By 芳姐 ( 5 7 月, 2011 at 6:09 上午)
· Filed under 小兒常見病
在雞檔間中有急凍水鴨賣,以前有活水鴨賣時,用來煲湯真的非常清甜美味,現在急凍的味道相差甚遠,但水鴨滋陰補腎,不寒不燥,對病後體虛,虛不受補人士最為適合.
[蟲草花淮杞芡實水鴨湯] 有調補氣血,滋補五臟功效.對體弱多病,痰多咳嗽小兒,或經常頭暈耳鳴,腰痠背痛,夜尿頻人士很有益處.
用料是: 蟲草花5錢,淮山1兩,杞子4錢,芡實1兩,生薑2片,急凍水鴨1隻,瑤柱3粒.
做法: 水鴨劏洗淨,斬件出水;其餘材料浸洗;將全部材料放入煲內,用8碗水煮約3小時成4碗左右,飲湯吃湯料.
~ 小貼士: 此湯對體弱,容易咳嗽,脾胃虛弱小兒有裨益.對一些不宜用雞作調補的癌症病人亦非常適合.
Permalink
想問唔落芡實可以嗎?
芬姐你好,請問我仔仔5個月大日頭冇乜咳,但夜晚就有咳,其實可以飲湯吗?
kit:
你試用洋葱1個,去衣,切塊,放碗中,隔水大半蒸半小時,用湯匙壓洋葱汁供服,大約得汁約3湯匙,晚上供飲,有助止咳.
謝謝 芳姐
謙媽:
如浸的水清澈看到碗底,是天然色,没問題;如浸的水混濁看不見碗底表示染色品,不能用.
買左D 大頭既蟲草花, 不是浸水, 而洗水時已脫色, 有問題嗎? 但煲湯出黎味道同埋都好香,用廋肉加淮山煲, 係湯水較深不太透明, 係唔係多數無問題?
小兒:
喉嚨敏感,你可以用羅漢果1/4個,牛蒡乾1湯匙泡茶飲,可沖泡至淡,連服3劑,看能否改善?
芳姐你好:請問喉嚨敏感㷛乜湯水好,謝謝
芳姐你好:喉嚨敏感㷛乜㷛水好
芳姐你好,
我小朋友23個月..佢身體唔好成日都病,宜家先得個22磅.佢唔鐘意食野..我朋友介紹我煲蟲草湯佢飲…我想問22個月可以嗎? 同埋蟲草花同冬蟲草係唔係同一樣野黎架?
thanks!
Mandy:
仔仔可能脾胃虛弱,試用淮山1兩,雞內金2錢,麥芽5錢,紅棗6粒煲瘦肉湯供服,6碗水煮成3碗,仔仔可服1碗.蟲草現時售價極貴,7千幾八千多元1兩,如果你經濟能力甚佳吃之無妨;但小朋友吃幾萬元蟲草實在太誇張!可以用蟲草花,蟲草花含有冬蟲草的蟲草多醣,只是没有蟲體的蟲草菌類,可以用蟲草花1兩,淮山1兩,杞子3錢,紅棗6粒煲豬展或雞湯供服.兩款湯一星期可1~2次,有助改善脾胃功能.
我個女10個月大,有鼻敏感可以用蟲草花㷛粥或者湯嗎?,多食\飲用可以嗎?其實我想增強女女抵抗力,因為女女由7個月開始每個月都要睇醫生。thank you!
MEI:
蟲草花煲粥或煮湯可以供囡囡服,可配這款湯的材料,或配雪耳,杏仁,無花果潤肺之品,常服可減少上呼吸道疾病.
芳姐,你好,我想問,因為我同囝囝7歲都係哮喘同氣管敏感,三日唔埋兩日就要食醫生開的敏感藥同類固醇藥,我地可以飲咩湯呢?同蟲草花煲水可唔可以日日當水飲呢,如果可以咁要煲幾耐呢?我每次都係有小量蟲草花加$10瘦肉煲大火半小時,有4碗水左右,多謝解答~
kwan:
蟲草花泡茶飲有益,但最好買優質,貴價一點的.哮喘可以用白果15粒,去芯,核桃肉8個,南北杏1兩,紅棗8粒煲粥服,一星期2次.你可一次吃10粒白果,仔仔吃5粒,核桃肉亦吃些才有益.此粥對肺脾腎皆有補益作用,可改善哮喘症.
