By 芳姐 ( 23 3 月, 2014 at 12:01 下午)
· Filed under 外感/頭痛/呼吸道病, 小兒常見病
近日患感冒的人非常多,我自己亦因工作太忙休息不足患上感冒咳,咳嗽是最辛苦的,陣發性嗆咳令橫膈膜都咳到疼痛,早前有位朋友更因劇烈咳嗽而咳斷了肋骨,真是頗嚇人的!
昨晚用五味子3錢搗碎,加生薑3片,甘草1錢加水煮20分鐘服,整晚都没有咳,但清晨就咳嗽頻頻,女兒從網上取得一方,叫我蒸一個洋葱吃,今早試試,發覺如果不加水蒸煮只得很少的洋葱汁,於是加了幾湯匙水再蒸片刻服用,果然神奇,可以鎮得住咳,而且味道清甜可口,對怕苦藥的小兒應該容易接受,家有小兒咳嗽不止的不妨試試.
用料是: 洋葱1個.
做法: 洋葱去衣,切片,放入大碗中,隔水蒸30分鐘即可供服.
~ 小貼士: 圖中我加些4湯匙涼開水,女兒來電提醒：洋葱放入碗後完全不必加水,蒸半小時後只能得出大約1湯匙左右的洋葱汁,這些精華服後才有用,加了水效果大大遜色.看來我要再蒸一個洋葱服用才成!
Permalink
jacq:
你可以用羅漢果半個,辛夷花6朵,甘草1錢,3碗水煮15分鐘服,連服2劑.
芳姐，
女兒今年兩歲半，約一星期多前喉嚨發炎及發燒，鼻塞。現在已康復。不過仍有些鼻水流及兩聲咳。請問有甚麼湯可飲?
Hi芳姐，請問青欖，桔餅，南北杏煲瘦肉果皮可以止咳化痰嗎?
芳姐，
你好！
按照你的指导，我煮左白萝卜水给我仔喝，感冒好像就好了很多，但是还是很咳，睇左医生，医生话系气管炎，气喘，吃左消炎药，止咳水，闻左气，好翻少少，但是还是好多痰，还是气喘，想问下有点咩汤水可以调料下吗？谢谢！
芳姐，你好，我囝囝快將3歲，他喉嚨有痰和咳，已2個月，已看過西醫，都不得，又試過煲川貝，無花果這類化痰湯都冇效，估計他是寒咳，有什麼湯水可提供，謝謝
cherry:
你試用蘇子,白芥子,萊菔子各3錢,入茶包袋,與白米煮成粥供服,對小兒痰咳有良效,可連服3天,隨量服就成.
芳姐你好，小兒有次咳嗽飲過龍利葉，羅漢果之類清熱止咳湯水，但仲咳得厲左，那算熱咳還是寒咳，佢今年三歲半
芳姐你好，小兒有次咳嗽飲過龍利葉，羅漢果之類清熱止咳湯水，但仲咳得厲左，那算熱咳還是寒咳，佢今年三歲半
Mandy:
龍脷葉較適合熱咳者,你仔仔如果晚上咳多,痰白清稀多屬寒咳,宜用紫蘇葉3錢,生薑3片,北杏3錢,紅糖少許,3碗水煮成2碗供服,有助散寒止咳.
芳姐你好，小兒三歲，早前有傷風，看過中醫後，現在日間冇事，但每訓到凌晨一兩點就咳得厲害，有痰聲，咳左一輪又訓到天光，可以煲咩比佢飲？謝謝！
mandy:
你試用紫蘇葉3錢,北杏3錢,生薑3片,紅糖適量,3碗水煮成2碗供服,有助散寒止咳.
lisa:
小朋友痰咳可以煲些三子粥服,或用川貝末2錢燉蘋果1個,去核,連服3劑.碗半水燉半小時就成.
芳姐，你好！我仔仔四歲八個月，有鼻敏感，呢排有啲咳喉嚨有痰，已睇2次西醫，都冇清得曬痰，凌晨五點左右就會咳痰音好重，日間又唔見咳，舌苔白。請教芳姐有咩湯水可供飲？多謝！
唔該芳姐
vicki:
你可以用羅漢果1/4個,金銀花2錢,甘草1錢,3碗水煮成2碗,供一天服,連服3劑,有助清熱解毒,利咽消痰.在兩餐之間可幫仔仔拍背,拍到有咳時表示該處積痰,要多拍兩下,然後飲水,有助將痰排走.
芳姐我仔歲幾睇咗醫生醫生話仍煙喉發炎同咪啲啖咳唔到出嚟想問有咩湯可以煲
杰仔媽咪:
你可用鮮龍脷葉1兩,蘋果,紅蘿蔔各1個,南北杏1兩,無花果4粒煲瘦肉湯供仔女服,有助清熱止咳.
