By 芳姐 ( 18 11 月, 2010 at 9:04 上午)
· Filed under 外感/頭痛/呼吸道病
香港可能人多空氣質素差,患鼻敏感的人很多,一與到天氣變化就發病,不停打噴嚏,流清涕,雖然算不上什麼大病,却很影響日常生活.
中藥有個方名為[玉屏風散],意謂此湯藥的功效有如一個屏風般,阻擋病邪的入侵.這個方由三組藥組成,分別是北茋,防風,白朮研未服用.有益氣固表止汗等功效.主要對易感風邪者及虛弱自汗者有療效.作為家常食療,可以加生薑,紅棗同煲湯,因為紅棗和薑都能改善過敏體質.
用料是: 北茋3錢,防風3錢,白朮6錢,生薑3片,紅棗6~8粒.
做法: 將材料浸洗,用5碗水煮約1小時成2碗即可供服.
~ 小貼士:此湯能强壯體質,對預防傷風,感冒亦有裨益.
Permalink
芳姐您好!亞女之前有感冒
之後就有鼻涕倒流，可不可以飲这个湯飲呢🙏😄
yan:
你可以煲這款湯給你囡囡飲,如鼻水倒流可加8朵辛夷花同煮.
芳姐谢谢妳🥰
芳姐你好 我仔仔兩歲 鼻敏感最近成日發作
日間時間經常打乞嗤 有眼睛痕癢 皮膚痕癢
請問有咩湯水或者其他嘅改善方法
謝謝你
德仔:
你可以去裕華或農本方買[玉屏風散]顆粒沖劑,每次沖服時加6朵剪開的辛夷花及1小撮菊花同沖泡,連服4~5劑有助改善.
芳姐早晨
氣好，我囡囡呢兩日間吾中都會打噴嚏，跟住就有兩條鼻水流佐出黎，透明白色鼻涕，未見有咳，請問可服用這個湯水嗎？如果係，可吾可以加埋瘦肉一齊？謝謝你
馬馬:
你可以加瘦肉同煮,連服3劑,如加6朵辛夷同煮,效果更佳.
芳姐您好
仔仔11歲 鼻敏感最近一年頻頻發作 每次早間打噴嚏較嚴重 流清鼻水 有鼻塞感 沒有眼睛痕癢 請問芳姐怎樣可以幫助改善這狀況 謝謝您
腎仔:
你可以去裕華或農本方買[玉屏風散],每次用3錢辛夷花,3碗水煮成1碗時,趁熱加玉屏風散沖服,一星期3劑,服一段時間可增强體質,改善鼻敏感.
我有鼻敏感，成日流鼻水，有時鼻塞，左邊時常感到抖氣唔順，胃唔好，有時會反胃，食唔落野。
Ling:
試用辛夷花,白朮,蒼耳子各3錢,桔餅1個切碎,4碗水煮半小時服,連服3劑,有助改善鼻寒不通及胃氣等問題.
你好，芳姐:
亞仔，睇完專科，話鼻炎,鼻腔內面已經消腫了。但早、晚仍然都會吐了淺黃色痰出來(可能鼻的分泌物),容易鼻癢，嘴唇旁邊有爛，大便不順。請問適合此湯？還是煲無花果、百合、南北杏、辛夷花、瘦肉湯嗎！
謝謝幫忙
May:
咀唇邊爛,又便秘是肺熱之象,可以用霸王花2兩,南北杏1兩,紅蘿蔔1個,無花果3粒,辛夷花3錢煲瘦肉湯服,煲夠個半小時,全家可飲,有清肺熱,潤腸排便,收鼻水功效.
芳姐新年快樂 身體健康
請問 一歲bb (曾患支氣管炎)
感冒退燒後 仍有鼻塞咳嗽 有痰聲
沒有流出鼻涕 但係聽到鼻塞塞咁樣
可以煲什麼 湯水 同粥仔呢唔該
Phoebe:
你可以用桔餅半個,陳皮1塊,辛夷花5朵,3碗水煮成1碗供BB一天分服,連服3劑.
