By 芳姐 ( 11 4 月, 2012 at 6:51 上午)
· Filed under 小兒常見病
小兒肺氣弱,患上感冒後會咳嗽一段時間,甚至喘咳不休,故平時可以煲些有益肺氣,具化痰止咳功效的補益湯水作調理,以增加抗病能力.
[海底椰川貝杏仁鱷魚肉湯]湯味清甜可口,有滋補肺腎,化痰止咳功效.對小兒肺氣弱容易咳嗽,哮喘很有幫助.
用料是: 海底椰3錢,川貝母3錢,南北杏1兩,急凍鱷魚肉6兩(乾品2兩)陳皮1塊,蜜棗2枚.
做法: 鱷魚肉洗淨,出水;其餘材料浸洗;將全部材料放入煲內,用8碗水煮約3小時成4碗即成.
~ 小貼士: 此湯温補,全家可飲.圖中的是正宗非洲海底椰,邊緣有鋸齒狀,果肉雪白有果肉紋.
Permalink
Hi芳姐 請問我先生3X幾歲好多時都傷風感冒，現在別了中藥還有結痰未清，有少少鼻水，少少咳，主要是白痰好結未清到。可以有什麼湯水介紹？我買了虎乳靈芝和川貝，可以一起燉蘋果給他飲嗎？ 需要加果皮和冰糖嗎？燉還是煲好呢？
另外他平時上班會挨夜，又吃熱氣濃味野，間中都有一兩聲咳咳地，平時可以煲什麼湯水對佢好些？可增強抵抗力嗎？平時我有用保溫杯煲下以下俾佢飲，適合嗎？還有什麼可焗俾佢飲？
-花旗參杞子龍眼肉麥冬水
-菊花杞子麥冬水
-黨參杞子龍眼肉麥冬水
Ka:
可以用虎乳靈芝川貝陳皮煲蘋果湯供服,有痰不要加冰糖,加瘦肉煲就成.經常捱夜易陰虛火旺,不宜用龍眼肉.去掉這味食材泡茶没問題.
你好芳姐，請問囡囡前派支氣管炎 過左兩星期已經冇咳冇痰了，
想問下而家可以煲咩湯水俾佢補補潤潤？鱷魚肉湯還需不需要煲？之後需要每星期煲一次氣管湯水給她強化氣管嗎？如需要有建議嗎？謝謝你
囡囡23個月，今天煲左印度椰子無花果合掌瓜粟米栗子腰豆湯
之前買了蘇子，萊菔子 還需要入茶包 泡俾佢飲嗎？如可以 要泡多久才可飲？
Lee:
蘇子,萊菔子入茶包袋要煲最少15~20分鐘才出到藥效.因蘇子太細小,所以才要入茶包袋.
Lee:
可以煲鱷魚肉湯,配虎乳靈芝,雪耳,南北杏,無花果煲豬展,最强肺氣,能止咳定喘.
芳姐你好！我個仔15歲，咳左一個月冇痰，日夜都咳，醫生話氣管炎，食左一個月藥都係咁咳，請問有咩湯水適合？
Yi:
你試用川貝末3錢,蘋果1個,陳皮1塊,冰糖少許,4碗水煮成2碗供服,連服4~5劑.川貝能減少氣管痙攣咳,蘋果有益正氣,陳皮理氣化痰,此湯平和,可服多幾劑没問題.
芳姐，孩子三歲半了，平時一兩聲咳嗽，超多痰，半夜有時喘咳醒，煲咩可以化痰，平時要煲d咩湯比距健脾胃
joey:
你可用川貝末3錢,蘋果1個,去皮,去核,陳皮1個,冰糖少許,4碗水煮成2碗供一天服,連服3劑,有助化痰止咳.如病好了,可用淮山,茯苓,蓮子,芡實各1兩,陳皮1個,紅棗6粒煲豬展湯,全家可飲,一星期2劑,有助健脾益氣,增强體質,但最好食些少湯料.
