By 芳姐 ( 11 3 月, 2010 at 7:16 上午)
· Filed under 保護視力/耳、鼻、喉疾病
鼻竇炎是常見的病,有些人是因為感冒引起的急性鼻炎反反覆覆地發生,又没有徹底治療,炎症漸漸轉化成慢性.
中藥辛夷花,蒼耳子是治鼻病的要藥.今次介紹的[辛夷花蒼耳子茶]有宣肺通鼻的作用.對鼻塞時輕時重,流涕,頭微脹,或伴咳嗽,氣短,痰稀,體倦乏力的鼻竇炎患者很有幫助.
用料是: 辛夷花,蒼耳子,白芷各3錢,薄荷1錢,葱白3~4根.
做法: 將辛夷花用刀背拍鬆;其餘材料洗淨;先將辛夷花,蒼耳子,白芷用4碗水煮成2碗,投入葱白,薄荷,再滾5分鐘即可供飲.
~ 小貼士: 白芷能引藥上頭面,是一味[引藥].這款茶有個更簡單的飲法:就是將材料弄成粗末,用3碗水大滾5分鐘即可供飲.每天1劑,當茶頻服,至症狀改善為止.
Permalink
芳姐你好，
小兒13歲剛流感初癒，尚有濃鼻涕、咳和痰（較難吐出），請問可以煲此款辛夷花蒼耳子茶供小兒飲嗎？
謝謝。
May
芳姐
你好，3歲小朋友有G6PD,已經2個星期有黃鼻水同氣管痰咳，如果辛夷花+蒼耳子+蜜糖焗水可以嗎
JJ:
由於蒼耳子有小毒,3歲小朋友最好少用.辛夷花是玉蘭花的花蕾,能減少鼻水分泌,可以服用幾劑,至鼻水減少為止.
芳姐：
兒子三歲多鼻敏感嚴重，日日都鼻塞，睇醫生話有一邊鼻腫了，試過畀辛夷花加蜜糖水佢飲都沒好轉，請問還有甚麼湯水可幫助減輕鼻塞？謝謝。
Catherine:
如果你仔仔肯飲有藥味的湯水,這款辛夷花蒼耳子茶會加快見效,小朋友3歳,可以一劑分2天服.或去買「玉屏風散」顆料沖劑,每次沖泡時加6朵剪開的辛夷花茶同泡,可加少許蜜糖,小朋友可能肯飲.此茶可改善體質,減少傷風感冒和鼻敏感.
芳姐：
唔該你先，玉屏風散沖劑係米成包沖曬畀佢飲架，洗唔洗減份量？同埋有冇話要飲幾多日為一個療程咁？謝謝
Catherine:
裕華或農本方都有[玉屏風散]顆粒沖劑賣,小朋友每次2茶匙左右,一星期3次沖服,服一個月,有助增强體質.大人如容易傷風,感冒都可以服.其主要成分是北茋,防風,白朮三隻藥.
芳姐，我仔仔兩歲，流鼻水同咳咗兩個月，睇咗好多次醫生，但都未清，晚上到清晨都係咁咳，最後醫生話佢鼻竇炎，食完西藥，清晨仲有少少咳，有咩方法根治？
Tobby:
吃完西藥鼻水是否不再流?如仍未好,可用辛夷花~8朵,白芷2錢,北杏2錢,甘草1錢,4碗水煮15分鐘,加入辛夷花,再滾5分鐘成2碗,一天分服,連服3劑,對鼻竇炎引起的痰咳有幫助.
Thanks芳姐😁
食完西藥已冇鼻水，晚上清晨都仲有咳，但日間就冇咳😌
Tobby:
可以蒸個洋葱水,或蒸個鹽橙以袪痰.你在右上方[搜尋]打洋葱水,或鹽橙的字,再按一下搜尋,即可找到有關文章.
芳姐你好：
7歲兒童流鼻血，成日有擦鼻孔，早上有時會打乞嗤,近來兒子流鼻血多了，每日都有流鼻血
次至3次都有，煲什麼好！🙏
訪客:
小朋友鼻膜很薄,如果受過傷,很易因挖鼻或血熱就易流鼻血,要等稍為大個些鼻膜長厚了流鼻血情況才會停止.可以用鮮茅根1扎,鮮蓮藕節3個,雪梨1個煲水半小時供服,連服2~3劑.
