By 芳姐 ( 22 2 月, 2013 at 7:45 上午)
· Filed under 外感/頭痛/呼吸道病, 小兒常見病
小朋友傷風、感冒後咳嗽,由於小兒不懂吐痰,痰涎積聚,容易引致咳嗽不止。所以平時要引導小朋友多飲開水,當患上傷風、感冒時,大量飲水有助將痰排走,否則要幫小兒拍背,然後飲水,減少併發肺炎的機會。
中藥蘇子、白芥子、萊菔子有降氣豁痰,止咳定喘功效,用這三種化痰藥來煲粥,對痰多咳嗽者很有幫助,尤其是因吃得西藥多令脾胃虛弱,痰壅氣滯的小兒更是有益。
用料是: 蘇子3錢,白芥子3錢,萊菔子3錢,白米2兩。
做法: 三子搗碎,入茶包袋,與白米煮成稀粥,隨量服食。
~ 小貼士: 此粥適合痰多咳嗽小兒服食,對咳嗽喘逆,痰多胸悶,食後腹脹的老人家亦很適合。但如果没痰,只有乾咳者就不適宜服用。
Permalink
芳姐
我女女9個月大 感冒 流透明鼻水 痰咳到嘔 可以煲什麼有助？
謝謝
Yuki:
你可用蘇子,萊菔子各3錢入茶包袋煲瘦肉稀粥供囡囡食,連服3劑.有助袪痰止咳.
芳姐
琴日試左這個粥 囡囡明顯咳小了
想再請教您 病好後可以煲些什麼 調理 增強抵抗力
囡囡9個月大
謝謝
Yuki:
病好後可以用虎乳靈芝3錢,雪耳2錢,南北杏1兩,紅棗6粒煲鷓鴣或鵪鶉湯服,全家可飲.囡囡一天可以飲1碗,一星期2劑.
11個月BB可以吃三子粥嗎?
AN:
11個月大BB可以用蘇子,萊菔子煲瘦肉粥食.白芥子有中醫朋友說較刺激,幼兒暫時不要用.
你好，芳姐，
我另有一兒子，兩歲半，
感冒後還有餘咳，有痰聲，
他眼睛本身有淚管閉塞，最近經常有黃眼分泌，沒有發炎,請問仔仔是否有內熱？
可煲什麼湯療給他，謝謝！
Kayi:
你試用鮮枇杷葉,鮮龍脷葉各1兩,雪梨2個,紅蘿蔔1個,南北杏1兩煲瘦肉湯,全家可飲,有助清熱,化痰,明目.連服3劑,看能否改善?
好的，下面女女的問題，請問可煲什麼？怕skip左下面內容，所以在這提提您，謝謝
kayi:
你囡囡痰咳,有口氣,枇杷葉,龍脷葉湯主要是化痰止咳,又能清肺熱改善口氣.
你好，芳姐，
小女四歲半，
痰咳了兩星期，睇完中醫，仲咳多了，怕他氣管收窄，之後睇了西醫。
現在還有痰咳，還非常口臭，請問什麼湯療適合她，謝謝！
蘇子萊菔子同辛夷花係咪雜貨鋪有得買
蘇子萊菔子同辛夷花係雜貨鋪有得買定要係買中藥既地方先有？
Coby:
全部材料中藥店有售.
芳姐 ，你好
小兒 4歲 有感冒 有痰 夜咳 痰或者鼻液帶黃色 三子粥有效嗎？
Csy:
你試用蘇子,萊菔子各3錢,辛夷花6朵煲瘦肉粥供服,連服3劑,看能否改善痰及鼻涕.
芳姐，
你好，小女6歲，早前感冒，已食了藥一星期，但依然有啖同咳，又唔識吐啖，可以煲什麼湯水比她。
Agnes:
你可以煲這款三子粥供囡囡食,對小兒痰咳有效.
芳姐﹕
你好！小女五歲，自上月中感冒後一直咳嗽不止，初時早上睡醒後乾咳為主，上星期開始，咳嗽轉為嚴重，痰聲重，整天咳不停，又不憧吐痰，這兩天還開始流鼻水。已睇兩次西醫，懷疑氣管敏感及又開始作感冒，但服藥後至今亦未見有改善。請問我可煮些什麼湯水給她飲用呢？三子加辛夷花煲水可以嗎(不加肉)？謝謝！
Fung:
可以三子加辛夷花煲水供服,但有藥味,如乾咳可加些少蜜糖.