芳姐 你好：
家姐七岁半细佬一岁八；今个月头开始两姐弟就轮流感冒咳嗽；呢个好返又轮到第个病好烦恼！
细佬前几日感冒咳咳得好厉害后来还是要去看了医生吃了两日西药现咳已少了好多。点知又轮到个家姐感冒咳；家姐今日都看了西医主要都系咳但无痰声。个细佬就系有少少鼻水同一两声咳我想煲D咩比距饮可以清下D手尾呢？唔想过几日又试病。
麻烦你了谢谢！
芳姐 你好！
昨晚同今早煮咗两次芦根雪梨水比我仔饮；已经无咩发烧。但还有鼻涕；鼻涕系透明但唔算稀而且有几声咳。我现在煲d咩比距饮好呢？另外距嫲嫲今早买咗青榄准备煲青榄瘦肉汤比距饮；啱唔啱饮呢？唔该晒！
我还要继续比芦根雪梨水他饮吗？谢谢！
杰仔媽咪:
你可以給多1劑蘆根水供仔仔飲.青欖湯有利咽功效,如喉嚨不適可以飲,加些南北杏,青蘿蔔,無花果煲有止咳功效.鼻水多可泡些辛夷花茶飲,用5~6朵就成.
杰仔媽咪:
有發燒感冒不宜吃百合.紅菜頭紅蘿蔔湯可以飲,没問題.
芳姐：
唔好意思还有想问下我仔现在感冒是不是不能吃百合的？另外家里买了红菜头；如煲红菜头红萝卜汤他可以饮吗？谢谢！
芳姐 你好！
昨晚同今早煮咗两次芦根雪梨水比我仔饮；已经无咩发烧。但还有鼻涕；鼻涕系透明但唔算稀而且有几声咳。我现在煲d咩比距饮好呢？另外距嫲嫲今早买咗青榄准备煲青榄瘦肉汤比距饮；啱唔啱饮呢？唔该晒！
杰仔媽咪:
你可以用蘆根5錢,薏米1兩,雪梨1個去核,淡竹葉2錢,5碗水煮成2碗供服,能有效退燒.
芳姐；
我仔还有少少发热；除了这个鱼片水还要其他退热的汤水吗？谢谢！
杰仔媽咪:
你可以滾些芫荽葱生薑魚片水供仔仔飲,對初起感冒有益.小柴胡湯對感冒已病了超過6,7天,呈半表半裡,有寒熱往來症狀者較適合.你仔仔不宜亂服,應看中醫治理.
芳姐；
我仔打咗好几个喷嚏；应该是感冒了；鼻涕都系有d黄。我比小柴胡冲剂他饮适合吗？
芳姐；
刚刚距打喷嚏出咗一d黄色杰鼻涕。
芳姐 你好！
又要麻烦你。我仔昨晚睡觉时已发觉距无出汗（平时一训着就成头湿晒）；半夜开始摸距手心脚心都好热。今早都系；个头就暖暖地应该都系少少发热。屋企有芦根我加D咩煲比距饮好呢？他还有小小舌苔；昨晚睡觉闻到有口气；之前饮过三剂云苓白术汤。谢谢你！
杰仔媽咪:
你可以放蜜棗或無花果的,只要不是太甜就成.
芳姐你好！
今早煲了云苓白术扁豆衣北杏水；我仔唔系好肯饮；我打算用来开奶比他吃。平时煲汤或祛湿茶我都要放粒蜜枣或者无花果他才肯饮的。想问下日常汤水都放无花果一齐煲是否妥当呢？谢谢你。
芳姐 你好！
我仔一岁八个月咳咗成个星期；之前你教我煲红萝卜北杏红枣水已连饮咗有四五日但始终咳未清。也不是咳很多就是一天有七八次；也没有痰。我要继续给他饮红萝卜红枣水吗？另外他本身可能比较容易湿热经常舌头中央会有一块舌苔；饮祛湿茶好返唔够十日又有舌苔的。
杰仔媽咪:
你要煲些雲苓白朮扁豆衣(各3錢)水供仔仔飲,如咳未好,可在湯料中加3錢北杏,甘草1錢同煮.5碗水煮成2碗,連服3劑.
杰仔媽咪:
紅棗水可以早午給仔仔飲.舌尖痛有點心火,可以用蓮子連芯1兩,百合1兩,燈芯草6扎,甘草1錢煲水供服,5碗水煮成2碗,仔女可以一齊飲,有清心火,止咳功效.
