By 芳姐 ( 1 11 月, 2014 at 8:11 下午)
· Filed under 外感/頭痛/呼吸道病, 小兒常見病
小兒感冒後肺餘熱未清,會咳嗽一段時間,但有藥味的湯水很多小兒不肯服用,故最好用一些天然食物烹調的湯水作調理.用馬蹄配紅蘿蔔、麥冬煲水,味道清甜可口,對小兒肺熱或肺燥咳嗽,煩躁不安者均有幫助.
馬蹄能清熱生津,開胃消食,潤燥化痰,清音明目,對熱病口渴,咽喉腫痛,口瘡目赤,燥熱咳嗽等病皆適合.
用料是: 紅蘿蔔1個,馬蹄6粒,麥冬1湯匙.
做法: 紅蘿蔔去皮,切片;馬蹄去皮;麥冬浸洗;將材料放入煲內,用5碗水煮45分鐘即可供服.
~ 小貼士: 用新鮮馬蹄去皮洗淨擦搽臉面皺紋及色斑處,可滋養皮膚,去皺袪斑,還可以消疣.此湯老少咸宜,可加瘦肉,杏仁,無花果等煲作家常湯水服用.
Permalink
芳姐,你好啊,女女二歲幾,最近呢幾日發高燒,宜家高燒退左但仲低燒緊,夜晚都好暴躁,狂哭鬧,芳姐,女女是否心火旺盛啊??有咩岩煲比距飲啊?謝謝!
Apple:
低燒表示病邪未趕走,所以囡囡不舒服扭計.試用薏米1兩,蘆根5錢,淡竹葉3錢,雪梨1個去核,蜜棗2粒,5碗水煮1小時成2碗供服,連服3劑,有助退燒.
小朋友三歲之前有感冒,過左兩星期仲有少少鼻水同咳,咳唔係太多,但痰多又咳唔到出黎,可以煲咩飲
Coby:
你可以用蘇子,萊菔子各3錢入茶包袋煲瘦肉粥供食.有助袪痰,如鼻水多加5朵辛夷花同煮.
芳姐,
羅漢果 一個 + 雪梨 2 個 煲45分鐘當水飲也可以嗎?
謝謝
Chin Family:
喉嚨有點痛可以飲此湯,金羅漢果雪梨水亦佳.
多謝你回覆芳姐,
但今早小女起身突然鼻塞和很多鼻水, 應該煲咩湯水?
麻煩哂芳姐
謝謝
Chin Family:
可以在羅漢果雪梨水中加6朵辛夷花同煮,有助利咽收鼻水.可能作感冒,如有燒要看醫生.
早晨芳姐,
小朋友 7 歲, 喉嚨有小小痛, 係唔係可以飲這個湯?
還是煲龍利葉青攬桔餅?
謝謝!
芳姐,
唔好意思,唔知點解會發表2次.仲有係每次瞓完覺口會勁苦,飲乜湯水好?
芳姐,
我之前脇痛,肝胆濕熱,尿黃,睇左中醫,跟住感冒,仲未好晒,成日攰,返工又成日出街做野,返嚟又易冷親,飲咩湯水好?可以响螺湯定係荷葉冬瓜湯嗎?
芳姐,
我之前脇痛,肝胆濕熱,尿黃,睇左中醫,跟住感冒,仲未好晒,成日攰,返工又成日出街做野,返嚟又易冷親,飲咩湯水好?可以飲响螺湯定係荷葉冬瓜湯嗎?
訪客:
現時天時暑熱,飲荷葉冬瓜湯較佳,但可加陳鴨腎同煮,有滋陰作用.響螺湯可配雞骨草2兩,赤小豆1兩,紅棗5粒煲瘦肉湯服,能清肝熱,利尿.
謝謝芳姐
芳姐,你好
小兒只有4個月大,被屋企人傳染咳嗽,有痰聲,早晚有咳,晚上睡不安寧,有適合的湯水嗎,謝謝
Cherie:
你可以用洋葱1個,去衣,切片,放蒸碟中,隔水大火蒸20分鐘,用湯匙壓洋葱汁餵服,一日2次,連服3天,有助止咳.
噴門發炎,胃酸倒流最好煲什麼湯?
Taco:
你可用墨魚骨1兩,陳皮2個,猴頭菇3朵煲瘦肉湯服,連服3劑,有助紓緩胃酸倒流.
芳姐
孫仔一3岁半,喉嚨發炎,發燒,我煲石崇魚粥 給他食,可以嗎?
Helen:
喉嚨發炎,石崇魚湯煲豆腐較適合.
Vini;
你可以用川貝末3錢,蘋果1個,去皮,去核,4碗水煮成2碗供囡囡服,連服3劑,如有改善,一星期2劑.
芳姐你好,囡囡三歲 咳左好耐 醫生話氣管敏感 呢排夜咳 咳到會嘔 白天就會好d 但起床會鼻塞 過一陣 又通返 請問有什麼湯水可幫助?
玲:
你試用紫蘇葉3錢,辛夷花3錢,生薑3片,紅糖少許,3碗水煮成2碗供服.
補充咳時有痰謝謝
芳姐你好!囡囡5歲,之前幾曰有少少鼻水,但這2晚一訓下床就不停咳及早上6,7點都會咳;請問有什麼湯水可幫助?日間沒有點咳
Fornia:
你可用鮮龍脷葉1扎,羅漢果半個,紅蘿蔔1個,無花果4粒煲瘦肉湯,全家可飲.鼻塞可另外用6朵辛夷花拍碎泡茶供服,能改善鼻塞情況.連服3劑.
