By 芳姐 ( 21 12 月, 2012 at 7:45 上午)
· Filed under 小兒常見病
小朋友感冒後咳嗽不止,最適合用川貝來作食療,因為川貝能舒緩氣管痙攣.但川貝味苦,小朋友未必肯服用,可以將川貝研成末,納入杮餅內,隔水蒸熟食用,對痰多咳嗽很有幫助.
鮮杮雖然性寒涼,但加工後的杮餅則寒性消失,對寒底之人食用亦無妨.無論寒咳、熱咳都可應用.有清熱潤肺,止咳之效。
用料是: 川貝末2錢,杮餅2個。
做法: 杮餅去蒂,剖開,將1錢川貝末分別塞入杮餅中,隔水蒸10分鐘左右,即可供食,一天分2次服。
~ 小貼士: 杮餅治病,最好用雞心形的京杮.我覺得用韓國雞心形的杮餅最為好味.味道清甜可口,蒸熟了都没有澀味,小朋友都會喜歡食用。
Permalink
感謝芳姐意見
請問玉屏風散係要自己執定有已製成一包賣？係邊度有得買？
我仔歲半有鼻敏感，開頭只係捽鼻流鼻水，呢兩日就夜晚咳同鼻塞瞓唔到，今日日頭都咳多咗，紫蘇葉辛而花北杏紅糖湯，對呢啲狀況有幫助嗎？
玉屏風散又有幫助嗎？
Odilia:
玉屏風散在裕華有售,是一包包沖劑,10包一盒.藥味較重,因藥已磨了粉,但療效不錯的.你可用辛夷花紫蘇葉,北杏各3錢滾紅糖水供仔仔服.玉屏風散有助減少受感染.
芳姐多謝你回覆，但她現在有咳還有些气氣緊，昰否可飲鷓鴣湯？？
yip ma:
没發燒可以飲鷓鴣湯.
芳姐你好：
小女自幼體弱,患哮喘多年，她現12歲，十分瘦小。看了許多中醫西醫，都幫不都她.請問有甚麼可以幫到她？
yip ma:
哮喘患者平時可多用核桃肉1兩,白果10粒,去芯,淮山1兩,南杏1兩,紅棗6粒煲鷓鴣湯,或煲鱷魚肉湯,很補肺氣的.有助增强體質.本來蟲草對哮喘患者最適合,但實在太貴,試用蟲草花1小撮,配杞子泡茶飲,因蟲草花都含蟲草多醣,對你囡囡有益.燕窩亦可一星期燉一碗給她吃.
Eva:
小兒久咳不止,你試用紅蘿蔔1個,切薄片,紅棗6粒,切片,4碗水煮成2碗供細仔服,連服3天,看能否改善?大仔過敏,你試北茋,防風,白朮,辛夷花各3錢,菊花3錢,甘草1錢,烏梅2粒,5碗水煮成2碗服,對鼻敏感,眼敏感,咳嗽等均有幫助.也是連服3劑,看能否有所改善?平時可以用生薏米2兩,茯苓5錢,扁豆衣3錢,紅蘿蔔1個煲瘦肉湯,有助清熱利尿.全家可飲.
芳姐你好,我留意左你在網上寫的湯水很久了，我有2個仔，一個13個月大,自他在9個月大開始咳嗽起來，在這5個月不斷斷斷續續咳，剛好返隔兩日又再咳過，不停重覆，已看過超過20次西醫和幾次中醫，都話係氣管敏感咳和內分泌旺盛，分泌倒流喉嚨導致咳嗽，通常早上起身和睡前比較咳得犀利，有好重痰聲，但日間久不久咳兩聲，有沒有食療或湯水適合13個月飲用，另外一個兒子3歲，每個月都會因為咳嗽而要睇醫生，醫生每次都說他是氣喘導致咳嗽，一咳就成晚不停咳，本身兒子有鼻敏感，成日捽眼捽鼻和流鼻血，睡覺總是很不安寧和有打鼻軒，睡覺用口抖氣和有很大的口氣，尿多數是黃色,請問有咩湯水適合我大仔飲用，唔該!!
