By 芳姐 ( 27 4 月, 2012 at 7:56 上午)
· Filed under 保護視力/耳、鼻、喉疾病, 外感/頭痛/呼吸道病
肺熱痰稠咳嗽,可以用川貝燉雪梨湯服,如果是肺燥咳嗽,或燥熱引起聲沙聲啞,可以用川貝燉蘋果,加蜜糖服用,友人試過頗見效,吃了兩劑聲沙問題得以改善.
川貝有化痰止咳,對肺虛久咳,痰少咽燥等症有良效,最好研成末,煮好後可一拼吃了.配蘋果同用,對外感風邪,痰熱或燥火引起的咽乾聲沙很有幫助.
用料是: 川貝2錢,蘋果1個,純正蜂蜜適量.
做法: 川貝研成末;蘋果去皮,去核,切塊;將川貝未,蘋果放入燉盅內,注入開水2碗,燉約45分鐘即成,調入蜜糖飲用,飲湯吃湯料.
~ 小貼士: 川貝母售價昂貴,故最好研成末吞服.蜜糖宜於湯稍為降温才調入,否則蜜糖中一些有益物質會被破壞.
Permalink
snjy:
龍脷葉湯較適合痰黃,日咳多屬熱咳者.但很平和的,仔仔可以飲.
我今早已燉了一次, 睇下是否有效。
另我見你有另一款龍利葉南北杏煲蘋果湯, 又是否適合我仔飲?
剛剛飲完奶又咳一大輪先訓到。。。。
謝謝!
就跟足你食譜做對嗎？
連湯料服? 我怕仔仔不肯食。。
如只飲湯可以嗎？
snjy:
可以只飲湯的.
snjy0829:
你可以用川貝末燉蘋果供服,有化痰止咳作用,可連服3劑,蘋果要去皮,去核.
Hi 芳姐,
我仔15個月大, 最近有咳有痰但冇發燒的, 燉過以下3天食療:
1) 川貝瘦肉, 飲過2天
2) 川貝紅棗陳皮瘦肉, 飲過1天
都好似冇好轉, 但我見佢冇發燒所以唔想帶佢睇醫生。請問川貝蘋果岩唔岩佢?
THANKS
金金:
小朋友歲半以後可以用蜜糖.
芳姐，請問3歲小朋友可飲用蜜糖嗎?還是要改用冰糖?
芳姐, 你好, 小兒20個月大, 之前氣管敏感咳至氣喘, 現在還要食西藥(青蛙藥), 但每天早上起床後, 還有一兩聲咳,
之後全日無咳, 間中半夜一兩聲咳, 之後就無咳, 想問什麼湯水適合他? 燉川貝蘋果? 還是其他食材?
謝謝! 請賜教!
TAMMY:
川貝能減少氣管痙攣,配蘋果同燉有益正氣,能止咳.用川貝未2錢,蘋果1個,去皮去核,蒸燉半小時可服.連服3劑.
jojo:
你可經常用十穀米煲粥食;蔓越莓,海帶,馬蹄,羅漢果對乳癌患者有益,可常食.例如用合掌瓜1個,馬蹄半斤,海帶1撮,瘦肉適量煲湯,飲湯吃些湯料,一星期2次.蔓越莓乾可作零食.檸檬水可以每日飲,不用糖,可加少許蜜糖,都有助抗癌.忌吃高脂肪肥膩食物,如牛油,芝士,肥雞,肥鴿,肥鵝,榴槤等食物;牛奶亦忌飲,可以用豆漿代替牛奶;糖亦是癌細胞喜愛之品,所以要戒甜食.玫瑰花茉莉花茶有助疏肝解鬱,可以經常沖來飲.另外打標耙治療後可以用北茋,黨參,女貞子,杞子各3錢,蕎麥1兩,5碗水煮成2碗服,有助補益身體,防癌抗癌.此為[增本消瘤方],一星期3次以强壯體質.
芳姐，你好，我上次有寄個一封信俾你，但，我唔门元你復我，現在我想問您一個問題，我是乳癌患者，打緊標粑，己打了12支，我看到布緯食療是对乳癌有帮助，是真得嗎，我可以食用嗎，不知道您可不可以帮我，我要怎样條理我的身体，我患病到現在有一年了，我希望您帮帮我回復我，謝謝j0J0
芳姐，謝謝回覆
EVA:
川貝末2錢燉蘋果20個月可以用.