請問芳姐可連服幾劑?食緊西藥也可飲用嗎?謝謝!
Fung:
如服西藥,隔2小時飲就成.一般服3劑應可見效.
你好，請問8個月大bb可以食三子粥嗎？
boman:
白芥子較刺激,8個月大BB不用白芥子就成.
您好芳姐;
請問我女女2歲抵抗力比较差而且比较容易感冒點算好？
加平时好大汗和胃口比較差唔喜歡食飯(好瘦),謝謝。
Rachel:
你可以用北茋3錢,浮小麥5錢,紅棗4粒,白朮,防風各3錢煲瘦肉湯供囡囡服,5碗水煮1小時成2碗,一天分服,一星期2劑,有助强壯體質,改善脾胃.
你好芳姐，小囡7個月，發燒感冒已好返，但就咳呀而家，請問可以有乜食療？佢應該係熱咳呀！Thanks！
Cat:
熱咳可用川貝末2錢,雪梨1個,去核,陳皮1小片,3碗水煮成1碗供囡囡飲,連服3劑,看能否改善?
芳姐！小囡而家又變左日夜都咳，係咪都飲尼個定點呀？thanks！
Cat:
日夜都咳就試用桔餅1個,切碎,生薑3片,紅棗4粒煲水供服.連服3劑,看能否改善?
芳姐，你好！
我仔仔16個月大，自幼經常傷風感冒，
而家無再咳了，但聽到仲有好多痰，
呼吸有時會hehe聲。
請問可以食咩野化痰？
Kathy:
你可以用蘇子,萊菔子各3錢入茶包袋,煲瘦肉粥供食,連服3天,有助化痰.
謝謝芳姐。 想問綠茶葉意思係咪指綠茶嘅茶葉還是綠色茶葉如普洱茶？
Sophia:
茶葉如龍井,香片,水仙,鐵觀音,烏龍等都可以用.
你好，芳姐。前年因感冒後引發鼻炎至嚴重鼻涕倒流至今， 有時鼻涕(白色)杰到塞住呼吸道抖唔到氣， 睇過很多耳鼻喉醫生， 食過很多抗敏感藥噴鼻都唔掂， 夜晚要個幾鐘咳咗啲痰先有得瞓。 剛做完天灸少咗啲鼻涕但杰咗， 唔知係好定唔好， 唔知這個星期好唔好再做， 想問有咩食療會啱我🙏🙏🙏
Sophia:
天灸最好做完才見效.可以用辛夷花3錢,葱白3~4棵,綠茶葉2茶匙,3碗水煮成2碗供服,連服3劑.有助通鼻.
你好芳姐，我有兩個小朋友2歲半及1歲半，兩個睇完兩次醫生食完藥都未好，流鼻水同洗鼻涕(黃綠色)，咳有痰，每個月都要睇醫生，我應該煲咩比佢地飲呀？唔該🙇♀️
carol:
鼻涕黃綠色表示有炎症,要看醫生的.待鼻涕轉微黃或正常,可以用辛夷花3錢,葱白3~4棵,甘草4,5片,3碗水煮10分鐘,供兩個小朋友飲用,有助解表收鼻水.
你好，芳姐，小兒1.5歲，傷風，很重痰咳，流黃鼻涕，可煲什麼湯療？
現在有黄綠鼻涕，很重痰咳，密度唔高，請問應該煲什麼？謝謝
Kayi:
你可用蘇子,萊菔子各3錢,辛夷花5朵,入茶包袋煲瘦肉粥供仔仔食,連服3天,有助袪痰,收鼻水.
如不落肉，將此茶就咁俾小朋友分服
是否藥材拍一拍，凍水落材料，兩碗水煲20分鐘？
謝謝！
Kayi:
可以用3碗水煮20分鐘成1碗供仔仔服,不放肉都可以,不過會有些少藥味.蘇子是紫蘇葉的種子;萊菔子是白蘿蔔的種子,没苦味,但辛夷花稍有藥味,但最能收鼻水,最好稍為拍一拍才煮.
芳姐您好：
仔仔6歲半經常睇醫生，平均一個月一次，請問可有什麼湯水可以令佢身體好啲！謝謝
欣:
你可以去裕華或農本方買[玉屏風散]沖劑,每星期沖3次給仔仔飲用.玉屏風散顆粒沖劑主要由北茋,防風,白朮三味藥製成,能增强身體免疫力,減少傷風,感冒.當然日常要注意飲食營養均衡,多做戶外活動以增强體質最重要.
