By 芳姐 ( 6 7 月, 2012 at 7:00 上午)
· Filed under 外感/頭痛/呼吸道病
上月回鄉見有不少村民在自家的園地種魚腥草,農民不會浪費任何土地,丁點兒可種植的地方如圍牆邊,斜坡上都會種些有用的植物.故一到端午節,每家每戶都可以在自家園子裡拔幾根艾草擺放門前作辟除穢氣用.
魚腥草有清熱解毒,消腫排膿,利尿袪痰功效.適用於肺炎,肺熱咳嗽,熱毒瘡腫,尿道感染等.新鮮魚腥草煲水,加蜜糖服,對肺熱咳嗽,腎病綜合症患者有療效.
用料是: 新鮮魚腥草2兩(乾品1兩),蜜糖適量.
做法: 魚腥草洗淨,用4碗水煮30分鐘,取汁加蜜糖即可飲用.
~ 小貼士: 此湯亦可預防中暑.用魚腥草煲雪梨湯,對支氣管炎、肺病(包括肺結核,肺癌患者),痰多黃稠者很有益.但魚腥草不宜久煮,脾胃虛寒者慎用.
Permalink
想請問魚腥草,孕婦及G6DP可服用嗎?另外想請教一下,因小兒有G6DP(3歲),他比較煩燥、熱氣,有冇D湯水或煲D乜嘢可以俾佢清熱?最好孕婦都可服,因我而家懷有身孕。謝謝你
Candy:
魚腥草孕婦和蠶豆病人士可以用.仔仔有熱氣,可以煲些茅根竹蔗紅蘿蔔馬蹄水清熱,全家可飲.孕婦亦可服用.
芳姐,請問是否要把魚腥草汁放涼後才加入蜜糖?
熱放會否變酸?
金金:
蜜糖如果加熱至攝氏80度,會破壞有益物質.故最好魚腥草稍放涼才加,大約5分鐘左右就可拌入.
楊太:
魚腥草偏涼,可以加一把炒米,糖冬瓜可以用.
芳姐,您好,煲魚腥草如果太寒涼,可吾加一點煮飯用既白米,給小朋友服用,是否放糖冬瓜比片糖較好,謝謝
请问芳姐,鱼腥草带葉的和根莖部分哪个較好?作用一样吗?
芳姐,肺炎飲的话可加咩一起煲?
Fanny:
吃西藥2小時候飲就成,煲20分鐘.
您好,芳姐
如在吃西药中,可否煲鱼腥草?同煲多久時間呢?
芳姐,
明白,謝謝。
火馬駿星:
你朋友可以用虎乳靈芝,雪耳各3錢,淮山,蓮子,芡實各5錢,陳皮1塊,紅棗6粒煲瘦肉湯,6碗水煮成2~3碗,飲湯吃湯料,一星期2~3劑,連服1個月,有助健脾益氣,助吸收,强肺氣.
芳姐,
我有位朋友年前経歷肺炎再隔年肺痨。其间消痩十磅,現在食極唔肥。她胃不好的。她説看过中医無乜改善。請問有什麼湯水可以幫她作調理呢?請指教,謝謝幫忙。
肺結核:
肺結核患者最好用白芨3錢,雪耳3錢,杏仁1兩煲瘦肉湯服,一星期2~3次.煲1小時就夠.魚腥草湯煲20分鐘就成.
每次煲了一個鍾可以嗎?
要怎樣跟什麽青草藥才有效呢?
mendy:
你試用法夏,茯苓,白朮,桔梗各3錢,陳皮2錢,甘草1錢,5碗水煮成2碗供服,有助化痰止咳.
本人.睡着咳醒,但日夜好多白色痰,煲甚麼好?.
芳姐,
小兒(2歲10個月)早兩日開始有咳,疑似有痰,昨晚半夜咳醒不停咳,之後就低燒,可以係魚腥草瘦肉湯嗎?已經2日冇大便。
Maymay:
你試用蘇子,萊菔子各3錢入茶包袋,無花果3粒切碎煲瘦肉粥供食,有助化痰止咳,通便.
本人睡着咳醒,但日夜好多白色痰,煲甚麼好?.
Tang:
你可以用羅漢果半個,無花果4粒,切片,3碗水煮成2碗,一天分服,有助潤腸通便,利咽消炎.一星期3次.
