厲害，有痰聲同鼻水，可以飲用此湯嗎？
謝謝你！
Cherry:
霸王花可用60克,加3錢北杏,無花果3粒同煮,有助清肺退熱止咳.全家可飲.鼻水多可用7~8朵辛夷花泡茶供服.
芳姐，請問我口乾，大便硬，訓得差，多萝易醒可以再加什麼？thanks
芳姐你好:
[霸王花甘筍瘦肉湯]可以用腰果代替瘦肉嗎?
may:
可以用腰果代替瘦肉的.
芳姐你好，
比一歲BB飲，可唔可以比無花果響螺霸王花湯？或者加黑豆？
謝謝！
Celine:
霸王花湯幼兒可以飲,加黑豆亦可.
芳姐 ：妳好！我囡剛做完扁桃線手術，有幾聲咳。這湯可飮嗎？thx
靜:
你可以煲此湯供囡囡服.加1兩南北杏同煮更佳,全家可飲.
請問孕婦可以飲覇王花湯嗎？
Ms Leung:
孕婦最好少用花類食材,怕會令子宮收縮.可以改用白菜乾代替.
芳姐, 請問這湯夏天適合喝嗎?
小夕:
此湯最適合夏天飲用.
謝謝芳姐
請問用紅羅白或甘旬煲湯有分別嗎？
Pat:
紅蘿蔔又名甘筍,只是產地不同而已.
孕婦可以飲嗎，差不多7個月
咩地:
此湯孕婦可以飲.
謝謝芳姐
前兩個星期感冒後持續咳嗽，這幾天睡覺接近天光時便會咳醒，是那種咳時沒有痰，之後就會有痰的分泌在喉嚨，但又咳不出痰，喉嚨痕癢想咳的感覺，試過食了幾天燉橙亦沒有止咳，請問可以飲這個湯水嗎?
Eliza:
你試用枇杷葉,龍脷葉各5錢,桔餅1個,雪梨1個,去核,5碗水煮成2碗服,連服3劑,有助化痰止咳.
請問桔餅是否在中藥店購買？如買不到枇杷葉可以改用其他代替嗎？
Eliza:
桔餅在中藥店買到,枇杷葉中藥店有售.
芳姐妳好，
想請問妳，我女4歲半多，新年前中左甲型流感，但宜家好返，但始終仲有咳同少少鼻水，訓覺無咳，請問可以煲咩湯水比女飲？thx
yoko:
你可用枇杷葉,龍脷葉各5錢,雪梨1個,去核,辛夷花6朵,無花果3粒,5碗水煮成2碗供服,連服3劑,有助清肺止咳.
芳姐，
有甲狀腺結節，但沒有伴隨甲坑及甲減，可以飲這個霸王花甘荀湯嗎？我想加入羅漢果，可以嗎？
另外，甲狀腺結節可不可以食含典的食物呢？
火馬駿星:
可加羅漢果同煮,對甲狀腺結節有幫助.可吃含碘食物,如海帶,螺旋海藻就最佳.
小兒發燒可以飲嗎？
訪客:
此湯小兒發燒可以飲.
請問孕婦可以飲嗎?
b:
此湯孕婦可飲.
謝謝回覆
冬天適合飲用嗎？
訪客:
秋冬季節如果出現肺熱,便秘都可以飲用.當然作保健湯水,夏天適合些.
請問痔瘡㷛咩嘢湯水喝？
比較好。
訪客:
痔瘡發作可以用槐花3錢入茶包袋,淡菜2兩,紅棗4粒煲瘦肉湯服,6碗水煮1小時飲,連服3劑,有助改善.