芳姐
小女3歲 感冒後 早上打噴嚏 流鼻水 咳有綠痰 已有三個月 可用什麼焗水 同煲什麼湯水
紫恩媽媽:
痰綠色有炎症要看醫生.要看到痰變正常為止,否則小朋友很易轉變作肺炎.要多飲水,不要吃甜食.
一直都有睇中醫 但就清唔到痰 所以想知道 有什麼可以湯水可以飲用
你好，芳姐，小女3.5歲，陰虛體質。前天起病毒感染引起感冒，冇發燒，睇西醫後，已冇流黄鼻涕，現只有帶存有輕痰的咳嗽，且密集有鼻音，又有口臭。現在還要食西藥，請問這段時間可煲湯水給她清一清嗎？
kayi456:
你可用蘆根5錢,生薏米1兩,辛夷花6朵,雪梨1個,去核,5碗水煮成2碗供一天服,連服2劑,有助清熱氣.
需要隔－兩小時服用嗎？因仲食緊西藥。
另外，想請教，細佬被大女傳染了，流黄綠鼻涕中，有痰咳，微燒，食西藥中，可什麼湯和什麼粥仔調理和食用，謝謝！
需要隔－兩小時服用嗎？因仲食緊西藥。
另外，想請教，細佬１歲4個月被大女傳染了，流黄綠鼻涕中，有痰咳，微燒，食西藥中，可什麼湯和什麼粥仔調理和食用，謝謝！
Kayi456:
可以服西藥後2小時飲.鼻涕黃綠色表示有炎症,可以用辛夷花6朵,葱白3棵,金銀花3錢,3碗水煮成1碗供服,有助清熱消炎.如吃2~3劑没效要看醫生.
你好，芳姐，細仔依家冇鼻水，但有兩聲痰咳，有鼻音，起身少啲咳，但一平訓就會較多咳，已連煲四日萊服子蘇子粥，又試過落果皮煲粥，但都未好哂，仲可煲咩好？謝謝！
kayi456:
如咳未好要看中醫調理才成.川貝有助減少氣管痙攣,用川貝末3錢,蘋果1個,去核,陳皮1塊,4碗水煮成碗半供服,連服2~3劑.
你好，芳姐，小兒1歲，沒有傷風感冒，但因為佢經常大哭致好易咳，依家唔知點解晚晚一訓覺就會咳，－兩個鐘就連咳幾聲，淨係訓覺先咁，起左身就冇事，除非大喊先會咳到面都紅，好似好多痰喺入面，聲音亦沙啞。佢會唔會因而喊傷喉嚨呢？我可點做，煲啲咩調理番？謝謝指教！
kayi456:
你試用蘇子,萊菔子各3錢入茶包袋煲瘦肉粥供仔仔食,連服3劑,對小兒痰咳有幫助.
芳姐，你好
兩星期前小兒開始有鼻水，咳，依家其實鼻水無哂，但總係唔知點解佢朝早訓醒，午睡後訓醒就總會忍唔住咳左幾聲，之後就唔會再咳，呢種咳既情況由病開始到依家為止接近有兩星期，請問應該煲啲咩俾佢飲有幫助？謝謝
Grace:
你試用龍脷葉5錢,北杏3錢,桔餅1個切碎,4碗水煮成2碗供一天服,有助潤肺止咳.
你好，芳姐，有兩小朋友病後餘咳
一歲bb，有咳，痰很多，有時流透明涕，有時流黃涕，可煲什麼俾bb飲？
三歲半，有痰咳，寒底身體，又可煲什麼俾佢飲呢？
Kayi456:
你可用川貝末3錢,蘋果2個,去皮,去核,陳皮2塊,5碗水煮半小時成3碗,兩個小朋友一天分服,連服3劑.對痰多咳有幫助.蘋果有益正氣,寒,熱底都可以用.
但大女唔受得川貝，可以用其他嗎？
Kayi456:
痰多咳嗽,如日間咳多可以蒸條去了皮的絲瓜,用湯匙壓絲瓜蒸沖供服,能化痰止咳,又清甜好味;如晚上咳屬寒咳,可以用洋葱一大個,去衣後大火蒸20分鐘,用湯匙壓洋葱汁供服,這兩款都較簡單易處理,要多服幾劑才見效.都易入口的.個洋葱可再蒸多1次供服.