芳姐
小兒八歳，年頭感冒上呼吸道感染，引發鼻炎及咳嗽帶微喘，吃了一個禮拜氣管藥及青蛙藥似緩和下來。一個星期前再咳、帶痰聲，醫生認為感冒未清，再開氣管藥水、青蛙丸及化痰藥；吃了差不多一個禮拜，咳好了很多，只有日間幾聲帶痰；但鼻子很差，這三四天帶很多濃稠奶白色或黃色鼻涕，有食收鼻水敏感藥，幫助晚上不鼻塞，但鼻涕仍很多，有什麼茶療可幫助他？
東東媽媽:
你試單用辛夷花6~8朵,剪碎泡茶供仔仔服,可加少許蜜糖,連服3劑,有助收鼻水通鼻塞.
芳姐你好，我由感冒引起鼻塞已經有一個月，用咗噴鼻濟都唔得，一直都有鼻涕黃色杰身，這個茶啱我飲嗎？Thanks !
Mary:
你可以飲這款茶,連服3~4劑,看能否改善?
我老公之前個鼻成日有d感冒徵狀
去睇 醫生話鼻竇炎。食左抗生素1個月
之後鼻水好似有好番少少。但未完全好晒
再睇。就話無左鼻竇炎 但就都有黃痰 醫生開左支噴鼻劑
噴左成個月 都重係咁
晚上或每朝起身 都有 黃鼻涕 kick住咁
反反覆覆 鼻水都重存在。
芳姐。點解決好
要飲幾耐先停。 同埋藥材有毒性嗎
chan:
蒼耳子有小毒,但用量少又煲些時間没問題.如怕就不用蒼耳子就是.
Chan:
你可以用這款辛夷花蒼耳子茶,連續供你先生飲3劑,看能否改善?
收到。唔該芳姐
芳姐，你好！
兒子4歲半，每當轉天氣，或傷風後！沒有發過燒。鼻子經常可以呻到鼻涕出來，鼻涕偏杰身，透明帶點黃！鼻子癢，鼻萌聲重。伴有幾聲咳嗽，是否鼻水倒流引起咳嗽？此情況很困擾，每次都處理2-3個月，又不想看醫生食西藥！
飲此湯可否有幫助？或有沒有其他的湯水茶療更適合？謝謝您！
Nicole:
你仔仔應該是鼻敏感,可以去裕華或農本方買[玉屏風散]沖劑,每次沖服時加6朵拍碎的辛夷花同沖泡,有助增强體質,減少鼻敏感發病.一星期2~3劑.至症狀好停服.
請問玉屏風散可否自己執藥煲？分量如何？或可否加肉加蜜棗煲湯？
Nicole:
玉屏風散主要3種材料,即北茋,防風,白朮,各用3錢,不過磨成粉作沖劑療效好些.可加肉同煮.
明白了，謝謝您！芳姐
你好，我爸爸鼻竇炎，已經睇了一個半月醫生，好了一星期，
現在又返發，醫生轉介耳鼻喉科，佢會流黃色鼻涕同頭痛問題.
可以介紹湯水給我.
Rita:
你試用這款辛夷花蒼耳子茶,連服3劑,可作紓緩.
謝謝
請問芳姐，我有鼻竇炎有看西醫，一有灰塵打噴嚏就開始有鼻涕，我只好去洗手盆申鼻涕&痰~之後很大可能牙齒開始劇痛！眼&頭微脹痛~只有左邊一邊會如此~痛到哭哭有鼻涕再痛！請問有什麽草藥/食療能治療痊愈呢？謝謝~
angel:
你有没有同醫生講此情況?可能炎症伸延到神經線,要吃消炎藥才成.辛夷花蒼耳子茶可以連服4~5劑,看能否改善?
有，可能是，我試試，謝謝你~
芳姐，你好。想問9個月大嬰兒不停流鼻水同有氣管敏感飲什麼才改善？
Charlotte:
可以用5朵辛夷花拍碎泡茶供BB飲,另外用洋葱1個,去衣切片,放蒸碟中,大火蒸20分鐘,用湯匙壓榨洋葱汁供服,一日可蒸2個,有助止咳.
小兒兩歲半，因腺樣體肥大一傷風感冒即有鼻竇炎，專科話要做手術切除，但要全身麻醉我不太想做手術。這次鼻竇炎剛吃了三天抗生素，但仍有白鼻涕兼鼻水倒流引致咳嗽，但現在急用買唔切玉屏風散，想問此茶療幼兒可否飲用?