BB 20個月可以飲嗎?
川貝份量2錢?
Thanks
請問寒咳可以吃嗎？通常晚上才咳的
tiffany:
仔仔可以飲這款食療,可連服3劑.
你好,仔仔呢排一轉天氣,清晨4,5點會咳一陣,請問可以飲呢款湯嗎?
芳姐你好，我仔宜家臨瞓同半夜已經咳少咗好多，但唔知點解佢每朝起身大約在食早餐後總係會咳一段時間，但過後又無事，其實佢呢種係咩咳呢？有咩湯水可以幫下佢？
芳姐：
我老公有支氣管炎，早晚咳得好犀利，中西醫都睇過，可否燉川貝雪梨比佢飲?
KAT:
G6PD可以用紫蘇葉,辛夷花,但鼻涕黃屬熱症,不宜用紫蘇葉,改用桑葉,菊花,辛夷花各2錢,3碗水煮10分鐘供服.痰多可以用蘇子,萊菔子各2錢入茶包袋,煲稀粥服,可加瘦肉同煮.
芳姐，您好!
小兒19個月，傷風感冒，打噴嚏流黃色鼻涕，有咳，多痰，早於多日前已經有乾咳，飲過羅漢果水，青欖桔餅湯，雪梨燉川貝……未痊癒。看了西醫，因為我想他少食西藥，有什麼食療湯水可以幫助他化痰止咳止鼻水？他有g6pd的，紫蘇葉、辛姨花可以服嗎？謝謝芳姐!
芳姐:
唔該唒！我会嘗試！
丅hx
IHLI:
你試用紫蘇葉3錢,北杏3錢,紅糖少許,4碗水煮成2碗,一天分服,連服3劑,看能否改善?如鼻水多,可以加6朵辛夷花同煮.
芳姐:
我母親80歲，半夜咳得很利害，
痰及鼻水都很多，日間正常
幾个月！
可用什麽食療！？
Thx
CRYSTAL:
你可以用牛蒡乾1小撮,羅漢果1/4個泡茶常服,如常口乾,可以加1小撮花旗參同泡.有利咽,生津等作用.
你好，我是一名教師，因需要大聲說話令到聲沙，有什麼保養方法嗎？
芳姐你好
70多歲爸爸夜晚每晚都咳，冇痰，喉嚨痕，乾咳
，食川燉雪梨/蘋果嗎？
SHARON:
你可以用紫蘇葉3錢,生薑3,4片,紅糖少許3碗水煮成2碗,供令尊1天分服,有助散寒止咳,連服3劑試試.
謝謝芳姐, 由今天起即試!
eva:
你可能風咳,試用烏梅3粒,菊花1湯匙,甘草4,5片泡茶服,可沖泡至淡,一日一劑,至症狀好為止.
芳姐,
本人已咳了2個几月, 中西醫都睇過(西醫話氣管有些敏感,中醫話肺燥),仍未好轉。最奇怪是晚上睡覺完全不會咳, 但一起身就開始咳了。現每天焗果皮水飲(已飲了4天), 但都不見效。咳嗽時很難咳到痰出來, 但成日覺得喉嚨好似有D嘢黐住唔上唔落,好唔舒服。有時突然湧上黎咳,有時就喉嚨痕到死,咳到就黎甩肺。如是這情況, 能否試蘋果燉川貝呢?? 盼賜教。謝謝!
esther:
仔仔4天無大便?要幫他搓肚仔,順時鐘方向搓,多飲水.可以用桑葉,菊花,辛夷花各2錢,雪梨1個,去核,葱白3棵,3碗水煮15分鐘供服,有助改善鼻水,眼屎等情況,可連服3劑.
你好芳姐!
