By 芳姐 ( 27 4 月, 2012 at 7:56 上午)
· Filed under 保護視力/耳、鼻、喉疾病, 外感/頭痛/呼吸道病
肺熱痰稠咳嗽,可以用川貝燉雪梨湯服,如果是肺燥咳嗽,或燥熱引起聲沙聲啞,可以用川貝燉蘋果,加蜜糖服用,友人試過頗見效,吃了兩劑聲沙問題得以改善.
川貝有化痰止咳,對肺虛久咳,痰少咽燥等症有良效,最好研成末,煮好後可一拼吃了.配蘋果同用,對外感風邪,痰熱或燥火引起的咽乾聲沙很有幫助.
用料是: 川貝2錢,蘋果1個,純正蜂蜜適量.
做法: 川貝研成末;蘋果去皮,去核,切塊;將川貝未,蘋果放入燉盅內,注入開水2碗,燉約45分鐘即成,調入蜜糖飲用,飲湯吃湯料.
~ 小貼士: 川貝母售價昂貴,故最好研成末吞服.蜜糖宜於湯稍為降温才調入,否則蜜糖中一些有益物質會被破壞.
Permalink
請問bb 現在尚有一個月才夠兩歲，呢幾日咳起上來但未見有其他徵狀，請問川貝蘋果適合服用嗎？如果適合應該用幾多份量+幾多水呢？怕是寒咳食錯川貝，十分感謝…
Sally:
你可以用川貝末燉蘋果,加3錢麥冬一齊蒸燉,對乾咳有幫助.連服3劑.晚上睡前用棉紙巾剪成條狀,沾淡鹽水後扭緊,幫仔仔通鼻管,會舒服些.不要用棉花棒,易傷鼻黏膜.
芳姐你好，
仔仔傷風感冒，食緊抗生素和西藥，鼻子常常很乾，鼻涕凝結中令他常常捽鼻。日頭時只有兩聲咳，反而晩上睡覺咳得好利害，咳的時候聲音很乾。川貝末燉雪梨或蘋果啱他嗎？
Sally
Mrs Kwok:
你試用辛夷花3錢,葛根5錢,豆腐1磚滾芥菜3~4兩供服,煮大約半小時,連服3劑,看能否改善?
芳姐，
小兒今年十歲，感冒反覆𣎴清一個月，有濃黃鼻涕，鼻塞嚴重，咳又多痰黃色，早上起來打噴嚏，鼻敏感底，腸胃不好，瘦身材，看中醫中，可以煲什麼湯水？ 謝謝，
芳姐，
小兒今年十歲，感冒反覆𣎴清一個月，有濃黃鼻涕，鼻塞嚴重，咳又多痰黃色，早上起來打噴嚏，鼻敏感底，腸胃不好，瘦身材，看中醫中，可以煲什麼湯水？ 謝謝
林綸詩:
謝謝提點!
綠痰是寒咳
黃痰是熱咳
寒熱也會有發炎的
(蘋果的確比梨好，謝謝宣揚此理念，梨屬酸，好易入肝，越咳越勁)
我仔仔1歲，請問可以飲嗎?
頭暈:
你應先看醫生,了解是什麼原因引致頭暈,要先了解原因才可推介食療.
芳姐，你好，本人頭暈了幾個月，請問有咩湯水止暈呢？
Cobe:
扁桃腺發炎起的,你可用羅漢果1/6個,麥冬3錢,桔梗2錢,辛夷花2錢,甘草1錢,4碗水煮成碗半供一天服,連服2劑,看能否改善?
Chole:
bb可以食川貝.
你好芳姐，想請教下我囡兩歲半發燒五天已退，醫生說是扁桃腺發炎，有咳、痰、鼻塞，食西藥已近兩星期， 依家她日間有咳但半夜咳比較嚴重有鼻塞，想試下川貝燉雪梨俾她試，請問可以連續服用幾天？如兩成人一小童材料及水量怎預算？還有其他湯水適合我囡情況飲用嗎？謝謝！！
九個月BB可以食用川貝嗎?
AKI:
你試用玄參,麥冬各3錢,羅漢果1/4個,3碗水煮成2碗供仔仔服,連服3劑,有助清熱降火,利咽消炎.紅蘿蔔竹蔗茅根水可以飲.