芳姐你好, 我個女8歲半,一向是偏嚴重的過敏性體質, 之前不斷有腸胃不適, 鼻敏感,眼敏感等煩擾,上星期初開始咳 , 無咩啖(不知是不是我煲左隻雞做湯用來補身有關). 開始少許咳時我用川貝雪梨南北杏, 無用, 去睇西醫, 食了三四天藥, 無效, 重嚴重左, 前兩天又去看中醫, 話佢之前感冒未淸, 現在變敏感咳, 吃他的藥, 一樣唔得. 現在白天及晚上都咳得很利害, 她說很癢, 忍唔住要咳, 但無咩啖, 我都唔知應該點做, 我都有煲開羅漢果加ginger比佢, 其實都止唔到. 另外, 我細女都有咳, 但無家姐咁嚴重.
再係咁都唔知點算, 你可比d藥方我嗎?
芳姐你好, 我個女8歲半,一向是偏嚴重的過敏性體質, 之前不斷有腸胃不適, 鼻敏感,眼敏感等煩擾,上星期初開始咳 , 無咩啖(不知是不是我煲左隻雞做湯用來補身有關). 開始少許咳時我用川貝雪梨南北杏, 無用, 去睇西醫, 食了三四天藥, 無效, 重嚴重左, 前兩天又去看中醫, 話佢之前感冒未淸, 現在變敏感咳, 吃他的藥, 一樣唔得. 現在白天及晚上都咳得很利害, 她說很癢, 忍唔住要咳, 但無咩啖, 我都唔知應該點做, 我都有煲開羅漢果加ginger比佢, 其實都止唔到. 另外, 我細女都有咳, 但無家姐咁嚴重.
再係咁都唔知點算, 好無助, 你可比d藥方我嗎?
Annie:
你試用炙麻黃2錢,防風3錢,紫蘇葉3錢,甘草1錢,烏梅2粒,5碗水煮成2碗服,連服2劑,看能否改善?此湯對敏感風咳有效.
芳姐,
想問煲豬肺湯是否對鼻水倒流令到咳,是否有效嗎 ? 如是 , 想問點煲才好。
謝！
elaine
芳姐：
請問玉屏风散自己煲，冲剂，那款比較合3歲左右小朋友飲？
如仲有少少鼻涕，可否飲用？謝謝！
238371:
玉屏風散沖劑較理想,因為已磨成粉較易吸收.小朋友都可以飲,一星期2次就夠.有鼻涕都可飲用.
(紫蘇葉3錢,辛夷花3錢,北杏3錢,生薑4片,紅糖少許,3碗水煮成2碗供兩個仔飲)-芳姐,請問呢款湯要連服幾多日??
媽媽愛寶寶:
這款湯可連服3劑.
芳姐,多謝你既回覆,我今日試下煲比佢地飲^^
芳姐你好,首先祝你新年快樂,心想事成!!我有d問題想請教下你,我有兩個小朋友,大仔3歲,細仔7個月,佢地兩個都係早晚咳嗽得好犀利,有時會咳到嘔,咳果時會聽到有好多痰,但係佢地唔識吐出嚟,唔知可以點攪,而且佢地兩個亦同樣有白色濁既鼻水,細仔夜晚還會鼻塞到瞓唔到覺(咁請問佢地淨係早晚咳嗽得特別犀利是否屬於寒咳呢??)
呢兩個半月嚟佢地已經睇咗四五次西醫都睇唔斷尾攪到我好煩惱,請問有d咩野湯水或食療可以幫到佢地??
(北茋,防風,白朮,辛夷花,各3錢,蒼耳子2錢,生薑3片,紅棗6粒,5碗水煮成2碗服,連服3劑)-請問呢種湯水我兩個小朋友啱用嗎??除咗煲粥之外還可以用嚟開奶嗎??另外佢地適合飲川貝,海底椰及鱷魚肉嗎?唔好意思,問題煩多,敬請原諒,謝謝!!
