By 芳姐 ( 29 11 月, 2016 at 5:27 下午)
· Filed under 小兒常見病
![dscn2801](https://www.healthy-food.hk/wp-content/uploads/2016/11/DSCN2801-600x450.jpg)
孩子夜睡不寧往往令父母頗為頭痛,尤其是嬰幼兒,又不會說話表達不適,只懂哭鬧不休,晚上反覆啼哭,會讓父母以為孩子生了病而担憂。
嬰幼兒晚上啼哭如果不是「扭計」要大人抱,也不是尿濕、烘熱、發燒或肚子餓,有可能是心經有熱,可檢查一下寶寶的尿是否偏黃、短少,如果尿較黃有熱象,可以用「有心」蓮子配燈芯草煲水作開奶茶,或直接餵飲,有清心火,胃火、寧心安神等作用。
為何要有心蓮子呢?因為蓮子中間條綠色胚芽有清熱、利尿、安神等作用,尤其是寶寶曾發燒,臟腑餘熱未清,用有心蓮子能清心醒脾、清熱降火,對小兒夜啼最適合。而燈芯草利尿又清心降火,合用對小兒夜啼及口舌生瘡都有幫助。
用料是:有心蓮子1兩,燈芯草6~8扎
做法:將材料浸洗,用4碗水煮半小時供服。
~ 小貼士:此茶對小兒高燒引起的煩躁不安亦有幫助,如買不到「有心」蓮子,可用一般有衣的開邊蓮子,加3錢麥冬同煮,能加强療效。蓮子的衣能治心胃浮火,以紅皮深色、肉黃者為佳。
Permalink
芳姐你好,我有兩個女兒,一個就5歲,一個11個月,兩個囡上兩星期中完covid 好返,大嗰個夜晚有時會有兩聲咳,半夜會醒兩三次。細嗰個最近哩兩星期每晚半夜都醒很多次,每次醒都不停大喊,企喺身,有出牙,請問煲此湯水適合她們嗎?要煲幾多水同煲幾耐?謝謝指導!
ceci:
你可以加1兩百合同煮,兩個囡囡都可以飲,有助清心安神止咳.
芳姐你好,近排我7個月大bb瞓得好差,係甘醒,隔1,2鍾就起身一次
,好煩燥,可以喝?點飲法?
Rainbow:
BB可能心經有熱,可用百合5錢,有心蓮子5錢,燈芯草6扎煲水半小時作開奶茶供服,連服3劑.
謝謝你芳姐,但我搵唔到有芯蓮子賣,甘可以點?
Rainbow:
用普通蓮子都得,現時街巿有鮮蓮子賣,中間有條芯的,可清心火,鮮品可用1兩.
多謝你芳姐,甘要幾碗水煲,大火或細火?煲半小時就夠?
多謝你芳姐,甘要幾碗水煲,大火或細火?煲半小時就夠?
Rainbow:
4碗水用大火煮滾,再用中慢火煮約25分鐘成2碗即成.
芳姐你好,我有兩個女兒,一個就5歲,一個11個月,兩個囡上兩星期中完covid 好返,大嗰個夜晚有時會有兩聲咳,半夜會醒兩三次。細嗰個最近哩兩星期每晚半夜都醒很多次,每次醒都不停大喊,企喺身,有出牙,請問煲此湯水適合她們嗎?要煲幾多水同煲幾耐?謝謝指導!
芳姐你好,請問有心蓮子煲嘅時候,需唔需要拍開蓮子,讓蓮子心出來?謝謝
訪客:
最好拍鬆才煮,如鮮蓮子用刀切開煮最佳.
謝謝芳姐
你好,芳姐
我小孩快兩歲,最近每晚瞓個幾鐘醒喊,扭抱瞓,瞓吾冧,已煲燈芯草,蟬蛻,鈎藤水佢飲,都系一樣,還有什麽解救方法?
訪客:
你試用百合5錢,有芯蓮子1兩,燈芯草6扎,冰糖少許煲水供小朋友服,連服3劑,有助清心安神.有些小朋友會有一段時間好像缺安全感似的睡得不穩,扭抱,只需一直輕輕拍背至再入睡,不去抱,試多兩三次可能有所改善.