你好芳姐,請問長期吸煙人士影響了大便3⃣️日才去1次,有透明痰, 由其喝完糖份飲料立刻就會有些痰咳出來,可以介紹一些湯水給我嗎?感謝!
芳姐你好,生毒瘡一直治不好,可不可以用鱼腥草,有效用吗?谢谢!
朱太太:
鮮魚腥草能作外敷,能抑制瘡痈膿腫.你可以買鮮魚腥草,一半拿來煲水飲,另一些拿來洗淨,搗爛敷患處,一日敷2次.
芳姐,你好,我个女晚上训觉时就咳,训入觉就冇咳了,请问煲什么汤比拒饮好呢?
peggy:
你可以用乾品魚腥草1兩,生薏米1兩,甘草1錢,先將薏米,甘草用5碗水煮半小時,加入魚腥草,再煮20分鐘可服.
芳姐您好,
因為買不到新鮮的魚腥草,可以用乾品代替嗎?今天喉嚨有白色液體黏住,和喉嚨有些發炎和發熱,還有少許是痰白色的和少許咳嗽,我煲魚腥草湯還要加其他藥材嗎?
謝謝您的回覆!
peggy:
可以服2劑魚腥草湯.
芳姐您好,
我上個月的感冒一直拖到10天前變成鼻竇炎,要服用抗生素現在已經痊癒,但是當食煎炸食物或飲咖啡就會咳嗽有痰(白色帶黃),請問我的情況可以飲這魚鯹草湯嗎?
謝謝你的回覆!
楊太:
魚腥草孕婦可服.但半夜咳多屬寒咳,魚腥草對熱咳有效,寒咳宜用紫蘇葉,北杏各3錢,生薑3片,3碗水10分鐘供服,有散寒止咳及安胎作用.
芳姐,請問孕婦能喝魚腥草嗎?
我自孕三個月起至今七個月均有咳嗽(以前未試過連咳咁耐),主要半夜咳,有黃或稠白痰。這是否和懷孕有關?喝魚腥草有效嗎?還是吃甚麼好呢?
謝謝。
芳姐你好,又来麻烦你喇,我有朋友早排发烧,求其食咗退烧药,无耐又发烧,跟住有肺炎,现食紧消炎药,但效果麻麻,咳得比较厉害,有痰,好多,痰系绿色,鱼腥草适合佢饮吗?还有什么方子可以给佢煲来改善呢?谢谢芳姐!
Rain:
如買到新鮮魚腥草最好,能清熱解毒及化痰, 每次用2兩,北杏3錢,桑白皮5錢,先用5碗水將北杏,桑白皮煮45分鐘,加入鮮魚腥草,滾15分鐘,加少許赤砂糖即可飲用.有清瀉肺熱,止咳化痰功效. 我見旺角奶路臣街街巿有兩大檔生草藥檔,經常有新鮮魚腥草賣,你問問檔主就知道.
芳姐你好:
我父親九十歲,前三個月開始,氣管及肺突然轉差,不停咳及有濃痰,看咗專科,醫生話佢個肺纖維化咗因佢吸煙咗四十年。需然食咗西藥,但仍有咳嗽,氣喘,有濃痰及喉嚨痕,他瘦了很多。現睡覺要用氧氣。還有他身很痕,要食止痕丸,這持續已有一年多,醫生亦無辦法除食藥之外。他現在有食前列線及氣管藥。請芳姐指引。謝!
Angel:
令尊年紀大,加上吸煙多年,肺出毛病難免,如經濟能力許可的,可燉些燕窩給他吃,用中藥白芨3錢,燕窩2錢同燉半小時服.白芨為療肺聖藥,雖然味道麻麻,但不苦的.可一星期服3~4次.如嫌太貴,可用雪耳代替.皮膚癢試用純紹興酒,用藥棉沾些少酒塗痕癢處,會有止癢作用.超巿有售,用貴些少那隻紹興酒.
芳姐你好,唔該曬你先。今日系第三日飲龍脷葉湯,咳少左好多,但系有痰聲。聽日會試用蘇子個款藥粥,想問下,唔用白米,用小米可唔可以架?
CAR:
小米有益,但黏稠度不足,可以加一把白米與小米同煮.
