By 芳姐 ( 22 2 月, 2013 at 7:45 上午)
· Filed under 外感/頭痛/呼吸道病, 小兒常見病
小朋友傷風、感冒後咳嗽,由於小兒不懂吐痰,痰涎積聚,容易引致咳嗽不止。所以平時要引導小朋友多飲開水,當患上傷風、感冒時,大量飲水有助將痰排走,否則要幫小兒拍背,然後飲水,減少併發肺炎的機會。
中藥蘇子、白芥子、萊菔子有降氣豁痰,止咳定喘功效,用這三種化痰藥來煲粥,對痰多咳嗽者很有幫助,尤其是因吃得西藥多令脾胃虛弱,痰壅氣滯的小兒更是有益。
用料是: 蘇子3錢,白芥子3錢,萊菔子3錢,白米2兩。
做法: 三子搗碎,入茶包袋,與白米煮成稀粥,隨量服食。
~ 小貼士: 此粥適合痰多咳嗽小兒服食,對咳嗽喘逆,痰多胸悶,食後腹脹的老人家亦很適合。但如果没痰,只有乾咳者就不適宜服用。
Permalink
芳姐~
我家姐痰多氣弱， 痰困難咳出，有時呼吸不順，此粥適合她嗎?
YEE:
用蘇子,萊菔子各3錢,加陳皮1個,甘草1錢,5碗水煮1小時成2碗服,有助袪痰.白芥子較刺激,小兒可以不用.
芳姐你好, 成人用, 這個粥改煲茶還可以加添甚麼呢？份量一樣嗎？謝謝！
芳姐 你好。
我个bb十个月。咳左好耐 有鼻水。咳聽聲有啖可以飲川貝雪梨水嗎？
Ginny:
小兒久咳,可以用川貝末2錢蒸燉雪梨水飲,痰多加塊陳皮.如痰少可以用紅蘿蔔1個,切薄片,紅棗6粒,去核切片,4碗水煮成2碗供BB一天服.連服3劑.
fanfanny:
肺炎入院有痰,可以用川貝末3錢,雪梨1個,去核,陳皮1個,2碗水蒸燉半小時供食,連服3劑,有助清肺熱袪痰.
DEAR芳姐”
因為小朋友肺炎入院,沒有發燒了,但咳和多痰一直都有,所以想請教最好用邊款煲比佢飲呢?
fanfanny:
可以用來煲瘦肉湯.其中白芥子可能有點刺激,如小朋友服可減去,以兩個陳皮代替.
DEAR芳姐”
此三子,可否不用來煲粥?煲湯或水可以嗎?
蘇太:
大人都用這個量,對痰咳好.小朋友隨量食用,大人可以吃多碗.
芳姐，您好。
請問大人(女兒)的話，三子的用量一樣嗎？請賜教。
你好我個仔5個幾月，感冒發燒咳有鼻涕有痰，佢又晤肯飲水。西醫教我用兩個蘋果一個雪梨煲俾佢當水甘飲。可以嗎其實？不過我加好多水好淡味晤算甜。。但其實有痰飲呢D會晤會重加重？我有俾猴棗末俾佢，佢嘔奶會連小小痰。。柯便便都會有小小痰。。但係淸極都仲好似有好多甘。。我老公上網睇話猴棗末晤係個個Bb都食得，要分咩寒熱底。。。我想請教芳姐你我仲可以整D咩俾Bb化痰同補充水份？
婷媽:
你可以用川貝末2錢,雪梨1個,去核,2碗水蒸半小時供仔仔服,有助化痰.要引導他飲水,否則痰涎積聚在肺部,易引起肺炎.蘋果雪梨水有益,但每樣1個已足夠,要去皮,去核.
Angel:
三子粥對小兒痰咳有效,偏温性,夜咳痰多者最合用.日間痰咳可以用川貝末2錢燉蘋果1個服,去皮,去核,可加蜜糖.手脚冷是身體較虛,病好後可以用淮山,蓮子,茯苓,芡實各5錢,紅棗6粒,生薑2片煲排骨湯供服,一星期2次.全家飲份量加倍.
芳姨，仔仔三歳，之前咳，鼻水睇了幾次西醫，但咳仍未斷尾，有痰，但不知為何他最近手腳冰冷，是否感冒未清還是因為吃得西藥多？有什麼食療？三子粥有分寒熱咳嗎？感冒未清可以吃三子粥嗎？謝謝你
訪客:
BB太細,你只用蘇子,萊菔子各2錢(入茶包袋)煲瘦肉粥就可以.兩餐之間可以幫BB拍背,拍到有咳表示該處積痰,再輕拍幾下,然後飲水,有助將痰排走.