蓮子要去芯嗎?
bingbings:
蓮子芯清心火,不用去.
你好芳姐
小朋友一歲,胃口時好時壞,最近睡覺半夜到天光都會嗌聲幾次,可以不理會他, 但是好似睡眠質素比以前差,請問你有什麼茶或者煲什麼給他喝?🙏🏻
很期待你的回答!thxx
Ceci:
你可用有芯蓮子5錢,百合5錢,燈芯草6扎,4碗水煮成1碗供服,連服3劑,有助清心安神.
芳姐,你好,二歲女女,胃口差左,晚上訓得五好,易哭鬧,最近發燒,但是好左了,可以煲d咩比距飲?距幹樣係未上火
Apple:
已作回覆,加5錢百合同煮.
請問三個月大蠶豆bb啱唔啱飲?
需唔需要減量?
Phillis:
3個月大BB可以分2天飲用.
芳姐你好!
對不起,幾天前我問過你關於我囡囡鼻塞的問題。我一時大意沒收藏好你的答覆給我先生册除了。她感冒發燒之後就一直好多鼻水但是又噴不到出來。晚上睡眠不安好像都用口來呼吸。我記得你說過用辛夷花不過我住的這個城市找不到。你說可以用鮮薄荷葉。但是我不記得還要配其他什麼材料。
還有就是她早產的原故所以好像比同年齡的小朋友特別矮小。你說煮牛肉汁,是怎麼煮的?
不好意思,謝謝你!
小君:
鮮薄荷葉4~5棵,葱白3棵,生薑2~3片,3碗水煮10分鐘成碗半左右供服.牛肉汁最健脾,助小朋友吸收.用3兩絞碎,以一碗清水浸一晚,第二天牛肉連浸的水一齊蒸燉半小時,加少許調味供服.燉完的牛肉碎可加2碗水再煮成1碗,用來煲粥仔或淥粉麵給囡囡食就不會浪費.(可加其他蔬菜同煮,用迷你攪拌機攪成糊仔供囡囡食,可全部材料食晒.)
芳姐你好,小朋友4歲,細個的時候間唔中有一晚會醒來哭鬧,到現在差不多每一晚都會最少醒來一次哭鬧,搞到小朋友同大人都睡不好。有煲過這個燈芯草蓮子湯有時會好一點,請問有其他湯水合適她嗎?謝謝
Lai:
你試用小麥米1兩,炙甘草2錢,茯神5錢,蓮子,百合各1兩煲瘦肉湯,全家可飲,小朋友一星期3劑,有助養心安神.
芳姐你好!
小兒由細到大也沒有睡得一個好眠, 現在差不多十歲, 最近睡得更差, 晚上睡不著, 睡了也郁來郁去, 易醒.
我最近才看你的文章, 上星期給他服了三天你介紹的材料(有心蓮子1兩,燈芯草6~8扎,3錢麥冬)但仍不見效, 今天又再煮多一服, 想問有其他可以推介給他服嗎? 另他有G6PD , 謝謝你!
Joshua:
你試用小麥米2兩,炙甘草2錢,茯神1兩,蓮子1兩,百合1兩,紅棗6粒,7~8碗水煮個半鐘成4碗,仔仔一天分服2碗,家人也可以飲,有助養心安神,可以隔日1劑,至症狀改善為止.很平和的,老幼可服.
芳姐,
是否煮成四碗, 給仔服兩碗(分開服) 餘下的兩碗可留明天給他服嗎?謝謝?
Joshua:
是一天分服2碗,餘下2碗第二天温服.
芳姐
芳姐,我囡13个月多D,饮咗哩款灯心草6扎,麦冬5钱,开边连子再加ㄧ角罗汗果调味,已經连饮2日.,每日100ml左右.,但冇效果,,训觉仲會翻来翻去.,嘴巴會叫.!好煩躁咁!係咩哩款汤同佢吾夹!麻煩芳姐指教.!感激-!
