By 芳姐 ( 29 3 月, 2015 at 3:52 下午)
· Filed under 家常食療, 小兒常見病
早前由於要為新書進行拍攝,去上環買了不少中藥材,見店中有一顆顆的虎乳靈之及孢子頭金蟲草,分別買了一些,配南北杏、無花果煲鵪鶉湯,湯味香濃,有補益肺氣、防咳喘等功效。此湯對小兒肺弱,或成年人經常咳喘者均很有幫助。
虎乳靈芝又名虎奶菇、南洋茯苓等。是一種珍貴的食、藥兼用真菌。該菇蛋白質含量高達45%,還含有葡萄糖、果糖、甘露糖、麥芽糖及鈣、鉀、鈉等元素。其菌核具有輔助治療胃痛、水腫、高血壓、哮喘、便秘、神經系統疾病及促進胎兒發育等功效。
金蟲草又名蟲草花,現時坊間有孢子頭蟲草花及長條狀蟲草花,療效相若,但孢子頭顆粒大些,香味較濃。兩者對肺弱容易咳喘者都很有益。
用料是:金蟲草3錢,虎乳靈芝3錢,南北杏1兩,無花果4粒,生薑2片,法國急凍鵪鶉2隻。
做法:鵪鶉劏洗淨,出水;其餘材料洗淨;將全部材料放入煲內,用8碗水煮約2小時,調味即成。
~ 小貼士:此湯能補益肺脾腎,小兒可常服,但感冒發燒者不宜。虎乳靈芝最好整個買,買好才叫店員代切片,可以較耐存放。
~ 小啓:近日工作很忙,未必能回應到所有廻響,敬請各位網友原諒!
Permalink
感謝你芳姐。
RA1113:
尚有鼻塞,可以用辛夷花6朵,葱白3棵,2碗半水煮10分鐘,調些少蜜糖服.平時可用玉屏風散防傷風感冒.材料是北茋,防風,白朮各3錢,生薑2片,紅棗6粒,5碗水煮成2碗供服,一星期2次.
Hi 芳姐:
小兒3歲半幾日前感冒食咗西藥,但尚有鼻水同鼻涕(微黃)同鼻塞,請問可以煲什麼湯水或中藥有幫助?另外,請問有無什麼湯水有增強體質和預防感冒,謝謝。
NAM:
小朋友濕疹不宜吃零食,因為零食化學品及調味料重,對身體不利,尤其是本身濕重者.試用鮮土茯苓2兩,赤小豆,扁豆,薏米各1兩,蜜棗2粒煲瘦肉湯,煲夠2小時,此湯全家可飲,小朋友一天飲2碗,一星期2~3次,有清熱解毒,利濕消疹功效,但要服一段時間才見效.多與小朋友傾談,了解小朋友在學業或其他方面有否遇壓力?因為很多時壓力大,精神緊張病情會加重,宜多作鼓勵及支持,多作開解.
芳姐您好:
小朋友10歲.天氣開始熱,手,腳很多濕疹,這幾多就連臉頰周圍都有,應該飲些什麼湯水可以消除濕疹皮膚? 吃零食多是否另濕疹更嚴重.
謝芳姐.
CANDY:
你可以用白蘿蔔1個去皮,切粒,用2湯匙蜜糖拌勻5小時,會滲出蘿蔔水,每次用半杯,加些温熱水調勻供服,一日3次,有助止咳.囡囡可以用辛夷花6朵,拍碎加蜜糖,用熱水焗6分鐘服,每日1杯.
芳姐, 想問仔仔2.5歲,咳左半個月, 仲係有好多痰唔0識吐出黎, 可以煲咩飲呢
另女兒5歲,有鼻敏感, 早晚稀流鼻水, 訓覺有鼻塞, 可以煲咩飲呢
謝謝
YING:
你試用茯苓,白朮,法夏各3錢,陳皮2塊,甘草1錢,生薑2片,5碗水煮成2碗供服,連服2劑,看能否改善?平時可多用淮山,芡實,蓮子,茯苓煲瘦肉湯供服.