媽媽愛寶寶:
北茋防風白朮三藥同用為一著名湯方,名[玉屏風散],(表示有度屏風般阻擋病邪入侵),小朋友如果容易傷風,感冒可以用此方作防治之用.加辛夷花,蒼耳子,生薑,紅棗是對鼻敏感,流鼻水,鼻塞又易感冒的小朋友(或成年人)很有幫助.你兩個仔仔可以服用,但蒼耳子有小毒,細仔細個,去蒼耳子不要用,其它可用,你可用6碗水煮成3碗,大仔2碗,細仔1碗都得.
要幫仔仔拍背,飲多些温水,有助將積痰排走.晚上咳多屬寒咳,可用紫蘇葉3錢,辛夷花3錢,北杏3錢,生薑4片,紅糖少許,3碗水煮成2碗供兩個仔飲,睡前1小時服,有助宣肺散寒,化痰止咳.海底椰鱷魚肉湯遲幾天鼻水少了才煲.
飲左淮山，芡實湯后大便正常番，点知寻晚出风疹好痕又有少少鼻塞，睇完急症只係得药膏和维他命，有咩方法？
238371:
鼻塞,可在蟬蛻菊花茶中加辛夷花6朵同煮.
芳姐：新年快樂！
238371:
新年快樂!
芳姐:
小兒無胃囗,食少少就話飽唔食,請問煲准山,芡實,陳皮,红棗瘦肉湯有無開胃作用,我唔知佢感冒好番未,仍然有好多鼻水,新到有鼻血,鼻子有D痛,如感冒未清红棗改南棗得唔得.
要用幾多碗水和煲幾耐.
感謝回覆
痰作怪:
吃得藥多脾胃功能差,可以用淮山,芡實這款湯,紅棗可改用南棗.没發燒就可以飲.8碗水煮2小時成4碗,全家可飲.仔仔一天分服2碗.
北茋辛夷花湯,唔加薑,用南棗代替红棗得唔得呢?因有薑煲出來有少少棘,小兒唔知喺米因薑刺激喉嚨不停咳,半夜又咳,訓醒又咳,我自已飲過冇事,飲了少了鼻水,可唔以長時間每星期煲2-3次.多謝回覆
痰作怪:
可以不加薑,用南棗亦得,一星期服2次,可服用一段時間,至體質改善為止.
芬姐:
今日煲你介绍的北茋,防風,白朮,辛夷花,各3錢,蒼耳子2錢,生薑3片,紅棗6粒,5碗水煮成2碗服,連服3劑，小兒飲了後不停咳嗽，咳時好大力咳，間中才有痰聲，多數無痰聲，喉嚨好似有好多痰但咳唔到，咳到”咖咖”聲，我唔識形容，未飲前有很少咳，間中咳一下有痰聲，容易咳好多，喺迷唔適合小兒飲呢？生薑和紅棗喺米吾岩佢飲令佢咳多佐和難咳佐，另外昨天我煲過一次桑棻，菊花，辛夷花，甘草给他飲都無事，想請教芳姐是否繼續煲還是煲其他湯水好呢？感謝回覆!
——————=——-
痰作怪:
你可用第三款湯,北茋,防風,白朮,辛夷花,各3錢,蒼耳子2錢,生薑3片,紅棗6粒,5碗水煮成2碗服,連服3劑,有助增强體質,止鼻水.要幫仔仔拍背,整個背輕拍,拍到有咳嗽時表示該處積痰,要拍多兩下,飲杯温水,有助將痰排走.
