By 芳姐 ( 28 10 月, 2011 at 7:54 上午)
· Filed under 小兒常見病
近日手足口病又肆虐,家中有小朋友的,又多了一重擔憂.此病專襲擊5歲以內的小朋友,患兒通常會有發燒,流涕,食慾不振,手足和口腔出現疱疹,嚴重者會併發心肌炎,腦炎,癱瘓等.
家中如有就讀幼兒班,幼稚園小兒者,這段時間不妨多煲些袪濕湯水,例如用赤小豆,綠豆,薏米煲豬展湯;或用豆腐,合掌瓜煲生魚湯服都有益處.如果小兒平素體虛,易受感染者,可以用金銀花,綿茵陳等煲冬瓜湯以加强防禦.此湯能清熱解毒,涼血清心,健脾袪濕.隔三幾天飲一次,對預防手足口病很有幫助.
用料是: 金銀花,綿茵陳,木棉花各3錢,燈芯花2錢,扁豆1兩,冬瓜半斤.
做法: 將冬瓜洗淨,切塊.其餘材料浸洗.將全部材料用5碗水煮約個半小時成2碗即可供飲.
小貼士: 此湯藥味不重,可以加3粒蜜棗同煮,會好味些.
Permalink
zs0760:
15個月幼兒最好少吃藥,可以用合掌瓜1~2個,豆腐1磚煲鯇魚尾湯服,都有增强體質,預防手足口病作用.
芳姐,您好!請問現時天氣可以煲這個來預防小朋友手足口病嗎?15個月齡的小朋友一般用量是多少呢?需要連續喝幾天的嗎?謝謝您!
芳姐,這個湯適合一歲一的小朋友飲用嗎?可以一周煲兩次來預防嗎?
訪客:
這款湯小朋友可以一周服1~2次.
多謝,芳姐.之前帶囡囡去睇中醫,佢話囡囡要多食甜例如龍眼肉,紅棗會太躁,因為甘生積之類(我唔太明白),請指教.另外,囡囡好鍾意瞓覺時面向床,中醫話都係脾差.咁樣瞓唔好,影響生長.改善後會好些,對嗎?囡囡腳甲易折斷是否與身體有關?
YL Shek;
中醫認為甜入脾胃,但小朋友不宜過吃甜食,以免惹痰.俯睡的確不太好,要慢慢改善,一見囡囡睡姿不好即輕輕替她改變,兩邊可放一些長軟枕,幫她側睡.脚甲脆是缺鈣表現,可多煲些鮮魚湯,豬骨湯,給她吃些鮮魚仔,牛奶,雞蛋黃,深綠色葉蔬菜,以補充鈣質.平時可用雞內金3錢,紅棗6粒(或用南棗代替亦可)煲瘦肉湯服,有助健脾消積.一星期2次.
你好,芳姐!我家細仔手足口病,好了!現在傳了給我大仔,發了燒二日,常常感到他身體很熱,但肛探得三十八度,有時燒到三十八度八!口有白色粒粒,但手腳未發出來!醫生話病毒影響心藏,心跳很快!有什麼可飲,謝謝!本身咳有痰
Yam:
你試煲些茅根竹蔗紅蘿蔔薏米水供仔仔服,就算仔仔好了都可服用2~3劑,有助清除體內積熱.用量隨意,煲夠1小時就成,兩個仔仔都可服用.
多謝,芳姐.另外,我囡囡一向偏瘦,面色不是太紅潤,手腳皮膚較亁(有濕疹記錄),無其他大問題,睡眠都可以,可有其他食療幫佢增肥?煲鵪鶉,豬肉汁好嗎?
YL Shek:
用淮山,蓮子,雪耳,百合,紅棗各適量煲鵪鶉或瘦肉湯,對你囡囡有益,可經常服用.
謝謝芳姐
芳姐,你好.我女女一歲兩個月,之前有濕疹,中醫話有些脾虛及有風,加上皮膚有些亁,可有什麼食療?
我每天有用鮮淮山煲粥仔幫佢健脾.但其實鮮淮山好或製品食療效用好些? 不同中醫說法不一,有說鮮淮山只有河南好,其他都無用,製品我又怕有漂白.
YL Shek:
你試用防風,白朮,茯苓各3錢,太子參3錢,紅棗6粒,甘草1錢,5碗水煮成2碗服,一星期服2次.有健脾袪風之效.淮山無論鮮品,乾品都有益.鮮品並非全年有供應.乾品宜選用無硫磺薰過之品,以生曬淮山,及經過脫水程序製的淮山較好.售價較貴,你拿來聞時無酸味為佳.
