By 芳姐 ( 5 10 月, 2011 at 10:33 下午)
· Filed under 家常湯餸/雜病
鮑魚含多種維生素,礦物質,是低脂肪,低糖的有益食品.味甘鹹,性平,有滋陰清熱,益睛明目等功效.可治療陰虛內熱,白內障,乾咳等.
乾身大隻的鮑魚越賣越貴,近月親友送我一盒乾鮑魚,一番心意,馬上浸發.原來產地不同,浸發效果亦有異,今次的是南非鮑,較易腍身.澳洲乾鮑就差一點,浸發多天,口感仍然不夠腍滑.
家庭式浸發宜用電子瓦煲,不用看火.浸發方法如下:
1.水滾後放入乾鮑滾半小時,熄火焗1~2小時,取出清洗,去腸頭.
2. 加入腩排,雞殼及水(清雞湯更佳),蓋過鮑魚面,再加少許冰糖,慢火煮3~5小時,焗10小時就成.
小貼士: 隔晚煮第二天就可取出烹煮,可以用蠔油等調味燘煮,埋芡汁,再加菜胆或西蘭花拌碟,就是一味矜貴好味的小菜了.
Permalink
芳姐早上!想問:鮮”干”鮑魚的区別,如鮮鮑魚如何烹調,还有,有時街边摆摊卖很細的鮑魚仔,这个好吗,它們会是哪裡生產的呢?会不会假的呢,請指教,多謝!
meimei:
海鮮檔經常有細隻的九孔鮑賣,可以用蒜茸葱花等清蒸,鮮甜好味又有益.澳洲急凍鮑煲湯最佳,湯味鮮美,整隻煲好才切片供食.乾鮑就要浸發,有些很細隻的要看產地,越南出產的易腍;菲律賓的怎樣煮都不會腍,看售價就知道,貴的就易腍.無論,鮮品,乾品都有滋陰,明目等功效.
請問這個是不是去胃火的?
材料:蒲公英4錢、生甘草2錢,連翹3錢
gel:
蒲公英,連翹很寒涼,如要清胃火,可以用大豆芽菜,老豆腐煲瘦肉湯服.
請問益母草+山楂可否天天飲?
對女仔會唔會涼?
湘湘:
益母草山楂可調理月經,痛經,但不宜天天飲.