By 芳姐 ( 9 1 月, 2012 at 8:16 上午)
· Filed under 情志病／失眠／脫髮
睡眠的質量很重要,並不僅僅是睡多久,更重要是睡眠的深度夠不夠.怎樣去衡量自己的睡眠深度呢?假如睡醒後頭腦清醒,精力充沛,全身感到很舒服,没有疲勞和無力的感覺,那你的睡眠質量必定很好了.
用食療來改善失眠頗有效,今次介紹這款湯,有養心安神,補益心智功效,可作為家常食療,經常服用.
用料是: 淮山,蓮子,百合各1兩,黨參3錢,圓肉5錢,陳皮1塊,紅棗6~8粒.
做法: 將材料浸洗,用8碗水煮2小時成4碗即成.飲湯吃湯料.
~ 小貼士: 此湯鹹甜皆可,甜湯加冰糖,鹹湯加雞肉或瘦肉同煮.對虛煩不眠者很有效,但感冒未清不宜服.
Permalink
YAN:
懷孕期不宜用圓肉,將圓肉改杞子3錢同煮就成.
你好
請問懷孕初期可以喝這湯嗎？
芳姐，
請問以上這個湯水是否適合十個月大嬰兒飲，如果不適合，可否介紹一些安睡的湯水給他，因他的睡眠質素很差，謝謝
ANGELA:
你可以用蓮子連芯1兩,麥冬3錢,燈芯草6扎,5碗水煮成2碗供BB服,連服3劑應可安睡.
唔該晒芳姐，想問下買唔到小麥米可以用咩代替。謝謝！
TY:
可用小米或蕎麥代替.
VIANN:
你加蓮子芯2錢,玄參3錢同煮,有助清心火,舌尖紅多數心火盛.可以飲多兩劑.
芳姐，早晨，呢兩日我都用你講的呢兩條配方來煲湯，煲左兩日，暫時唔見有改善，都系口幹，發夢，舌頭兩邊同舌尖都系有紅點，我希望舌上面的紅點消失啊，因為有肝炎，舌頭上面有紅點會影響肝功能。呢兩個配方，我要唔要再吃耐一D咯，我最近有飲阿膠粉，唔知自己適唔適合，希望芳姐指教！
viann:
舌有齒印,多數是氣虛或濕重.可以不用玉竹,麥冬改用太子參3錢,芡實,蓮子各5錢同煮.
系啦,芳姐,頭先唔記得左講你聽,我仲有其他病徵,舌兩邊有齒痕,苔白,大便溏瀉,駛唔駛再加其他野落去一齊煲咯,用瓦煲煲好定系用不銹鋼煲好D咯~多謝芳姐!
vinna:
你可用沙參,玉竹,麥冬各4錢,雪耳2錢,百合1兩,茯神5錢,瘦肉適量煲湯服,8碗水煮成4碗,可分2天服,連服2~3劑.(一劑可服2天)
芳姐,你好啊!
近三個月來,我每晚都發夢,口乾舌燥,舌頭尖同左右兩側都有紅點,舌頭中間仲有列痕,有肝炎,成日吃藥,我唔想去睇醫生,感覺越醫越壞,我想用食療去來調養一下身體,希望芳姐指教一下!
多謝芳姐指教!
ada:
這款湯健脾補血,你女兒適合飲.如要增加乳汁,可用蓮藕1斤,紅腰豆1兩,無花果6粒,紅棗6粒,章魚2兩煲豬展湯服,有助補血催乳.
芳姐,
小女剛產後3天,她以母乳育嬰,但因生產而失血過多。
我今往中醫執了藥材湯給女兒補身, 藥材如下:淮山, 黨參,紅蓮子,百合,元肉,薏米及紅棗,
我加了豬賬煲了湯給她飲用。請問這湯水適合嗎?
我今年二十六，近日睡眠吾好，令到面上雀斑加深，請問咩湯水可以改善？謝謝！
芳姐你好
黎太:
其實用電子煲慢火煮湯煮十個,八個鐘没問題,肉類先飛水才放入煲較佳.
我買咗個slow cooker, 煲湯d水好耐都唔滾. 究竟應該用大火定細火呢？如果我想早上出門前煲，晚上回家有得飲，咁又怕唔怕煲太久，營養和藥效上會不會有影響？
又係我！
咁，若用電子瓦罉，是否不用落8碗水呢？
若用瓦罉，呢個湯應落多少水？
煲幾耐至飲得？
芙:
電子瓦鐣通常放3~4碗水已足夠.煲大約3小時.