芳姐,您好,我仔仔中了腸病毒及口腔炎,發燒了三天(頭一天高燒,第2,第3天keep 住食藥間中微燒,間中無燒,晚間高燒,)
現有疱疹在口腔內(一粒) 及咀角(超細的三粒), 暫手腳沒有,精神亦好好的,但食慾一般, 醫生叫留意普手腳有無出疱疹…
請問我可以給他什麼供服,仔仔經常訓好少,經常無午睡,晚上亦睡不好,可能這原因較易抵抗力弱,
另外,若9個月前曾患過疱疹性口腔炎,他現時近 2.5歲,
我很擔心,希望有方法令他快些康復, 亦希望他能睡多一點好讓他快快戰勝病魔
thanks
man
man Cheung:
手足口病專門襲擊2~5歲小童,你試用赤小豆,綠豆,生薏米各1兩,生薑3片,6碗水煮成2碗,飲湯隨量吃湯料.可加些少冰糖,好味些.平時可多用合掌瓜2個,煲湯豆腐2磚,鯇魚尾1條煲湯,此湯全家可飲,仔仔可飲多些,有助增加營養,清內熱.待出院後再用一些養心安神的食療,如用麥米1兩,百合1兩,紅棗6粒,茯神4錢煲瘦肉湯服,有助安睡.一星期可服2~3次.
想請問燈芯花和燈芯草一樣嗎?我今天去買燈芯花時他們給我一些一條條軟軟的東西給我已不是一扎扎的,2錢有很多,買對嗎?
Karen:
燈芯花就是一條條白色像棉線樣東西,非常之輕.燈芯草則除了這條花,更有草,用燈芯花將草綑紥住的,用燈芯草2錢不是太多.
芳姐,我想請敎一吓,係咪所有去濕的食物都有預防手足口病的功効架?咁土茯苓可以預防嗎?因為手足口病又到高峰期的時間了,我想煲一些湯水給女女作預防,謝謝.
apple:
並非袪濕湯都能預防手足口病,食療主要是健脾胃,清臟腑熱,但最重要是避免接觸病源.故要教小朋友拿食物內口前必須洗手,打噴嚏時要掩口.用合掌瓜,豆腐生薑煲生魚湯,或煲些綠豆赤小豆薏米糖水都有助預防手足口病.
芳姐,真的萬分感謝您的指導,自從知道您建的這個網站,我在小孩飲食方面完全放了心,再次說聲很感謝您,芳姐。
芳姐,您好!請問該用方適合10個月月齡大的小朋友服用嗎?盼複,感謝您!
zslqjr:
此湯10個月幼兒可服.
THANKS !
妳好芳姐 , 不好意思 , 我見到你好多食療都有 ” 金銀花 ” , 但我家有成員有 G6PD , 不能飲用”金銀花”湯水 , 所以想請問可以用什麼取代 ???
另外 , 可否同時註明在 REMARK 內 , 那麼我們便不用次次留言, 要你再回答 , 真不好意思這是我的少少提議…. THANKS !!! …. ^-^ …
煩惱媽媽:
不用金銀花,就用蘆根代替.蘆根能清熱,對G6PD患兒適合.
芳姐~~thanks~~
我仔仔對蜂膠ok的~~我都係揀紐西蘭大牌比佢的~~~
蜂膠同西藥/中藥都是隔一個小時就可以了嗎 ?
通常西醫對手足口都沒有特定的藥食嗎 ?
如果確診後, 可直接食中藥/食療, 而唔用西藥嗎 ?
中藥/食療反而多d~~~
萬一仔仔感染手足口
(有咳的悄況)~~都是飲薏米,赤小豆,綠豆,甘草水/茅根1扎,竹蔗2條,馬蹄8粒,紅蘿蔔1個,生薏米1兩? ?
(冇咳的情況)~~是飲金銀花,綿茵陳,木棉花各3錢,燈芯花2錢,扁豆1兩,冬瓜半斤?
手上的水泡紅點~~可以搽d咩呀? 同水豆一樣嗎 ?
thanks
昊朗MA:
服蜂膠後片刻就可以服西藥,不相沖的.手足口病最要是小兒要注意個人衛生,勤洗手,避免接觸患兒.如確診後必須吃藥,以免病情有變化.中醫,西醫都可治理,食療有輔助治療之效,可以加快康復,減少不適症狀.有咳,冇咳都可用我推介的任何一款湯水.手上的水泡紅點,可去中藥店買[臘梅油]作外塗.