明白，謝謝芳姐！！
唔好意思，我見絲瓜有兩種
請問你所指嘅絲瓜係深綠色皮，長身，皮起尖角那款嗎？
唔好意思，我見絲瓜有兩種
請問你所指嘅絲瓜係深綠色皮，長身，皮起尖角那款嗎？
kayi456:
絲瓜有棱和皮滑兩種都具化痰療效,都可以用.
芳姐，
你好，我大囡3歲發燒幾日，咳有痰聲，有結有稀少少綠，而家燒退了，仲咳得好重痰聲鼻涕未好仲食緊西藥，去唔到便便。可以煲三子粥?煲咩湯水有帮助?
細囡1歲半被大囡傳染，同大囡情況相同，西藥藥力一過又燒翻退唔到燒，請問飲咩湯水帮助好?謝謝你的回覆！
vivien:
三子粥能化痰,不過白芥子較刺激,幼兒可以只用蘇子,萊菔子各3錢入茶包袋,煲瘦肉粥供服,連服3劑,有助化痰止咳.如鼻水多可另外用6朵辛夷花泡茶服,3歲可加蜜糖.歲半細囡燒未退,可用薏米1兩,蘆根5錢,生石膏5錢,淡竹葉3錢,5碗水煮成碗半供一天服,連服2劑,有助清熱退燒.
謝謝芳姐回覆。
今日煲了三子粥，下次減少白芥子。另外還了煲新鮮龍脷+枇杷葉+南北杏湯，全天飲用。
這两樣相一日飲食可以?
vivien:
兩款食療可以一天分開飲用.
芳姐，想請問下你 我個仔一歲半 咳左好耐睇醫生話肺炎，食左4日抗生素都仲係好咳，有咩湯水可以俾他飲？由其夜晚訓教咳得特別犀利
訪客:
你試用洋葱1個,去衣切片,蒜子6粒,拍碎,冰糖少許,4碗水煮成2碗供服,有助殺菌止咳,連服2劑,看能否改善?如有改善,可多服幾劑.如痰多不要放糖.
唔該芳姐 等我試試先👌🏻
芳姐
你好，我老公哩排鼻敏感好嚴重，有咩湯水可以煲俾佢飲，同埋佢長期夜晚瞓覺都會流汗，可以飲咩湯好呢？唔該曬🙂
kiko:
鼻敏感嚴重,可用辛夷花3錢,白止3錢,葱白4,5棵,綠茶葉1茶匙,3碗水煮15分鐘供服,連服3劑.晚上盜汗屬陰虛,可用黑豆1兩,浮小麥5錢,黑棗6粒,6碗水煮成2碗供服,連服4~5劑可止汗.
唔該曬芳姐
請問女兒九個月大，經常咳和很多痰，有大量鼻涕，透明的，請問我可以煲什麼給女兒飲？
我女兒九個月可整這個粥嗎
Tansy:
由於白芥子較刺激,故你只要用蘇子,萊菔子各3錢,生薑3片煲瘦肉粥供囡囡食,隨量食就成,有助袪痰止咳.睡前要用棉紙巾剪成條狀,沾淡鹽水,扭緊後替她通鼻,以防晚上鼻塞睡不好.
唔該芳姐！
請問囝囝咳嗽多痰,鼻多有青色涕,西醫話支氣管炎,可否飲用此茶水?
Charles:
鼻涕青色有炎症,不宜飲此茶,試用辛夷花6朵,羅漢果1/4個,麥冬3錢,甘草1錢,4碗水煮成2碗供服,有助化痰止咳收鼻水.
你好芳姐
囡囡2歲9個月2個月內感冒3次之前喝龍脷葉枇杷葉石黃皮湯已經無咳有好多痰不懂吐出，睡覺聽到有鼻涕(流唔出)塞鼻同痰聲(好傑)用這食療可以嗎?白芥子會刺激嗎?謝謝!
芳姐
囡囡2歲9個月2個月內病咗3次之前喝咗龍脷葉枇杷葉石黃皮湯已經無咳，不過睡覺有鼻涕聲(好傑)流唔出塞鼻有好多痰吐唔出，用這食療可以嗎?白芥子會唔會太刺激?謝謝!
Ultima:
你可以用蘇子,萊菔子各3錢,辛夷花6朵作茶包袋煲瘦肉粥供服,連服3劑,有助化痰收鼻水.