芳姐, 你好
仔仔4YRS O~, 瞓時有鼻聲, 起身會乾咳~之前都冇再咳~想問可以飲咩~THANKS~
芳姐，我懷孕六個月，每日咳到半死，訓低喉嚨特別痕，日日咳到嘔！肚皮都痛埋，睇左兩次中醫都係唔得！我本來無鼻水鼻涕，但近期吃左中藥，變成個鼻好似塞住甘，點算吖？
joey:
你試用桔餅1個切碎,五味子2錢,甘草1錢,4碗水煮成2碗服,有助止咳.鼻水問題試用葱白2~3條搗爛塗鼻或煲水薰鼻.因為孕婦不宜用辛夷花茶,唯有試外用.
請問發燒可以飲這個湯嗎？
訪客:
此湯發燒不宜服,怕病邪坐大.
芳姐，我女女三歲几，今日凌晨兩點幾無啦啦咳到嘔，每日早上有幾聲，平日有幾聲，都有好多痰，多數白色稀稠噶，點解經常反復甘樣，煲過好多野比距飲都係甘！我自己懷孕五個幾月，夜晚都有幾聲咳，喉嚨癢同渴，又煲咩好呢？
Joey:
你試用紫蘇葉3錢,蘇子,萊菔子各2錢,生薑3片,紅糖少許,5碗水煮成3碗,你同囡囡分服.
芳姐，我女女飲左虎乳靈芝川貝雪耳百合好似無乜作用，今晚仲不斷打噴嚏，就流清鼻水，夜晚開始咳得頻密，好似變幹咳，沒乜痰！我自己也喝了虎乳靈芝湯，反而有一兩聲咳嗽，點解呢？
Joey:
虎乳靈芝湯屬補益湯,補肺化痰止咳,但如果外感未清可能不太適合.你囡囡情況是體內病邪仍未趕走,宜用洋葱1個,蒜瓣5,6粒,冰糖適量,3碗水煮成碗半供服,連服2劑,看能否改善?你都可以飲一些,蒜瓣放多幾粒.
芳姐，我懷孕五個半月啦，可以飲嗎？我晚上有幾聲咳嗽，喉嚨有小小痕！
Joey:
此湯懷孕可以飲.
芳姐，款冬花和百合可以治夜間咳嗽嗎？
Joyce:
款冬花較適合寒咳,百合清心潤肺,可以合用.
芳姐, 你好
仔仔3YR OLD ~~已病1星期多, 前日開始鼻涕有黃色, 瞓覺鼻有聲, 有痰, 吐出的痰有黃色, 有少許咳, 食緊西藥,想問可以煲啲咩比佢飲？等佢快啲好？另外, 我自己有咳, 吐出的痰也有黃色, 一咳就氣管有聲, 氣管敏感不知是否發痰, 之前食左西藥, 好啲, 但有時一咳氣管就有啲聲, 及吐出的痰有黃色, 想問可以煲咩飲？THANKS
SASA:
你可用枇杷葉5錢,鮮龍脷葉1兩,(乾品5錢)雪梨2個,去核,桔餅1個,辛夷花3錢,6碗水煮成3碗,你和仔仔一天分服,連服3劑,有助清肺熱,化痰止咳收鼻水.
芳姐，我仔氣管敏感和鼻敏感（鼻塞沒鼻水），平時好少咳嗽，就是跑跳的時候咳嗽厲害，每次飲有川貝的湯就加重咳嗽，今日我買左虎乳靈芝和鱷魚肉乾，不加川貝就加舊瘦肉燉可以嗎，可否指導下點樣燉比較好？
lxm:
虎乳靈芝3錢,鱷魚肉乾兩半,南北杏5錢,無花果2粒,瘦肉適量,瘦肉出水,全部材料放燉盅內,注入2碗開水,隔水燉3小時.供一天服.