係3钱麦冬.,5碗水煲40分鐘
訪客:
現在菜檔有鮮蓮子賣,你試買半斤,將中間的蓮子芯剝出,用2茶匙煲水供囡囡飲,1碗煮5分鐘成大半碗就成,最清心火.鮮蓮子可配百合煲粥供囡囡食,能健脾安神.用剩的鮮蓮子要放冰格儲存.
多谢芳姐百忙回复!感激.!莲子芯会苦吗?是否可照加罗汗果调味.!?另外要饮几次,?囡囡训觉係咁典开被.,室内明明23度,临天光19度,但佢仲好似好热咁,ㄧ晚帮佢盖几次被😥训训下仲叫.,由细到大.,一觉天光5指数得晒😭
訪客:
新鮮蓮子芯有些少苦味,可加一角金羅漢果同煮調味.連服3劑,看能否改善?
芳姨你好,小兒四個半月;日頭每一覺都瞓得唔長,好容易就扎醒,要人地抱住先可以睡得長一點。
而每晚訓覺半夜都會喊下醒下,訓覺會周圍郁然後扎醒叫喊,好少會靜靜一覺訓天光。
請問可以煲啲咩比佢飲可以助佢寧神安睡?飲用量大概幾多?
如果係要煲開奶茶係咪要開奶時同奶粉溝埋一齊餵?要煲幾多劑會見效?
先謝謝你的意見和幫助!:)
Cancan:
你可用有芯蓮子1兩,百合5錢,燈芯草6扎,5碗水煮40分鐘作開奶茶,連服3劑,看能否改善?此茶能清心安神.
麻煩哂你芳姨,我會試下先
開奶茶係咪即係當水咁溝埋落奶係 ok??
Cancan:
是當水開奶就成,開始時可以用一半,加一半水來開,待仔仔習慣味道才全部用.
連服 3 劑係咪即係一日連服 3 餐奶?
芳姨,再次多謝你既分享 💕
Cancan:
是每天用1劑開奶,之後第二天又一劑,第三天又一劑.
明白明白
多謝芳姨!🥰
芳姨你好呀!我仔仔7個幾月,夜晚訓覺一般,訓一陣又反身轉身或爬起身,但佢合埋眼訓緊,重知打跤咁,仔仔餵口麻麻唔係好食糊仔同半粥仔,7個幾月都好細粒咁(但好活躍),有長輩話佢好多風,話仔仔鼻梁有青筋嘴脣上有烏青,我又唔識……應該點好芳姨?謝謝你!
VB:
你試用這款有芯蓮子燈芯草茶供服,連服3劑,有助清心安神.另外小米最健脾,可用牛肉碎煲小米粥供食,小米加白米煮成粥,最後加入牛肉碎滾片刻即可供服,或用迷你攪拌器攪拌成糊仔供食,初時隨量食就成,餵一星期看能否改善胃口問題.鼻有青筋可能風重,可在有芯蓮子茶中加3錢茯苓和3錢防風同煮.
即風重用這款有心蓮子燈芯草茶加茯苓3錢和3錢防風供服嗎?同樣3劑?一星期飲用幾次?麻煩你芳姨😄
VB:
茯苓,防風健脾袪濕及袪風,又性質平和,一星期服3劑,(或隔天服1劑)服兩星期,看能否改善?
芳姐 你好 我仔仔十個月大 一直好細胃口 又唔長肉 宜家先7kg偏輕 有咩辦法讓他長肉 系唔系唔會吸收 這幾天還會有滴低燒 系咩原因
Jacky_mm:
蒸燉牛肉汁最健脾胃,小朋友脾胃功能差最好用此食療.用新鮮絞碎牛肉3兩,隔晚用清水一碗浸牛肉,第二天牛肉連浸的水一齊蒸30分鐘供服,一星期3劑,服一個月應可改善.低燒可能是小朋友發育快[發骨節],每月可能發熱1~2次,如小朋友尿黃或氣味大,可以用生薏米1兩煲水供服,連服3劑可減少不適。
嘗試一下 唔該嗮
芳姐 碎牛肉浸一晚後系血水 用不用換水先蒸
芳姐,你好.請問此茶可否加個金羅漢果作調味?