芳姐、想問下小孩五歲半……成日都痰上頸、好像痰卡喉嚨,但痰出5到泥。飲咩湯水好
芳姐你好,
見你教人煮牛肉汁話很補脾胃,所以我弄左一碗給小女喝。可能本人不是很喜歡牛肉所以覺得很像有點腥,同埋湯汁上面有一層褐色的模不吃?其實需不需要落調味?如果弄其他的肉汁例如豬肉汁或雞汁會不會有同樣的效果?另外小朋友如果日日吃麥皮好不好呢會不會臊?
謝謝你。
那如果買哂又上材料大概幾錢左右?
KAMMY:
只要没發燒,囡囡可以飲此湯.痰多加塊陳皮及2錢北杏同煮.
請問依個湯水我囡囡飲得嗎? 2歲8個月 佢成日都好多痰 瞓覺有時會氣速 有時咳到瞓吾到
芳姐你好,
女儿2岁之前请教过你鼻水倒流敏感,你教落服用玉屏风散辛夷花茶现今有点改善,看西药照了X-Ray 话他的喉通道很窄和红腫,所以容易造成鼻敏感复发鼻水倒流进耳朵造成炎症,要用类固醇喷鼻和喝坑敏药水一个月,之后想话带他看中医调料下但只是配左辛夷花+桑菊,他话女儿是阳体是不是即是热底,他话小朋友无需喝玉屏风散因会热气,虎乳靈芝呢滴药材话会扰乱身体以后吃药抗力会比较底是不是真的?但是我觉得你教的汤水喝了有改善。另外想请教你女儿貌似出大牙,但是同时又有生了2粒囗疮,可以点样减轻不适,晚上睡得不稳,同埋舌头依然很白,鼻敏感又没好喷紧类固醇需要注意滴咩汤水有相冲吗?所以不敢乱煲。
感谢芳姐。
芳姐、你好
小兒今年五歲半、因夜晚鼻塞流鼻水氣喘而難入睡
有冇方法解決?
湯水、涼茶都可以、麻煩你。
芳姐:
你好!第一次给你留言,唔知应该去边度写,求其稳咗篇来留言,希望你可以睇到。
我女现在2岁2个月,近排晚上发现距呼吸好似有气管炎咁,有时系咕噜咕噜个声,有几声咳,但白天好正常,又无咳嗽,亦无呢地症状,晚上多汗,训唔稳,我试过炖川贝雪梨给距饮,好似还严重D,请问距呢种情况系热还是寒,如何通过食疗来治疗(去睇过医生,话系有痰,但我女唔肯吃药),麻烦芳姐指点下,谢谢。
JENNY:
小兒脾虛易生痰,因為中醫認為[脾為生痰之源].平時多用茯苓,淮山,芡實煲湯供服,有助健脾袪痰,可一星期2次,全家飲每樣1兩,可加陳皮,生薑及紅棗適量煲瘦肉湯.現時痰多,最好是用蘇子,白芥子,萊菔子各2錢,入茶包袋,加肉碎同煮粥供服,連服3劑可清痰止咳.川貝雪梨能化痰止咳,但偏於熱咳.晚上痰咳多屬寒咳.
JOJO:
如只燉給囡囡飲,各藥材用5錢,紅棗4粒,節瓜1個燉瘦肉,4碗水燉2小時,可供2天服.
一星期先燉2劑(服4天),如改善了,一星期燉1劑就成.
芳姐:
您好!您话用淮山,蓮子,芡實,茯苓,薏米各1兩,紅棗6粒,節瓜2個煲瘦肉湯供服,此湯全家可飲,囡囡一天分服2碗,有助健脾利尿去濕,改善面色.一星期2次.系一家人噶量?还是囡囡 一个人噶量,如果我想单独炖俾巨饮,请问下量几多啊?谢谢!
芳姐你好,
小兒兩歳,早上和半夜常常咳(他咳了兩個月了)有痰不過咳晤到, 因為他有nuts敏感,㷛湯不能用杏仁和南北杏. 請問可以㷛什麼湯水可以幫佢止咳好? 多謝!
ANDY:
你試用白蘿蔔半個,去皮切粒,用蜜糖浸過面,會有蘿蔔水滲出,你用滲出的蘿蔔水,加一半温水調服,一日2~3次,有助止咳.浸蜜糖的蘿蔔都可以食.
