By 芳姐 ( 3 6 月, 2011 at 6:19 上午)
· Filed under 婦科病／產前，產後／不孕, 老人病/骨傷/關節病
在山草藥檔買了半斤新鮮牛大力,用鮮品煲湯藥味不重,有種特有的甘香.牛大力塊根肥厚,有點像蓮藕,故又名山蓮藕,味甘,性平,功能清熱潤肺,止咳,强筋活絡.
牛大力對腰肌勞損人士最為有益,可以配杜仲,栗子,紅棗,螺頭等煲湯,湯味香濃,有補腎固腰功效,中,老年人固然適合飲用,青少年,小朋友都適宜,因為有强筋健骨之效.
用料是: 鮮牛大力3兩,杜仲5錢,栗子乾2兩,紅棗8粒,螺頭(或螺咀)2兩,西施骨半斤.
做法: 螺頭,西施骨洗淨,出水;牛大力,杜仲浸洗;將全部材料放入煲內,用8碗水煮約3小時成4碗即成.
~ 小貼士: 此湯有安胎功效,故懷孕婦女都適合飲.可預防懷孕後期腰痠背痛,及舒緩各種筋骨疲勞.
Permalink
丈夫工作環境較嘈雜, 經常要大聲說話。請問有無湯水可以護聲?
因工作勞動，導致手踭關節酸痛，腳及手臂有時也感到乏力。請問可以有咩湯水可以改善?
由於本人在外地，有藥材鋪可以買料。如果能以素湯或經濟方便湯水較佳。
Mercy:
可以煲圖中這款湯,或多用巴戟,杜仲各5錢,黑豆1兩,生薑2片,紅棗6粒煲排骨湯服,有助强筋骨,袪風濕.護聲可以多用羅漢果,雪梨乾,無花果煲水代茶服.各用適量就成,一星期3劑.
如果圖中湯，唔加螺頭，得嗎？或者有冇其他食材取代？
謝謝
Mercy:
可以用豬展,或加些江瑤柱湯會更鮮味.
芳姐妳好呀!
媽媽今年83歲
有3高，神經線痛
请問芳姐煲什麽湯好呢
麻煩了芳姐了，🙏🙏😄
yan:
你試用田七4錢,雞血藤5錢,紅棗5粒,陳皮1個煲瘦肉湯,煲個半鐘供服,有助鎮痛,可連服3劑.
芳姐多谢妳
回覆，真心多谢🥰🥰👍👍
芳姐，我老公因长期弯腰工作，所以经常腰疼，造成腰肌劳损，我在药铺买了熟地，牛大力，杜仲，黑豆这几种药材，不知道能不能放在一起煲，具体放多少？还有他本身怕燥热，有肝炎，还可以放什么材料比较好？谢谢芳姐！
訪客:
你買的材料可以,各用5錢,黑豆1加川牛膝3錢同煮更佳,因為牛膝能引藥下行,增强療效.
芳姐早晨，請問牛大力乾品用多少？
Angel:
牛大力乾品可用1兩.
芳姐，
請問牛大力自己切片難唔難搞？因為店鋪無批皮就咁放落部機切片，煲好後食湯料，外皮好硬。
Bobby:
牛力力較硬,自己很難切薄片.一般煲好後不會吃,故最少煲2~3小時出味.
芳姐，
我果次食咗但係好爽好似蓮藕咁嗰皮自動脫落但就太硬食唔到。咁爽係咪假嘢？
Bobby:
牛大力又名山蓮藕,故你會有食蓮藕的感覺.皮是較易脫落的,本品便宜,很少會有假貨.貴價藥材才易有假貨冒充.
請問這款湯適合剖腹產婦飲嗎？ 杜仲的味道是否很難飲？
jenny:
剖腹產第二週可以飲,杜仲補腰膝,是味很好的補益藥,但味微苦,但有栗子,紅棗/南棗配搭味道易入口.
乾螺頭我見你寫話要飛水， 如果我浸過夜， 仲需要飛水嗎？ 浸過夜的水可以要嚟煲湯嗎？ 抑或是倒左佢？
Jenny:
浸過夜的水不要,因為海味很多時會加些防腐劑製作.要飛水.
芳姐，
有奄嗰種螺頭，就咁飛水定話浸完再飛水？我就咁浸左就放落煲但見你又咁講？
Bobby:
螺頭浸完將水倒走就煲都得,如果飛水就可減少不好的味道.
芳姐，您好！
以上湯水可加五指毛桃和紅蘿蔔一同煲嗎？
用新鮮栗子也可以嗎？
Ling:
可加五指毛桃,紅蘿蔔,可用鮮栗子更佳.
請問如不加肉可以嗎? 謝謝!
訪客:
不加肉可加多些少栗子,清甜些.
謝謝芳姐！
芳姐，你好：
請問以上湯水可否加配五指毛桃或黨參；再加茯神；紅棗改南棗呢？功效會否不同和會否燥熱了？
Ling:
加黨參,茯神南棗有助補氣安神.五指毛桃不用再加,太多材料味太濃反而不好.