芳姐你好,今晚我都煲左龍脷葉三果湯,今晚系落埋雪梨,因為我見佢下午開始,咳既時候有痰既聲音,聽日都會繼續煲。想問下,除左法夏白朮個個湯方之外,仲有邊款湯水可以清痰,因為我個仔今晚咳既時候,痰聲好似越來越重,甘系米代表開始好喇?因為之前佢都系好似大人喉嚨痕個種咳甘,咳個時會聽到有”HEHE”聲~
CAR:
痰咳可用蘇子,白芥子,萊菔子各3錢,入茶包袋,與白米煲粥供服,有助清痰.或先將藥用5碗水煮成2碗,取汁煲粥.痰多是氣管分泌物增加,如痰黃綠色就要看醫生.痰轉白,没有’hehe’聲是好轉之象.龍脷葉湯可以繼續飲.
芳姐你好,唔該曬你先~尋晚煲左龍脷葉蘋果無花果紅蘿卜南北杏,另外我加左D果皮,唔知怕唔怕,因為我見個仔夜晚同早上咳得比較厲害,我唔知佢會唔會系寒咳,所以我唔敢落雪梨同羅漢果。其實,我唔太識分佢有無痰…另外,佢之前一直都有睇醫生,但系醫生只系開左收鼻水同化痰藥比佢,我林住煲下湯佢調理下,睇下會唔會好D先。我見佢吃極西藥都無好轉。另外,我已經連續兩晚比佢聞蒸汽,感覺好似有有D效用。
CAR:
聞蒸氣是可以舒緩呼吸道不適的,但要小心別要燙着.可以用龍脷葉蘋果紅蘿蔔南北杏果皮花果湯供服,較為平和不會寒涼.龍脷葉寒咳,熱咳都可以用,配料用較平和的對小兒會好一點.可連服3劑.
芳姐你好,想問下,魚腥草的根莖用來煲湯,是否可以止咳?我睇左你之前既POST,有講過話魚腥草系針對熱咳,甘想問下,近呢一個月,我個仔反覆發燒。前幾日發完燒之后開始有流鼻水同咳,咳個時聽落去就唔似有痰,鼻水有時見到系好清,有時又見到有黃綠色,甘想問下佢系屬于寒咳定熱咳?甘可唔可以飲魚腥草根莖煲既湯呢?
CAR:
魚腥草有清肺熱,止咳作用.適合熱咳人士,你仔仔如果痰黃綠色,表示有炎症,可以用魚腥草根莖煲水代茶飲,但建議都是看醫生好.因為你仔仔反覆發燒,表示病邪袪之不走,如果不懂吐痰,痰多積聚就容易造成肺炎,要服抗生素才成.可幫他拍背,拍到有咳時表示該處積痰,要多拍幾下,飲大大杯水,有助將痰排走.不如用鮮龍脷葉1兩,羅漢果半個,雪梨2個,去核,北杏3錢煲瘦肉湯服,8碗水煮成4碗,可分2天服用.有止咳化痰功效
芳姐, 你好,
已煲了三天此食料, 合桃肉1兩,北杏3錢,白果肉6粒(要去芯),加陳皮1塊,紅棗6粒煲粥供服,小兒痰+咳好像差不多, 沒有明顯好轉, 請問還有什麼食料或湯水給小兒服用.
WinnieSin:
你試用川貝末2錢,蘋果1個,陳皮1塊,2碗水燉1小時服,連服3劑,有化痰止咳之效.
你好,芳姐
煲合桃肉1兩,北杏3錢,白果肉6粒(要去芯),加陳皮1塊,紅棗6粒煲粥供服, 請問紅棗需要去核嗎 ? 水份量是多少?煲幾多小時 ? 食此粥其間, 還可以什麼湯水輔助?
Winnie:
紅棗可去核.水份按你平時煲粥情況加減,因為我自己用西施煲煲粥,所以和用普通煲加的水量不同.用煲來煮粥水會揮發多些.煲1小時就成.
芳姐
小朋友出水內外應該怎樣調理,是否處理不當容易生蛇?
Man:
很多人都會出水痘,這種水痘病毒會一直寄居在人體內,當抵抗力弱時就會作怪,生蛇.出水痘最重要不要抓破水痘,否則會有豆皮.可以用紅蘿蔔1個,芫荽葱各3棵,馬蹄8粒,生薏米1兩,6碗水煮成3碗,一天分服,有助減少不適.另外可買[臘梅油]作外塗,止痕癢.