芳姐，我女之前驗過有肺炎支原體，我驚可能就係呢樣病毒一直影響距咳嗽反復，我廳日講話煲冬蟲夏草燉瘦肉對呢個治療支原體好，是嗎？
Joey:
如你經濟能加佳可以用冬蟲草5條燉瘦肉供服,一星期2~3劑.但其實一般家庭我建議不如用虎乳靈芝,川貝各3錢,雪耳2錢,百合5錢,生薑2片,紅棗4粒煲鷓鴣湯供服,一星期2劑,有助强肺氣,增强體質.
芳姐，鷓鴣好似好難買，有無其他介意代替！
Joey:
現在很多專賣急凍或冰鮮家禽的店鋪都有鷓鴣賣,45元1隻.可用急凍法國鵪鶉代替.
芳姐！我行左幾條街，好多凍肉鋪都話衣加無鷓鴣買！點算，我女又開始有小小鼻水，又係每日都一兩聲咳！
Joey:
旺角奶路臣街街巿的活雞檔,及專賣冰鮮家禽的肉食檔長期有鷓鴣賣,如買不到,可以用法國急凍鵪鶉2隻代替.
芳姐，呢排新聞話有好多流感病毒啊，好擔心女女，仲係有一兩聲咳，平時要煲d咩俾距增加抵抗力？？
joey:
可參考今天篇食療文章[未病先防預防流感].
仔仔晚上瞓覺鼻有聲~及有時塞鼻, 及可能有箅水倒流~每天起身後會有咳及帶痰, 一路到下午晚上都冇乜咳及痰~~點解會咁？可以煲咩比佢飲？THANKS
SARA:
你仔仔可能鼻水倒流,晚上引致鼻塞.試用辛夷花6朵拍碎,蒼耳子2錢,甘草1錢,4碗水煮成2碗供服,連服3劑.
芳姐，你好！本來我女女都基本好翻，呢幾日早上都有白痰咳出，有時間中有一兩聲，半夜無咳，但今日凌晨又開始咳翻，突然咳得好犀利，鼻涕一直都仲有小小。距之前經常反復都係甘，間仲有一兩聲咳，就係唔斷尾，點算吖？
Joey:
你試用川貝末3錢,蘋果1個,去皮,去核,2碗水大火蒸半小時,調入少許蜜糖供一天服,連服3~4劑.
芳姐，可以加陳皮嗎？其實陳皮係唔係對化痰很有效？對於我女兒情況係唔係煲咩都加點果皮效果會更好呢？，
joey:
可加陳皮,陳皮有化痰理氣作用,任何湯水都可以加.
hi 芳姐
朋友送了一包鱷魚骨給我, 但不知道功效和怎樣煲
請指教
YY:
我未買過鱷魚骨,有點奇怪,通常是鱷魚肉煲湯的呀.鯊魚骨就聴過.
Thanks芳姐
芳姐
我寶寶三歲四個月，這幾天有打噴嚏流鼻涕，有小黃其他白色，咳嗽已經一個禮拜多，有白痰，特別訓低就咳得好犀利，有時半夜咳到嘔！可以煲川貝南北杏瘦肉湯嗎？
joey:
你可試用洋葱1個,蒜瓣5,6粒,冰糖少許,4碗水煮成2碗供一天服,有助止咳.川貝南北杏瘦肉湯可以飲.
唔該曬，但我想問有無辦法可以治療距噶感冒，因為睇見距成日就鼻水，又抹到個鼻都損曬，好心痛！
川貝南北杏可以加果皮和麥冬嗎？
Joey:
可能這幾天天氣寒冷,小朋友體質弱更會鼻涕長流,所以要多留在家中,保暖亦非常重要.一般感冒會發燒周身骨痛,你家小朋友應該是傷風,多飲暖水,多休息,煲些洋葱蒜子冰糖水,或用6朵辛夷花泡茶供服,有助收鼻水,舒緩不適.