抱歉！但真空煲不會流失水份，咁，我應該落多少水？
因我失眠，希望每天也煲類似湯水，所以，正考慮買真空煲，希望可以安全d
(唔使睇火)
芙:
我建議你買電子瓦鐣,因為可以校大,細火,水份不會流失,可煲大半天都没問題.你買個廚房專用時間鐘就成.電子瓦鐣煲中藥材療效會好過真空煲.
芙:
可以用真空煲,服用前再煮滾15分鐘才能出味.
可否用真空煲？
想問何時使用白色蓮子? 何時用紅色蓮子?
ｃｉｎｄｙ：
其實食療功效紅色蓮子有益，不過白蓮子煲湯湯水好看些，故有時會用白蓮子，尤其是煲糖水．
Skyla:
炒棗仁中藥店有售,自己用白鑊炒又可.
謝謝您的回复。炒棗仁可直接買，還是買回來自己炒？
多謝芳姐指教,請問這個湯可否跟西藥同時飲用而這湯一星期可飲多少次？是否直致舌頭無紅點？謝謝！
Cherry:
可以服西藥後2小時飲這款湯,可連服3劑,舌頭紅點退就停服.
芳姐妳好,
囡囡5歲她是熱底脾胃虛,剛感冒發燒,現已退燒但亦有鼻水,有兩聲好似有痰聲的咳,每次吃藥水後舌頭很多紅點!請問這現象是否熱氣,而且她很容易感冒！請問平時應多飲什麼湯水？謝謝！
Cherry:
服西藥後舌有紅點可能有些虛熱,現時囡囡有咳又有痰,可以用鮮龍脷葉1兩,羅漢果半個,紅蘿蔔1個,南北杏1兩煲湯服,煲1小時,有助清熱化痰止咳.
我老公有夜睡的習慣（半夜1-2點才入睡），睡眠質素不好，就算睡很久還是覺得睡不夠，人很累，一到下午3點多就感疲倦。請問有什麼食療湯水可以幫助。希望是容易得到的材料。謝。
Skyla:
你試用炒棗仁,柏子仁各5錢,茯神4錢,百合1兩,圓肉4錢,紅棗8粒,生薑2片燉烏雞服,此湯全家可飲,有寧心安神作用.一星期可服2次,要飲用一段時間.平時可以用炒棗仁研末,温水送服,每次2茶匙.
芳姐:已看了你回覆的電郵,感謝你的幫忙,謝謝你!
芳姐:你好! 我也是時常失眠,今次已是三晚都未入睡過,眼睛合上但個人非常清醒,我已試過飲熱鮮奶,百合燉圓肉湯等,也有用熱水浸腳才上床睡,但都是無法入睡,請你幫忙我解答,謝謝!
Kit:
如果連續3天睡不到覺就會導致神經衰弱,建議必須看醫生,看中醫亦可.最重要是放鬆心情,你近來是否心事多,有事情解決不了?要找人傾訴,替自己減壓才成.可試用小麥米2兩,炙甘草2錢,紅棗8粒,圓肉4錢,茯神4錢,酸棗仁3錢,柏子仁3錢,夜交藤1兩,8碗水煮2小時成4碗,分2天服完.有助養心安神.食療只屬輔助治療,要看醫生.
我成日都失眠，個人第二朝會好攰同埋覺得好乾，但飲極水都覺得個口好乾，之前睇過中醫話我脾胃虛同埋內熱得好緊要，想問吓呢個湯0岩唔0岩我飲?? 同埋有咩湯水or食療可以幫助吓?? thx~
shipship:
這款湯你去圓肉,加五味子3錢同煮,有助改善症狀.圓肉太温燥,你內熱就不宜用.
芳姐,請問螺旋海藻邊道有得賣?
cc:
我無意中在旺角長旺街街巿附近一個專賣花草茶的檔口買的,12元左右1兩.好像我在裕華及崇光超巿都見過有售.
芳姐,
我都是個常需用電腦的人, 但甲狀腺腫不可以吃海藻同黃豆類食品, 那又可以吃甚麼其它來代之?
麻煩你幫忙!
Donna:
蘆筍,西蘭花,綠茶等都有良好抗幅射作用,可以多點食用或服用.不妨在工作地方放些黃金葛,虎尾蘭,吊蘭等抗幅射室內植物.美國太空總處都種了很多黃金葛,這種植物有吸塵埃,油煙,細菌,幅射,太空總處的儀器精密,任何細微物質都可能影響,故栽種這類植物,這些植物很易種,我家裡種了很多,可以水植和泥種,又便宜,在花檔經常有售.遲些我在網頁中介紹這類植物給大家.
