By 芳姐 ( 26 7 月, 2015 at 5:48 下午)
· Filed under 小兒常見病, 肝胆，腎，腸胃病
很多主婦嫌泥鰍滑潺潺細條難處理，故不太喜歡買來作菜煲湯，但其實泥鰍風味獨特，肉質細嫩，極易消化吸收，含膽固醇又少，屬高蛋白低脂肪食品，對小兒汗多尤其有益。
泥鰍更是腎陽虛、營養不良性水腫、濕熱黃疸、肝炎、肝硬化者的最佳食療品。肝炎患者發病期不宜用補益中藥以免加重肝臟負擔，可以用泥鰍滾豆腐湯作調理，有助强壯體質。
小兒體虛汗多，脾胃功能差，吸收力弱，可以用泥鰍煮薯仔番茄紅蘿蔔湯服，有補虛暖胃、止虛汗等功效。
用料是：薯仔1~2個，番茄2個，紅蘿蔔1個，生薑3片，泥鰍12兩。
做法：
1. 鮮活泥鰍魚倒入魚湯袋中紥緊，投入滾水中燙片刻，將魚取出，在水喉下沖洗去潺，去腸臟(或切去頭、肚)，用少許油煎香。
2. 薯仔、紅蘿蔔去皮，切塊；番茄洗淨，切塊。
3. 將全部材料放入煲內，用7~8碗水煮至大滾，用中慢火煮1小時即可連湯料同食。
~ 小貼士：此湯老少皆宜，對身體容易疲倦，心血管病、肝炎患者亦很有益。但陰虛火旺者忌食。
小啓：下周至八月中工作開始繁忙，網友所問的食療問題，未必能全部作回覆，請見諒!
Permalink
芳姐你好，
小朋友2歲半，睡眠時太大汗，令到佢無教好訓，請問芳姐除左魚湯仲有咩適合小朋友😔？
Ying:
可加浮小麥5錢,青仁黑豆1兩以止汗.
芳姐請問bb十六個月可唔可以飲呢個湯呢
通常瞓覺開冷氣嘅時候都會好容易出汗 成頭濕曬 背脊都濕 頸摸落去卻是涼的 請問這是盜汗還 是自汗呢
Phoebe:
BB可以飲此湯,BB體質偏熱,容易多汗,可以多墊條薄薄的毛巾仔在頸背位置,隨時更換.
芳姐你好，小朋友3歲夜晚睡覺會有盜汗，呢幾日比較多汗好似剛洗完頭一樣，上半身前後都有汗，煲泥鰍魚加浮小麥可以嗎？
Macy:
泥鰍浮小麥湯適合.或用青仁黑豆1兩,浮小麥5錢,黑棗或南棗4粒,5碗水煮成2碗供服,連服3劑,有助止盜汗.
小兒睡覺滿頭大汗，可飲用此湯嗎
Coby:
你仔仔可飲此湯.