芳姐~
你好~~
仔仔K1~學校都有小朋友感染左水豆同埋手足口~~
我仔仔佢有鼻敏感底加便秘~~呢幾日天氣轉涼~~半夜有幾聲乾咳~~
請問, 仔仔有咳可唔可以照飲呢個湯預防手足口病呀?
定係飲薏米,赤小豆,綠豆各1兩,甘草2錢 ?
另外我想問, 食療/中藥/西藥 之間要相隔一小時還是二小時 ?
蜂膠與 食療/中藥/西藥 又要相隔幾耐呢?
THANKS
昊MA:
你煲些薏米,赤小豆,綠豆,甘草水就可以.或用茅根1扎,竹蔗2條,馬蹄8粒,紅蘿蔔1個,生薏米1兩,冰糖少許,5碗水煮成2碗供服都可以.兩湯都好味,小朋友較易接受.
一般没有加中藥材的食療,服西藥後1小時後可服.有藥材的,隔2小時服會較理想.蜂膠可以早上服西藥前服用,但這類保健品都要留意有些小兒吃後會出現敏感,同時要大廠出產有保障些.1歲以下幼兒不宜食用.
芳姐:
万分感謝.
芳姐:
感謝你的资料, 實在是功德无量!!
小兒2歲, 在學校感染手足口病, 有間歇性發燒, 勁咳 , 正在服西藥 , 冇胃口 (小兒易感冒).
現在 可以服用你的湯方嗎??
謝謝.
Amy
Amy:
如果令兒感染手足口病,可以飲這湯.但如果他口腔有潰瘍,會不想吃東西,亦不想飲熱湯,可以將湯加糖煮後待冷飲.或用金銀花3錢,綠豆,薏米各1兩,甘草1錢,5碗水煮成2碗,待冷,加大糕製成啫喱,讓仔仔吃,會容易入口些,可以加些冰糖同煮.服西藥後1小時服.
谢谢芳姐。
多谢芳姐理解。但系我囡日日都有得拉大便,但系就系有时会拉石头粒,有时又唔会,所以我都唔敢俾芡实同莲子。淮山我买左几斤新鲜噶系屋企放住。。今日俾玉屏风散俾巨饮。里两日脾气有D大,一讲巨就发脾气。。
jojo:
脾氣大就用蓮子連芯1兩,燈芯草3扎,4碗水煮成2碗給囡囡服,有助清心火.
多谢芳姐:我没精神紧张啊。只系想把巨噶身体调好D。因为体质太差了,又容易上火。我依家咩汤水都没褒啊。。我系问下你每日一汤俾我女饮噶话,里D得唔得?
jojo:
不好意思,我誤會了你!中醫認為[脾為後天之本],你囡囡體質差,先調理好她脾胃,她脾胃好吸收營養多自然體質改善.可以多用淮山,蓮子,芡實煲粥或煲湯供服,(每樣1兩).[脾為生痰之源],脾虛痰就多,容易咳嗽.待外感好了,試多用這類食療,一星期可用2~3次,至體質改善即止.便秘就不宜用.
系啦..仲有件事唔记得讲,琴晚我女竟然开始吃纸,应该系肚子有虫作怪吧?
jojo:
我覺得你的精神緊張已傳給你囡囡啦!建議你要去看醫生.
芳姐:我囡依家唔咳啦,但喉咙仲系有痰,我今日褒左罗汉果无花果茶俾巨饮,如果饮左仲有痰噶话可以一直褒俾巨饮吗?仲有我女身高、体重都唔系好达标,我可以褒鮮淮山沙參玉竹鵪鶉湯和淮山芡實鵪鶉湯吗?一个礼拜褒几次好呢?巨容易上火一个礼拜褒两次茅根竹蔗紅蘿蔔馬蹄水俾巨饮。一个礼拜褒一次夏枯草水俾巨饮或鱼腥草水,可以吗?里个蟲草花淮杞芡實水鴨湯我可唔可以换成肉或者鵪鶉呢?巨大便好臭,你话蘆根5錢,薏米1兩,粟米芯5錢,5碗水煮成2碗,用來開奶飲.我一个礼拜褒一两次还系可以日日褒啊?淮山玉竹麥冬鷓鴣湯我囡依家有痰可以饮里个汤吗?巨几个月到依家两岁半都系眼好蓝,再加上今年成日吃药又面色好差,你话眼白藍是多風,可以用2錢蟬蛻,2錢菊花,防風3錢,5碗水煮成2碗供服,可連服2~3天,巨面色差我就想俾巨饮玉屏风散,可以吧?一个礼拜噶日日饮以上噶汤水,得唔得啊?想把巨噶抵抗力提上去..