Jenny:
可以加金羅漢果作調味,小小一角已經很甜.
請問芳姐之前提議囡囡2歲半了 ,以下湯水可加糖冬瓜調味嗎?
怕她苦不飲?
可以煲這款湯給囡囡飲,有助利咽改善聲沙.但最重要是改善囡囡尖叫哭閙,了解原因,如心肝火盛,可用有芯蓮子1兩,百合1兩,燈芯草6扎,5碗水煮成2碗供服,連服3劑.
Ky:
可加糖冬瓜調味的.
芳姐:
我兒子4歲11個月大了,由於大便硬,以前每周末都會給他煲一次這款有心蓮子燈芯草湯(加了麥芽)。之後較少煲了。這兩天兒子說覺得舌頭有點癢,說要用牙齒磨來止癢。我發現他的舌頭有點紅色,但未至於有破損.請問這種情況,喝這款湯可以幫助改善嗎?
我自己日常有沖菊花蜜糖喝(用菊花煲水,放和暖後沖蜜糖),請問給兒子喝會否太寒涼了?這菊蜜可改善兒子舌尖癢的情況嗎?
謝謝您
Wing
Wing:
你仔仔可能風重,可用防風,白朮,菊花各3錢,甘草1錢,4碗水煮成2碗供服,連服2劑,看能否改善?
芳姐,請問9歲半小孩,夜晚睡覺不好,睡一陣又旭,轉頭睡著又旭,又磨牙,基本上整晚都左旭右旭,冇覺好瞓。用什麼方法可治療他的問題? 或是否可以用以上治療嗎?麻煩芳姐!謝謝妳!
Sandy:
你試用小麥米1兩,茯神5錢,炙甘草2錢,紅棗6粒,百合1兩,5碗水煮成2碗供服,連服3~4劑,有助清心安神.
謝謝芳姐
你好芳姐,小朋友1歲半,感冒有發燒兩三天還沒好。吃了西藥熱氣,容易吵鬧。請問可以吃什麼?謝謝。
joyce:
你試用蘆根5錢,生薏米1兩,淡竹葉3錢,雪梨1個,去核,4碗水煮成1碗供服,連服3劑有助退燒及清熱氣.
謝謝芳姐。這個湯有痰有鼻涕可以喝嗎?
Joyce:
可以飲的.如鼻水多加6朵辛夷花同煮.
芳姐,您好!人奶BB 6個月最近睡眠很差,一晚醒几次每次都大喊,很难才入睡又郁來郁去很易醒,尿有点黄人很煩燥经常喊,适合飲此茶还是黑豆茶?
Joyce:
6個月BB可以用有芯蓮子1兩,百合5錢,燈芯草6扎煲水供飲,5碗水煮成1碗供一天服,有助清心安神.隨量飲就成,連服3天.
小朋友飲左有比較好。謝謝你。但是隔一個禮拜又有夜啼情況。這個茶可以每個禮拜飲嗎?最多可以飲幾次?
Abby:
小朋友一星期可以飲2次.很平和的.
想問是大火煮半小時?有芯蓮子是否要先開邊再煮?
Abby:
有心蓮子不用先開邊,先浸水半小時才煮,大火煮滾改中火煮就成.
芳姨你好,小兒十個多月,每晚訓覺半夜都會喊下,訓覺會周圍郁,有時會發夢似的,總不能靜靜一覺訓天光,我每晚因為他都訓得好差,之前煲過燈芯草蓮子,也煲過開奶茶,但果效不是太明顯的,請問可以煲俾bb飲,令他睡覺好一點,不會動來動去?是不是要吃幾劑才見效?謝謝你
Chow angel:
你可以用燈芯草6扎,百合1兩,蓮子連芯1兩煲水作開奶茶,要飲4~5劑才能清心火,睡前不要和仔仔玩得過分及注意衣服被褥冷暖合適,有助安睡.