川貝南北杏可以加果皮和麥冬嗎？
芳姐，你好！請問秘魯瑪卡怎樣煲湯最好，我老公最近記憶力衰退了
Sylvia:
秘魯瑪卡屬補腎陽藥,可配巴戟,肉蓯蓉,杞子各3錢煲雞湯服.記憶力衰退可以多吃藍莓,另外用核桃肉1兩,益智仁5錢,石菖蒲5錢,杞子3錢煲瘦肉湯服,飲湯吃些核桃.一星期2劑.
唔該曬！
芳姐, 你好
仔仔3歲半, 瞓覺有時會乾咳,咳一陣就冇~多數12-1點咁~之後有濃的鼻涕，好似冇色的，今朝聽到佢有痰聲, 有時早上起身都會有幾聲咳, 及打一, 二個乞CHER, 之後就好似冇乜嘢~係晚上瞓覺會咳及有少許鼻聲, 其實佢前1個月病後, 都係早起有幾聲咳, 之後冇~不過呢個星期佢箅涕濃左~不過叫佢申出黎, 佢又好似冇乜鼻水，我幫佢沖涼幫佢整就整到啲濃涕，仲有佢好似鼻塞, 請指教我可以整咩比佢飲？THANKS
Sara:
你試用辛夷花6朵,拍碎泡茶供服,可加少許蜜糖,連服3劑,有助收鼻水.咳可能是鼻水倒流影響.
芳姐,
你好.
小兒3歲, 氣管一向差, 一入冬已成日咳嗽未斷尾, 之前氣管仲會有hei hei 聲. .鱷魚肉川貝/猴早末/都有試過.
呢幾晚特別夜晚瞓左都咳. 已睇左兒科好幾次仲未完全好返. 今日再睇醫生, 話下次冇好轉就要聞氣.佢仲有少少痰聲. 想係湯水著手. 應該煲什麼湯好?
另外, 家中有冬蟲夏草, 如食緊西藥, 仔仔岩飲嗎? 應該點煲好? 謝謝
陳太:
冬蟲草可用3~4條,杞子2茶匙,北杏3錢燉瘦肉湯供服,或用白果10粒,去芯,核桃肉1兩,南北杏1兩,無花果4粒煲鷓鴣或鱷魚肉湯供服,有助補肺脾腎臟,減少咳喘.一星期2劑.
芳姐，
謝謝回覆，要幾多水燉和燉幾多時間，謝謝
唔好意思，與西藥隔幾多時間食好些，謝
陳太:
冬蟲草杞子瘦肉湯1碗水燉1小時.白果鱷魚肉湯8碗水煮2小時,小朋友一天分服2碗.
我仔3歲，10月20號開始咳，醫生話氣管炎，差唔多食晒藥，返學，返完學個晚發燒，俾屋企退燒水，第二朝燒39.5去急症，去到醫院又無燒，食醫院開嘅藥，唔得就去另一診所睇，照肺，結果輕微肺炎，打針食抗生素，食咗一星期，時好時壞，食晒成個療程再照肺，好過之前少少，再俾藥同青蛙藥
佢咳咗個幾月，有痰，有時會嘔痰出黎
可煲咩俾佢飲？謝謝
雪雪:
你試用新鮮魚腥草2兩,南北杏1兩,煲瘦肉湯供服,4碗水煮20分鐘成2碗,一天分服,連服3劑,有助清肺熱消炎,服西藥後2小時飲.日常要多給水仔仔飲,兩餐之間幫仔仔拍背,拍痰.
你好芳姐，BB依家岩岩好一歲，成日咳又唔好，可以煲咩佢飲？
訪客:
你試用洋葱1個,去衣切塊,放碗中,隔水蒸半小時,用湯匙壓榨洋葱汁供BB服,每日1劑,有助止咳.