CC:
經常用電腦,可以多吃些螺旋海藻,能抗幅射.可以用節瓜1個,黃豆2兩,螺旋海藻1小撮,瘦肉適量煲湯供服,有滋陰清熱,抗幅射,增强抗病能力等功效.
芳姐你好,
我老公工作經常用電腦,及用腦,壓力大又比較容易上火,平日可煲甚麼湯水作調理? 謝謝
你好, 芳姐, 想請問如果有以下病徵, 能否飲用此湯? 另外, 有咩湯水可以有所幫助, thx~
心有問題, 高血壓, 有食薄血藥, 糖尿病,甲狀腺指數高…..
Jenny:
如果你身有有這些毛病,此湯要去黨參及圓肉較好.可以用五味子3錢,酸棗仁3錢代替,淮山,蓮子,百合可以用.
芳姐，
請問怎樣才知道一個人是寒底或熱底呢？我女兒今年十五歲，口腔常生痱滋，但腳亦常冰冷，晚上幾眼瞓都因腳冰冷而無法入睡，她是寒或是熱底呢？
先謝你的幫助。
Shirley
Shirley:
你囡兒手脚常冰冷,應屬腎陽虛,是寒底體質.口腔常生痱滋,表示免疫力下降,可以煲些蠔豉瘦肉粥供服,如果嚴重,可以去西藥房買維他命B雜丸服食,能有效減少生痱滋.
芳姐: 妳好!
我成日腸胃都唔係咁好!食嘢稍為食多少少就好似成日頂住咁, 又打唔倒胃氣, 要好耐先打倒,打倒就舒服啲!請問芳姐我這種情況, 是否食香砂養胃丸能有改善呢? 又我適唔適合食十殼粥呢?請芳姐給我指引!
yan:
建議你先服1~2瓶香砂養胃丸,調理好腸胃,才吃十穀粥.你可能是脾胃虛弱,或消化不良,才會出現這種情況,暫時不要多吃豆類,芋頭這等易產生胃氣的食物.
芳姐: 你好!
想請問我有血壓高但時常失眠可否飲淮山蓮子百合黨參圓肉湯,或有其他方法改善失眠,謝謝你!
粱太:
有高血壓不宜用黨參,其它都可以,可加麥米1兩,酸棗仁,柏子仁各3錢同煮,有助改善睡眠,對血壓不會影響.
芳姐:
唔該哂你呀,其實因為之前己經試過用薏仁磨手,但係脫落後又再生出,所以我諗會唔會係我身體需要調理,所以我而家係用冷凍治療,諗住再加上體內調理會更好,但聽了你所說線不適合飲薏仁,那我只好放棄,感謝你的回覆.
apple:
用液化氮治療迅速,很快會能消除,但如果體質没改善,容易受疣病毒感染.大豆芽菜對疣病毒有尅制作用,日常可以多用大豆芽菜煮餸或煲湯.如怕寒涼,可加多幾片薑同煮.
芳姐:
想請教我手生左幾粒疣,所以近幾曰煲左薏米水飲黎治療,但係每次飲完睡覺時常常去廁所,一晚去成有十次廁所,令我訓唔到,引致腰痛加重,身癢及囗苦,請問我應該加咩去煲,可以避免上述情況出現?
還有我正計劃有bb,以及我係熱底唔食得寒野(食太寒條氣管頂唔順)順請指教,萬分感謝.
apple:
手生疣最好用薏仁粉加水開成糊狀作外塗,然後按摩至微微發紅,一段時間後疣可消除,無需飲薏米水,因為過飲薏米水會引致夜尿多的.建議去看西醫,用液化氮消疣,一兩分鐘就可消除.你應該是陰虛體質,平時宜多用沙參,玉竹,麥冬,天冬,雪耳,百合這類食材煲湯作調理.清補涼材料亦適合你.
芳姐, 想問乾薑和生薑有何分別? 食療和應用上又如何區分呢?
yoco:
生薑發汗解表,温中袪寒;乾薑與生薑功效近似,但乾薑辛散之性已減,能袪胃中寒飲,並疏通血脈,偏於治裡寒之証.
芳姐, 您好! 請問此湯適合體質濕熱、陰虛內熱的人嗎
siunam:
此湯適合陰虛內熱人服用.濕熱者去圓肉就可以.