這問每餐一次定係每天一次不是太懂，謝謝!
Ultima:
這款化痰收鼻水粥可供一天服,小朋友未必肯全部替你吃完,隨量服用就成.第2天又煲多一煲,第3天再煲多一煲供食.即連服3天.
多謝芳姐!
芳姐，
上次你俾我既食療，仔仔夜晚訓覺時已無咳。但每次午睡後，同朝早起床後，都會咳一陣，玩完啲要跑或者好刺激既活動，過後又會咳幾聲。
請教今次要煲乜野好？多謝芳姐
Grace:
你試用桔餅1個切碎,北杏3錢,雪梨1個去核,陳皮1塊,4碗水煮成2碗供服,連服3劑,有助止咳.
芳姐
仔仔20個月，久咳兩個月有多沒斷尾，有時仲會流鼻水，而家仲有啖咳，成日捽鼻，請問應該煲咩湯水俾佢飲，謝謝
Kiko:
你試用蘇子,萊菔子各3錢,辛夷花6朵,滾瘦肉湯供服,4碗水煮成碗半,一天分服.連服3劑,看能否改善?
好的，多谢芳姐
芳姐：
唔好意思，再一次要向你請教下。上次煲左你教我既蘇子,萊菔子,辛夷花同瘦肉湯俾仔仔飲，飲左兩日聽唔到有痰聲了，但仍然日/夜都有咳聲，唔算多，鼻水仍時白時黃，但流得唔密。不過佢總係好準時訓到半夜十二點至一點內會連續咁咳幾聲，咳完幾次就再聽唔到佢再咳，唔似日間同晚間咁，就咁咳一聲就完。
依家應該煲洋蔥水？定係煲枇杷葉，吉餅，陳皮，辛夷花又可以嗎？定應該煲其他野俾佢飲？請芳姐指教下🙏
Grace:
如果半夜只咳幾聲,睡前2小時就煲洋葱水供飲.如日間鼻水又有咳,可以煲枇杷葉桔餅陳皮辛夷花水供服.
好多謝你芳姐。我試試。
芳姐，
試左之後，其實佢日間我好少聽到佢咳，但變左夜晚7點幾，8點開始聽到咳聲，入睡後都間唔時聽到有幾聲咳，訓醒又係會咳一陣，之後就無咩咳。同埋唔知係咪呢兩日天氣轉涷，佢呢兩晚訓覺都聽到佢個鼻呼吸聲，好似鼻塞咁，訓醒起身都聽到佢個鼻既呼吸聲，用吸鼻器都吸左啲少量鼻水出黎，白白地綠綠地。
好擔心佢啲咳咁耐（兩星期有多），會變成敏感，請問可以再煲咩幫到佢？
Grace:
你試用辛夷花3錢,麥冬3錢,陳皮1個,桔餅1個切碎,4碗水煮成2碗供一天服,有助收鼻水,止咳.
芳姐，
仔仔3歲睇左西醫，醫生話佢有啲啲喘，咁食完啲咳藥水同收鼻水藥，無再咳得好密，但都仲未清哂啲咳痰同埋鼻水。依家無藥食之下，日夜都仍有痰咳，但佢訓覺總係半夜12點幾1點就開始有咳同有痰聲，之後無再咳，直至到清晨五至六點又黎聽到咳聲。佢啲痰咳已有一星期有多，啲鼻水前前後後攪左三個星期斷斷續續都未清得哂。其實我唔知佢係咪寒咳，但又唔知煲啲乜野先可以幫到佢？希望芳姐幫忙解答🙏
唔好意思，芳姐，我漏講左佢啲鼻水有時見黃黃地，黏黏地
Grace:
你試用蘇子,萊菔子,辛夷花各3錢滾瘦肉湯供仔仔飲,連服3劑,有助袪痰收鼻水.
請問幾碗水煮成幾碗？大概煲幾耐？🙏
Grace:
大約4碗水滾20分鐘,隔渣成2碗供仔仔一天分服.
Thank you芳姐
芳姐你好, 小兒兩歲半,流鼻水已一個月, 好多痰,已用蘇子,萊菔子,辛夷花各3錢滾瘦肉湯供仔仔飲,連服了6劑,有少少改善,可否再飲幾劑?飲多幾劑有沒有副作用?謝謝!