芳姐，我B七個月大可以吃三子粥嗎分量一樣嗎？他感冒后咳又咳唔出D痰
仔仔感冒好反，但喉嚨任有痰聲都有一段時間了，應該吃咩？多謝芳姐解答
MS.IP:
三子粥服西藥前或後1~2小時食没問題.
芳姐，
我煲三子粥比15個月大仔仔服，如食西藥可同服嗎？因為西藥飯後食。
訪客:
小朋友如脾虛容易生痰,故日常可以多用四神湯作健脾之用.即淮山,蓮子,茯苓,芡實四種健脾食材,加紅棗,陳皮,瘦肉同煮,全家可飲.一星期2次,對你孫仔有幫助.但感冒期不要服,可以用白蘿蔔半個,陳皮1個切絲,生薑3片,4碗水煮半小時服,連服2劑,看能否改善?蒸些洋葱水飲亦能止咳.
芳姐 ： 我孫子每一感冒 ：就一直咳很難痊癒 尤其 咳早晚 痰又多 醫生 又看無效 請問芳姐 有和方法 感恩
icy:
你可以試試你提的這個方,藥味不算重,痰多就暫時不要加紅棗,冰糖也只是放少許不要多,否則惹痰的.或單用5朵辛夷花泡茶,可加少許糖,花要拍碎才泡.有助收鼻水.另外不妨買個洋葱,去衣切塊,放碗中,隔水大火蒸半小时,用湯匙壓大約3湯匙洋葱汁供服,有助止咳.
芳姐，我女兒10個月大，因鼻水倒流致有痰咳嗽，昨晚曾高燒至39度，幸半夜已退燒，已用洗鼻水但仍無助減少鼻水倒流，見你早前分享過食療茯苓，白朮，辛夷花，陳皮，北杏，紅棗可去痰收鼻水，10個月大BB可否服用?另外此湯味道可能bb唔喜歡，可以加冰糖或其他食物令味道容易讓bb接受嗎？1歲以下嬰孩不能食用蜜糖。
紅蘿蔔，北杏，紅棗水，我女兒可否飲用? 會有幫助嗎？
芳姐！您的食療湯水很不錯！
JAMIE:
你試用法夏,茯苓,白朮各3錢,陳皮2錢,甘草1錢,5碗水煮成2碗供服連服3劑可清痰.
芳姐，小女今年5yrs，已食了4次三子粥，但係聽得出仲有好大舊痰，咳唔多，請問是否應該轉食其他？謝謝
芳姐，您好!
小兒(g6pd)20個月有鼻水咳，跟你食療煲左兩日蘇子萊菔子粥，大便有潺，是痰排出嗎?
他已無咳，昨日無流鼻水，但今晚又有透明鼻水流出，依然有鼻塞，二子粥我明天還要煲嗎？請問有咩湯水可以止鼻水通鼻塞的?
另外之前食了西藥，經常出汗頭髮濕晒，家人說是虛汗?! 可以煲咩湯水給他?
謝謝!
BBTCWA:
你可以煲此三子粥供服,連服2劑.另外可以用川貝末2錢,雪梨1個,去核,2碗水蒸燉半小時供服,有助清肺熱,化痰止咳.
bb15个月大之前打噴紙，咳有好多啖之后高燒后出疹、退燒后仍有幾声咳和有好多啖卡住係喉嚨、可煲D乜比佢飲呢？thx
JANET:
三子粥對小兒痰咳有良效,服西藥後2小時食就成.
您好芳姐：
小女剛冇發燒,多痰咳,仲食緊西藥,可否煲三子粥食?如可以食的話須唔須要隔幾久食西藥?謝謝!
小兒已退燒，但仍有痰咳，流清鼻水和說話時有鼻聞聲。如何好?謝謝!
miffy:
服西藥都可以服三子湯,隔2小時飲就成.或用川貝末燉雪梨都成,有助化痰止咳.
芳姐：
小兒正發燒，有痰咳，西醫指出是感冒菌，現服西藥。請問可否同時服用三子湯呢？謝謝！
還是有其他食療?
芳姐：
小兒正發燒，有痰咳，西醫指出是感冒菌，現服西藥。請問可否同時服用三子湯呢？謝謝！
多謝你阿！，我今日就煮。
芳姐，你好！
我個仔前幾日係流鼻水，咳，有痰，這幾日病情加重左氣管炎，氣喘，咳好厲害，有鼻涕有痰可以飲咩？多謝！
GLH889:
你試用辛夷花3錢,白果6粒,冬瓜仁5錢,北杏3錢,5碗水煮成2碗供服,連服2劑,看能否改善?此湯能化痰定喘,收鼻水.
