By 芳姐 ( 24 7 月, 2010 at 7:00 上午)
· Filed under 外感/頭痛/呼吸道病
這陣子天氣時晴時雨,很多人患上感冒,感冒後難免伴有咳嗽,雖然不是什麼大病,但是咳嗽頻頻都頗令人困擾的.
新鮮龍脷葉性質平和,在菜巿塲很易買到,今天就在花檔見到有售,恰巧家中有雪梨,蘋果,配些羅漢果,南北杏同煮,當涼茶飲用,有化痰止咳,清肺利咽之效.
用料是: 新鮮龍脷葉1兩,雪梨,蘋果各2個,羅漢果半個,紅蘿蔔1個,南,北杏1兩.
做法: 將材料洗淨,雪梨,蘋果去核,紅蘿蔔去皮,切成塊;將全部材料放入煲內,用6碗水煮約個半鐘成3~4碗即可供飲.
~ 小貼士: 此湯對傷風,感冒後咳嗽,及用嗓子太多引起的咽喉不適,煙酒過多引起的咳嗽痰多等均有幫助.湯味清甜可口,不寒不燥,小兒也很適合.
Permalink
芳姐，你好！我仔仔現在5個月了，有痰同咳嗽，請問下可以煲什麼給他喝能化痰止咳呢？謝謝
candy:
你試用洋葱1個,去衣切片,放碗中,隔水大火蒸20分鐘,用湯匙壓榨洋葱汁供仔仔服,一日蒸2個,有助袪痰止咳.
我老公每年都有2次咳，每次都咳得好嚴重，乾咳冇乜痰， 話喉嚨好似有條毛咁撩撩下好痕，咳到發忟憎會打自己幾鎚，我已經買幾百蚊一両嘅非洲海底椰每次都放曬一両 ，川貝母嗰啲煲湯都冇乜效。 無花果蘋果雪梨又煲過， 龍脷葉石黃皮瘦肉湯又煲過， 對佢嚟講冇乜作用，芳姐，想問吓仲有咩可以煲呢？
Karen:
你先生可能是風咳,可以簡單用烏梅2粒,菊花1湯匙,甘草4,5片泡茶服,可經常飲,對風咳很有幫助.很平和没副作用.
8個半月BB有咳有痰有鼻水，可以飲此湯嗎？謝謝芳姐
訪客:
8個半月BB可以飲半碗.
你好!芳姐，我细女咳有黄痰，难咳出来，一曰咳几声，鼻涕黄色的，已睇过西E话有点气管炎，已吃一星期的抗生素与咳水，都是一样，请问有咩汤水可帮女女改善呢?🙏🏻🙏🏻
美麗:
鮮魚腥草有助消炎,你可以去山草藥檔,買4兩,配陳皮1~2個,無花果4粒,切開,6碗水煮20分鐘成4碗,囡囡可一天分服2碗,可飲2天.先服2天,看能否改善?如鼻涕多可加6朵辛夷花同煮.
您好！芳姐！本人現在有時喉嚨痕咳，有時有痰聲，有時d痰好深色，深黃，有時好難整出d痰，喉嚨有時痛，經期前已有這個情況，一個星期了，經期還有小小乾淨。請問煲什麼飲好呢？我發覺呢兩次來經期前都有感冒徴狀出現。
Winnie:
你可能喉嚨發炎,應該看醫生治理.食療可以用金羅漢果1/4個,金銀花3錢,麥冬3錢,4碗水煮成2碗服,連服3劑.
你好芳姐
我仔9歲，有鼻敏感早上起床時有鼻涕鼻塞打乞嗤，但最近這2天在半夜2點鼻塞有鼻涕打乞嗤
，昨晚半夜4點多鼻塞有鼻涕，有鼻痕癢，今早起床時有打乞嗤，有鼻涕鼻水白泡的（無黃色），以及夜晚瞓著後頭及背部出好多汗，睡衣都濕晒，好困擾呀！請問有乜嘢食療適合他呢？麻煩芳姐回復！🙏🙏
小漫:
你試用北茋,防風,白朮,辛夷花各3錢,浮小麥5錢,生薑2片,紅棗5粒,5碗水煮1小時成2碗供仔仔服,連服3劑,看能否改善?
謝謝芳姐回復！請問紅棗可唔可以改用南棗？2碗是不是早晚分服？🙏🙏
小漫:
紅棗可用南棗代替.2碗一天早午或早晚分服.