————————-
小兒６歲一個星期前發燒低燒38.5度，看西医，氣管炎吃西藥，過了幾來天又感冒有淡黄鼻水和咳嗽有痰(很重痰聲)，西藥仍有三天才吃完，現在感冒後無胃囗，胃脤，面黄黄，唇白，鼻水沒有流出，鼻子裡面仍有多鼻水是透明清浠，咳嗽有痰(痰聲很重)，唔識吐痰，他反反覆覆咳了４倜月和感冒又感感咳，唔知喺唔喺夏天8月初带了他去拜神時，聞了很耐的香燭後就開始咳嗽了，他適合飲以下湯水嗎？請給少少竟見:
1. 霸花花，南北杏各２兩
無花果4-5粒煲瘦肉，煲２小時，感冒後腸胃差飲
2.西洋菜４兩，南北杏1兩，羅漢果半個，红蘿蔔1個煲豬展湯，煲2個半小時，清肺熱，祛痰止咳
3.小兒容易感冒，有鼻敏感，鼻塞，飲邊款湯水提高免疫力和減少感冒，北芪，防風，白术，辛夷花，蒼耳子，生薑，紅棗，小朋友份量應該用幾多呢？
他的情況應該煲那一款先呢？
唔好意思，太多問題！
痰作怪:
北茋辛夷花湯可以是小朋友的份量.霸王花瘦肉湯及西洋菜湯都較寒涼,你仔仔脾胃差暫時不宜服.建議没發燒後可用淮山,芡實各1兩,陳皮2錢,紅棗6粒煲瘦肉湯服,有助健脾袪痰.
現在燒己退，鼻水已收，但腸胃仲係差，大便好稀，胃口又唔好，
还在服腸胃西药，其間可否飲湯水，什麼湯水比較合適？謝謝！
238371:
腸胃功能差,可用淮山,蓮子,芡實各1兩,雞內金2錢,紅棗6粒煲瘦肉湯服,有助健脾開胃,止便溏.
尋晚小兒嘔完后又發燒食药退番，發燒可有那款湯水輔助
？斷斷續續食左二個几月西药，身體越尼越差。
238371:
你可用蘆根3錢,生薏米1兩,雪梨1個,去芯,5碗水煮成2碗供服,或取汁煮粥食用,都有助退燒.怕寒涼可加2片生薑同煮.但發燒只是一個症狀,表示體內病邪仍未袪走,仍在[打仗],才會發熱.燒退後你試用北茋,防風,白朮各3錢,生薑2片,紅棗6粒,5碗水煮成2碗供服,有助增强體質,預防傷風,感冒.一星期可服2次.
小兒６歲一個星期前發燒低燒38.5度，看西医，氣管炎吃西藥，過了幾來天又感冒有淡黄鼻水和咳嗽有痰(很重痰聲)，西藥仍有三天才吃完，現在感冒後無胃囗，胃脤，面黄黄，唇白，鼻水沒有流出，鼻子裡面仍有多鼻水是透明清浠，咳嗽有痰(痰聲很重)，唔識吐痰，他反反覆覆咳了４倜月和感冒又感感咳，唔知喺唔喺夏天8月初带了他去拜神時，聞了很耐的香燭後就開始咳嗽了，他適合飲以下湯水嗎？請給少少竟見:
1. 霸花花，南北杏各２兩
無花果4-5粒煲瘦肉，煲２小時，感冒後腸胃差飲
2.西洋菜４兩，南北杏1兩，羅漢果半個，红蘿蔔1個煲豬展湯，煲2個半小時，清肺熱，祛痰止咳
3.小兒容易感冒，有鼻敏感，鼻塞，飲邊款湯水提高免疫力和減少感冒，北芪，防風，白术，辛夷花，蒼耳子，生薑，紅棗，小朋友份量應該用幾多呢？
他的情況應該煲那一款先呢？
唔好意思，太多問題！
痰作怪:
你可用第三款湯,北茋,防風,白朮,辛夷花,各3錢,蒼耳子2錢,生薑3片,紅棗6粒,5碗水煮成2碗服,連服3劑,有助增强體質,止鼻水.要幫仔仔拍背,整個背輕拍,拍到有咳嗽時表示該處積痰,要拍多兩下,飲杯温水,有助將痰排走.