我的小孩现在5岁4,一直的身体都好差,上个月先住院,过了大半个月又是感冒发烧咳嗽,我每日都煲瘦肉汤给他饮,但是身休都是好差。有什么汤水好。
一心一意:
你試用太子參3錢,淮山1兩,雞內金2錢,紅棗6粒煲瘦肉湯供服,一星期2次,有助健脾胃助吸收.吸收好身體才會健康.日常要多飲水,多做運動,飲食營養均衡才可減少受感染.
我的小孩现在5岁4,一直的身体都好差,上个月先住院,过了大半个月又是感冒发烧咳嗽,我每日都煲瘦肉汤给他饮,但是身休都是好差。
芳姐, 您好!
請問此水鴨湯適唔適合小兒(三歲)飲, 因之前有心火盛的情況出現, 但現在已經無……??
現只有少許咳及流鼻水的(外感未清晒).
不好意思, 又要麻煩芳姐, 無言感激.
Connie:
蟲草花湯小兒可以飲,但如有便秘,不要加芡實.金銀花茶亦可以飲.
請問我先生最近有耳鳴,㷛什么湯水好呢?我聽講水鴨,嚮螺好的,不知加什么一起㷛呢?謝謝
shun:
你可以用製首烏5錢,杞子4錢,黑豆1兩煲水鴨或響螺湯的.煲塘虱魚都有療效.
芳姐,我小兒今年四歲,佢冇傷風感冒,但成日流鼻水,夜晚會有鼻塞,有好多乾鼻屎,請問你我可以煲咩湯水比佢,謝謝
June:
看來你仔仔可能是鼻敏感了.試用北茋,防風,白朮各3錢,白芷2錢,辛夷花3錢,5碗水煮成2碗供服,一星期服2次,連服一段時間可改善症狀.
你好 芳姐
請問之前問 你 如何打水豆針 要連飲3天竹庶芧根水,請問打針當天要相隔幾小時 才可以飲呀?
另請第4天 可以飲此湯嗎, 可以加上紅棗嗎
謝謝!
amylam:
你指打水痘針要怎樣服茅根竹蔗薏米水?打針後2小時就可以飲用.連服3天通常已足夠.如果再服,加紅棗没問題的,但無需一直飲用下去.
芳姐,你好!囝囝(2歲8個月)尚有鼻涕和咳咳(痰咳),可否飲用此湯?謝謝!
Kris:
如果没有發燒,都可以服用.
芳姐:
請問有皮膚問題 (敏感或濕疹)是否不適合食水鴨呢?d人話水鴨毒.
謝謝!
Fiona:
有濕疹最好少吃鵝,鴨類,水鴨本來没問題,但都是人工飼養的,你都不太適合.
有咩湯水,可合寒底而氣管差,鼻敏感平常飲用?
依排成日捽眼,會五會熱氣?
還有咩湯水,可清熱?
五花荼,夏枯草可飲嗎?
lummun:
成日捽眼,都是過敏症狀.可以試看那篇[桑菊銀花北茋茶],有助鼻敏感和眼敏感.
可否廋肉代水鴨 ? 如果可以, 功效是否一樣嗎 ?
cc:
水鴨滋陰補腎,瘦肉滋陰潤燥,可以用瘦肉代替,但功效自然不一樣.
蟲草花可以煲水飲有什麼功效 ? 小朋友可以飲嗎 ? 煲幾耐時間 ?
cc:
蟲草花含蟲草多醣,有補益肝腎,强壯體質,防癌功效,小朋友可以服用,如煲水飲滾5分鐘就成,可飲湯吃湯料.
芳姐 我想問燉肉汁對小朋友有什麼好處 做法是什樣的? 有什麼情況下不可以飲? 是要連續煲來飲或是隔一段時間先再重覆煲? 煩請指教謝
fung yee:
如果炎症已好,可以服此湯
囡囡的扁桃腺炎已绖完成抗生素療程,剛剛停了二了是否適合服以上的湯.
女兒6歲在剛剛出完水痘之後扁桃線發炎,很容易傷風,感冒此湯適合嗎或可否有些方便的湯水.因是在職媽媽
fung yee:
你囡囡如果尚有炎症未好,就不宜飲這個補益湯水,待扁桃腺炎症好了才飲.容易傷風,感冒,可以用北茋3錢,防風3錢,白朮3錢,紅棗6粒,生薑2片煲瘦肉湯服用,有助增强免疫力,減少傷風,感冒.
芳姐,
早晨, 再次多謝你的指教.