芳姐，你好，我個孫三歲9個月，兩個星期前開始咳，有痰聲，睇左三次中醫，一次西醫，都沒有什麼用，到現在都一直咳，中醫話熱咳，西醫話好小事，喉嚨有點發炎，睡覺時不會咳，淸醒時就咳個不停。請問有什麼湯水可以幫到我個孫。謝謝！
Elaine:
小兒痰咳可用蘇子,萊菔子各3錢煲瘦肉粥供食,連吃3劑.另外可以用桔餅1個切碎,南北杏5錢,無花果3粒切開煲湯供服,有助止咳,煲20分鐘就成.
你好，女喝过苏子汤没效，我又给喝鱼腥草和南北杏汤都无效，日夜咳很密，喉痕咳没有痰，希望你可以建议汤水帮女女改善，多谢
美麗:
建議看中醫,了解你囡囡屬寒咳定熱咳,或者風咳,知道屬何種咳,用合適食療效果才顯.蘇子湯對痰咳適合,魚腥草對熱咳較佳.喉痕癢可用烏梅2粒,菊花1湯匙,甘草4,5片泡茶飲,連飲3~4劑可袪風止咳.
芳姐，請問食緊西藥可以飲嗎？thanks!
林小姐:
服西藥隔2小時飲没問題.
您好，芳姐！我爸爸80歲！已經感冒有一個星期了！有時鼻塞，有時有鼻水，有咳，有痰，有食煙的，去厠有時去吾到，有放屁，請問煲什麼湯水好呢？最好一家人可以飲，謝謝！
Winnie:
你可以用霸王花2兩,南北杏1兩,無花果4粒,生薑3片煲豬展湯,全家可飲,有助清肺熱通便.8碗水煮個半小時成4~5碗,令尊最好吃些霸王花及無花果.
你好!芳姐，大女前两天喉咙痛，喉痕咳有痰声咳不出，鼻塞有好点。细女自从你介绍的苏子，辛夷花，莱菔子每感冒服效果好好，想问这汤大女合适吗或者有哪种汤水可帮女改善呢?
美麗:
蘇子,萊菔子,辛夷花茶主要是袪痰收鼻水,你大女可以飲2劑.
你好!芳姐，大女l0岁7个月，(鼻敏感)已感冒鼻塞一个星期，平时怕冷，已开始有两次经期，请问有什么汤水合适女女呢?多谢!
美麗:
你可用北茋,防風,桂枝各3錢,辛夷花3錢,生薑3片,紅棗6粒去核,5碗水煮45分鐘成2碗供囡囡服,連服3劑,有助散寒收鼻水.
芳姐你好，
我女佢有綠色鼻涕有時係白色清涕，鼻好塞，打乞嗤，咳同埋成日卒眼睛（右眼），佢成日都病
我可以煲啲咩等佢唔好成日病可以增強返啲免疫力？
謝謝
Bonnie:
你現在可煲辛夷花6朵,金銀花3錢,白芷2錢,葱白3棵,3碗水煮10分鐘供服,連服3劑,有助消炎收鼻水.病好可以去裕華或農本方買[玉屏風散]沖劑,一星期飲3次,有助增强體質.
謝謝芳姐
女兒有G6pd 係咪可以要免去金銀花同埋要否轉幾他加落去煲？
謝謝回覆
Bonnie:
患兒有蠶豆症不能用金銀花,用菊花2錢代替吧,因為有疏風止眼敏感作用.
你好, 小兒4歲半,氣管炎, 食緊抗生素, 咳得多嘔過痰, 所以而家乾咳, 疢有黃,白都有, 請問佢可以煲咩飲?定要完晒抗生素先可以飲湯水? 咁有咩岩飲?
connie:
你試用鮮龍脷葉1兩,蘋果,雪梨各1個,去皮,去核,南北杏1兩,無花果4粒煲瘦肉湯,8碗水煮成4碗,仔仔一天分服2碗,連服3劑,有助清熱化痰止咳.
請問煲幾耐?
connie:
煲1小時.
我仔唔鐘意無花果, 可轉用陳皮?
Connie:
可改用陳皮.