Cara:
此茶療你去了蒼耳子就幼兒都可以用.蒼耳子雖然對鼻敏感好,但有小毒,5歲以上才用較好.
芳姐非常謝謝妳，網上常見到以蒼耳子煲雞蛋的食療，沒想到原來不合幼兒食用。感激。
你好呀芳姐，
小朋友之前有鼻竇炎。看了專科醫生後情況有所改善！
但係夜晚黑鼻塞情況非常嚴重。令到瞓覺呼吸不暢順。
鼻水倒流更加令到咳嗽反覆。
請問可以飲用什麼改善晚間鼻塞情況呢？
感謝解答！
敬祝
新年快樂
黃太:
你可用辛夷花,桔梗,白芷各3錢,葛根5錢,川芎2錢,5碗水煮成2碗供服,連服3劑,如有改善,停兩天再服2~3劑.
芳姐,兒子2歲，也是夜晚睡覺時聽到鼻涕聲，鼻水倒流而不停咳。我琴日煲此藥，但實在太苦，喝了幾啖就嘔。可否加紅糖？
Joyce:
你試單用辛夷花3錢泡茶,加蜜糖供服,連服3劑.
上星期用蘇子、萊菔子、辛夷花飲左3日 沒太大改善，繼續飲辛夷花嗎？
Joyce:
辛夷花能令鼻黏膜收緊,減少鼻水分泌,如不見效,要看中醫治理.
芳姐你好，我女5歲，經常鼻竇炎，請問每次有鼻竇炎時，可用這茶療嗎？另外平日可煲甚麼湯水以減少反覆鼻竇炎呢？謝謝！
Dennis:
你囡囡可以用此茶療,一星期1~2劑,至症狀好為止.否則治不好要看專科才成.
謝謝芳姐！
芳姐您好：拜求救助，我一感冒就鼻窦发炎，要很久才好，这次感冒过后鼻子还是有鼻涕，请问用什么方可以断尾！谢谢！
于小姐:
鼻竇炎要看專科才能治好,單靠食療不可能,只能作輔助治療.例如用靈芝3錢,辛夷花,蒼耳子各3錢煲瘦肉湯,5碗水煮成2碗服,連服4~5劑,如見效,一星期2~3劑.
多谢芳姐
芳姐：
你好！ 我女兒3歲， 每個月都有至少一個星期流鼻涕，次次睇西醫都話鼻敏感，9月到現在已經睇了3次西醫，暫時沒有再流鼻涕，但是一到夜晚就塞鼻，又沒有鼻涕申出來，只是鼻塞到好唔舒服，請問可以煲什麼湯水飲改善情況？
謝謝回复
Winnie
Winnie:
你可用辛夷花6朵泡茶供囡囡飲,可加蜜糖.連服3劑.
感謝芳姐回覆
芳姐，你好！用辛夷花泡茶給女兒飲之後，鼻塞有改善了，但過幾天又流鼻涕，白色結的，幾乎每個月都有幾天這樣情況，請問還有什麼燙水可以幫助改善啊？
謝謝回復🙏🏻🙏🏻
Winnie:
你試去裕華或農本方買[玉屏風散]沖劑,每次沖泡時加6朵辛夷花一齊沖焗,歲半BB可加蜜糖.有助增强體質,改善鼻敏感.一星期2~3次,至症狀好為止.
謝謝芳姐
你好，芳姐！玉屏風散注明大人每次冲5克，請問小朋友也一樣嗎？
謝謝回复
芳姐，你好！
女兒8歳，有鼻敏感，時常感冒。想問服用玉屏風散可以嗎？怎樣服用？每次多少？因為是一樽裝的。謝謝。
Nana:
玉屏風散有些是獨立包裝的沖劑,農本方的是一樽樽的顆粒沖劑,包裝上會有服用方法的.
芳姐你好,
我兩三年前一次發燒感冒好返後, 其中一邊鼻孔便常年流鼻涕, 每隔半小時至一小時便要抹鼻水, 鼻涕透明, 有點粘性, 看了多年耳鼻喉醫生都醫不好, 醫生說是鼻炎, 請問有什麼食療能幫助收鼻水呢？謝謝您解答。
另外囝囝10歲, 也有鼻敏感, 特別對塵螨有敏感, 長期耳道痕癢, 也有時眼睛痕癢, 大汗,經常感冒 , 請問有什麼食療湯水適合？十分感謝解答.