jojo:
你每日都煮這麼多食療給你囡囡,她受得了嗎?不可以這樣依靠食療的.小朋友最重要是飲食均衡,多做戶外活動,多飲水就差不多了.尤其是小朋友經常去公園跑跑跳跳,好過吃補品的呀!感冒後通常都會咳一些時間,只要不變差,讓她身體自己[工作],小朋友儲有一定[抗體],自然能抵抗許多外邪.補益湯水一星期1~2次已足夠.
多谢芳姐回复。我俾噶肠虫清就系西药,而且系大陆里边话最快去虫噶,但系都系唔得,所以睇下你有咩食疗介绍俾我?生南瓜子系唔系屋企吃南瓜时果个子俾囡囡吃就得啦?
jojo:
是生的南瓜子,一定要生用.去皮搗碎,每次1湯匙,早晨空腹吃,連服7天,可去蛔蟲,蟯蟲,縧蟲等.生吃大蒜亦有療效,大約每次吃5粒,空腹服.
芳姐.我可煲水鴨嗎.化療完9個月
小吉婆婆:
水鴨滋陰補腎,你可以用.不過宜去皮及去油脂才用.
芳姐:
近來不適睇中醫, 醫生說我虛火, 情況頗嚴重, 我亦明顯覺得自己氣虛及睡眠質素差, 有沒有甚麼可以調理一下呢? 謝謝!
Emily:
虛火盛可以多煲些粥食,例如用皮蛋,瘦肉煲蠔豉粥,就能滋陰降火;或用節瓜,老豆腐,淡菜煲瘦肉湯都能降火.兩款食療都不太寒涼.或用蓮子,百合各1兩,小麥米2兩煲麥米粥服都有益,能清心安神.蓮子可以用鮮蓮子,連心一齊煲更有益.
芳姐:你好。我想问下我囡囡两岁半,肚子有虫点去啊?食左鹧鸪菜、吃左大陆里边噶肠虫清,都系唔得。翻开下嘴唇睇,仲系可以睇度好多有一粒粒,仲有训觉会出晒力去咬牙切齿(以前成日咬牙切齿,依好好似就训觉先会),有时就磨牙,训觉仲会发梦。。谢谢!仲有问下我妹夫果个焦虑症个汤水,用生鲍鱼得唔得?
jojo:
你囡囡肚有蟲必須看醫生,現時的藥很快可將蟲袪走.用生的南瓜子,搗碎用温水沖服能袪蟲;或用烏梅幾粒,2碗水煮成1碗服亦能袪蟲,但要服1 段時間,都是西藥快捷妥當.焦慮症湯水可以用生鮑魚.
早晨芳姐.多謝你的回覆.我今日去買返來比佢飲.唔該晒你.
芳姐.囝囝昨晚肚痛(抽著痛)+嘔左好多次.飲少少水都嘔返出來.照左腹部又話腸有塞.可能係腸胃炎.今日白天好好的.但今晚又嘔了一次.還帶有些燒38右左.我現在給他塞左止嘔藥.請問可以煲哋咩可以.止嘔呢.因塞完止嘔藥後佢成個人好累.面帶些青.所以想用中藥治佢.唔該芳姐.
mo:
你可以用蔗汁1杯,加生薑汁1茶匙供飲有助止嘔,又有暖胃功效.如無蔗汁,用竹蔗2條煎水,加生薑4,5片同煮都可以.
芳姐:
1:小兒3歲;近一星期體溫差不多100度,有精神、有玩有食!有少許鼻水,朝早有幾聲咳!請問有乜可以煲比佢飲。是否內熱or天氣乾燥?
2:早前你教蟬退、雞內金、蜜棗。因為雞內金是苦,可否加菊花嗎?加了菊花後感覺無咁苦,仲有少許菊花味,易入口d。佢仲問我係邊到買,好好笑。(功效會否一樣)
佢胃口好咗、心情無咁忟,我心情都好咗!我真的很感謝你。十分十分感謝你!
3:我買的燈芯草不是一束束,是一條條燈芯。兩者有否不同?
蟬退、雞內金。可否加燈芯草?加了後功效會否不同?