芳姐
請問街市姐姐汁了以下湯水給我們煲，說喉嚨好，近派我先生喉嚨有些痰，我孕婦也喉嚨確確地。
朧脷葉
脾肶葉
石黃皮
旁花
羅漢果南北杏果皮
請問一下 孕婦（36週晚期） 同 3歲小孩可飲？
Cici:
這些材料對咽喉不適有益,但孕婦不宜用蚌花.
芳姐，你好
請問此湯水，9個月大BB岩飲嗎？食緊西藥可以飲嗎？
BB咳到眼標，尤其晚上，岩飲嗎？有少少痰同鼻水
Prudy:
此湯適合偏熱咳者,BB晚上咳應屬寒咳多,試用洋葱1個,去衣切片,放碗中隔水大火蒸20分鐘,用湯匙壓榨洋葱汁供服,大約3湯匙左右,連服3劑,有助止咳.
請問可否用金羅漢果？
請問呢個湯懷孕可以飲嗎？
Fion:
此湯懷孕都可以飲.
芳姐:
請問喉嚨痛, 喉嚨”猛猛”緊, 常覺乾確, 平日要時常講書說話, 請問平日可以煲什麼湯水呢？
謝謝妳。
黃太:
如常用嗓子說話,可以用花旗參,石斛磨粉,每天各取1茶匙温水沖服.用牛蒡乾1湯匙,金羅漢果1/4個泡茶飲亦有利咽作用,可沖泡至淡.
你好，芳姐，我細女4月5個月，從4月27號開始咳，第二日又發燒，睇過西E說傷風感冒，已第三日溫度都是接近38度，今我給女喝點金銀花水就咳多起来，痰咳不出，白天咳多覺得喉痕，有白色鼻水，不知道你有什麼湯水幫幫女，多謝！望你回復
美麗:
你試用蘇子,萊菔子,辛夷花各3錢,4碗水煮成1碗供服,連服3劑,有助袪痰,收鼻水.
感冒咳有白痰是否可用鮮薄荷葉煲瘦肉止咳？
polly:
痰白如晚上咳屬寒咳,薄荷葉改紫蘇葉更佳.
你好！我經常鼻塞鼻水倒流引致氣管敏感咳，有時半夜訓訓下又咳，喉嚨乾箇又咳，請問有什麼湯水可煲來飲？
Emily:
你可用辛夷花,麥冬各3錢,甘草1錢,3碗水煮15分鐘服,連服3劑,有助改善.
謝謝芳姐！
芳姐，
今早買的龍脷葉有枝有葉，要拔掉枝只留葉煲，還是可以連枝葉一齊煲這個龍脷葉三果湯呢？
另外，我想加入七片枇杷葉及一兩石黃皮一齊煲，可以嗎？ ?
火馬駿星:
鮮龍脷葉可以連枝一齊煲,加枇杷葉及石黃皮增加清熱化痰功效,但較適合熱咳,痰黃稠者飲用.
芳姐，
明白，唔該晒。
芳姐你好！
我上個月大感冒叫好了，但一直咳, 現在痰是淡黃色，未講完一句說話就咳，全日都有咳，但入夜後至半夜咳得非常要命，睡不好。
我老公都病了，佢都是氣管那種咳，半夜都有咳。
兒子5歲，有咳有痰。
女兒1歲，病了很久，斷斷續續不停看醫生，有好多痰，不懂吐，有鼻水，全日都有咳，但入夜後至半夜跟我一樣咳得非常要命，有一次咳得非常勁嘔了全餐奶出來，又睡不到，非常心痛。
芳姐有甚麼湯水可以減輕我們咳嗽，我十份疲累。謝謝！
Tracy:
你試用枇杷葉1兩,龍脷葉1兩(鮮品2兩),羅漢果半個,南北杏1兩,桔餅2個,切碎,8碗水煮1小時成6碗,全家飲用,仔女隨量服就成.連服3劑,看能否改善?此湯能清肺熱,止咳袪痰.
小朋友感冒咳流鼻水，看完醫生還在咳，有痰，鼻水好傑，請問飲咩湯好？
maggie:
你試用白蘿蔔半個,雪梨1個,去核,葱白3~4棵,用5碗水煮成3碗,葱白後下,連服3劑.服西藥都可以飲.
亞女傷風咳已有2星期，食西藥都好似無乜用，又多痰又多鼻水，每次出街都要幫佢帶一包紙巾一個袋用來裝垃圾。依家又話無胃口，有時又嘔。請問有乜湯水啱佢? TKS!
