By 芳姐 ( 10 6 月, 2010 at 7:32 上午)
· Filed under 婦科病／產前，產後／不孕
懷孕初期,孕婦必須吸收足夠葉酸,才可以令胎兒腦部發育正常,故孕婦懷孕初頭三個月,要吃多些燕麥,蛋黃,青綠色葉蔬菜,蘆筍,青椰菜,牛奶,紅蘿蔔等含葉酸豐富的食物.
栗子為[腎之果],它含豐富葉酸,且菜巿塲長年有供應,可用來燘餸,煲湯,或煮糖水都甚為有益.[淮山栗子瘦肉湯] 有健脾益胃,益氣血,補腰腎等功效,適合孕婦飲用.
用料是: 淮山1兩,鮮栗子3兩,粟米1條,紅棗8粒,瘦肉5兩.
做法: 瘦肉出水;栗子去衣,粟米去衣,切段;淮山,紅棗浸洗;將全部材料放入煲內,用8碗水煮約2小時成4碗即成.飲湯吃湯料.
~ 小貼士: 此湯好味有益,全家合飲.淮山,粟米有降血糖功效,適合糖尿病人服用.
Permalink
我剛懷孕6周 有少少啡血 可以煲咩湯水飲？
Amanda:
你試用潄口水[李斯德林],用藥棉沾潄口水塗患處,可止癢幾小時.但只屬治標之法.最好找出痕癢原因,可能吃了或接觸了致敏物.要禁吃蝦蟹,無鱗魚,豬頭肉(包括豬頸肉),各種雜菇類,筍,芒果,菠蘿等發物,要逐一記下,逐樣試,找到了以後禁吃或禁接觸就不會發病.試用黑豆1兩,黑芝麻5錢,黑棗8粒,5碗水煮成2碗服,連服4~5劑,有助改善.
你好芳姐，我懷孕第18週，我由8月开始，我全身都好痕，抓到損哂，睇醫生比左藥膏我，有少少類固醇，醫生話安全的，但是搽完都唔得，隔一陣又痕，聽人講用金銀花抹身，試左開頭好些，但都係隔—陣再痕，好辛苦，全日就這樣痕，夜晚無覺好訓，請問有什麽辨法及湯水令我可以舒缓呢？謝謝！
你好芳姐，我剛懷孕但喉嚨痛可以飲咩湯水，我體質偏寒但又易熱氣！謝謝！！
fion:
懷孕喉痛可以用青欖10粒,青蘿蔔1個,南北杏1兩,無花果4粒煲瘦肉湯飲,連服2~3劑見效.用花旗參,麥冬各1湯匙泡茶飲亦有幫助.
芳:
你可以簡單的切一兩片鮮檸檬片,放入涼開水或暖水中飲,有些少鮮檸香味,有助止嘔.
芳姐你好
因為我飲水就想嘔 所以煲多啲當水飲 能嗎？或者你有沒有其他湯水可
代替水補充水份，謝謝
你好芳姐
見你回覆彩如果作嘔加皮膚較乾用生薑加冰糖煲水，我現在每天都有飲，大約1L
因飲水更加想作嘔，想問清楚是否可以每日飲都無問題的？
我現在懷孕8週，謝謝
芳:
糖薑水有助止嘔,但不用煮1公升糖薑水來飲呀!飲1~2杯已足夠.或用砂仁3克打碎泡茶服亦佳.
芳姐，妳好！
我已家懷孕12星期，有時早上起身腰會小小酸痛，請問我可以飲杜仲湯嗎（杜仲+桑寄生+紅棗）？ 多謝妳！
SA:
你可以用杜仲,桑寄生各5錢,紅棗6粒煲水飲,有補肝腎,强筋骨,安胎功效.
Frances:
你最好少食燕窩,改用雪耳或黃耳代替,一樣營養豐富又安全,不怕激素過多.你可以飲桑寄生蓮子雞蛋茶,没問題.
芳姐, 謝謝你的回覆!
我忘了說, 我本身是有甲亢, 現驗血數值正常, 已嚐試停藥, 是否都可以飲這茶?