芳姐你好：
呀囡感冒發燒睇左西醫，食左三日藥，燒退左但咳得好利害特別半夜，發現佢鼻水倒流形成好多痰而且還有口氣，我想停佢藥因為食左藥之後呀囡出好多汗，有冇湯水可以幫下
Celial:
你試用紫蘇葉3錢,北杏3錢,辛夷花3錢,生薑3片,紅糖適量,3碗水煮成2碗供服,有助宣肺散寒止咳,通鼻.汗多可用北茋3錢,浮小麥3錢,紅棗6粒,5碗水煮成2碗服,或取汁煲粥,連服3劑可止虛汗.
芳姐你好，
我仔已十八個月大，最近咳嗽和流鼻水，已睇西醫，但時好時壞，有咩食療可以幚助，可以放埋粥一齊煲嗎？惡魚肉川貝陳皮南北杏可以嗎？thx
Iris:
鱷魚肉暫時不要給仔仔服,待外感好了才飲.咳嗽流鼻水,可試用北茋,防風,白朮,辛夷花各3錢,生薑3片,紅棗4粒,5碗水煮成2碗.取汁煲粥供服亦可.有助增强體質,通鼻.
Pla:
痰多咳嗽可以用法夏,茯苓,白朮各5錢,生薑3片,烏梅3粒,陳皮2錢,蟬衣3錢,甘草1錢,6~7碗水煮成4碗,你先生一天分服2碗,餘者給仔女飲.兒子大半碗就夠.此湯不太好飲,但不苦,能袪痰止咳,可連服2劑,看能否改善?感冒後可用花旗參3錢,太子參3錢,麥冬3錢,北杏3錢,紅棗6粒煲瘦肉湯服,有益氣養陰,潤肺等功效.
要幫仔女拍背,飲多些水,有助將痰排走.
芳姐您好：
小兒1歲7個月，小女3歲及老公；自月初開始感冒，一直服食西藥至今，三人均未見好轉，三人全都有鼻水（小朋友更為嚴重），咳嗽不止，日夜都會咳嗽（一旦咳嗽便連續咳嗽，小兒更會因咳嗽而嘔吐），以及三人非常多痰（小朋友會因此而睡眠不好）！在此想請教芳姐，有什麼湯水可煲給他們？若感冒癒後，又可煲什麼湯？謝謝！並預祝新年快樂！
芳姐妳好，
我爸爸將近80歲，長期吃高血壓藥，身體弱，近期經常流鼻水，多痰，看過西醫，但是經常反反覆覆不停未痊癒，想請教芳姐哪類食療合適他，可以長期食及提高增強他身體免疫力的，多謝妳。
anita:
令尊經常流鼻水,多痰,可用北茋,防風,白朮,辛夷花各3錢,北杏3錢,甘草1錢,5碗水煮成2碗服,有助增强體質,減少流鼻水,痰多等症狀.可連服3劑,如有改善,停3天再服1~2劑.
芳姐你好,
小女今年五歲,經常生病,近期一個月一定至少發燒一次仲兩三天才退燒,每次中醫都說她肺熱,西醫說她喉嚨發炎或肺炎或氣管炎,今日她又開始發燒,咳,真的令我很頭痛,請問芳姐平時煲甚麼可以增強抵抗力,她經常熱氣又可以煲甚麼?謝謝!
cc 你可以經常煲些羅漢果水供服,用半個,加無花果4粒,有清熱利咽功效.燒退了,可用北茋,防風,白朮各3錢,紅棗6粒,5碗水煮成2碗,一星期飲用2~3次,至體質改善為止.此茶能提高免疫力,減少患傷風,感冒疾病.
同上面位網友所說差不多，好番後可以煲以上呢個嗎？
238371:
你囡囡今次發燒,如果有咳及黃痰,必須看醫生,因為如果肺炎可以很嚴重,必須住院治理.如果喉嚨發炎或氣管炎,通常是因囡囡體質偏弱,抵抗力差,故停在喉嚨的細菌,病毒就很易作怪.可用羅漢果半個,千層紙(即木蝴蝶)3錢,胖大海3錢,3碗水煮成2碗服,有消炎利咽功效.燒退了才用北茋這款湯.