ELLIE:
你試用辛夷花4錢,蒼耳子3錢,白芷3錢,菊花3錢,甘草1錢,6碗水煮成3碗,你和仔仔分服,有助袪風,收鼻水.連服3劑.如見效,仔仔一星期2劑,至症狀好為止.仔仔一人飲辛夷花3錢,蒼耳子2錢,白芷,菊花各3錢,甘草1錢,5碗水煮成2碗服就成.
多謝芳姐, 會試下.
芳姐
你好！因為有一次我咳得好勁之後，就經常有輕微喉嚨癢咳
遇冷遇熱會打噴嚏同流清鼻水、鼻有小小癢。特別早上起床。請問可以飲
什麼調理？
芳姐
你好！因為有一次我咳得好勁之後，就經常有輕微咳
遇冷遇熱會打噴嚏同流清鼻水、鼻有小小癢。特別早上起床。請問可以飲
什麼調理？
Li:
你可能鼻敏感,可用辛夷花3錢拍碎泡茶服,可加蜜糖.連服3劑.
你好芳姐，小兒現在6歲，近期流鼻血情況較頻密，大前日下午流過一次，昨晚深夜至清晨流了兩次，請問是否天氣乾燥至導致流鼻血呢？有什麼食療能幫助到呢？謝謝您！🙏🏻
Wai lam:
小朋友鼻膜薄,如果曾擦損或碰撞傷過,很易又流鼻血,要待12歲左右鼻膜長厚了才會改善.可以用鮮茅根1扎,鮮蓮藕節3個,雪梨一個去核,加少許冰糖煲水供服5碗水煮成2碗,一天分服,一星期2劑,至症狀改善為止.
芳姐你好，
本人每逢睡著鼻鼾聲很大，有如雷聲，已試過坊間很多減鼻鼾聲的產品，但仍沒有幫助，請問有什麼食療可以幫助到呢！因為本人不想做手術減鼻鼾。
謝謝
Sam
Sam:
鼻鼾聲大可能患睡眠窒息症,最好作檢查.減輕體重可能是其中一個方法.你試用黨參5錢,生薏米1兩,田七2錢,丹參3錢,陳皮1塊,麥芽5錢,茯苓3錢,羅漢果1/4個,5碗水煮成2碗服,連服4~5劑,看能否改善?此湯主要是補氣化濕袪瘀,能舒緩鼻鼾.
芳姐:
你好! 最近應是鼻炎發作, 天氣熱開多了冷氣, 外出時一冷一熱, 本身體質都不好, 這幾晚睡到半夜, 鼻子很癢(有些鼻塞, 流鼻水和打噴嚏), 日間就沒事, 但鼻炎發作影響下半夜睡不好, 所以日間覺得很疲倦, 請賜教可以煲什麼食療來改善?
謝謝!
Josephine
Josephine:
你可以在睡前2小時用辛夷花7~8朵,拍碎泡茶服,可加少許蜜糖.有助收鼻水.
芳姐你好，
小女5歲，天氣一變她就常常鼻哥好痕但沒有鼻水，捽到鼻哥又損又紅腫，有時瞓醒有鼻塞，試過好多方法及食健康補健產品也幫不到她，請問有有什麼食療湯水或茶適合她食用呢？
感謝你！
寶寶上
寶寶:
你試用北茋,防風,白朮,辛夷花各3錢,生薑3片,紅棗4粒,5碗水煮成2碗服,一星期2劑,服一個月試試,有助增强體質,減少鼻敏感.
你好芳姐，
如果唔用紅棗，可改用南棗或蜜棗嗎？
寶寶
寶寶:
可以用南棗.蜜棗糖製怕惹痰.
芳姐你好，
小女5歲，天氣一變她就常常都鼻哥好痕但沒有鼻水，捽到鼻哥又損又紅腫了，試過很多方法及健康食品也幫不到她，請問有有什麼食療湯水或茶適合她呢？
感謝你！
BoBo
芳姐你好，補充另外小女瞓醒也會有鼻塞的。
謝謝你
BoBo
芳姐您好,
仔仔12歳, 已經反覆感冒一悃月, 從小鼻敏感易眼痕和紅, 經常流黃白鼻涕, 鼻塞, 以前曾經鼻竇炎, 今㳄有微燒, 氣短, 喉嚨痕有濃痰有氣管喘聲, 頭痛人疲倦, 脾胃差, 難吸收, 巳看西醫似鼻竇炎但藥吃完又反發, 請問飲什麼湯水輔助可以快些好？
Ms kwok:
你可用辛夷花,蒼耳子,烏梅2粒,菊花各3錢,甘草1錢,4碗水煮成2碗供仔仔飲,有助袪風明目,收鼻水.連服3劑.