Tatababy:
如見改善,可多飲3劑,此湯很平和,主要是化痰,收鼻水,没問題的.
多謝你寶貴的意見! 🙂
芳姐
小兒3歲. 早前連續幾天一起身就鼻塞一段時間,直至昨天開始流少少清鼻水, 但吸出黎係有少量綠色. 今天變成直流綠鼻涕. 暫時只聽到一至兩聲乾咳.
請問可以點做?
grace:
你試用金銀花,辛夷花各3錢,葱白3棵,綠茶1茶匙,3碗水煮10分鐘,一天分服,連服3劑.有助消炎收鼻水.
芳姐你好👋🏼！囡囡咳左個幾月、睇左幾次西醫仲未好，話係氣管敏感、藥食晒喇，但仲有痰同咳請問可以飲咩？
Ho:
久咳未好,試用烏梅2粒,麥冬3錢,桔梗2錢,玄參2錢,甘草1錢,3碗水煮15分鐘供囡囡飲,連服3劑,看能否改善?此茶對喉癢,敏感咳有幫助.
謝謝🙏可以化痰嗎？咳有痰聲
Ho:
痰多可加1/6個羅漢果同煮.
芳姐，
你好！女兒四歲半，上星期五開始流鼻水，演變到最近呢兩天鼻水好勁，透明色而且黏，有時會夾雜著少量黃綠色，另有痰咳。佢呻乾淨哂啲鼻水出來，量好多，但好快半個小時左右，又呻到大量鼻水出黎。呢幾天都試過燉洋蔥蒜水，但鼻水好似無減少到，而體溫最高時有37.4，有時又回落至37，體溫上上落落好幾天。請問有咩方法可以加強收鼻水？
希望能得到芳姐解答，謝謝你！
小朋友全日有咳，訓覺有咳，，流清鼻水，鼻塞，體溫比平時偏高，接近低燒。
請指教可以煲乜野俾佢飲？謝謝芳姐
馬太:
小朋友如低燒表示病邪未趕走,如燒不退要看醫生.試用洋葱1個,去衣切塊,蒜瓣6~8粒拍碎,3碗水煮成1碗供服,有助解表殺菌,通鼻,止咳.服2劑,看能否改善?睡前可以用棉紙巾剪成條,沾淡鹽水後扭緊,替小朋友通鼻管,有助安睡.
芳姐。謝謝你先
小朋友體溫已回覆正常，鼻水開始少左，好奇怪，佢只係訓覺（午睡同晚覺）咳得好利害。但一起左身玩，都會有幾聲咳，但無訓覺果時咳得咁利害。咁係再飲洋蔥蒜水定轉其他食療？
唔該芳姐。
馬太:
你可以給洋葱水供服,洋葱可以番蒸多一次.即一日服2次.
芳姐，佢鼻水依家變左綠色鼻涕
同埋訓覺剛入睡果陣個鼻發出啲聲音好勁，係咪因爲鼻塞或者鼻水太多困住係入邊？之後咳到醒埋，我都唔知係咪佢入邊鼻涕攪到佢咳到咁?
用辛夷花可幫到嗎？請芳姐幫忙。謝謝妳
馬太:
鼻涕黃綠色表示有炎症,最好看醫生治理,以免惡化為鼻竇炎.可用辛夷花3錢,金銀花3錢,綠茶1小撮,泡茶服,連服3劑.
請問泡茶意思係沖熱滾水，焗一陣飲？
如家中無綠茶。只用辛夷花及金銀花可以嗎？仲有些咳未清都可以照飲？
謝謝芳姐
馬太:
開水沖泡,焗5分鐘可飲,如無綠茶,有咳,加4片甘草吧.
你好芳姐, 之前見你教如日头干咳, 跑或者玩得激小小就咳得犀利, 可用雪梨,蘋果各1個,去皮,去核,百合1兩,無花果4粒,南北杏1兩煲瘦肉湯, 秋天最合飲. 請問要落幾多水同煲幾耐???
grace:
如果全家飲,蘋果,雪梨各加多1個,其他材料照樣就成,6~7碗水煮45分鐘成4碗.
thank you芳姐
請問芳姐, 有時見留言教川貝蘋果陳皮水, 方法有時係燉, 有時係4碗煮成2碗. 兩者功效都係一樣? 有冇話邊個方法係好d?
另一個問題, 一劑係代表一日兩次意思嗎?
希望芳姐能解答, thank you.