芳姐，
你好！
小兒今日放學後，發現上唇內壁有一痱滋，加埋聲沙問題，應如何是好？
芳姐，
你好！
小兒2歲11個月大，上星期開始發燒，睇醫生後醫生話喉嚨發炎，有很多痰，少咳，醫生開左消炎藥，化痰藥同退燒藥。一日四次食左三天，小朋友食到怕。現時無發燒無鼻水無鼻塞，無咳但偶爾咳時都聽到痰聲，精神差，胃口差，聲沙，持續左兩日。請問我買海底椰紅蘿蔔竹蔗褒水俾他飲得唔得？需要拍塊姜片嗎？抑或川貝燉蘋果？
多謝你。
Rita:
你可以用川貝末2錢蒸雪梨或蘋果1個,(去皮,去核),1碗水蒸燉半小時可服,連服3劑.
你好芳姐，bb女三個月大之前感冒傷風一直未斷尾，有咳，痰，可以煲川貝嗎？怎樣食用
你好，請問三個月bb可以服用嗎
你好 芳姐，
請問感冒後，咳嗽加氣管敏感（一飲凍野就不停咳），應煲什麼湯水？
多謝，Annie
Annie:
你試用紫蘇葉3錢,生薑3~4片,紅糖少許,3碗水煮10分鐘服,有助散寒止咳.服2劑,看能否改善?
芬:
全家飲放川貝5錢就夠,加南北杏,雪耳,雪梨同燉潤肺止咳.雪梨去核,皮洗淨可一齊用.
你好 芳姐，
我家人感冒初瘉後，咳嗽連連，我想川貝燉雪梨，我買了一兩川貝可否全放入去燉？另外，雪梨是否需要去皮？
謝謝，芬
謝謝芳姐！
joeytabo;
你試用紫蘇葉3錢,五味子2錢,生薑4,5片,甘草1錢,3碗水煮成碗半供服,有助散寒止咳,對久咳有幫助.另外可以用紅蘿蔔1個,麥冬3錢,紅棗8粒煲瘦肉湯供囡囡服,對小兒久咳亦甚有裨益.好味的.
芳姐，你好！
小女咳了幾個月，西醫也看了五個，日間無咳，大多半夜兩三點及天光六點咳，西醫說是氣管敏感，開了類固醇藥說要聞氣一個月，但我跟先生因不太想用類固醇，最近轉了看中醫，請問服用中藥能否飲用？最近一星期煲三次鱷魚肉湯給小女飲，請問除了此湯外，三棗茶有用嗎？謝謝！
西瓜:
可以用鮮薄荷葉2錢,生薑3,4片,2碗水煮5分鐘供服,有助收鼻水.川貝蘋果對氣管敏感咳才有效.有濕疹可用香蕉洗乾淨,連皮切下一小段,搗爛作外塗,15分鐘後清洗.
我bb現7個月，有鼻敏感，鼻水倒流導致痰咳。可以煲川貝蘋果嗎？（佢有濕疹問題）
小兒前日開始聲沙，有痰咳，如何好？謝謝！
Miffy:
你可以用羅漢果1/4個,甘草4,5片,胖大海3,4粒,3碗水煮15分鐘供服,可翻煲多1次飲,連服2劑.
訪客:
可以加南北杏及瘦肉同燉的.
可以加上南北杏及瘦肉同燉嗎？
謝謝
ting:
你試用辛夷花5錢,桔梗5錢,羅漢果半個,甘草1錢,5碗水煮成3碗,一家分服,連服3劑,有助止咳,收鼻水.G6PD患兒可服.
芳姐，你好!