芳姐您好,小兒15個月大,喉嚨痛,鼻塞嚴重,鼻水不能流出,倒流至喉嚨,引致夜間乾咳。請問可以飲甚麼湯水? 謝謝
Iris:
你可以用沙參,玉竹,麥冬各3錢,雪耳2錢,百合1兩,南北杏1兩,紅棗6粒煲排骨湯,全家可飲,能潤肺止咳.
芳姐,你好
小兒,2岁,一轉天氣好易病,今晚回家後聽家人講開始幾聲咳,今晚瞓左都有咳,干咳,冇鼻涕,有咩食療可以煲來飲?謝謝!
Shirley:
你試用羅漢果1/6個,麥冬3錢,辛夷花6朵,甘草1錢,3碗水煮15分鐘供服,連服3劑.睡前用棉紙巾剪成條狀,浸温鹽水,扭緊替BB通鼻,可減少睡時鼻塞.
芳姐你好,我小朋友1歲3個月,近日感冒,鼻涕透明色,訓教會自己咳醒後喊,訓教會打鼻寒,姑姑咁聲,胃口不太好,睡眠都唔好,聲音也沙啞,睇左醫生,唔想食咁多西藥,請問有什麼湯水可以飲。唔該。
wendy:
痰多可用川貝末2錢蒸燉蘋果1個,去皮,去核,加陳皮1塊更佳.1碗水蒸燉半小時可供服,連服3劑.
芳姐早晨,g6dp bb 5個月,間中咳同聽佢he he hea hea有野頂住喉嚨,有透明鼻水,如果川貝蘋果無花果可以嗎??請問材料份量是多少?或芳姐建議可以比咩佢食?thx
Yubi:
小朋友可以飲這款湯.要多飲水,多睡覺才會好得快.
芳姐你好,我小朋友兩歲七個月,近日應該有少少感冒,鼻涕很黃很杰,間中有兩聲咳,胃口不太好,睡眠也不好,聲也很沙,這湯水適合嗎?
謝謝妳!
Cintia:
你試晚飯後蒸個洋葱水供服,有助止咳.可一天蒸2個服,早,晚各服1個.
SZE:
你試用蘇子,萊菔子,紫蘇葉,辛夷花各3錢,生薑3片,紅糖少許,4碗水煮成碗半供服,有助散寒化痰止咳.
芳姐妳好,我個女3歲,感冒後夜晚瞓覺 10:30-1:00 左右會係甘咳,咳到吐,瞓醒又會咳一陣,之後成日都唔聽到佢咳,佢已經無鼻水,有比棗散佢食, 我可以煮咩湯幫佢?
謝謝!
芳姐,我仔3歲,有氣管敏感,轉天氣就會咳有鼻水有痰,夜晚瞓覺時會咳好耐先瞓得著(我懷疑係鼻水倒流令佢咳),試過以下食療成效唔大,仲可以飲咩湯水
1: 燉橙+鹽
2: 鱷魚肉果片薑南北杏
3: 花膠底椰百合南北杏
芳姐,
我仔3歲,有氣管敏感,一轉天氣就咳有痰有鼻水,夜晚瞓覺會咳好耐先瞓得著,試過以下食療:
1: 鹽+橙燉
2: 鱷魚肉果皮薑南北杏
3: 花膠百合
朱太太:
你都試蒸隻鹽橙供囡囡服,有助化痰止咳.
WEN:
晚上咳多,你試蒸隻鹽橙食都有幫助.橙連皮洗擦乾淨,在頂部切開,加少許鹽,隔水大火蒸半小時,用湯匙壓橙皮連汁液供服,橙皮素能化痰止咳.
芳姐你好,小女4岁咳嗽再次看了中医都没痊愈,原本只是喉嚨有很多痰,很少咳,可是昨晚喝了杯蜜糖睡覚咳得厉害还咳到吐,一个晚上都有咳,嘴巴很红,很容易流汗,有什么食療可帮助她?谢谢!
芳姐 你好 小孩飲左呢個湯水 夜晚咳多左 是否不合適 有其他湯水介紹㷛嗎?
Flora:
你可以去山草藥檔或有機菜檔買新鮮魚腥草2兩,生薏米1兩,甘草1錢煲瘦肉湯;先用5碗水煮瘦肉,薏米,甘草煮半小時,加入魚腥草滾20分鐘可飲,連服3劑,有助消炎,化痰止咳.
Magi:
你可以蒸些洋葱水,有助化痰;或用川貝末3錢蒸雪梨1個,要去核蒸;或用烏梅2粒,菊花1小撮,羅漢果1/6個,3碗水煮成碗半供服,對風咳有益.
芳姐,請問15個月小朋友,咳左2個月,醫生話係氣管敏感,中醫話佢係風咳,
食西藥食唔好。現有都會有咳(有啖聲),而且有鼻涕,特別晚上飲奶好容易聽到,
希望你介紹幾款湯水比我。謝謝!
芳姐 請教下 如果我小朋友3歲 肺炎後 食哂西藥仲有咳同痰清唔到 可以有咩可以煲?
芳姐,您好!
小兒兩歲4個月(G6PD),幾日前感冒一路咳嗽,日間晚上都有咳嗽,食西藥未好返,煲了兩日龍脷葉蘋果海底椰湯(找不到石黃皮)。他依然有些少透明鼻水,早上亦有咳帶痰聲,請問尚可煲咩湯水止咳化痰?
謝謝芳姐!
ADA:
你可以用茯苓,白朮,扁豆衣各3錢,陳皮1塊,4碗水煮半小時供服,連服3劑,有助消口臭.平時要用藥棉沾涼開水幫仔仔清潔口腔,教他漱口.