芳姐你好! 這款北芪白朮湯，飲得多會否引致乳腺炎? 上個月我大概一個月煲3次嚟飲，突然乳腺發炎，由開始痛都係2日到，就腫到雞蛋咁大。謝謝你解答!
Bee:
這款湯不會造成乳腺炎,可能是其他因素引致,但必須看醫生治理好炎症,可暫停服此湯.用絲瓜絡3錢,佛手3錢,青皮2錢,蜜棗2粒,4碗水煮成2碗服,有助防治乳腺炎.
芳姐，多謝你解答🙇♀️🙇♀️🙇♀️已看醫生食緊抗生素，照了超聲波15號見醫生睇結果。以上材料都是藥材舖買的乾材料嗎？
Bee:
在中藥店可以買到.
芳姐，
你好，我囡6歲幾，去完澳門之後就面紅哂，過多2日手臀同pat pat 都出左粒粒，有時都會痕，但唔係十分痕，一熱面更加紅，體溫都比平時高
睇左醫生，佢話沒咩事，敏感，比左藥膏塗，但都係今。
有沒湯水涼茶飲完快些好?
Agnes:
你可以煲些綠豆臭草糖水供服,連服2劑,有助清熱解毒.另外可用金銀花5錢煲水作外洗劑.
芳姐:
你好！小兒今年7歲，有嚴重鼻敏感，自小胃口極差，經常含飯，每餐飯需時好耐，常常感到好易赲！請問有什麼汤水可以增加他的胃口，同使强壯一點？謝謝！
Mandy:
你試用絞碎牛肉3兩,用清水浸泡一晚,第二天牛肉連浸的水蒸30分鐘供仔仔飲,可加少許鹽,一星期3~4劑,對脾胃非常好,同時能增强體質.另外可以用紅棗4~5粒煲小米粥食,亦很健脾胃.
你好，芳姐！我囝囝今年七歲，胃口很差，面色蒼白，眼睛痕癢，鼻敏感情況嚴重，常常有鼻涕，白中帶黃，曾經試過鼻賨炎，上星期仲因為發高燒入院，要食3星期抗生素，_請問宜家食緊抗生素有什麼湯水可以飲？同有什麼汤水可改善鼻敏感？Tks
Mandy:
你可以用北茋3錢,白朮3錢,辛夷花6朵,紅棗6粒,去核,甘草1錢,4碗水煮成2碗供仔仔服,連服3劑,有助增强體質,收鼻水.服抗生素後2小時飲.病好後去裕華或農本方買[玉屏風散]沖劑,每次沖泡時加6朵拍碎的辛夷 花同泡,能減少鼻敏感.一星期2~3次.
芳姐，你好
小兒8歲早前鼻水倒流咳，現在已好了很多少咳，但早上起來打乞嚏有少少鼻水，鼻塞，皮膚痕癢，大便一粒粒，有什麼可加強體質，平時可煲什麼湯水給他吃，謝謝
man:
你試用枇杷葉,龍脷葉各5錢,羅漢果1/4個,無花果3粒切開,4碗水煮成2碗供服,有助化痰止咳,潤腸通便.
補充：經常口幹，喉嚨幹，平時已飲好多溫水，但都還是感到口幹。
芳姐，
你好。我有一問題想請教你。我之前患上感冒，現正好了很多，但有個問題一直困擾著我就是：鼻涕和痰，鼻涕（數量不多）多是白次，有時會是黃色；最難受是喉嚨有痰，痰一直弄不出來，要好辛苦先咔出來，早上的痰是黃色的，好傑；睇左幾次西醫，都是未清到痰。
請問有什麼配方可以幫到我，謝謝。
儀
儀:
你可用法夏,茯苓,白朮,麥冬各3錢,陳皮2錢,烏梅2粒,5碗水煮成2碗服,連服3劑,有助清痰,生津止渴.
謝謝芳姐
小朋友5歲
芳姐
小朋友因鼻敏感每次感冒完就會長期鼻涕倒流個幾月。有時清有時黃。請問煲什麼可止左鼻涕倒流和鼻敏感呢？thx
miu:
你可買[玉屏風散]沖劑,每次沖泡時可6朵拍碎辛夷花一同沖泡,一星期3次,有助增强體質,減少鼻敏感.