芳姐，佢唔肯飲洋蔥汁，仲可以食咩？
訪客:
試用枇杷葉5錢,橘餅1個切碎,雪梨1個去核,5碗水煮成2碗供服,連服3劑.有助清熱止咳.
芳姐, 你好, 仔仔每天早上一起身都會先乾咳,之後有痰聲,咳出來的痰有少許色~~ 每次瞓醒都有~鼻水應該冇~不過瞓覺時有時有少少聲, 都持續了2星期, 想問可煲咩比佢飲及佢咁樣可以飲玉屏風湯？THANKS~
SARA:
你試用枇杷葉,龍脷葉各5錢,雪梨1個,去核,橘餅1個切碎,5碗水煮成2碗供服,連服3劑,有助清肺止咳.
芳姐, 你好
仔仔鼻水應該沒有了~但每天早上起身後一陣, 就會有咳及帶痰, 先乾咳幾聲,之後有痰聲, 吐出的痰有黃色~~之後一路到下午晚上都冇乜咳及痰~~點解會咁？可以煲咩比佢飲？THANKS
Sara:
你仔仔可能肺熱未清,可以用羅漢果1/4個,麥冬3錢,雪梨1個,去核,4碗水煮成2碗供服.連服3劑.
芳姐你好
小朋友2歲3個月，9月中開始咳到宜家，醫生話氣管敏感，有鼻水！可以煲咩呢？有咩係可以日日飲嫁？
ching:
這款海底椰湯合你家小朋友服.連服3劑.久咳試用紅棗8粒,去核,紅蘿蔔1個,去皮切薄片,5碗水煮成2碗供服,連服3~4劑,對小兒久咳有療效.
仔仔9月10月中左RSV,有咳傷風勁多痰，有氣喘，要吸痰。
早兩日你教我蘇子、萊菔子、南杏各3錢放粥放瘦肉連服3劑。
明天早上11點就第三劑，之後可以點呢？
痰未清哂
還有我明天想煲鷓鴣，可以配咩黎煲？
因為大囡都有2聲咳未清哂，想煲埋俾佢地小朋友飲
謝謝
Shangu:
你可用白果10粒,去芯,核桃肉1兩,南北杏1兩,百合1兩,陳皮1個煲鷓鴣湯服,8碗水煮成4~5碗供仔女服用,有助補益肺脾腎,止咳定喘,可連服3劑.
今日煲左俾2姐弟飲，佢地唔多飲呀。
陳皮味比較重！有咩方法可以令佢地飲呀
飲完3劑後，可以再飲什麼湯水呀?
Shangu:
飲完3劑後,可以用玉竹3錢,雪梨,蘋果各1個,去核,無花果4粒煲瘦肉湯,有助清肺熱,潤肺,減少秋燥咳嗽.
謝謝芳姐.
我呢2個星期隔日飲湯水.
細仔0的咳會好左.
請問重有咩湯水岩佢地飲?
芳姐：你好
小孩三歲感冒有兩星期多鼻水又咳又多痰，咳到日夜不停
要食埋氣管敏感藥，咳到氣管傷曬
請問有咩湯水可以調理下，謝謝芳姐解
Cathy:
你試用枇杷葉,龍脷葉各5錢,辛夷花3錢,甘草1錢,橘餅1個切碎,4碗水煮成2碗供仔仔服,連服3劑,看能否改善?
芳姐您好！
我女兒兩歲半，佢咳左成個月，睇左4次西醫，另外無食西藥時連食多日余X生的純猴棗散，亦未清咳。
有少許痰聲(女兒仲細唔識咳痰，所以睇不到痰是什麼顏色)，日間少咳，睡後及清晨較多咳。
不知道女兒是什麼屬性體質 及 是寒咳還是熱咳？ 請問這個情況能飲用海底椰嗎？
謝謝賜教！
K
K:
你囡囡可以飲虎乳靈芝,非洲海底椰各3錢,紅蘿蔔1個,百合1兩,陳皮1塊,紅棗6粒煲鷓鴣或瘦肉湯服,有助補肺氣,止咳.