芳姐 你好！
又要麻烦你；我仔咳几日未好我按你教的红萝卜北杏红枣水比距饮；早晚饮一次（平时睡前饮奶现睡前饮这个汤）；唔知系睡前饮太多水还是红枣的原因；晚上总是睡不安稳一晚醒好几次；早上六点多就醒。可以点样改善呢？
另外我大女感冒咳刚好；昨日诉说舌尖痛；我见她舌尖红舌体有舌苔。昨晚吃过哈密瓜今早起床又有两声咳。可以比咩汤她饮？
唔好意思太多问题。
芳姐 妳好!
我小兒3歲半, 妳說用紫蘇葉,辛夷花各3錢,生薑2片,紅糖適量,3碗水煮10分鐘供服,有助止咳收鼻水. 用烏梅2粒, 菊花3錢, 麥冬3錢, 甘草1錢, 3碗水煮15分鐘供服, 有助止敏感咳.
請問這兩款茶有沒有分寒底或熱底的人不適宜飲用.
謝謝妳!
sally ma:
紫蘇葉茶主要治寒咳;烏梅菊花茶主要治敏感咳,寒底熱底均可服.
芳姐谢谢你的回复。
杰仔媽咪:
你試用紅蘿蔔1個,切薄片,北杏2錢,紅棗6粒,去核,4碗水煮成2碗供仔仔服,有助止咳.
芳姐你好！
我仔一岁八个月.前两日开始有两声咳；可能系比距家姐野到。昨天咳多咗；煲过龙利叶杏仁苹果汤无改善。只系咳无痰音。家姐食咗几日中药已经无咩大碍。但细佬太细唔肯饮中药；有无咩汤水可以比距饮呢？唔该晒。
KONA:
三子粥4錢,白米大約兩半左右,其實煲稀些也没問題,小朋友肯食就成.一日可吃兩頓.淮山可以用鮮品,也是切片就夠,可厚些.淮山粉大約2湯匙就夠.
芳姐，早晨
感謝你的回覆。我想再問下煲三子粥的米量，三子各4錢的話，米也是4錢嗎，還是多一些？一日吃兩餐嗎？仲有關於淮山的問題，如果我用新鮮淮山，咁淮山嘅份量又係幾多啊？唔好意思，問題咁囉嗦。
KONA:
紫蘇葉辛夷花茶對晚上咳多,寒咳者有幫助.你的小朋友屬痰咳,最好是三子粥,雖然味道麻麻,但有效.用蘇子,白芥子,萊菔子各4錢,入茶包袋,與白米煮成稀粥,供仔女服,可煮好後將茶包袋拿掉,然後加些絞碎肉煮片刻供食,好味些少.連服3天.一家人感染流感,又鼻塞,可以用北茋1兩,防風6錢,白朮6錢,辛夷花4錢,北杏3錢,甘草2錢,8碗水煮1小時供全家服,有助增强體質,改善不適.仔仔不開胃,咳嗽好後可以用淮山4,5片,雞內金2錢,紅棗6粒煲瘦肉湯供服,有助健脾開胃,消積滯.一星期3次.淮山可隔晚用清水浸軟,或用鮮淮山較容易煮腍.
芳姐，您好！
又係我，唔好意思。自從我仔感染流感後，我們一家人已經都被佢傳染得八八九九，先係16個月大的細女被傳染了，然後到我本人，之後就係我先生，嫲嫲都開始有啲流鼻水。細女的情況係有流鼻水，餵佢吃收鼻水藥時，佢嘔咗好多痰出來（因為佢唔肯吃藥，哭鬧以致嘔吐），依家聽佢有幾聲咳，但咳聲清脆，不像有痰。而本人就鼻塞，流鼻水，頭暈。本人先生就鼻塞，咳嗽。想請問芳姐有咩湯水能夠減輕症狀，適合我們一家大小服用的呢？
謝謝！
芳姐，您好！
本人大仔7歲早一個星期開始咳嗽，然後發燒。帶去睇醫生，醫生話係普通流感，吃咗一次藥就退燒了，不過就開始狂咳，我俾猴棗散佢吃，佢嘔咗好多痰出來，接落來那兩日就咳少咗。但是這幾天又開始咳得厲害，而且能夠清楚聽到咳嗽時是有很多痰的，也有流鼻水，早上的會比較濃稠，日間就流清鼻涕。想請問您之前介紹其他讀者用的[紫蘇葉,辛夷花,北杏各2錢,甘草1錢,]這個方法，我仔能服用嗎？
他屬奀仔型，現在也只有18.5kg，但又比較挑食，好似經常沒胃口，一叫佢吃，佢就會發出噁心的聲音，令我們好困擾，我有嘗試蒸牛肉湯俾他飲，但他唔多接受，請問還有甚麼食療能夠改善他的胃口？
謝謝！
芳姐你好!