芳姐，謝謝回復。
另外我想問南棗可否日日食，因我會用一粒放在粥內比仔仔食，功效是否同紅棗一樣？
Mabel:
南棗有益,可以每天適量食些少,用一粒煲粥供仔仔食可以,較紅棗好是因為不太燥,和紅棗療效差不多,尚有補腎功效.
芳姐，
近日我經常都覺得好凍（之前唔覺我仲估我是不是坐完月保得好，我仔仔八個月大）前陣時有一早起身湊仔仔時覺得涼，之後就一直都覺得好凍，我怕我會病，平日我又冇咩病徵，只是半夜起床餵奶時有痰。
仲有我仔仔經常瞓得少又易醒，仲有少少好似咬牙（他已有四隻牙仔），我可以煲咩給他。
PS，我是餵人奶，而且他有G6PD。
謝謝
Mabel;
你試用北茋3錢,黨參3錢,乾薑5錢,南棗(或紅棗)6粒,5碗水煮成2碗供服,有助補氣血,暖身體.乾薑在中藥店有售.仔仔咬牙可能是出牙仔不適,可以用蓮子(連芯最佳)1兩,燈芯草3扎煲粥仔供服,有助清心火.
芳姐：你好！很多謝你的答覆，但想問一問此湯可常服嗎？及煲多少時間？此湯水飲幾多次才見效？因本人賞試過很多方法但都不見效，真令人很擔心！謝謝你的幫忙
心急人:
此湯煲個半小時就成,可以一星期服3次,要看個人體質而定,很難說飲多少服見效,反正對症狀有益,又不太貴,作日常保健食療就是.
本人老公好多中醫話佢腎虛，但最主要的是他晚晚就難入夢，易醒，醒了又好難訓番，又夜尿，這個情況已維持十年以上，現五至七日就燉野給他食，他成日性燥，因谷了很多暗瘡上面，請問有什麼湯水可不燥又可令他訓得好點？他手腳又常冰冷，但個人又不怕冷的。謝謝你的幫忙。
心急人:
你丈夫有可能是陰陽兩虛,夜尿多難熟睡,可以用白果15粒,去芯,芡實1兩,核桃肉1兩,百合1兩,圓肉10粒煲瘦肉湯服,對改善症狀有幫助.
芳姐,
近日在身體上發現有些好似血點,細細點紅色的,有小小凸出的,這是甚麼?(例如在肚,手臂,胸)洗唔洗睇醫生?
kk:
身上紅色血點,有可能是血痣,有些在一段時間後會消除,但如果血點越來越多或變大,就必須看醫生,可用激光消除.
芳姐, 您好, 這兩天見仔仔(兩歲半) 把聲沙沙地, 又有痰, 打噴嚏, 係唔係作感冒呢? 應煲咩比佢飲? 好唔好比保嬰丹呢? 謝謝.
澤mama:
可以給保嬰丹仔仔服,亦可以用鮮檸檬片2~3片,鹽少許,泡茶供飲,要趁温熱服,服後休息,有助增强抵抗力,放鹽同泡,有助消除喉嚨細菌.
芳姐,
你好 !
如果經期來時, 但同時牙肉腫痛很熱氣, 可以喝/吃些甚麼下火呢 ? 謝謝你的意見.
MARY:
你試煲些皮蛋鹹瘦肉粥供服,或用花旗參,麥冬各3錢,無花果4粒泡茶飲用,有助滋陰降火.
芳姐:
上星期我到某中醫診所看體質,醫師說我是脾腎陽虛.只是說要吃溫性食物.
請問我可不可以了解多些呢?日常又可以怎樣調理?可喝什麼湯水?
謝謝
Cara
Cara:
脾腎陽虛者除了容易疲倦,精神不振,容易感冒這些脾陽虛症狀,尚有畏寒肢冷,臉色蒼白,胃肢冰冷,心跳過慢,容易腹痛,腹瀉等腎陽虛症狀.平時可以用些健脾益氣之品,如人參,黨參,太子參,花旗參,北茋,靈芝,淮山,紅棗,蜂蜜,杜仲,肉蓯蓉,冬蟲草等中藥作調理.例如用 北茋,黨參,杜仲,肉蓯蓉各3錢,紅棗8粒煲羊肉或牛展湯服.都有幫助.
芳姐,
請問白色與紅色蓮子有什麼分別? 功效那隻好呀?
何寧:
紅蓮子連衣,較為補血,白蓮子煲糖水或煲湯,湯水清一些而已.食療功效連衣蓮子好些.