想請教下, 我仔而家19個月大,
剛過去2星期臨訓同剛訓醒時, 都有有d比較黏既鼻涕, 亦有幾聲咳, 但唔嚴重,
比左2次川貝雪梨咳就無左, 但鼻涕仍然有, 但見佢無咳, 又唔多鼻涕所以就無特別理會;
但尋晚開始半夜訓得唔好, 會醒幾次
而今早訓醒時, 多左鼻水(清清地, 無之前咁黏) 有黃色眼膠同眼屎, 有黑痴同幾聲咳, 小小聲沙,亦已經4日無便便,
佢係咪風熱??
想請問可以整d咩比佢?
川貝雪梨或菊花可以嗎??
芳姐您好
我媽媽66歲，近期經常聲沙，講多幾句就開始沙同講不出來，請問可以飲乜改善下
HING:
令堂有可能腎虛引起,試用五味子3錢,核桃肉5錢,麥冬3錢,北茋3錢,炙甘草1錢,5碗水煮成2碗,連服3劑,看能否改善?
芳姐，用川貝末2錢燉萍果1個,去核幫助氣管敏感,1碗半水蒸燉半小時服可以加燈心草嗎？同時小兒舌尖紅我估是心火盛？
你好！芳姐！我仔11個月大，之前氣管敏感咳食左1個星期藥好反小小，仲有手尾！宜家聲音沙啞。可以飲川貝蘋果嗎？
MANDY:
你仔仔可以用川貝末2錢燉雪梨1個,去核,1碗半水蒸燉半小時服.因為聲沙,要用雪梨清潤些.
婥欣:
鮮魚腥草在山草藥檔有售.旺角奶路臣街有兩大檔山草藥檔,長期有鮮魚腥草賣.魚腥草性涼,但對肺炎患者有益,服3劑應没問題的.
請問在哪裏可買到鮮魚腥草？會寒涼嗎，需要飲多少天？
婥欣:
肺炎可以用鮮魚腥草2兩,陳皮1塊滾瘦肉湯服,4碗水煮20分鐘,一天分服.有助清肺熱,消炎化痰.服西藥後2小時飲,
芳姐:
請問有肺炎，食緊抗生素及化痰素，但仍然咳未清，有痰很難咳出(白中帶淡黃色),應吃/喝些什麼？理肺還是化痰呢？請給點意見。謝！
明天謝謝！唔用蜜糖改用冰糖可以嗎？因為川貝味帶甘，唔肯飲！
DORIS:
可以用冰糖,但不宜太多,以免惹痰.
DORIS:
可以用川貝末2錢燉蘋果1個,去皮,去核,可加少許陳皮絲及蜜糖.
芳姐你好！
小女21個月，早上起身比較多咳，有痰，川貝燉蘋果可以嗎？可再加果皮？
cary:
容易咳多屬肺弱,可以用虎乳靈芝3錢,雪耳2錢,百合1兩,南北杏1兩,陳皮1塊,紅棗6粒煲鮮魚或瘦肉湯供服.8碗水煮成4碗,全家可飲.一星期2次.此湯能增强肺氣,强壯體質, 藥味不重,性質亦很平和,小兒可服.
芳姐您好，
我2歲兒子細個好易咳，依家大d就間唔中半夜一兩聲咳，有時日頭都有一兩聲，我平時應該比煲d清熱既野定去寒既野飲比仔仔呢，如是應煲d咩比仔仔飲？
lucy:
你試用烏梅3粒,甘草1錢,菊花3錢,3碗水煮10分鐘服,連服5劑,看能否改善?
芳姐妳好，
我之前感冒後落下干咳，數月了一直沒好。一有少少異味的刺激或受少少冷就咳，而且喉嚨會覺得癢。我中、西醫的藥都食咗不計其數，也飲咗羅漢果無花果南北杏湯一個月了，還是咳。妳能給點意見我試試嗎？謝謝！
明白，謝謝！
請問芳姐，我女兒反覆咳嗽，早前你介紹俾我嘅紅蘿蔔切片加北杏紅棗煲水，可否經常煲飲用?
ISAYUEN:
紅蘿蔔北杏紅棗水對小兒百日咳,久咳不止有幫助,可服用5~10劑.
MIFFY:
你可以繼續用三子湯,加辛夷花5朵同煮,有助收鼻水及化痰止咳.
小兒剛放學回來，又發現又有返一兩聲痰咳，如何好？