芳姐，
「你囡囡可以飲虎乳靈芝,非洲海底椰各3錢,紅蘿蔔1個,百合1兩,陳皮1塊,紅棗6粒煲鷓鴣或瘦肉湯服,有助補肺氣,止咳」 <— 請問煲幾耐？飲幾多日？
K
K:
虎乳靈芝湯煲個半鐘就成,全家可飲.連服3劑,如見效,一星期2劑,至症狀改善為止.
請問此湯可唔可以煲一煲分兩日飲？(即是能否隔夜)
K:
可以煲多些,分2天飲,最好湯料和湯分開存放,飲時一齊加熱.
芳姐，你好，bb15個月大，咳左4天，日頭少d，
是間中的咳，晚上睡覺會較多，一轉側就會咳，帶有少少痰，
沒有其他別的症狀，給他煲鱷魚肉湯、還是川貝燉雪梨、還是猴棗末？
想芳姐給些建議，謝謝
Sai:
你試用洋葱1個,去衣切塊,放碗中大火蒸20分鐘,用湯匙壓榨洋葱汁大約3湯匙供服,一日蒸2次供服,有助幼兒止咳.猴棗末如果家中有可以服.先試洋葱水.
你好！ 芳姐,
小孩近幾天,有(以以AA)胃氣情況(是否消化不良由起) , 請問怎化氣好? 介紹湯水。
謝！
多多上
1-8-2017
多多:
[以以AA]何解?少少的意思?你試用百香果1個,綠茶包1個,蜜糖少許,温水沖服供仔仔飲,好味又能化胃氣.
芳姐，你好，小孩一歲8個月，傷風咳嗽，晚上訓低咳得比較頻密，聽到喉嚨有痰，
請問這個湯水適合她飲嗎？
niki:
傷風咳如傷風未好不要用這款補益湯,可以用蘇子,萊菔子各3錢,入茶包袋,煲瘦肉粥供食,連服3劑,有助袪痰止咳.
芳姐你好，小孩4歲半，咳咗2個星期，日日夜晚睡咳一两次，早起都有咳。睇過1次西醫，有開氣管敏感藥
但現在只有早起有痰咳，小孩不懂把痰咳出
可飲鱷魚肉湯或陳皮煲水
請問有咩湯水可以調理下，謝謝芳姐解
ANN:
小朋友不懂吐痰,可以在兩餐之間幫小朋友拍背,拍到有咳表示該處積痰,可在該處多拍兩吓,然後飲大大杯涼開水,有助將痰排走.可以用川貝未3錢,蘋果1個,去皮,去核,4碗水煮成2碗供服,連服3劑,有助止咳,減少氣管痙攣.鱷魚肉湯或陳皮水只要没發燒,可以飲.
芳姐，您好！我仔仔之前發燒感冒再咳嗽，到現在還是每天會咳幾次，請問您的這個鱷魚湯適合他飲嗎？一個星期需要飲幾多次呢？可以當平日的湯水飲嗎》？或者您有無其他的湯水可以推薦一下?麻煩您了。
celinechan:
仔仔感冒後咳未好,可以試用蒜子5,6粒,洋葱1個,去衣,切片,4碗水煮成2碗供服,有助止咳,連服2劑.鱷魚肉湯病好後作保健湯水調理,一星期1~2次,以補益肺脾腎臟,減少咳嗽.