芳姐,
如仔仔好返後, 平時可以煲什麼湯水增強體力, 因為他鼻痕後好容易感冒，謝謝
Ms Kwok:
你可以去裕華或農本方買[玉屏風散],隔一兩日沖些給仔仔飲,有助增强體質,減少傷風感冒,鼻敏感.
Hi芳姐
請問我本身有鼻敏感好多年，每天一早起床或晚上就留好多鼻涕和鼻子都好痕又狂打哈痴，
仲會有時大力滲到留血，連喉嚨吐痰時都帶血絲，曾經睇醫生話有鼻竇炎，但之後食晒藥後冇再去睇沒理會..聽聞鼻敏感不能斷尾？有咩煲湯水可做平時保健和改善？
另外有咩焗水材料可介紹？ （有時焗水都好方便）
請指教 謝謝
K:
鼻敏感如體質改善可減少復發.平時可以用辛夷花3錢入茶包袋,開水沖泡,可沖泡至淡,加蜜糖亦佳.食療可用靈芝片,辛夷花,蒼耳子各3錢,紅棗4粒,生薑2片,5碗水煮成2碗服,一星期2~3劑,服一段時間可改善鼻竇炎.
謝謝芳姐 請問用茶包焗的是否冷開水就行了？不能用熱水焗？
另外食療可用虎乳靈芝？
K:
茶包放杯內,先用開水沖洗1次,再注入開水,焗10分鐘可飲.虎乳靈芝味淡藥味不重,可以用3錢.
芳姐你好
請問初期孕婦可服用此焗水和食療嗎？
敏感如體質改善可減少復發.平時可以用辛夷花3錢入茶包袋,開水沖泡,可沖泡至淡,加蜜糖亦佳.食療可用靈芝片,辛夷花,蒼耳子各3錢,紅棗4粒,生薑2片,5碗水煮成2碗服,一星期2~3劑,服一段時間可改善鼻竇炎. 茶包放杯內,先用開水沖洗1次,再注入開水,焗10分鐘可飲.虎乳靈芝味淡藥味不重,可以用3錢.
K:
孕婦不宜飲花茶,辛夷花會令子宮收縮,故不宜.虎乳靈芝湯可以飲.
芳姐你好
男朋友一直有鼻敏感 早派流感 現惡化到鼻竇炎正在食西藥包括抗生素
而佢平時夏天汗多 幾乎4季都怕熱 請問呢個食療岩佢體質嗎?
應該係完曬西藥後再比佢服用食療嗎?
鼻竇炎好返後,日常既鼻腔保養 都可以KEEP住食呢個食療嗎?
感謝無私分享
lctting:
此湯可以一星期2次,至症狀好為止.現時服抗生素要隔2小時服.夏天汗多,可以用炒香的浮小麥入茶包袋,每日或隔日沖服一包,有助止汗.浮小麥在中藥店有售,白鑊炒5分鐘儲存.
謝謝芳姐回覆 現時跟你的食譜煲用就可以了嗎?
lctting:
你試一個星期,看效果如何?
芳姐您好:請問我先生他從小就鼻子過敏，流鼻水，有時天氣、環境改變就會一直打噴嚏流鼻水，有什麼方法可以調理他的身體呢??謝謝。
妺仔:
你可用辛夷花,蒼耳子,靈芝片各3錢,生薑3片,紅棗6粒煲瘦肉湯供你先生服,一星期2劑,服一個月,看能否改善?
芳姐您好:
芳姐，請教一下我先生佢鼻水倒流，鼻水清的，喉嚨癢，飲啲咩可以幫到佢？謝謝芳姐
Grace:
你可用辛夷花,桔梗,麥冬各3錢,甘草1錢,4碗水煮成2碗供服,連服3劑.
芳姐，小女8歲，感冒後確診鼻竇炎，現覆抗生素及化痰藥20日，請問之後停了西藥，服這款辛夷花茶，份量跟上面一樣嗎？
Joyce:
你可以用這款茶供你囡囡服,有助改善,一星期2~3劑.