菜菜子:
你試用蘇子,萊菔子,紫蘇葉各3錢,甘草1錢,滾瘦肉湯供服,4碗水煮半小時成2碗,連服3劑,看能否改善?
請問這湯落瘦肉嗎？謝謝
YY:
可以放瘦肉都得.
芳姐，你好，本人咳嗽三個月， 西醫睇過4次，中醫睇過三次都未好，仲有好淺色的黃痰。唔知係咪因為氣管敏感，所以咳得特別耐。請問可以有咩湯水可以改變？謝謝？
王小姐:
你試用虎乳靈芝3錢,川貝3錢,雪耳2錢,南杏1兩,無花果4粒,雪梨2個,去核煲瘦肉湯服,有助補益肺氣,減少氣管痙攣,連服3劑,看能否改善?如有改善,停兩天再服2劑.
芳姐，
請問感冒初起，伴有鼻塞及流清涕，可以飲用以上龍莉葉三果湯嗎 ? 還須要加入什麼食材，可以有通鼻塞及舒緩流涕呢？
芳姐，
我妹妹今天買回來的龍莉及枇杷葉是連枝幹，請問是否要擇除枝幹，只用葉來煲湯呢？ 還是可以連枝幹一齊煲呢？
火馬駿星:
一般只用枇杷葉,而且枇杷葉背面的絨毛要擦去才不會刺激喉嚨.
Fanny:
晚上咳多屬寒咳,可以用紫蘇葉3錢,生薑3,4片,紅糖少許,3碗水煮10分鐘服,連服3劑.紫蘇葉能止咳,又能安胎.
芳姐你好：
我懷孕24週，夜晚睡覺咳過不停，但訓醒就只有間中咳兩聲。請問燉枇杷葉龍利葉可以嗎？
陳太:
你試用辛夷花6朵,拍碎泡茶供仔仔飲,有助收鼻水,如仔仔不喜歡味道,可加少許蜜糖,好味些.連服3劑,看能否改善?如有咳,加1湯匙麥冬一齊泡茶供服.
芳姐好
我仔21個月早上起身流鼻涕咳有痰到下午時段就不見鼻涕和咳
晚上偶爾有咳同鼻涕 睇醫生就當感冒醫一直都唔好
已持續數月
想問平時我可以整咩俾矩食睇會唔會改善
芳姐好
請問龍利葉哪裡可以買到?
謝謝 !
麗彭:
新鮮龍脷葉在山草藥檔,或售賣新界菜的菜檔有售,你要問問才知道.乾品中藥店有售,鮮品療效較佳.
謝謝芳姐，很感謝你！期待你的新作
郭太太:
痰多可用蘇子,萊菔子各3錢煲瘦肉粥供服,有助袪痰止咳.連服3劑.竹蔗馬蹄水痰少了才飲.圖中這款湯可加瘦肉,全家可飲.
請問痰咳可以飲紅蘿蔔竹庶馬蹄水嗎？謝謝
芳姐，請問17個月大BB感冒，已服西藥發燒已退、鼻水亦已停止，但痰非常多、便便有點水，特別晚上咳到不能好好睡覺，BB既不喜歡飲水、又不懂吐痰，請問這湯水加瘦肉煲可以嗎？（已喝了兩次洋蔥水但暫未有幫助）
Ling:
有痰加些南北杏同煮.
謝謝～有咳有痰都可以飲？
Ling:
乾龍脷葉用5錢就夠.
請問如果買吾到新鮮龍脷葉，可用乾的嗎？分量是否一樣？
Ling:
可以飲龍脷葉這款湯.
芳姐～
我有左6個月，呢排熱咳咳了2星期，連訓係度都咳，可喝龍脷葉哥個湯水嗎？
Wendy:
你們可以飲此湯,能化痰止咳.
芳姐:
你好,我地一家人近日都咳,有痰,但咳不出,喉嚨癢,請問這湯水適合飲嗎?
YAN:
你可用蘇子,萊菔子,法夏,茯苓各3錢,陳皮1塊,5碗水煮成2碗供服,連服2劑,看能否改善?
芳姐你好，我仔轉天氣呢排朝早咳好多痰聲，但日頭又好少，請問有咩湯水啱佢呢？
小恩子:
你可能敏感咳,風咳都未定.試用烏梅2~3粒,菊花1湯匙,甘草4,5片泡茶服,可沖泡至淡,連服幾天,看能否改善?