我今日會煲龍脷葉湯俾仔仔飲, 想請問仔仔本身屬寒底可以飲用此湯嗎? 另, 仔仔還在吃傷風藥, 咳藥和化痰藥, 可同時飲用此湯嗎? 請問用多少水煲? 煲多久呢?
謝謝!
Catherine:
龍脷葉性平,羅漢果性寒涼,而加了蘋果湯就很平和,用5碗水煮1小時成2碗左右即成.服西藥後2小時服就可以.
芳姐,
想請問仔仔已完成一個抗生素療程, 但每日下午的體溫都會偏高(37.3-37.6之間, 但沒有發燒). 醫生就建議多吃一個療程的抗生素, 但本人就不太想給仔仔再吃抗生素, 希望他可以用自己的抵抗力去打低病毒. 想請問除了竹庶水(飲了兩天)之外, 還可以給他飲什麼湯水? 現在間中還有少少鼻水和一兩聲咳嗽, 痰就好像沒有少過, 但咳不出來.
仔仔吃了西藥有一星期了,面青青, 體重還輕了.
Catherine:
服抗生素後會破壞胃口,你仔仔可以多飲些水(茅根竹蔗馬蹄紅蘿蔔水,或用蘆根薏米雪梨煲的水都有助清餘熱),另外可以用鮮龍脷葉1兩,羅漢果半個,蘋果2個煲湯服,有助化痰止咳.等咳嗽好了,餘熱清了再作調補.
Catherine:
你仔仔喉嚨有點紅可能是發炎,可以煲些茅根竹蔗馬蹄紅蘿蔔水供他飲,可加些少冰糖.茅根能殺病毒,加馬蹄等同煮湯,有助清熱退燒.用量隨意,仔仔肯當水飲就得.服抗生素都可以服,不相沖的.
芳姐,
仔仔睡著咳嗽的問題己解決, 謝謝!
另外, 仔仔於星期一晚有輕微發燒, 星期二開始有咳嗽, 帶痰. 吃了退燒藥, 體溫漸漸回到正常溫度(36.4-36.8度). 不一會, 體溫又再次回升(37.2-37.8度). 昨日帶他去看醫生, 醫生說咳了多天, 而體溫又比正常偏高, 喉嚨有點紅, 最後開了抗生素給他吃. 我想他多飲水, 請問在這段期間可以煲什麼湯水給他喝?
現在食緊西藥,都可以?
lunmun:
服西藥後2小時服就没問題.
芳姐,你好
感激你的意見,有小小補充,我的兒子現仍食緊西藥情況,咳的情況仍存在,特別在晚上會較日頭多小小,很像一路不能斷尾咁款!而芳姐亦提議咩湯水作(日後)調埋之用。
但現在很心痛兒子,不停咁食藥都未能根治,想問問芳姐現在階段有咩食湯水或食療給兒子用好?有助慢慢再減輕他的咳。
Ref:
兒子3.5歲,自五月至今開起感冒,食西藥
近十日見好轉,只餘下咳嗽聲並沒有痰,所以帶看中醫斷尾….但更並沒有好轉,唯由再用西醫跟埋斷尾,雖然這兩天情況有好轉,但晚上瞓時又多了鼻塞了;我都唔知點好?請問有咩方法?
兒子,中醫都提過他較虛,
西醫:氣管差
lunmun:
你試用紅蘿蔔1個切薄片,紅棗10粒,4碗水煮成2碗供服,連服3天,能治久咳.北茋白朮辛夷花湯亦可煲來飲,以增强體質.虎乳靈芝等補益湯則外感清了才飲好些.
芳姐,
好多謝你呀, 但我知青木瓜好寒涼, 特別係大肚婆係唔食得既, 咁呢個青木瓜煲無花果瘦肉會唔會好涼架? 大肚婆飲唔飲得架? 15個月既bb又飲唔飲得架? 謝謝.
Clara:
青木瓜由於有輕微收縮子宮作用,故孕婦不宜食用.並非寒涼之品,一般人甚至小兒都可以用木瓜煲湯服用.
芳姐你好,
我老爺上年做左大腸癌手術同化療, 前兩日做左年度檢查, 醫生話癌細胞無擴散其他地方, 至於腸鏡既結果要21號先知, 但照腸鏡時又見到大腸生左瘜肉, 已即時切除, 但點解老爺做完手術1年, 咁快又生瘜肉? 係咪因為佢唔介口, 因佢仲成日食筍,同時不時食蝦蟹, 請問呢0的係咪唔食得? 係咪要介口介得好清架? 有無咩食療可以防止瘜肉翻發?