你好, 我仔仔兩歲9個月, 有G6PD,上個月中患上中耳炎, 西醫話鼻水倒流產生中耳炎,睇了三次醫生, 食了兩個療程的抗生素+收鼻水,化痰止咳藥,睇第三次醫生説好了8成, 剩下痰及,咳嗽再開收鼻水,化痰止咳藥食完后, 因痰+咳還未清, 又不想帶小兒再去第四次醫生,嘗試煲了你在小兒常見疾病中猴頭菇淮山茨實百合瘦肉化痰湯晚上服, 下午飲辛夷花蒼耳子白芷北茋,預防鼻水倒流, 這兩款湯飲了一週, 但痰+咳沒有明顯好轉, 我亦嘗試買位元堂猴棗未純100% 給小服食了5天(早晚各一支) 但痰+咳都沒有好轉, 帶他看中醫説是鼻敏感及鼻水倒流, 又開了猴棗未+蒼耳子(3錢) 服用兩晚. 上週六發現小兒鼻涕+痰帶綠”好杰”, 已即時帶去門診睇醫生, 醫生氣管好弱, 痰已去到氣管,可能是氣管炎, 但因小兒咳得太久, 醫生已說要照肺, 報告一週後才出,醫生開了抗生素+收鼻水,化痰止咳藥。小兒睡覺暫時沒有咳, 請問是不是爇咳 ? 是否可煲上述新鮮魚腥草2兩(乾品1兩)這款湯, 小兒經常食西醫藥, 脾胃是不是已虛? 食西藥其間,否可飲上述新鮮魚腥草2兩(乾品1兩)這款湯? 還有什麼湯水適合小兒現時服用. 点解小兒痰+咳這麼久不好?
Winnie:
你仔仔可能屬敏感體質,故抵抗力較弱.但凡咳嗽不止,多因肺,脾,腎功能差,故可用合桃肉1兩,北杏3錢,白果肉6粒(要去芯),加陳皮1塊,紅棗6粒煲粥供服,有助補益肺脾腎,止咳化痰.魚腥草較寒涼,你仔仔已在服西藥,暫時不要給寒涼食療了.煲這款粥,連服3劑,看能否改善?
芳姐,你好!
本人丈夫是從事體力勞動工作,請問有甚麼湯水、茶水可飲用。(他有些寒底)
謝謝你!
潘太:
你試用鮮牛大力2兩,杜仲3錢,千斤拔1兩,牛膝3錢,豬脊骨1斤煲湯服,8碗水煮3小時成4碗,全家可服,你先生飲2碗.一星期2次,有助補腎益氣,强筋壯骨.此湯並不寒涼.可常服.
花旗參,麥冬,茯神各3錢,無花果4粒,胖大海3粒,5碗水煮成2碗,花旗參後下,一天分服,可經常服用,有助改善肺熱或虛火引起的咽喉不適.<———-請問大約煲幾耐??半個鐘會否大小???另外藥房話茯神3錢好小,建議我用1兩,會否太多????花旗參後下是否煲好才放花旗參焗一會????many thank^^希望唔好介意我咁多問題,多多包涵!!
cathy:
茯神有時是1大塊,可用5錢,花旗參含揮發油,煲太久有益物質會揮發掉,故最好切薄片,煲好湯才放入,滾幾滾或焗片刻即成.
芳姐,您好!我這一兩星期覺得喉嚨不舒服,有嘢頂住,少咳黃痰,有時覺得有種喘不過氣的感覺。請問煲甚麼中藥會好些?我有試過飲牛蒡無花果焗水和甘草焗水飲,可能是嚴重少少,沒怎麼見效。
kathy:
你可能有點肝氣不舒,試用法夏3錢,厚朴2錢,茯苓3錢,蘇葉2錢,生薑3片,柴胡2錢,郁金3錢,香附3錢,陳皮1塊,5碗水煮成2碗,連服2劑,看能否改善?
芳姐,
早晨,我係素食者,請問陰道乾燥不用海參和花膠,可用什麼代替,謝謝
曉華:
素食者陰首乾燥,宜多用黃耳(或雪耳),杞子各3錢,百合1兩,玉竹5錢加冰糖,6碗水煮成2碗,飲湯吃湯料.