芳姐:您好!好耐没请教您了。我囡囡18个月,因尿路反流每日都要食一剂抗生素,预防尿路感染,但系食抗生素引起体质差D,面色青青,请问我平时褒咩汤水帮巨补补呢?多谢!
JOJO:
你可以用淮山,蓮子,芡實,茯苓,薏米各1兩,紅棗6粒,節瓜2個煲瘦肉湯供服,此湯全家可飲,囡囡一天分服2碗,有助健脾利尿去濕,改善面色.一星期2次.
MAVIS:
南棗用6粒,可以用2碗水煮15分鐘服,飲湯吃南棗.
你好 芳姐,
請問用南棗焗茶, 每次需要用幾多粒, 同埋要幾多水, 要煲嗎?
M:
你試用白蘿蔔半個,去皮切粒,用蜜糖浸半天,用滲出的蘿蔔水加温熱水(每樣一半)拌勻供囡囡服,一日2次,浸蜜的蘿蔔可以適量吃些少,有助止咳.
VIVI:
廣華的中醫都是經驗好的中醫師,你先去看普通內科,如有需要,他們自會轉介.陰虛火旺或氣陰兩虛,醫師看你舌象,把把脈就知道,到時你要問醫師你的體質情況.
MAVIS:
懷孕可以飲,一日一劑,連服3天.5碗水煮成2碗,一天分服.南棗不用去核,可以焗茶飲,焗茶飲連南棗同吃療效就佳.
芳姐
請問如何分辨我是 陰虛火旺者,還是 氣陰兩虛者呢?
請問我想看廣華中醫,是否要看專科嗎?我如何知道那位中醫有經驗呢?謝謝!
芳姐你好:我女兒24歲,咳左兩星期還未好,睇左醫生,醫生話佢敏感咳,食左藥都冇改善。日夜都,咳,請問有咩食療可以幫助她?謝謝
你好 芳姐上次你話夢多,試用蓮子,百合,茯神各5錢,紅棗6粒,煲瘦肉湯服,煲夠1小時,飲湯吃湯料,連服3劑,
請問系咪懷孕中都可以飲?
連服3劑既意思系咪每日1次, 飲3日?
請問系用幾多碗水黎煲?
我屋企有D南棗,想問下用黎焗水好, 定系拎黎煲湯既療效會好D?
聽人講紅棗要去核,甘南棗需要去核嗎?
謝謝,芳姐^^
MISS MAK:
蟲草雞精是温燥的,陰虛火旺者不宜.
雪:
姬松茸可配淮山,杞子,雪耳,紅棗.
KAREN:
你試用白果15粒,去芯,薏米1兩,馬蹄8粒煲腐竹糖水供服,連服3劑.另外用生的白果,搗爛塗患處,15分鐘後清洗,有助加快消暗瘡.
芳姐:
蟲草雞精是否很燥熱?
是否每個人都飲得?
芳姐:
姬松茸煲雞,要放些什麼材料?
芳姐:
小女14嵗青春期額頭生了很多暗瘡,有膿頭,黑頭, 酒米, 現在開始漫延至眉頭及位面位置,可能青春期加上讀書壓力及夜眠, 請問煲咩湯飲能減輕呢?
請問如何選購乾貨紅棗?
在商店一定有兩至三款供選購,而售價差別都很寬,約$2x 至$8x一斤,看上去,最平一定是細粒些,中至高價體積就中至大型些,但因每天都要煲水,用量都幾多,最平價是否不好? 不同價錢的紅棗其功效可有分別呢?而妳選用的是那類呢?
你好,我屋企有D南棗,想問下用黎焗水好, 定系拎黎煲湯既療效會好D?
聽人講紅棗要去核,甘南棗需要去核嗎?
謝謝,芳姐^^
你好 芳姐上次你話夢多,試用蓮子,百合,茯神各5錢,紅棗6粒,煲瘦肉湯服,煲夠1小時,飲湯吃湯料,連服3劑,
請問系咪懷孕中都可以飲?
連服3劑既意思系咪每日1次, 飲3日?
請問系用幾多碗水黎煲?
吾該晒你啊 芳姐^^
芳姐
請問如何分辨我是 陰虛火旺者,還是 氣陰兩虛者呢?