仲有我老公驗左有幽門螺旋菌, 已食左西藥, 我老公姑媽因患胃癌過身,我老公爺爺亦因食道癌過身, 依家我老爺又患大腸癌, 所以我真係好擔心我老公, 請問有無食療針對幽門螺旋菌? 我老公可以點樣保護胃部?
雖然我阿b得15個月, 但因為家族病史既關係, 我可以點樣幫阿b預防同加強體質呢? 真係唔該你呀…………..
Clara:
腸生瘜肉和個人體質及遺傳因素有關,有時未必關食筍等發物引起,但多菜少肉幾時都是好的.
中藥蒲公英對胃幽門螺施菌有抑制作用,但其性寒涼,故不能長期服用.青木瓜的乳汁能保護胃壁黏膜,故可以多用青木瓜煲無花果瘦肉供服,此外,西蘭花,椰菜花,椰菜等十字花菜都對胃有保護作用,可常食.
你阿B只得15個月,不用過於担心啊!只要自小養成多菜少肉,均衡飲食習慣就没有事的.
你好,
兒子3.5歲,自五月至今開起感冒,食西藥
近十日見好轉,只餘下咳嗽聲並沒有痰,所以帶看中醫斷尾….但更並沒有好轉,唯由再用西醫跟埋斷尾,雖然這兩天情況有好轉,但晚上瞓時又多了鼻塞了;我都唔知點好?請問有咩方法?
兒子,中醫都提過他較虛,
西醫:氣管差
lunmun:
你兒子肺氣弱,可以用虎乳靈芝3錢,雪耳2錢,南北杏1兩煲鷓鴣湯作調理,但外感未清不宜服.平時可以用北茋3錢,防風3錢,白朮3錢,辛夷花2錢,紅棗8粒,5碗水煮成2碗供服,能增强免疫力,預防傷風,感冒及鼻敏感.
芳姐:我BB十二个月,今日发烧,三十八度四,不知道是不是昨晚吹空调吹的。应该怎么好?
芳姐你好,
我老爺上年做左腸癌手術同化療, 可唔可以飲呢個水鴨湯呀? 但中醫不嬲都話鴨同鵝係濕毒架,如果係咁食鴨係咪唔好架? 阿b15個月可唔可以飲呢個湯呀? 仲有老爺好鐘意食筍, 係福建出產既筍. 筍係咪都唔可以食架? 因為中醫話好毒, thx…….
Clara:
鵝及筍屬發物,故任何癌症及有皮膚病患者都忌食.本來鴨没問題,但現時大多數鴨都用激素飼養,故最好少食,水鴨屬野生,又滋陰補腎,故可以用來作癌症病人調養品.筍很有益,並不有毒,但為安全計你老爺最好不要吃了.此湯嬰幼兒可以飲.
芳姐您好:
我兩個小孩反覆咳了長時間,有時日咳,有時夜咳,有時乾咳,有時有啖聲………..
5歲大女.發現她舌尖爛了(她說不痛.看上去舌台有白色,但舌尖位像脫了皮紅色).她仍有咳,次數不多,但一咳就很重啖音…
3.5歲小女.咳的情況同姐差不多,她也爛了嘴角..
7月7日我煲了淡竹葉,菊花,杏仁茶給她們飲…我本想明天煲海底椰川貝瘦肉湯給她們飲.
現在這狀況適合嗎?我很不懂分析她們的狀況,是熱是寒是虛是…….
請您指教我這笨媽媽
十分多謝您的無私指教…
ADA媽:
你囡囡的情況可能是脾胃積熱,最好鮮榨一些苦瓜汁,調入少許蜜糖飲用,但小朋友大多不喜苦味東西,試用綠豆,薏米各1兩,桔梗3錢,甘草2錢,陳皮1片,冰糖適量,6碗水煮成3~4碗供服,兩個囡囡都可以飲,有助清熱解毒,止咳.
咁聽人講話加幾粒無花果得唔得呢?
Ling:
可以加無花果的,好味又有益.
HI! 想請問下蟲草花可否煲水飲用? 如果是可以的話一人份量是多少, 怎樣煲? 可隔多久飲用一次?
謝謝你.
Ling:
蟲草花可以煲水飲,一人量大約5錢,3碗水煮2碗就可以.一星期飲用2~3次.