芳姐，謝謝你解答！
芳姐，你好呀~
我上年年尾醫生說是鼻敏感, 起初還以為傷風感冒。現在整天都鼻塞, 晚上睡覺更嚴重，早上起來都有透明+綠鼻涕。請問日常有什麼茶適合呢?要每天飲用嗎?
另外近來轉涼，亦想家人煲辛夷花蒼耳子作保健湯水，請問有什麼食療湯水適合呢？(年齡由2歲半- 60歲)
謝謝你, 希望回覆~
FAN:
你試用靈芝5錢,辛夷花3錢,蒼耳子3錢,紅棗6粒煲瘦肉湯,全家可服,有助强體質,收鼻水.
芳姐，你好！
女兒7歲（她很瘦小，可能脾胃不佳）經常傷風感冒，每次都有好膿的鼻涕，要洗鼻先冲出來，跟著鼻涕又黃，要食擴生素。通常要十多天才好返。
耳鼻喉科醫生話佢鼻敏感，係麻煩D。
今次，三天前她沒有任何病徵，例如流鼻涕或咳，只是鼻塞，於是同佢洗鼻，有膿鼻涕。但今天洗鼻有小許黃鼻涕。請問可以煲此茶？或者有其他茶更加適合？謝謝。
Nana:
你可以單用辛夷花6朵拍碎抱茶供服,可加蜜糖,好味些,每日1杯,至症狀好為止.
芳姐，早晨！
請問2歲半確診鼻炎，腺樣體發炎，已食抗生素，停藥後又開始有鼻水，晚上咳
嚴重，有什麼保健水可連飲作保健？
Magi:
你可以去裕華買[玉屏風散]顆粒沖劑,每次沖服時加6朵辛夷花同沖泡,有助增强體質,收鼻水,防鼻敏感.一星期2劑.
芳姐，你好。我感冒食左西藥1星期後，鼻涕變左黃色，再睇西醫，醫生換另一款抗敏藥，鼻涕由水變濃稠，但都係黃色，啲鼻水好似鼻血咁，自己會湧出嚟，唔晒出力散鼻涕，如果唔散出嚟，焗係入面，面2邊又痛。而家怕冷，手腳都凍，但無發燒，喉嚨又乾又紅，我覺得自己似鼻竇炎同敏感，但醫生又當感冒醫，我想請教你，我咁樣係脾胃有問題，定係我太寒定太熱呀？要飲啲有乜野可以根治呀？謝謝你
訪客:
鼻涕黃,喉嚨紅都屬熱症,你可以試用辛夷花,麥冬各3錢,羅漢果1/4個,3碗水煮10分鐘服,連服3劑.病好後可用淮山,蓮子,茯苓,芡實各5錢,陳皮1個,紅棗6粒煲瘦肉湯服,一星期2劑,有助健脾益氣,改善體質.
謝謝芳姐
Hi
我仔仔流nose水成2個月，睇醫生話佢有nose膜炎，食緊抗生素，都仲keep住流白色鼻涕！請問有湯水止nose炎？
Tracy:
你試用辛夷花3錢,蒼耳子2錢,生薑2片,紅棗4粒滾瘦肉湯供你仔仔飲,滾20分鐘,連服4~5劑,有助收鼻水.
食緊西藥可飲嗎？食完西藥隔幾多個鐘可飲
Tracy:
服西藥後2小時飲就成.
請問此湯水涼吾涼ga?小朋友2歲4個月，除了飲呢個湯外，呢段流nose水期間食d咩飲咩湯飲可增強佢抵抗力？因為醫生開抗生素俾佢食左一排，瘦灑😫😫😫😫
Tracy:
不寒涼的,性微温,可以給小朋友服.
最近同仔照nose醫生話腺樣體增生所以有分泌物流出，請問有湯水減輕嗎？
Tracy:
可用推介的辛夷花蒼耳子薑棗茶供服,會有幫助.服3劑試試.
芳姐，你好，
請問這款 辛夷花蒼耳子白芷薄荷茶，我煲了兩碗，其中一碗放雪櫃隔日飲可以嗎 ? 謝謝妳解答。
偉蓮:
最好當日飲完,但如果未飲完,隔了渣存放第二天飲都可以.