再一次感謝你~
tingyan61:
可以加菊花同煮,没問題.菊花能清肝熱,小朋友多數會有點肝火,適量用點菊花是好的.燈芯花大都1扎扎的,條狀較少見,應該是有草,有條白色軟綿綿的芯捆住那種較正宗.燈芯草能清心火,可以加3扎,錢半,2錢左右,無需太多.
芳姐謝謝你,我嫲嫲己散於,見你之前有個牛大力杜仲紅棗豬骨湯是否合煲比老人家食用.
同我姑姑有哮喘病,唔知係咪成日咳及喘以至有嚴重耳嗚,睡得不好,已看過好多醫生,想問可否有湯水幫她,謝謝
甜心屋:
經常耳鳴,可以用首烏5錢,黑豆1兩,杞子4錢,桑椹子4錢煲豬展湯服,6碗水煮成3碗左右,經常服用,可改善症狀.
多謝芳姐!
芳姐:
妳好!本人三十八歲經期完結後約一星期分泌特別多,這幾個月來還有些深啡色,沒有異味有纖維瘤,請問有甚麼食療可介紹呢?
rita:
你可以用黑木耳2朵,紅棗6粒,紅糖適量,4碗水煮成2碗供服,飲湯吃黑木耳.有助活血袪瘀.可經常飲用.
多謝芳姐回覆!但小女股關節會好常有’咯咯’聲,還有,日間着短褲或短裙在冷氣下,晚間就痛.中医’痛則不通,通則不痛’,是否關節有風,受凉所制?唔該芳姐!
Coco:
你試用鮮牛大力2兩,生熟薏米1兩,赤小豆1兩,蜜棗3粒煲豬骨湯服.有助强筋健骨,袪風濕.
你好,很喜歡你的blog,獲益良多,現有一事想請教,小女今年五歲多,自兩歲多起,兩腿膝蓋及股關節,時不時痛,患處表面不紅不腫不發熱,一個月一至兩次左右,通常在下午或晚間痛,早上睡醒就不痛了,去医院睇醫生,照X光之后,找不出問題,說可能是生長痛,請問是什麽問題或是身體虛?肝腎不足?平時有什麽食疗可以幫助嗎?另:小女個性膽小,內向.被動型或者都與體质有關嗎?謝謝芳姐!
Coco:
你囡囡可能生長快速,故會出現[發骨節]的疼痛,試用生薏米2兩,鮮檸檬半個,冰糖適量,5碗水煮成2碗供服,經常飲用,有助減少不適.檸檬可後下,大約煮3分鐘即成.如果囡囡體質偏寒,可以生,熟薏米各1兩一齊用.
芳姐︰
多謝你的回覆喔!
請問咁飛蚊症有沒得醫啊唔該在日光時間就有,特別係空曠d既地方。夜晚6點左右就沒乜至朝早7點又有。
人:
飛蚊症可以用[三子黑豆湯]服,桑椹子,女貞子,杞子各5錢,黑豆1兩,製首烏5錢,菊花3錢,先將材料用5碗水煮成2碗,最後加入菊花滾3分鐘即可供飲,一星期服3次.另外可以去裕華買蘭州藥廠出的[明目地黃丸]服用,服1~2瓶可加快康復.
芳姐,
先前你曾提供猴頭菇栗子健胃湯水,有胃酸倒流,胃炎可服嗎 ? 胃痛不是不可吃栗子的嗎 ?
sasa:
猴頭菇湯對脾胃有益.胃痛可以用栗子煲湯,不吃栗子就成.胃酸倒流可以用墨魚骨3錢,浙貝母3錢,白鑊炒香後研末,用温水分2次送服,能抑制胃酸.
芳姐早上:
又有事要請教你,我先生30多岁,每逄轉天氣,就会全身痕痒,特別肚臍圈边会变黑,有什麼方法可以舒緩,麻煩晒,多謝!
meimei:
天氣乾燥時記得不要用太熱的水沖涼,會將身體油脂洗去而令皮膚乾燥痕癢.沖完涼後可以塗些潤膚油,或純蘆薈精華霜.可以用鮮土茯苓3兩,綠豆,薏米1兩,蜜棗3粒煲瘦肉湯,6碗水煮成3~4碗,全家可飲.有止皮膚痕癢功效.
芳姐你好!
就上述所說的微波爐問題不宜經常用之外,我家用的是微波+焗爐2合1的,想問用焗爐是否一樣有問題,多謝!
meimei:
焗爐煮餸没問題.
雅嫦:
你試在左手邊[家常湯餸]或[家常食療]中找找合適的湯水.通常全家可飲(包括學生)的湯水會編在該欄中.
