By 芳姐 ( 15 3 月, 2014 at 8:48 下午)
· Filed under 外感/頭痛/呼吸道病
正宗非洲海底椰越賣越貴,故巿面充斥着偽品.真的海底椰顏色雪白,有條深啡色的邊,細看有果肉紋及呈狗牙狀,可以很大片;而偽品邊緣很滑,完全没有果肉紋,亦不會有狗牙形態,同時大多數淺褐色,很少會雪白明亮.當然售價相差甚遠,正宗海底椰要150~175元一兩,偽品二,三十元一兩,有研究說偽品其實為產自東南亞一種果實,名為[丹],其並無化痰止咳作用.
海底椰配淮山,杞子煲鷓鴣湯,對肺氣虛弱,容易咳嗽及痰多人士最為有益,如近日無鷓鴣賣,可用急凍鵪鶉或竹絲雞代替.
用料是: 淮山1兩,杞子3錢,非洲海底椰2錢,無花果4粒,生薑2片,鷓鴣1隻.
做法: 淮山,杞子,海底椰浸洗;鷓鴣劏洗淨,出水;將全部材料放入煲內,用8碗水煮約個半小時,即可連湯料同食.
~ 小貼士: 這味湯鮮甜美味,全家老少可飲.常服此湯,有助增强體質,令皮膚滋潤有光澤.
Permalink
芳姐你好'請問正宗非洲海底椰是否不適合寒咳?
只適合燥咳'氣管敏感咳對嗎?
正常冇咳時可以用來健肺嗎?
訪客:
正宗海底椰對任何咳嗽都有益.冇咳都可以健肺氣.
芳姐淮山蓮子茠苓芡實是四神湯,我看到一些人說如果有食降血壓藥嘅人不適合因為這湯有降血壓功效、咁少朋友飲了怕不怕會血壓低?謝謝
玲:
四神湯很平和,有三高症人士都可飲用.唯一容易便秘者不宜多服.
謝謝
這個湯水可加瑤柱嗎
Yee:
瑤柱能增加鮮味又有營養,可以加的.
唔該
芳姐, 小朋友夜晚開冷氣,朝早起身容易流鼻水有什麼湯水可以增強抵抗力?
小朋友胃口可以,但面色又不太好,唔紅潤,偏黃,請指教
MayMay:
小朋友容易鼻敏感,平時可以煲圖中這款鷓鴣湯供服,也可以用淮山,蓮子,茯苓,芡實各1兩,紅棗5粒煲豬展湯,全家可飲,有助增强體質,健脾胃助吸收.
芳姐可否加瓜果?應該那一種瓜果比較適合?
謝謝芳姐
訪客:
合掌瓜,節瓜都有益正氣,可以用.
唔該曬
芳姐!這個淮山,蓮子,茯苓、芡實,紅棗,豬展湯可否再加粟米,和鷓鴣?
蓮子1両大概幾多粒到?
如果五公升水,要用幾両?煲一個半鐘?謝謝
玲玲:
淮山,蓮子,茯苓,芡實多人飲用可用4兩,紅棗25粒,可加多些粟米以增加清甜味.1兩=37克左右,你當1克1粒蓮子計就差不多.人多飲煲夠2小時吧.
芳姐淮山蓮子茠苓芡實是四神湯,我看到一些人說如果有食降血壓藥嘅人不適合因為這湯有降血壓功效、咁少朋友飲了怕不怕會血壓低?謝謝
四神湯可否加太子參呀芳姐
芳姐妳好,
想問此湯鷓鴣+海底椰再+冬草蟲會否過補呢?可用燉方式嗎?
May:
可以加冬蟲草,用燉的方法更佳.
芳姐妳好,
想問此湯鷓鴣+海底椰再+冬草蟲會否過補呢?
請問可唔可以用新鮮海底椰代替非洲海底椰
🙏🙏
BangChan:
鮮海底椰其實是產自東南亞的棕櫚果,無止咳化痰功效.
芳姐, 請問可否改用鵪鶉呢? 謝謝
Manni:
可用鵪鶉代替.
芳姐,
呢個湯可否用乾螺頭三(細)隻代替鷓鴣?如再加魚尾,三歲幼兒咳可否飲呀?(他有食西藥,會否相撞呢?)
Wendy 上
Wendy:
可以用螺頭及魚尾代替,没問題.幼兒服西藥都可以飲.
芳姐您好,
請問鷓鴣可能同冬蟲夏草一齊燉嗎?
Elaine:
冬蟲草可以燉鷓鴣的.
謝謝您芳姐。
芳姐,請問此湯改用竹絲雞可以嗎?謝謝!
金金:
可用竹絲雞,用細細隻的更佳,太大隻怕激素飼養.
芳姐
不好意思, 這個湯應該用幾碗水煮成幾碗水的, 謝!
“香附,砂仁,黨參,茯苓,白朮各3錢,炙甘草2錢,是1人份量”
YEUNG YEUNG:
6碗水煮1小時成2碗,一天分服.
芳姐
如果想煲香砂六君子湯的一人份量, 材料份量應該是多少, 謝
YEUNG YEUNG:
香附,砂仁,黨參,茯苓,白朮各3錢,炙甘草2錢,是1人份量.砂仁宜打碎,後下.
芳姐:
請問此湯可否用印度椰子煲呢!
JJ:
印度椰子潤肺,但如要補肺氣,化痰止咳,非洲海底椰最好.
芳姐,唔好意思呀,因我已買了印度椰子同鷓鴣,但唔識点配搭材料,請指教
咁鵲鴣可唔可以煲?屋企買左隻
tracy:
有傷風,感冒暫時不宜飲補益湯水,以免病邪坐大.可以滾些生薑芫荽葱鯇魚片水全家飲.如有喉痛,加4條茶瓜同滾,大約15分鐘就成.用量隨意.幼兒可飲.或煲粉葛湯亦適合.粉葛1斤,赤小豆,薏米各1兩,蜜棗2粒煲排骨湯,煲2小時.有解表舒緩不適作用.
家中有一個16個月的bb 岩飲嗎?
現全家都有少少傷風鼻水咳,那麼適合這個湯嗎?!還是不要加埿山杞子?無花果
感冒可飲此湯嗎?