師奶仔:
的確可以用蒸燉,亦可以煮,看自己時間,煮就快些.一劑一天分服,一日飲兩完兩碗.
唔該芳姐.
其實我仲有些少問題想問, 如果我煲d止咳既食療, 大概要煲成30分鍾先變兩碗水, 但我想加辛夷花落去同煮, 咁辛夷花係應該一開始連其他材料落涷水煮30分鐘? 定係辛夷花唔可以煲咁耐, 後落, 煲一陣熄火就可以?
師奶仔:
辛夷花可以一齊放.如拍碎就焗茶飲都得.
請教芳姐，如小朋友喉嚨痛，有咳，有咩食療幫到佢？謝謝
Mamamia:
你可用羅漢果1/4個,麥冬3錢,甘草1錢,3碗水煮成1碗供服,有助利咽止咳.
你好！芳姐
仔仔三歲。請問如果仔仔早排傷風咳完，但仲未清哂。依家晚上睡覺時半夜有一兩聲咳，訓醒朝早就會有幾聲咳伴痰，但之後又好少再聽到佢咳。
佢其實係寒咳嗎？我唔太識，可以煲啲咩簡單既食療岩佢飲？
謝謝芳姐解答。
胃食媽咪:
你可以用枇杷葉5錢,橘餅1個切碎,陳皮1塊,5碗水煮成2碗供服,有助清肺熱,化痰止咳.不寒不燥的.
謝謝芳姐
咁啲枇杷葉背面既毛，洗既時候，刮走啲毛？
胃食媽咪:
枇杷葉背面的毛要抹走才煮,否則會刺激喉嚨.
仔仔現在晚上無咳，但唔知點解佢總係訓醒後（午睡後，一晚訓到第二朝醒後），一起身頭果10幾分鐘內，就會有幾聲咳，只得咳無痰聲，之後就無再咳了。其實係咩事？可以煲啲乜野？謝謝芳姐。
胃食媽咪:
小朋友可能敏感咳,可以用沙參,玉竹各3錢,雪耳2錢,百合1兩,紅蘿蔔1個,陳皮1塊煲豬展湯,全家可飲,煲2小時.連服2劑.
唔好意思，芳姐
如果咁岩又有流鼻水，煲左你教我果個枇杷葉吉餅陳皮水，可照飲嗎？
胃食媽咪:
流鼻水可6朵辛夷花一齊煮就成.
唔該哂芳姐
芳姐,
你好,小兒剛六個月，之前細支氣管炎，看了很多醫生，食了西藥，都不好，最後病足一個月，靠自己抵抗力終於康復了，但好返十日之後，不知是否被哥哥傳，又咳，好多痰，又細支氣管炎，加上BB不懂吐痰，佢成日咳醒，日夜如是，又咳到嘔奶，加上他有鼻水，做呀媽很心痛，請問bb六個月可用萊菔子和蘇子可以煲水沖奶？可加陳皮？兩兄弟都咳了好耐，可以食甚麼改善？謝謝
angel:
如果你仔仔6個月,可以用蘇子,萊菔子各3錢,煲水作開奶茶,可加塊陳皮,有助袪痰止咳.大仔如久咳不好,試用枇杷葉,龍脷葉各3錢,雪梨1個,去核,桔餅1個切碎,4碗水煮半小時供服,連服3劑,有助清肺熱止咳.
芳姐，小兒用了蘇子萊菔子陳皮水沖奶，但他仍好有痰，每日都咳到嘔奶（嘔痰），還有很多鼻水不停流，六個月BB,可以加用辛夷花，蘇子萊菔子沖奶？小兒已經吃了一星期西藥，但痰和鼻水很難清，真的不知如何是好，請問有什麼食療？謝謝你
芳姐，小兒用了蘇子萊菔子陳皮水沖奶，但他仍好有痰，每日都咳到嘔奶（嘔痰），還有很多鼻水不停流，六個月BB,可以加用辛夷花，蘇子萊菔子沖奶？小兒已經吃了一星期西藥，但痰和鼻水很難清，真的不知如何是好，請問有什麼食療？謝謝你
Angel:
BB太細,如痰多很多時和脾虛有關,因為中醫認為[脾為生痰之源],建議看中醫治理.
芳姐
我仔7個月，夜晚咳得多點，冇痰，有冇咩食療建議？謝謝你！
Janice:
你試用洋葱1個,去衣切塊,放碗中,隔水大火蒸20分鐘,用湯匙壓榨洋葱汁供仔仔飲,大約2~3湯匙左右,有助止咳.