我女兒因冷親而咳了5個月到現在都還沒有斷尾 多數每天早上6點開始，剛起床，傍晚 ,訓底都會咳一輪 停了的話就可能暫不會咳 反反覆覆 有睇中醫說是寒咳氣管敏感咳 食了很多中藥都未能清所以說停了食中藥 就試桔餅湯 好像好點 試幾次後沒有斷尾 又試白果紅棗茶飲了幾日好像又好點但又未能清之後再轉紅蘿白北杏紅棗又好像好點但每天都還是會咳 所以除紅蘿白北杏紅棗水晚上再加飲紫蘇葉北杏生薑茶又好像再好一點現正己飲了6天但都未能停止佢的咳 ！請問還有什麼辦法嗎？
（鱷魚肉湯，虎乳靈芝湯 都有煲的 但好像作用不大）
Vivi:
你試用白果10粒,去芯,核桃肉1兩,南北杏1兩,陳皮1塊,紅棗6粒,去核煲瘦肉湯供服,連服4~5劑,有助補益肺脾腎,改善症狀.暫時不要吃橙,橘子等惹咳之品,要暖飲暖食.
好！明白！很多謝你解答我！！🙏🏽平時我應多煲什麼湯給佢飲才正確？相信佢體質是寒的 眼白常藍藍地好像很多風！另外想問以下湯對他是否會寒涼不適合飲？
栗子
粟米
紅蘿蔔
瘦肉
蜜棗
南北杏
（可否加塊果皮隱陣點）
百合是否寒涼？（之前有煲些有百合的湯好像飲完都會咳但我又不知是否百合影響）
Vivi:
百合涼性,如仔仔寒性體質改放陳皮就成.眼白藍可能風重,如體質偏弱,可以去裕華或去農本方買[玉屏風散]沖劑供服,一星期2~3次,有助增强體質,袪風.
多謝！ 再想請問 白果核桃湯要煲多久？可否不放肉？如可以又要煲多久？
Vivi:
白果核桃不放肉煲1小時就成,可放無花果,有潤肺作用.
芳姐, 你好:
囡囡四歲, 兩個月前一次感冒發燒後, 一直咳嗽, 兩星期前又一次有鼻涕(無發燒), 本來杰鼻涕, 吃了消炎藥, 之後仍有清鼻水, 飲了兩天蒜頭水, 才收了鼻水.
但咳嗽一直未好, 她常說喉嚨好痕, 之前起床咳到晚上睡覺, 無痰, 不停地咳, 入睡後反而冇乜咳, 吃了很多西藥也不見效, 早幾天試了燉洋蔥, 桔餅, 桔餅_+青欖 也無效.
前三天, 連吃了三天多種維他命, 反而好了約兩三成, 但始終未好.
今天去生草藥店, 他建議燉 (鱷魚肉, 海底椰, 五指毛桃, 蟲草花, 南北杏, 果皮, 瘦肉, 但不要加川貝) 合適嗎?
謝謝!
CHCJR:
你囡囡可能風咳,試用烏梅2粒,菊花2錢,桔梗2錢,甘草1錢,3碗水煮10分鐘供服,連服5~7劑,有助袪風止咳.
yuki:
兩款湯可以同一日飲,一個是茶,一個是保健湯,保健湯全家可飲.
兩種可以同一日飲嗎？需要服幾日？煲噶時間幾耐？
yuki:
你試用法夏,蘇子,萊菔子,桔梗各3錢,甘草1錢,4碗水煮成碗半供仔仔飲,有助袪痰止咳.鱷魚肉温補,病好後才飲.另外可以用鮮龍脷葉1兩,雪梨,蘋果各1個,去皮,去核,南北杏1兩煲瘦肉湯,全家可飲,仔仔飲1碗,有助清熱止咳.
芳姐，你好:仔仔3歲半，感冒咳嗽都成個幾月，都係反反復復，未斷過尾，去睇中醫話距有d寒咳又有d熱咳，都差唔多飲佐兩個星期中藥都甘樣反反復復，之後睇西醫食佐兩日藥，感冒好佐，咳嗽就少佐，但都有痰，通常早上起身就會咳，d痰就黃色的，但係距有時咳d痰係白色的，前兩日晚上訓覺吹風扇可能吹趁，第二日就流鼻水，咳嗽又嚴重佐（之前咳嗽一直未斷尾過），有咩湯水可以飲得？鱷魚川贝杏仁無花果雪梨干飲唔飲得？
emily:
你可用蘇子,萊菔子,法夏各3錢,陳皮1個,甘草1錢,4碗水煮成2碗供囡囡服,連服3劑,有助清痰止咳.