芳姐您好：
小兒3歲6個月，自中秋後開始咳，感冒.又發燒睇完醫生後好番十日八日又黎過,上星期睇完食完藥以為好番，基本上呢雨個月都係食藥多,末好過！
現在無咳啦又輪到腸胃唔好，十日前就肚痾，今日食完早餐又嘔.見完醫生又係話腸胃唔好，真係好頭痛！我睇晒上面d回貼，唔知要煲邊一種湯水先？麻煩晒，並預祝：新年快樂！
238371:
令兒腸胃不適,如果糞便不是臭穢不屬細菌感染,可以用炒扁豆,芡實各1兩,紅棗6粒煲粥服,隨量服用,連服3劑可止腹瀉及便溏.平時可用北茋,防風,白朮各3錢,生薑3片,紅棗6粒,5碗水煮成2碗服,一星期2次,有助增强免疫力,預防傷風,感冒.
應該是空氣吾流通互相傳染，我們都有睇醫生食緊西藥，想問下芳姐有乜湯水可以調理下，還有我大女呢排夜晚訓得吾好，容易喊醒，日頭又容易發脾氣同情緒化，請問可以煲D乜俾她飲？
yanfong:
你試用沙參,麥冬,玉竹各3錢,蘋果,雪梨各2個,南北杏1兩煲瘦肉湯.全家可飲,有助滋陰潤燥,化痰止咳.大女睡得不好,可能有點心火,試用蓮子,百合各1兩,燈芯草3錢,5碗水煮成2碗供服,連服3劑,有清心安神作用.
yanfong:
咳一時三刻好不了,全屋人都咳,要留意是什麼原因引致,是空氣不流通,或是其它原因引起?如果咳了一段時間未好就應該看醫生.
我前日燉左川貝苹果，尋日煲左萊菔子，白芥子，蘇子粥，今日又煲左西洋菜湯，但是屋企各人都仲有咳，請問可以怎樣去安排食療？每天該煲什麼湯水去調理？
多谢芳姐，但浓痰老是去不掉，平时什么汤火有效？医生说时间好长3，变得慢性了。
zhan140:
你試用海底椰3錢(要正品,有狗牙鋸齒,及果肉紋那種),陳皮2錢,北杏3錢,無花果4粒煲鷓鴣湯服,有助止咳袪痰.此湯全家可飲.或用法夏,茯苓,白朮各3錢,陳皮2錢,甘草1錢,烏梅2粒,僵蠶3錢,生薑3片,5碗水煮成2碗服,有有效清痰,要連服3劑.(此為成人一人量)
有什么食疗可帮助？
ZHAN140:
你試用羅漢果半個,千層紙(又名木蝴蝶)3錢,胖大海5粒,3碗水煮成2碗服,有消炎利咽功效.可連服3劑.
现医生说咽后壁滤泡增生，气管尚有炎症，他还咳有黃白痰，喉咙痒就咳，想问有什么
芳姐你好，我仔之前支气管炎，喉咙发脓脓，之后一直咳嗽，反复有2个月，且有过敏性鼻炎
我流鼻水，咳起來很多痰声但咳吾出痰，喉嚨干渴，
嘴唇也很干，饮好多水都觉得口干，请问可以煲什麼汤水？
yabfong:
你可以用西洋菜4兩,羅漢果1個,紅蘿蔔1個,陳鴨腎2個煲豬展湯服,此湯全家可飲,有滋陰潤燥,去痰止咳功效.煲夠2~3小時就不寒涼.
好多謝您的耐心解答！
祝您圣诞快樂！
yanfong:
節日愉快!
我试下燉川贝苹果汤俾她們饮，是未西药两小時后服用？虫草花冲茶是不是要完全好晒后才可以饮用？
yanfong:
川貝燉蘋果可以吃西藥後2小時服食.蟲草花茶病好後作保健茶飲.