小兒兩歲半，鼻水剛收了但有幾聲咳，可以㷛3子粥嗎?3子粥內可加肉同菜煮嗎?
另外，如果食3子粥，同日可飲白芨湯嗎?
謝謝!
Irene mama:
三子粥對痰多咳嗽小兒有益,可以加肉及菜同煮;白芨湯不太好味,不如煲些龍脷葉蘋果紅蘿蔔無花果瘦肉湯更好味.
芳姐您好：
仔仔2歲，近日有黃稠鼻涕，有咳有痰。已吃了3日西藥但沒有改善，但已令他沒胃口。我下想他再吃西藥。
請問有什麼可以幫助化痰止咳收鼻涕？
謝謝！
SL:
你試用羅漢果1/4個,麥冬,桔梗,辛夷花各2錢,甘草1錢,4碗水煮半小時服,有助化痰止咳收鼻水,可連服3劑.
艾美:
你試用北茋,防風,白朮,辛夷花各3錢,甘草1錢,麥冬3錢,5碗水煮成2碗供服,有助防鼻敏感,止咳,連服3劑,看能否改善?
芳姐，
小兒6歲，近日有咳聲沙，咳聲有痰，本身有鼻敏感，每晚都要服防敏感藥，請問而家可以煲咩俾佢食？
另外，鼻敏感都頗嚴重，唔食防敏感藥就好易引致氣促，我諗係鼻水倒流引起既，平時又可以煲咩俾佢食呢？
謝謝!
kennex:
乾咳可以用木瓜1個,雪耳2錢,南北杏1兩,無花果4粒煲糖水,全家可服,囡囡飲湯吃些少湯料,有助潤肺止咳.
芳姐,
你好!
又要麻煩你啦! 囡囡28個月大最近幾日無端端乾咳, 係不時乾咳幾聲咁! 唔知係咪氣管敏感還是空氣唔好引致, 請問可煲咩佢飲哩?謝謝
ML:
你試用菊花,麥冬,桔梗各4錢,羅漢果1個,打碎,甘草1錢,5碗水煮20分鐘,供全家飲,有助清肺實熱,止咳嗽.如咳了很久,去菊花,加花旗參3錢,麥冬用5錢,有助清肺虛熱,止咳.因為久咳必虛.
eling:
你試用紫蘇葉,辛夷花,北杏各2錢,甘草1錢,3碗水煮10分鐘供服,有助散寒止咳,收鼻水.連服2劑,看能否改善?囡囡可能脾虛,所以睡不好,你待囡囡咳好後,可用淮山4片,雞內金2錢,紅棗6粒煲瘦肉湯供服,或用湯汁煲粥,煲好的淮山可以搗爛放入粥料中供食,更見效.一星期3次.
芳姐早晨,
我差不多一家都被個女傳染, 病徵圍繞住咳嗽, 喉嚨痛, 有痰, 個女昨天有埋鼻水出現. 我們已
經睇過醫生, 奶奶和女仲食埋抗生素, 氣管敏感藥等.
– 雖然個女咳嗽比之前好咗啲但夜間還有咳. 前個星期連續兩日發燒, 上星期日還發現佢手臂和背部 出現紅色一達達, 還會痕癢. 但第二天就退去. 這是否熱毒? 醫生解釋是病毒.
– 而奶奶, 老爺和我都還有咳嗽, 夜間咳嗽令我和奶奶都瞓得唔好.
奶奶前幾天也燉了兩次洋蔥水飲, 但對她都冇幫助.
我想煲些湯水或其他有效給大家飲用, 我怕下一個被傳染是我先生亦唔想再給西藥比個女食. 我女兒今年兩歲五個月.
長篇大論唔好意思.
你好芳姐:
我女24個月大，幾天前流鼻水同勁咳，睇完西醫服了西藥，鼻水大致收左，只是間中流，但咳還是未好。日頭間中一咳就好利害。夜晚訓一陣又咳得好利害。夜間咳聽到鼻有塞塞地。巳燉過三次洋蔥水。現在有什麼方法改善？
及想問小女二年來都未可一覺訓天光，一晚醒二次。夏天平時手腳凍冷。出汗都唔手腳熱？牛肉水有幫助嗎？但家人話牛肉燥。所以一直都無比牛肉食
SALLY:
你試用紫蘇葉,辛夷花各3錢,生薑2片,紅糖適量,3碗水煮10分鐘供服,有助止咳收鼻水.