JENNY:
你可以用百合1兩,麥冬3錢,玉竹3錢,蘋果2個,去皮,去核,南北杏1兩,紅蘿蔔1個,無花果4粒煲瘦肉湯供服,有助化痰止咳.全家可飲.
芳姐，
您好！
我8歲囡囡感冒發燒咳嗽，連睇二次醫生，食左6日西藥(5日抗生素)，食到落晒型－很瘦削，再加上近期要應付考試，搞到個人好緊張，到現在還有小小痰仲有啲咳，請問有什麼湯水可以飲呢？謝謝！
MEIMEI:
你可以用法夏,茯苓,白朮各3錢,陳皮2錢,生薑2片,甘草1錢,5碗水煮成2碗供服,連服2劑,有助清痰.痰少了可以煲四神湯服.
芳姐你好，小兒經常鼻水倒流引致痰多，每次我都煲三子粥給他喝，雖然清不曬但是都會比較好轉，但是今次喝左五劑都不得今次的痰很頑強清不去，看左西醫話要聞氣，但是我怕藥性太強又怕副作用，不是很想給他聞。請教芳姐我仲可以點煲咩湯水幫助可以去頑痰？
之前芳姐話（小朋友痰多主要是脾虛有濕,宜用淮山,茯苓,薏米,扁豆等煲瘦肉湯供服,以健脾胃,才能袪痰.)是不是即是四神湯可常吃？感謝芳姐。
meimei:
三子粥小朋友可以服用一段時間.但小朋友痰多主要是脾虛有濕,宜用淮山,茯苓,薏米,扁豆等煲瘦肉湯供服,以健脾胃,才能袪痰.
芳姐，請問你此三子湯可以長經常服用嗎？會不會產生依賴性？因小兒經常鼻水倒流引發痰咳，自從看你教落知道此三子湯化痰功效佳，所以我經常煲此湯給他喝通常是喝三劑，停左一個星期痰又返回我又再給他喝三劑……如此又重復又重復…..？
謝謝芳姐。
CHRISTINE:
如痰多可以煲三子粥供服.亦可以用川貝末3錢,陳皮1塊,雪梨1個,去核,2碗半水蒸燉半小時,調些蜜糖供服,連服3劑,看能否改善?
芳姐，
4歳女女上星期因肺炎入院打抗生素，宜家肺炎好返，但仍有咳有痰，可以煲咩湯水化痰止咳呢？謝謝
芳姐你好，
我煲這款三子粥給小囡喝可能實在太苦只是肯喝少少粥水，米一滴都不肯吃。小囡主要是鼻水倒流引起多痰，咳少少主要是痰多在喉嚨呼吸都有痰音，我還有煲陳皮粥、核桃杏仁粥都是幫助不大？請教芳姐我還可以煲咩容易入囗的幫助化痰？謝謝。
thX
SANDRA:
玉屏風散並不苦,但有少許藥味,可加糖漿或蜜糖調服.
多謝回覆，
但㑹好苦嗎？佢連猴棗㪚個d都唔食，全吐出里，
SANDRA:
小朋友一上學就易感染上呼吸道疾病,會反覆受感染,故必須注意飲食營養均衡,强壯體質,同時教囡囡勤洗手,拿食物入口之前必定要洗手,回家第一件事就是要她洗手,養成洗手習慣,減少受感染.待身體儲夠一定[抗體],自會減少發病.
平時可以用玉屏風散供服,材料是北茋,防風,白朮各3錢,甘草1錢,5碗水煮成2碗服,一星期2次,有助提高體質,增强抗病能力.我見上環皇后大道西140~162號有幾間中藥店都有[玉屏風散]磨成了粉售賣,35元一瓶,不貴,方便沖服,無需煲煮的.
芳姐你好：
我同女(3歲7個月)，女自從返左學多病左，平均每月一次，病徵來來去去都係傷風感冒發燒，但今次4月份已睇了3次醫生，生完眼瘡發炎，好返又扁桃線發炎發燒傷風感冒鼻塞，扺抗力甚差！平時返學放學都係行起碼半個鐘，肯行但又多病痛，感動好心痛！
又唔想佢食得西藥太多，藥水唔肯飲，要開藥丸我再磨碎粉溝d甜野比佢食，但有時試得出唔同味就唔食，咁先煩，同佢轉睇過醫生話佢係寒濕人仕，咳左好耐d痰又出唔出，咳到嘔先有少少痰，早晚上又瞓唔到，要用口呼吸，氣管又唔好，每次都一齊病，請問有咩食療湯水介紹！
感謝你！