芳姐：
聖誕快樂啊!前兩日我煲咗紫蘇北杏茶給囡囡飲，因她怕藥味所以溝奶，鼻水還有點聽到胸腔Hi呼聲都咳了一兩個月了早晩咳，舌苔白發脾氣便便硬形體好瘦，燉雪梨加冰糖她可以吃嗎？風寒咳是屬寒咳嗎?可以煲什麼湯水給她飲增強營養?多謝了!
豆豆:
你可以替囡囡拍背,幫助將積痰拍鬆,然後飲多些水,有助將痰排走.可以用白蘿蔔1個,生薑3片,南北杏1兩煲瘦肉湯飲,對寒咳有幫助.雪梨冰糖對熱咳患者好些,不如燉木瓜更潤肺.可以雪耳,杏仁燉木瓜,全家可飲,又富營養.
现在连阿妹都气管炎入左医院，请问有乜汤水可以煲俾她饮？
苏子，白芥子，莱菔子煲粥她们吾肯食，可以怎樣做？
yanfong:
咳嗽痰多,川貝有助化痰止咳,用川貝燉蘋果她們肯服用嗎?可加些少蜜糖,好味些.要服用一段時間才見效.平時可用蟲草花切碎,泡茶供服.蟲草花含有蟲草素,較冬蟲草便宜很多.
芳姐，您好! 請問敏感咳是否適合食此川貝末蒸柿餅? 祝願聖誕快樂，身體健康
小滋滋:
敏感咳可食此川貝蒸杮餅.連服2劑,看能否改善?
请问苏子，白芥子，莱菔子是未就甘同D米一齐煲？
yanfong:
蘇子,白芥子,萊菔子很細粒,宜入茶包袋中,與白米煮成粥服.
多謝芳姐，我明天就買來煲
yanfong:
你可以用紫蘇葉3錢,生薑3片,北杏3錢,紅糖適量,3碗水煮成2碗供服,有助止嘔,止咳.另外可用蘇子,白芥子,萊菔子各5錢煲粥給兩個女服,對咳嗽痰多很有效.隨量食用.
还有是我大女呢两晚都呕，又吾想食也，我可以煲D乜俾她食？！
芳姐，
你好！我揾吾到你之前講食療的留言，麻煩你再复一次！
大女2歲4個月，睇醫生話气管炎，現在食緊抗生素，鼻水已無流，但還是咳，咳起來好似好多痰，痰聲較重。
細女9個月，也是咳同流鼻水，同樣食緊西藥，她咳起來都好似好多痰，鼻水清且濁。
我也咳嗽，喉嚨好似火燒甘，也流鼻水，清且濁。
請問我們可以煲什麼湯水飲？煲乜粥仔俾她們食？
麻煩你
芳姐，
你好！我大女刚睇左西医，话是气管炎，要食抗生素，你之前讲的食疗还可以食吗？还是,转其他？
yanfong:
氣管敏感可以服我講的食療,吃西藥後2小時飲.
芳姐，
多謝你教我煲菊花桑葉辛夷花甘草茶已飲2天，我兩小朋友(分別三歲半及四歲半)，鼻涕少了但白色的，依然有帶少少偏黃痰但不是咳得厲害，且易咳出的，現在可煲什麼？？感激
Lily:
現時西洋菜當造,可以用西洋菜4兩,南北杏1兩,羅漢果半個,紅蘿蔔1個煲豬展湯服,煲夠2個半小時,有助清肺熱,袪痰止咳.
thx 芳姐^^
芳姐,我想問熱咳多痰可以煲咩湯水飲呢? thx!
Andrea:
熱咳多痰,可以用川貝末2錢燉雪梨湯服,加些蜜糖更佳.有清熱化痰止咳作用.或用鮮龍脷葉1兩,羅漢果半個,雪梨1個,去核煲瘦肉湯飲都有療效.