謝謝你！每天飲一次就是了？
Janice:
洋葱可以返蒸多一次,1日可飲2次.
請問女女氣管敏感可以飲呢個嗎？佢有痰咳，有鼻涕
因為今次飲左三日川貝蘋果陳皮，咳少左，但佢一咳時，聽到氣管鬆左超多痰出黎，但佢唔識吐痰。啲痰好難清，佢連講野我都聽到佢有痰聲係個喉嚨位。係咪可以蘇子，白芥子，萊菔子各3錢加瘦肉煲湯30分鐘都可以清走痰？謝謝您
心急媽:
可用蘇子,萊菔子各3錢,陳皮1塊煲瘦肉湯.白芥子太辛辣,暫不要用.
謝謝芳姐。
可加辛e花6朵落呢個湯嗎？因女女有埋鼻涕
補充：佢有黃綠鼻涕
唔好意思，我忘記問…
蘇子同萊菔子如煲瘦肉湯，需要搗碎嗎？
心急媽:
小朋友有黃綠鼻涕表示有炎症,建議看醫生治理.食療只能作輔助治療.蘇子,萊菔子不用搗碎,可加5朵辛夷花同煮.
芳姐 想問下你呢個湯如果唔煲粥可唔可以加蜜糖就咁飲？
訪客:
三子粥可以不煲粥,加瘦肉滾湯30分鐘,隔渣供服.蜜糖惹痰,痰咳不宜用.
你好, 芳姐, 我女女2歲2個月, 剛剛患了甲型流感+支氣管炎, 其實她病左斷斷續續都食了差唔多3個星期西藥, 現在雖然沒有發燒, 不過仲有好多痰同咳和鼻水, 請問可以給她食三子粥嗎 OR 可以煲什麼東西給她飲, 因為現在仲食緊西藥, 食西藥是否可以與三子粥可一起食嗎 ? 謝謝
LILIAN:
你囡囡可以煲三子粥食,有助化痰止咳.服西藥後2小時飲就成,先服2劑,如症狀改善再多服1~2劑.白芥子可能味道刺激些,囡囡細個,可以不用白芥子,加塊陳皮同煮亦有助袪痰.
芳姐, 三子粥的份量都是這樣嗎, 蘇子3錢,萊菔子3錢,陳皮一塊,白米2兩
LILIAN:
是這個份量.
你好，我女日間沒怎麼咳的，就是晚上睡覺到零晨時咳，有痰聲。請問可以煲什麼湯水飲？
Colee:
你試用洋葱1個,蒜子5,6粒,3碗水煮成1碗供服,有助化痰止咳.
芳姐
你好，我囝十個月大，咳痰多，吃咩好？唔該
Elsie:
如果日間痰多,可以用絲瓜1條,去皮切塊,放碟中,大火蒸20分鐘,用湯匙壓榨絲瓜蒸汁供囝囝服,能清痰止咳;如晚上痰多,可以用洋葱1個,去衣切片,置碗中,大火蒸半小時,用湯匙壓洋葱汁供服,亦有幫助.連服3~4天.
芳姐
唔該曬
睇過西醫話佢氣管發炎，仲有退左燒大便都水水地，請問係唔係出牙仔啊？日間咳多，瞓覺都咳。
🙏🙏🙏唔該
芳姐，
我囝囝9個月大都可以照依個方法食用嗎？佢有咳，痰同鼻水
Olivia:
你指三子粥?9個月大你只需要蘇子,萊菔子各2錢(入茶包袋)煲瘦肉粥供食就成.白芥子較刺激,可以不用.
你好芳姐，小女兩歲半，發燒完好番多天，還有痰咳，鼻水(清涕)未清，胃口麻麻，舌胎白，有口臭，吃西藥中…未知是否内熱影響，兩三日才一次大便，請問我可煲什麼給小女飲呢？都是吃西藥後隔兩小時後才給小女飲用嗎？
kayi:
你可用白菜乾2兩,羅漢果半個,紅蘿蔔1個,南北杏1兩煲瘦肉湯,8碗水煮個半小時成5碗,囡囡一天分服2碗,連服2天,有助化痰止咳,清熱氣.
謝謝芳姐。
我講漏咗，仔仔成口飛之咩都唔肯食😓