請問我想看廣華中醫,是否要看專科嗎?我如何知道那位中醫有經驗呢?謝謝!
!我對狐惑病不太了解,讀中醫時教授只略提過是免疫力失調致皮膚黏膜出現炎性變化的一種病症.陰虛火旺者用導赤湯+知柏地黃丸,氣陰兩虛者用補中益氣丸+增液湯.建議看經驗好的中醫作治理.
芳姐,最近早上起床觉得好攰,有痰,舌头发黄有严重口气,请问有乜食疗可以改善咁既状况?谢谢!
芳姐你好:我女兒24歲,咳左兩星期還未好,睇左醫生,醫生話佢敏感咳,食左藥都冇改善。日夜都,咳,請問有咩食療可以幫助她?謝謝
芳姐您好!我個女今年8歲,我最近發現阿女的舌頭中間裂開,有些白點。不知是什麼原因?而且比同齡的小朋友矮小.請問要如何調理? 麻煩芳姐!
楊太:
虎乳靈芝湯主要是强肺氣,可以配白果10粒,去芯,桃核肉,杏仁各5錢,無花果4粒,紅棗4粒煲瘦肉湯供服,能止咳定喘,强肺氣.
芳姐,您好,姪子常咳,氣喘,醫生開蒸氣,但不見其效,醫生說天氣翻覆有這情況,可用虎乳靈芝煲湯嗎,可有甚麼湯水作食用,謝謝
訪客:
大間急凍肉食店,如大昌,吉之島等都有售.65元一對.
芳姐,請問你在那里買鵪鶉 ?
MAVIS:
屁股常生瘡,可能生坐板瘡,試去裕華買[片仔癀暗瘡膏]作外塗,一日2次,有助改善.夢多,試用蓮子,百合,茯神各5錢,紅棗6粒,煲瘦肉湯服,煲夠1小時,飲湯吃湯料,連服3劑,看能否改善?
你好 芳姐 我老公PET PET成日生蒼 系因為咩? 有咩食療可以幫到佢
我成日都發夢,成日都覺得好似吾夠訓甘.請問系咩原因? 我懷孕中 請問有咩食療可以改善
謝謝~!
小雲:
你試用蘇子,白芥子,萊菔子各3錢,入茶包袋,瘦肉碎適量,煲粥供囡囡食,連食3天,有助化痰止咳.肉碎可待粥煮好後,拿走藥袋,加入肉碎及少許調味,煮至肉熟就可食,會好味些.
你好, 芳姐
小女今年 2 歲半, 一開學病到而家(係氣管問題多). 上星期入左院 4 日(因為連續2晚發高燒及發冷, 本身又咳左成個半月)我地擔心佢有肺炎, 所以入院. 出院時, 醫生話驗過仍無中流感病. 只不過係普通傷風感冒.
之前睇過中醫, 佢飲過一次中藥後, 真係止左咳, 但之後不肯再飲中藥. 我地又試過燉川貝雪梨, 川貝燉其他材料既湯水, 發覺佢每次食完川貝仲咳左.
小女過往病徵:
鼻敏感, 眼敏感, 成日頸痕(但又唔覺有濕疹), 夜咳嗽(咳嗽時有氣喘已經持續半年有多), 多痰. 容易傷風感冒. 一連四季日/夜睡眠可以成頭汗, 全身濕笠笠.
小女現時食緊抗身素, 有咳嗽(昨天嘔左好多痰出黎), 昨晚佢咳, 我聽到既係乾咳間中有痰聲) ** 一直都有聞氣來舒緩氣管(但本人覺得效用不大)
請問佢而家食緊抗生素可否有些湯水幫助吓佢化痰止咳, 強壯肺氣. 我應該如何幫佢調理, 增強身體, 補肺. 佢而家 31 個月人仔, 得 24 磅, 面青青, 面無4兩肉. 做父母既見到都心痛.
希望芳姐可以比些意見我如何改善阿女體質.
Fong Tse,
可以在西環哪處買虎乳靈芝又名虎奶菇、南洋茯苓? 謝謝
chau wai ha:
我在上環皇后大道西買,那條街有很多間中藥店都有售,多是舊鋪老店,你自己去格格價.