另, 我偏瘦, 媽咪時常燉燕窩俾我食, 怕BB唔夠營養, 但我甲亢以來都是頸部腫大, 我怕燕窩會助長頸部腫大, 所以我一直拒絕唔肯食…..
Frances:
你可以用桑寄生1兩,蓮子1兩,紅棗6粒,雞蛋1個,冰糖適量,5碗水煮成2碗,烚熟雞蛋及冰糖後下,煲1小時可飲,有助安胎,可連服4~5劑.
芳姐, 你好 !!
我懷孕7週, 上星期開始由見啡變成見紅, 西醫開了黃體素給我, 說是可以助胎兒著床好些, 但食了個人十分疲倦.
食了幾天會有紅變啡, 但不食兩天, 又再見紅, 請問有什麼湯水可以改善見紅見啡嗎? 我其實不太想食西藥…..怕有副作用
謝謝芳姐, 請問還有什麼安胎的湯水，可以飲？是否多飲一些魚湯？ 冬瓜湯能飲嗎？
彩:
你可以用生薑4,5片,冰糖少許,3碗水煮成1碗服,有助健胃止嘔.另外可用半夏2錢,砂仁2錢,冰糖適量,4碗水煮半小時服,亦能止妊娠嘔吐.
芳姐，第一胎，剛懷孕7週，經常想嘔，成個人好乾！可以飲什麼湯水？平時可以食什麼止嘔？
A:
瑪卡產自南美的補腎壯陽藥,對你没影響的,不過這種產品講到療效好到不得了,我有點存疑.
你好！芳姐。
謝謝你的答覆，本人為初期，未有向外透露，後來本人發現該同事煲的是靈芝 馬卡，有很大味道，因我坐她後面，馬卡會有影響嗎？
娜:
你可以用杜仲1兩,巴戟5錢,桑寄生1兩,南棗8粒煲豬尾骨湯,8碗水煮2小時成4碗,可分2天服,連服3劑(飲6天),有助改善腰痠情況.
你好，芳姐，刚做完人流三天，今天腰很酸，头有点晕，平时也腰酸的情况，请问喝什么汤水能改善。本人28 岁，生育一胎，做过一次人流。
你好，芳姐
刚做完人流三天，今天腰好酸，平时也有腰酸情况，请问能喝什么汤来改善吗?本人28岁，生育一胎，做过一次人流。
芳姐你好，有嘢想請教你，我現在懷孕五周左右，覺得有啲熱氣，而且下陰有黃色白帶，可以煲啲咩湯水飲？
Kelvin:
你可以燉杜仲桑寄生竹絲雞供太太食,有强筋骨,袪風濕,養顏,安胎等功效.湯不算好飲,但有益.竹絲雞要去皮煮.
芳姐你好，唔好意思，又有嘢請教吓，依家我太太有妊娠糖尿，我想燉杜仲桑寄生竹絲雞俾佢食，可以嗎？多謝晒！
Kelvin:
番石榴,油甘子乾泡茶服有助降血糖.一星期服4次左右試試.
芳姐，番石榴乾、油柑子乾泡水可以嗎？多謝
Kelvin:
妊娠糖尿要特別小心飲食,澱粉質食物少吃些,糖類及高脂肪食物更要克制,盡量少食,包括太甜的生果.可以用鮮淮山3兩,粟米連鬚2支,杞子3錢,煲瘦肉湯服,一星期3次,有助降血糖.8碗水煮成4碗,全家可飲,你太太一天分服2碗.鮮菠菜根雞內金湯亦適合.炒米可以用普通白米,糙米亦佳,用白鑊炒慢火炒5分鐘就可儲存,隨時取用.
芳姐，我補充問一問，在你寫的「懷孕天書」中，留意到其中一款「鮮菠菜根雞內金湯」來降低血糖，要下炒米，咁炒米要在白鑊炒至乜程度為適合呢？多謝！
芳姐你好，我太太懷孕七個月了，去醫院檢查咗話佢血糖高係妊娠糖尿病，請教吓你要飲乜湯水降低血糖呢？多謝晒你！
A:
靈芝對孕婦完全没影響,如果你不喜歡靈芝味,可婉轉告訴同事可否改用別些食材?