芳姐你好,想問近幾日都有頭痛,平時好少有痛的,係幾日都同一位置痛,喺後面右下處,係陰陰地脹脹下咁痛,唔知係咩事?可以食咩幫助呀芳姐?謝謝
皓兒:
後腦右邊脹痛,可能屬神經性頭痛.但頭痛的成因複雜,更分不同類型.如頭痛遇熱舒服些,吹冷風則加重,屬風寒頭痛,可用川芎2錢,白芷2錢,生薑3片,紅棗6粒滾大魚頭湯服,5碗水煮成2碗.飲湯吃魚頭;如頭脹痛,口渴兼尿黃,便秘屬風熱頭痛,可用桑葉,菊花,白芷各3錢,薄荷2錢,甘草1錢,4碗水煮成2碗服.如頭脹痛,伴心煩易怒,面紅耳赤,睡不安寧,可用夏枯草1兩,菊花3錢,冰糖適量煲水代茶服.
你好…早幾日去睇中醫,醫生話我有西醫俗稱我”慢性咽喉炎”,佢話我咽喉生得比較窄,加埋濕熱底,一食煎炸野或辣野同埋唔夠訓就好易喉嚨痛,佢比左條方我平日煲來飲,
條方就係:天麻,花旗蔘,麥冬.伏神,無花果,蜜棗,瘦肉
但佢叫我份量隨意,我想你建議下個份量幾多同埋有無d咩要加同係咪真係o岩我,一星期可飲多小次??小朋友寒底飲唔飲我此湯???
另外仲有咩湯o岩我呢個情況平時飲用?因我都幾鐘意食煎炸野和辣野,又要湊小朋友經常唔夠訓…….以前都食得多都唔會咁,可能年紀大了!!thank you u 幫忙^_^
cathy:
你這條方用天麻有點奇怪,因為天麻主要是治頭暈目眩,或熱病動風抽搐,肝虛頭痛等的.你患慢性咽炎,可用花旗參,麥冬,茯神各3錢,無花果4粒,胖大海3粒,5碗水煮成2碗,花旗參後下,一天分服,可經常服用,有助改善肺熱或虛火引起的咽喉不適.
芳姐;
因更年期陰戶乾燥得很,用了凡事林舒服些但因太油生油芝粒,有什麼可用而又不油呢,因驚乾燥會損傷,謝謝!
LING:
更年期出現陰道乾燥是常見之事,可以多燉些花膠,海參服食,配肉蓯蓉5錢,巴戟5錢,杞子4錢來燉有良效,一星期可服2~3次.用凡士林適量就成,不要用太多.如有不適,建議看婦科醫生.
芬女:
海底椰可配雪耳,南北杏,無花果同煮瘦肉湯,不寒不燥,可放心飲用.
芳姐,
你好, 想請問海底椰是否一定要配鱷魚肉同川貝 ? 可有其他代替, 有覺鱷肉喝後燥,
川貝又寒, 本人底子又屬虛寒. 故請多多有勞賜教, 謝謝你!
芳姐,
桑寄生, 紅棗, 雞旦茶需煮多久, 有何作用 ? 尚有少許感冒可以飲的嗎?
另外 三七煲豬展同上情況下又飲得嗎? 謝謝你寶貴意見!
粉絲:
桑寄生紅棗蛋茶有補肝腎,安胎,養顏潤膚等功效,煲1小時就成,但外感未清不宜.三七豬展湯亦最好感冒好了才服.以免病邪坐大.
芳姐:你好!
我先生說去小便時去不清,請問飲這個魚腥草茶是否有幫助呢?這茶涼不涼的?甚麼體質的人不能飲?謝謝你!
Yi:
你先生要留意是否前列腺有毛病.可以用魚腥草加茅根1扎同煮湯,4碗水煮20分鐘飲用,有利尿消炎功效.此湯寒涼的,體質偏寒人士要加生薑及蜜棗同煮.平時可多吃些番茄(需煮熟才食),南瓜子(即白瓜子),有助預防前列腺毛病.
謝謝芳姐上文的回覆 , 我想問芳姐 , 豬蹄同豬腳根是不是同一樣東西呢 ? 孕婦吃豬蹄是不是有益呢 ? 跟豬手有何不同啊 ?
Babi:
豬蹄即豬脚或豬手,豬脚筋是豬脚或豬手的筋,如果將肉連筋起出就是豬腱(俗稱豬展).產婦吃豬蹄煲的湯有催乳作用.孕婦懷孕後期都可以食,以助產後乳汁增多.但不宜吃太多,因為連皮煲湯食用都很肥膩的.
四物湯和八珍湯應如何服用? 謝謝
陳太:
四物湯補血為主,八珍湯是四物湯加上[四君子湯],能大補氣血,對氣血虛弱人士有益,可煲竹絲雞或豬展湯.