本人1家3口病了1個月有多，病情反反覆覆，
3人睇過西醫也沒見效，我也試過川貝燉蘋果，
老公病先，1開始是喉嚨痛，結果睇了2次西醫
食了抗生素也不好，有好轉，但未能完全好返。
最近這幾天又開始有鼻水，
他也有飲川貝燉蘋果3日，未見明顯改善，
前2日去了睇中醫，也不見效！
呀仔現在11個月大，開始時發燒，燒了2天不退，
結果要沖急症，吃了急症退燒藥就退了，
有咳有鼻水，吃了川貝燉蘋果咳有好轉，
但鼻水仍然留！
而我最先都是喉嚨痛，也睇了西醫食了抗生素
也沒見效，主要是晚上咳，喉嚨很痕引發到咳，
吃了川貝3天也有點見效，但仍沒完全好反，
最近還看中醫，也沒見效！前天開始又咳又留
鼻水！唉
請問我們要吃些什麼才可以預防咳同留鼻水？
可否幫幫忙，10萬個感激
小朋友有g6pd
劉美玲:
九個月BB可以飲,但不要加蜜糖,歲半以下BB都不宜用蜜糖.細個BB味覺未發達,可以不加糖的.
請問九個月bb可以飲嗎？
snjy:
你試用紅蘿蔔1個,馬蹄6粒切片,麥冬3錢,5碗水煮成2碗供服,有助化痰止咳,連服3劑,好味的.
芳姐, 仔仔有少少支氣管炎, 3月25號開始食西藥食到昨天才完, 但仲有2聲咳, 有痰的, 請問適合飲什麼湯水? THANKS!
miffy:
仔仔聲沙有咳,可用白蘿蔔1個,洗淨去皮,切條,用3湯匙純蜜糖醃5小時,將滲出的蘿蔔水半杯,加半杯暖水調服,一日可服2~3次,有助清熱利咽止咳.另外用青欖10粒,青蘿蔔1個,南北杏1兩,無花果4粒煲瘦肉湯,全家可飲,對咽乾喉沙,咳嗽都有幫助.
小兒昨天開始聲沙，早上起床那一刻就會咳幾聲。如何好？謝!
芳姐好, 同仔仔睇過話係支氣管但已屬病尾, 請問可否在食療加百合, 淮山? 謝謝!
snjy:
如病已差不多好,可加淮山,百合.
jenny:
你可以用羅漢果1/4個,胖大海3粒,辛夷花6朵,3碗水煮成碗半供服,連服2劑,有助利咽消炎,改善鼻塞.
芳姐, 您好,
我囡3歲半, 上星期前開始有d 鼻塞, 前日開始沙聲, 少少咳, 晚上睡覺有d鼻塞塞, 同佢用生理鹽水噴鼻, 見到鼻屎有d綠綠地色. 但沒有鼻水, 沒有痰. 請問可以有咩湯水俾佢飲呀? thx
snjy:
可以滾些芫荽葱生薑魚片水供服,用量隨意,全家可飲,滾10分鐘就可以,如不喜歡魚片,用瘦肉片都得.
芳姐, 今早已睇左醫生, 因我仔昨晚咳到喊訓唔到。
食藥期間可飲什麼湯水? 怕西藥燥和令佢冇胃口
謝謝!
SNJY:
痰咳不宜吃甜食及肥膩之品.如果只用餸汁撈飯不夠營養,要吃些餸的,粟,番茄,雞肉,豬肉,魚肉都可以,例如用絞碎豬肉加馬蹄碎,梅菜碎拌勻蒸肉餅都可以,馬蹄化痰的.魚滑煮豆腐都有營養.
多謝芳姐解答!
咁是否要介口? 我現只比粟米/車厘茄/雞肉/豬肉煮成汁撈飯食, 其他都唔敢比了…
snjy:
川貝燉蘋果服3劑後停2天,如再有痰咳,可以再服3劑,主要是讓仔仔身體自己工作,所以服完一療程要稍停.病好後可以用淮山,茯苓,蓮子,芡實各1兩,陳皮1塊,紅棗6粒煲瘦肉湯,全家可飲,有助健脾胃,減少痰涎病症.
由小小痰開始到而家咳, 計計下都成10日, 驚佢咳到虛哂, 真心想請教芳姐有咩食療可以幫到? 佢一直冇發燒而且肯玩, 精神好的。食野方面就係冇心機食正餐, 但其實好有胃口食奶和雜糧。
芳姐, 川貝燉蘋果是否連服 3 日就要停? 仔仔飲左 2 天, 稍稍好了點, 今天是第3天, 停多少天可再燉?