芳姐，若懷孕初期，同事常在位中煲靈芝，散發很大靈芝味，離同事位置近，若常聞有影響嗎？
芳姐，若懷孕初期，同事常在位中煲靈芝，散發很大靈芝味，離同事位置近，若常聞有影響嗎？
cindylabb:
懷孕4個多月,可以多煲些健脾開胃湯水,涼潤湯水亦佳.例如淮山,茯苓,蓮子,芡實,紅棗煲排骨湯;或用沙參,玉竹,雪耳,百合,無花果煲瘦肉湯;節瓜黃豆海藻瘦肉湯都合適.
芳姐，小妹現懷孕18週2，請問有什麼滋潤湯水適合現階段飲？
QQ:
懷孕宜涼潤不宜温補,榴槤屬高脂肪及温熱食物,少食為宜.燉雞湯去皮燉可以適量飲.
你好!!!本人懷孕19週，請問可以飲燉雞湯及食榴槤呢?
知道，謝謝芳姐！
BELL:
竹蔗水煮半小時就成.
謝謝芳姐，那麼竹蔗水需要煑多久呢？
芳姐, 我奶奶煲了花膠湯 但加了圓肉,我懷孕剛7周~究竟可以飲嗎？桂圓是否不好?
Ady:
令一餐半餐不成問題,以後用杞子或南棗代替圓肉就是.圓肉温補,產後才用.
芳姐，請問在懷孕初期，沒有胃口並且嘔吐不停，可以吃什麼來幫助舒緩？蔗汁是否適合飲用呢？ 謝謝！
Bell:
蔗汁的確合懷孕初期飲用,但坊間現成榨的蔗汁我不太放心,不知加了什麼東西,因為不正常的綠色.最好自己買竹蔗煲水,加幾片生薑同煮,對妊娠嘔味有幫助.亦可以用砂仁2錢打碎,陳皮1塊,冰糖適量,2碗半水煮成1碗服,有助止嘔及安胎.兩款茶都可每天飲,至症狀好為止.
方太:
懷孕只要有胃口,可以食花膠湯,但一次不要吃太多,以免滯胃,可配淮山1兩,杞子3錢,紅棗6粒,瘦肉適量來燉2小時.
芳姐
請問懷孕6週，可以飲花膠湯嗎？
加什麼其他材料一起煲最好呢?
芳姐，請問黎左大姨媽都可唔可以飲桑寄生蛋茶？
YURI:
桑寄生蛋茶來經可以飲.
訪客:
你可能脾虛,可以用淮山,茯苓,扁豆,蓮子,芡實各5錢,紅棗6粒,陳皮1塊煲瘦肉或排骨湯,煲夠個半小時,全家可飲,有助健脾益氣,袪濕,改善神疲乏力冇精神.一星期2~3次.飲湯吃些湯料.
你好…我懷孕個半月….很容易眼訓冇精神..很影響工作….有咩解決方法
芳姐你好
現在懷孕11週，經常頭暈，行二步路就唔夠氣，請問有什麼合適湯水介紹？
同埋下陰好易發炎，成日有黃色白帶，會唔會有湯水可以幫助增加免疫力架？謝謝！
Fhcy:
你試用太子參3錢,淮山,茯苓,芡實各1兩,白果10粒,去芯,陳皮1個,紅棗6粒煲瘦肉湯服,有助健脾益氣,袪濕,消白帶.連服3劑,如有改善,一星期2劑.飲湯吃白果,芡實.
WCY:
胎水少試用太子參5錢,生地5錢,麥冬3錢,白朮3錢,炙甘草1錢,瘦肉適量,5碗水煮成2碗服,一星期2~3劑,有助改善.建議看中醫調理.
你好！懷孕32週胎水過少⋯可以煲什麼湯來幫助？
mandy:
你試用砂仁3錢,陳皮2錢,益智仁3錢,3碗水煮15分鐘服,連服3劑,看能否改善?此湯有安胎作用.
芳姐
我懷孕已9周，口水分泌超級嚴重，需要自備口水杯既情況，要不停食野先可以暫緩，請問應該要食D咩會好D?