芳姐:
你好！感恩感謝你這個辛夷花蒼耳子茶， 我有鼻竇炎，反反覆覆幾個月都吾好，服了六劑這個辛夷蒼耳子茶已有改善，頭無咁重，鼻涕少咗淡色咗，但仍然有鼻涕未清，可以再繼續飲服到好番為止嗎？
Thank you,
Winnie
Winnie:
你可以再服1~2個療程,至症狀好為止.
芳姐：
請問1個療程是否等於3劑？ 如果飲3劑後還未好，可以連續服2個療程嗎？或是中間需要停幾天再開始新療程呢？
Thank you,
Winnie
Winnie:
3劑為一療程,如果再服3劑已好就無需再服.中間停2~3天.
芳姐,
小兒11歲, 鼻塞頭痛流黃鼻涕，眼痕喉嚨痛，西醫診治為鼻炎, 食抗生素中，請問有什麼食療湯水？
Mrs Kwok:
你試用辛夷花,金銀花,菊花各3錢,綠茶葉2茶匙,3碗水煮10分鐘供仔仔服,連服3劑.有助消炎,收鼻水.
芳姐,
如果鼻塞嚴重同咳可以飲嗎？
Mrs Kwok:
鼻塞嚴重都可以飲,涕黃有炎症,故要用涼湯涼水.咳就加烏梅2粒同煮.
芳姐，
小兒11歲, 頭痛鼻塞流黃鼻涕，眼痕，喉嚨痛，西醫話鼻炎食抗生素中，有什麼食療湯水？
芳姐你好，
我一向有買開你的書，是你的支持者，好多謝你無私的開這個網站，供給我們問問題，也先多謝你抽空回覆。
我先生本有鼻竇炎，上年我懷孕期間一行近就聞到惡臭，有時這種氣味會隨他停留時間而留下來，睡醒全個房間都臭了。因為這個原因我們覺得是鼻竇裝住液體的臭味，所以先生在6月時做了鼻竇手術清了鼻竇的臭液體，初期洗鼻好好的，慢慢工作開始忙，他懶了，一兩星期才洗一次。誰知我又懷孕了，卻偏偏又聞到同一聞味，非常難頂，有時他行近我都想嘔，他很不開心，但我沒有辦法，我知道的是佢耳朵也會有同一陣味，請問芳姐有沒有辦法幫到我們？
飛
飛:
懷孕後會容易對氣味敏感,你丈夫可能自尊心强,看到你厭惡的表現自尊心受損,一定會不開心!故就算你害怕其氣味都要温和些跟他說明對氣味過敏,請他明白體諒.試用粉葛5錢,辛夷花3錢,滑石1兩,桔梗2錢,白芷2錢,5碗水煮1小時成2碗供服,連服一週,有助消除氣味,改善鼻炎.
芳姐，你好！我仔2歲半，無發燒，無鼻水流出嚟。但係有索鼻水聲，可呻到鼻涕出來。鼻涕透明帶點黃，少少杰。已經連飲此茶3天。隔了4天，我再將此茶加了防風白朮飲了3天。情況都是差不多，請問還有什麼湯水可收鼻水？謝謝！
Nicole:
試用桑葉,菊花,辛夷花,杏仁各3錢,3碗水煮成2碗,一天分服.連服2劑.
芳姐，你好，請問此湯服抗生素中可以飲用嗎？
Shirley:
服抗生素隔2小時飲就成.
芳姐，你好！
女女4歲半，飲左二劑蘇子，萊菔子，辛e花同陳皮煲瘦肉湯，啲痰清左好多，鼻水亦清左。之後再轉飲川貝蘋果陳皮水三劑，因為聽到佢氣管有聲，但講野時仍聽到佢喉嚨仍有痰積左係度，女女成日都話有痰痴住係喉嚨到，而佢就不論日夜都清喉嚨想咳走啲痰，cam cam聲咁，全日有三至四聲咳咁，佢仲話有啲鼻水流左係入邊。
呢個情況，佢可再飲多兩劑二子，辛e花，陳皮瘦肉湯嗎？定係煲北茋，白術，辛e花，麥冬，甘草？後者果款其實岩我女女飲嗎？
自從七月病後到現在，痰一直很難清走。氣管專科已睇過，照左肺無事，睇西醫照係咪鼻竇炎，又無事。家居清潔做足，飲食介甜食，多飲暖水，都無好轉，我查不出原因。是否因為脾虛難排走痰？抑或鼻水長期倒流以致積痰？
如脾虛，我每日早上煲紅米，白米，生薏米水俾佢飲，調理脾胃，其實對佢有作用嗎？
芳姐你好 ，小弟被鼻敏感困擾多年，經常不定時發作，一發作就係咁流鼻水，以前夏天吾會或少發生，宜家都會。從友人得知辛夷花可治鼻敏感，但吾知邊度有得買，或者有冇其他療法治療，吾該晒。
城:
辛夷花其實是玉蘭花的花蕾,在中藥店有售,可單用6~8朵泡茶服,加點蜜糖好味些.或用辛夷花3錢,蒼耳子3錢,白芷3錢,靈芝3錢,紅棗6粒,5碗水煮成2碗服,一星期2劑,作保健之用,有助減少發病.