芳姐 :
多謝你的回復。我會跟着煲給她飲。吾好意思芳姐,請問有關對莘莘學子的保健湯水又如何呢,還是你會開一個編幅來介紹呢?謝謝!
芳姐你好︰
我先生48歲非常好飲啤酒(每晚最少10罐)而且非常夜訓,工作又要勞力,但胃口相當差,每日兩餐(包括宵夜)正餐多是沒胃口,雖然身體看似沒什麼(但手腳有時都會冰冷的),本人確實有點担心,請問可煲什麽湯水幫助胃口好一點及調理一下呢?非常感激你的回覆…..多謝!
Sylvia:
你先生飲啤酒實在過量了,必須要改變這種飲食習慣才成,否則日子有功,會有個大肚腩,且脾胃虛寒,食慾差,消化不良.你試用香附,砂仁,黨參各3錢,桂皮2錢,煲牛肉或鮮魚湯飲,能健胃袪寒.
芳姐你好:
想問:煲好的中葯,放入雪柜过夜,清早用徵波炉丁热飲,有沒有問題?如果平時的湯丁热,可以吗,请指教,多謝!
meimei:
我不太贊成用微波爐,偶爾時間太緊迫用一次、半次没問題,經常用微波爐煮食或翻熱飲品、食物對健康無益.因有著名教授做過測試,用微波爐叮熱的水,待涼後用來灌溉植物,三天即死.用其它涼開水則没問題.証明微波對生物有害處.
芳姐,
你好!, 請間纖維線增生是否等同乳線增生? 怎麽樣會有呢預?
有沒有食療可改善或預防(除了做超聲波掃描)?
謝謝!
Wing:
乳腺增生通常都會說明是乳腺增生,很少會說成纖維腺增生的.通常多由於肝氣不舒,過食甘肥厚味引起.平時可以沖泡一些玫瑰花,山楂茶來飲,有助舒肝氣,活血袪瘀.黑木耳亦可以用來煲湯吃.
芳姐:
你好!經常翻閱你的網站確實獲益良多。現有一事想請教,小女今年十七歲,是應屆高考生,現在學校的測驗及補課已進入高峰期,又經常睡眠不足,想請教芳姐可否提供一些日常湯水或補健茶作保健提神或調理之用。
又小女多年來(應該是自來經以後,都有三年多了)都是滿面暗瘡,面頰、額頭、下顎以至胸口及上臂外則都有,其實都經常食綠豆糖水及飲涼茶如夏枯草和五花茶,都沒大幫助,也曾經叫她看醫生,可能年紀尚小,她總覺得沒此必要,但大人總會擔心囉!想請問芳姐如此嚴重的暗瘡,是否屬於內分泌失調?在食療或湯水方面是否可幫得上?因本人已查看芳姐以前在暗蒼方面的介紹,可否照着用呢?
其待你的大作,一定鼎力支持!
雅嫦:
謝謝支持!
你女兒可能精神緊張,影響了荷爾蒙分泌,故才會滿面暗瘡.你試用生地1兩,綠豆,薏米各1兩,紅棗6粒,乳鴿隻,5碗水煮成2~3碗供服,連服一周,能消暗瘡.外用方面,可以用生的白果肉數粒,搗爛後用紗布包住,塗擦患處,或用鮮蘆薈,去外皮,搗爛塗患處,兩者都能消暗瘡,最好一日2次.半小時後用清水洗淨便成.少吃煎炸辛辣之品.可以參考我網頁中治暗瘡之茶飲試試.
芳姐,您好!想問如感到口腔好乾,上咢和舌頭,牙肉內側都感到非常"鞋",維持了一星期,但是沒有痛,請問有沒有湯水舒緩下?謝謝!
Kris:
你試用沙參,玉竹或海玉竹,麥冬各3錢,雪耳2錢,蜜棗3粒,蘋果2個煲瘦肉湯服,能滋陰潤燥,改善口涸咽乾症狀.
芳姐
小朋友氣管弱 可以飲此湯嗎?
phoebe:
小朋友氣管弱都可以飲此湯.
芳姐
家中有人買咗5-6舊紅景天回來(每舊乒乓波大)我配咩材料煲湯或 煲咩茶好, 每次份量用幾多。
謝謝
LI:
紅景天一般是去西藏或高山地方旅行前煲來服用,有助抗高山症.但平時我很少會買來作食療,可以配蜜棗煲水代茶飲.每次用2個.