芳姐,
想請問蠔豉同淡菜可以一齊煲湯嗎? 淡菜有何功效, 甲狀腺有問題的人可以飲用嗎?
麻煩你多多指教, 非常多謝你 ^^
芬女:
蠔豉,淡菜可以一齊煲,淡菜能補肝腎,益精血,助腎陽,消癭瘤.對甲狀腺腫有療效.
芳姐:
又有事情想請教, 如果在月經來時, 頭很痛, 要吃強力的頭痛丸才能止頭痛, 請問有否中藥成份的藥丸可止頭痛呢? 因怕吃西藥太多有副作用, 又平曰有什麼方便的食療呢?謝謝!
Blli:
經來頭痛可以用川芎2錢,白芷3錢,天麻3錢煲瘦肉或魚頭湯服,有良效,可連服2~3天.
芳姐,
多謝你的指教, 我會嘗試煲給仔仔飲用.
另外, 我昨晚用紅蘿蔔加紅棗12粒煲水給他飲, 他很喜歡飲用呢. 想請問什麼時候用紅蘿蔔? 什麼時候應用白蘿蔔? 仔仔是否不宜飲用紅蘿蔔紅棗水? 昨晚還有咳, 分開三個不同時段咳(12點左右, 3點左右, 5點半), 但沒有嘔吐, 枕頭稍為升高好像好少少.
Catherine:
久咳未愈可以用紅蘿蔔紅棗水;風寒咳嗽宜用白蘿蔔水.
抱歉,電腦壞機!未能回應問題!
蟲草花有怎工用呢?
Lilian:
蟲草花含蟲草多醣,有潤肺補腎,護肝養顏,抗癌等功效.可以用於虛勞久咳,支你管炎,夜尿多,頭暈耳鳴,體弱多病等.
芳姐,
本人兒子四歲多, 不知為何他每晚睡著不久就開始咳? 越咳越密, 嚴重時會將晚飯全都嘔出來. 但他白天和晚上是沒有咳嗽的, 睡著就開始咳了(午睡間中有一兩聲, 但不是太利害). 另外, 我發現他睡著不久, 肩膀附近的位置會出汗(開著冷氣), 大約半小時左右就沒有再出汗了, 晚晚如是. 年頭曾經帶他去見中醫, 醫師說他氣弱, 體弱, 陰虛, 肺熱. 但已經聽醫師說掉所有寒涼食物, 個多星期煲一次黨蔘龍眼肉淮山杞子豬展湯給他飲.
芳姐, 請指教可以煲什麼湯水給兒子飲用? 兒子身體是否很虛弱?
Catherine
Catherine :
你仔仔晚上咳,可能屬寒咳,試用白蘿蔔半個切片,生薑3片,紅棗6枚,蜜糖少許,蘿蔔,生薑,紅棗先用4碗水煮成2碗,待飲時加些少蜜糖服用.有寒宣肺,止咳功效.連服3天,看效果如何?平日可以用北茋3錢,浮小麥5錢,黑豆1兩,紅棗6粒,5碗水煮成2碗供服,有助止汗,補益氣血.加瘦肉同煮亦可.
你好芳姐
請問蟲草花如何分真徦呢, 我見到葯房買1大包都是80元.
amy:
蟲草花由於產地不同,大小粗幼不同而售價有分別,以乾爽,粗條,色澤鮮明者為佳品.現時國內大量培植,售會由10元兩至20多元一兩都有.
HI芳姐,
多謝您!上次教我買青黛粉,要到舊色药房才有!
今次再要請教蟲草花用水洗是否會脫色?因買過脫色不錦食?Tks**
Best Regards,
King
King:
蟲草花本身是橙黃色的,浸水後會有些少脫色,是正常的,不要緊,就像杞子浸水後有些少色素脫色一樣.
芳姐,
你好!家人今天做通波仔手術,請問有甚麼湯水可作調理身體?還有甚麼是不可以吃的?多謝幫忙!
蚊蚊媽媽:
做完通波仔手術宜用清淡一點的飲食,例如飲些蔬菜湯,番茄薯仔湯等,可煲些北茋瑤柱陳皮煲粥供服,有助快些康復.
芳姐: 前日諗住去雞檔買水鴨, 檔主話依個時候無水鴨的, 要到8-9月入秋才有得賣!
WAI:
你說得對,應該8月左右才有急凍水鴨賣.我這張食療照是早兩個月拍的,今早寫這篇文章時一下子忘了水鴨尚未當造.抱歉!可以改用鷓鴣或瘦肉代替.