芳姐，請問女兒6歲，看了3次醫生仍咳時好多痰，有什麼湯推薦
Crystal:
你仔仔發燒不宜用任何補益湯,試用白蘿蔔1個,雪梨1個,去核,葱白3棵,冰糖少許,先將蘿蔔,雪梨用5碗水煮半小時,加入葱白滾5分鐘可飲.飲1劑,看症狀能否改善?
你好芳姐，
小兒7歲，今日上午起床後就不停咳（沒有痰聲），到了下午就發燒（最高38.6度)，剛剛給了退燒藥。請問這時候可否煲鱷魚掌海底野湯（急凍鱷魚掌+急凍海底野+豬骨+蜜棗+陳皮）？
芳姐你好，女女4歲半，咳咗一個星期，日日夜晚咳到不停，日頭都有咳，相對夜晚較少，睇過兩次西醫，有開氣管敏感藥，但效果唔大，訓覺時都係咳唔停，請問有咩湯水可以調理下，謝謝芳姐解答
winky:
你試用桔梗,麥冬,花旗參各3錢,甘草1錢,3碗水煮成2碗供一天服,連服3劑,對久咳有幫助.
Pauline:
你試用麥冬3錢,羅漢果1/4個,陳皮1塊,3碗水煮成2碗服,連服2劑,看能否改善?
芳姐你好，上次食左幾劑你介紹既藥方已有改善，但日間仍有幾聲咳，說話時有少許聲沙及有痰聲，前兩日煲左龍利葉，石黃皮，南北杏，蘋果蜜棗湯，請問重有無其他湯水幫忙調理下，謝謝芳姐解答。
kiki:
晚上咳,如有痰,可用蘇子,萊菔子各3錢入茶包袋,煲瘦肉粥供食,連食3劑,對小兒痰咳有幫助.鱷魚肉湯温補,無流鼻水病快好時用作調補肺氣湯水甚佳,可一星期2劑.可加雪耳2錢,百合1兩同煮,全家可飲.
芳姐
你好！
小朋友4歲今次轉天⋯⋯本來只有日頭咳但食左兩制中藥夜晚又咳 有痰，訓前咳得仲勁，有鼻水(清的)伴有鼻塞今晚擦左驅風油無鼻塞了
可以飲鳄鱼湯水?需要加減野嗎請問
芳
妳好芳姐！我個仔5歲！醫生話有氣管敏感，早上起身個鼻會痕癢，打乞嗤會流鼻血。夜晚訓覺個頸位會出汗！請問可以飲咩湯調理！麻煩你指點下！唔該晒
Max Wong:
小朋友鼻膜薄,如擦鼻損傷就很易再流鼻血.鼻痕癢,汗多,可用北茋,防風,白朮,辛夷花各3錢,甘草1錢,5碗水煮成2碗供服,連服3劑.
斷斷續續咳佐成幾個月！早上同夜晚有咳！有時密D，有時就無乜！咳果時話個喉嚨會痕！依家有吃青蛙糖（氣管敏感藥）我束手無策，芳姐幫我看下要飲咩湯好🙏🙏
Max Wong:
你試用枇杷葉5錢,龍脷葉5錢,桔餅1個切碎,南北杏1兩,陳皮1塊,5碗水煮成2碗服,連服3劑,看能否改善?
多謝芳姐！今日試佐你上面介紹既鱷魚肉煲湯！咁我天日轉用今次你新介紹既食療試下！麻煩晒你啦