好，吾該晒，我買了兩劑辛夷花蒼耳子茶，先試試
補充，辛夷花泡茶服是否每天都要飲？
城:
無需每天飲,隔日飲,讓自己身體工作更佳.
芳姐：上几天问过你儿子早上起床鼻炎流鼻咳嗽的事，我发现他现在总是揉鼻子与眼睛，早上起来眼睛还有点肿，好像过敏一样，有什么食疗可以调理呢？谢
順德師奶:
你試用北茋,防風,白朮,辛夷花,桑葉,菊花各3錢,甘草1錢,4碗水煮成2碗供仔仔飲,連服3劑,看能否改善?
芳姐你好：想请问我儿子5岁半，感冒过后每天早上起床都有咳，但咳不出来的，有时候觉得他有小小痰，有时没有，每天早上起床都会打鼻涕，最近早上起床流涕较多，不知道是否空调问题，鼻涕还是黄白相间的，他有慢性鼻咽炎和鼻窦炎的，抵抗力差，过敏体质，有湿疹，经常抓身体，但又看不到有的，汗多睡觉不踏实，请问有什么食疗可以缓解晨咳，流鼻及抓身？谢谢你
順德師奶:
你試用桔梗,麥冬,辛夷花各3錢,3碗水煮成1碗供服,連服3劑,有助止咳收鼻水.濕疹可以煲些芫荽水作外洗劑,每日用2兩芫荽煲水10分鐘作洗劑.
我在冬天時感染了感冒，之後就有鼻豆炎,吃了兩個療程抗生素，食完係好左一輪，但隔多一段時間遇風或天氣變，又鼻塞過，次次都是右邊鼻，想問是否可以飲這個湯水治療？是否可每天飲來醫治？因為不可能經常吃抗生素。
Pat:
你可以服此食療,連服3劑,如感到有改善,停3天再服3劑,服兩三星期試試.
芳姐, 你好!
小囡5歲4月時感冒好返後, 在早上起床後便吐出很多又杰又黃既痰, 睇過中西醫都話佢係敏感, 但食藥後都無改善! 剛睇耳鼻喉專科用內規確診係鼻竇炎, 照到入面有黃膿! 要食5日抗生素再覆診. 其實前年都試過感冒好返後引發鼻竇炎, 但當時係不斷流清鼻涕. 請問有咩湯水可煲? 可防止再復發!
Kennex:
你可以用這款辛夷花蒼耳子茶供囡囡飲,一星期2劑,有助防治復發.
芳姐,
蒼耳子帶小毒, 5歲多小朋友用3錢份量須要減嗎? 還是同份量4碗煲成2碗後分2日飲呀?唔該
kennex:
蒼耳子能通鼻,有小毒,故你可以不用蒼耳子,或用2錢就成.
芳姐你好，
小兒3歲半，有哮喘底需每日聞氣及食青蛙藥丸！
他這幾天經常流青鼻涕、而且眼屎多，訓覺大汗有扯鼻軒！
但奇在並沒有咳嗽打克次亦冇痰聲，食了數天抗敏收鼻涕藥水也不好，青鼻涕都是流不停！
他近半年反反覆覆都有此徵狀，每次都要食成個星期抗生素至好轉，鼻水才變回透明，擔心會不會變成慢性鼻炎！
因不想太倚賴食抗生素，請問有何食療湯水適合？
感謝你！
Cathy
Cathy:
你可以用辛夷花,菊花,北茋各3錢,4碗水煮成2碗供仔仔服,有助清眼熱,收鼻水,減少汗出.連服3劑,如見效,一星期2劑作保健之用.