By 芳姐 ( 19 10 月, 2010 at 7:52 上午)
· Filed under 花草茶
在上環一間有機菜檔見有新鮮洛神花賣,30元1磅,由於花很輕秤,買一磅已有一大袋.鮮花除了適合泡茶,更可以用來做蜜餞,果醬,可以塗面包,或做糕點.
洛神花果醬做法簡單,取洛神花萼,(中間的綠色果實不要,或用來煮茶飲)洗淨切碎後放入煲內慢火烹煮,加適量蔗糖煮溶,即可入瓶,隨時拿來用.
洛神花茶有消脂減肥,助消化,護肝,降血壓,生津解渴等功效.茶味清香微酸,上班一族可用乾品沖泡.
用料是: 洛神花5,6朵,蜜糖(或白糖)適量.
做法: 洛神花去果實,只取花萼放入壼內,用沸開水沖洗一遍,再沖入沸開水,焗7分鐘左右即可調入蜂蜜飲用.
~ 小貼士: 洛神花其實用的不是花瓣而是花萼,此茶能提神解渴,清熱降火.對高血壓及肥胖人士很有益 但孕婦不宜服.
Permalink
芳姐,想問一問, 我經常有飽滯感,請問珍珠米是否比絲苗米難消化呢?
粉絲:
珍珠米最宜用來煲粥,黏性較絲苗米重.不會雉消化的.
芳姐
你話取洛神花萼,(中間的綠色果實不要,或用來煮茶飲)，請問中間的綠色果實係咪即係同冲洛神花萼一樣，就咁沖入沸開水,焗幾分鐘就可飲用？ 另外想問係藥房門見到有乾柿餅賣，我又買了２個回家，想問乾柿餅有咩功效？但乾柿餅好硬，是否就咁用暖水浸一浸取出切件食？面頭白色粉會否浸完水冇哂架？除此當涼果食，還可有其他食法嗎？thx.
beebee1997:
洛神花中間那粒果實一般不會用來泡茶,做果醬時與花萼一齊做就可以.
杮餅能潤肺健脾,止咳喘.杮餅上的白霜名[杮餅霜],有利咽喉,止咳功效.食用只需用開水浸洗一下就可以食用.可以用來煲粥,治小兒腹瀉及慢性腸炎.
花萼係咩
鄭鄭:
花萼是托住花朵的那些萼片,花朵謝了脫落了就會在中間結粒果.
芳姐
你好呀! 可否告知菜檔在哪
carman:
我在上環正街(皇后大道西往下走幾步)有檔很細小的有機菜檔,有洛神花賣,30元一磅,但不知現在有没有得賣?如去到,你要問才會拿給你.
芳姐, 我本身已非常喜歡洛神花茶的味道，一般只買乾花來沖泡飲用，今天經過間菜檔有新鮮洛神花萼賣, 非常興奮好似執到寶咁,。買了大約20個回家後才想起不知道要怎麼處理新鮮的洛神花萼，因每次沖泡都只用一兩朵，餘下的怕容易爛，可建議怎去處理嗎?
VV:
我剛巧又買了洛神花,做了果醬,可隨時拿來沖茶飲.方法是洛神花去中間粒果,花萼洗淨,切碎;放入煲內,加2~3湯匙水及碎冰糖,用慢火煮,用筷子不斷攪拌至冰糖完全溶化,成糊狀即可待涼,儲於玻璃瓶內,每次用2茶匙左右沖茶飲.(做好的果醬需放入雪櫃.)
芳姐：
我己經是用你的做法送出迴響的。
lala:
奇怪,總有一,兩位網友的廻響在版面見不到的?不知什麼地方出錯?
芳姐：
今日經過菜檔己見有一客人大手掃貨買晒全部洛神花一朵不留。
lala:
你第日登入來試用文章下面’leave a comment’填了名字,電郵地址(URI不用理),在下面空格內寫了內容,然後按[送出廻響],就可以見到你的廻響了.否則在頁面是無法見到的.
芳姐：
上星期買了一磅20元，今星期再買二磅己經加咗價要24元一磅了.
lala:
咁平?不錯啊,可以買多些少炮製洛神花果漿,放雪櫃,隨時可用.
芳姐：
請問做洛神花蜜餞可以用黑糖嗎？
lala:
可以用黑糖.今天我恰巧去蕉坑遊覽,裡面有個有機種植嘉年華,也買了一些洛神花,非常新鮮美麗,但稍貴,60元1斤.我用冰糖炮製.
我下次試thx………
我這幾片迴響有冇隱藏到或者有那一片隱藏咗呀?????????
Florah:
全部都隱藏了,你要再用我的方法試試.
hi 午安
hi….
芳姐我都不知道,我自己覺得有d奇打完揾唔返遍迴響.出返去再入返又睇到.
Florah:
我剛才都找不到你的廻響,但旁邊右手邊[近期廻響]就見你的名字,要出番去再入番才見到.你下次登入時要在該篇文下面’Leave a Comment’處填了姓名,及電郵文件,(URI可以不填),在再下面空格入寫上內容,按[送出廻響]就可以啦!這樣寫法就不會出現你現在的情況.
芳姐：
可否教我做洛神花蜜餞？
lala:
洛神花去果實,用淡鹽水浸片刻,撈起瀝乾,放入康寧煲或瓷煲中,慢火煮至花萼軟,加入冰糖碎煮至溶化即成.可用來塗麵包,沖飲亦得.
thx
Florah:
你用了什麼方法,可以不用私人回應而在網頁內看不到你的[廻響]的?請告訴我好嗎?那其它網友的私人回應就無需要在頂部按[聯絡芳姐],又要填一輪東西,又要我在另一電郵信箱中作回覆了.如你這樣豈不更快捷?
芳姐:我糖尿有d扎界空腹6.5,所以我唔敢食得太甜,洛神花如果食緊薄血飲有冇問題…..
Florah:
洛神花較平和,吃西藥都可以飲.
芳姐:
早晨!我仲想問吓你話用花萼,係咪買返嚟去咗中間粒果實就得啦?
Florah:
要去了中閶粒果實才用.
芳姐這茶可否日日飲呀,真係有D酸.因我怕飲得太多蜜糖會有糖尿病呀!
Florah:
可以每天飲的,不要加太多蜜糖就得.健康正常的人不會因此而患糖尿.
嗯! 明白了。多謝你的指導。
我已買了田七片吃了, 每日早及晚各吃3片, 是否正確? 希望能降低膽固醇。
Candy Hung:
這樣吃一段時間可以有效降膽固醇.但日常飲食宜清淡,少吃膽固醇含量高的食物才成.
原來係咁神奇的, 謝謝您芳姐, may!
我女兒青春期鼻上起了一些粒粒及有黑頭, 有甚麼方法消除及防止? 是否也可用白果肉消除?
Candy Hung:
可以試用白果作外塗,或用絲瓜,削皮後作外塗.有助消炎及除黑頭.日常要勤做清潔,少吃辛辣,肥膩煎炸食物.
CL:
每天用3,4粒白果肉,搗碎成茸敷在面上,或剖開對半在面上塗擦,至汁乾換第二粒.大約半個小時就可清洗;每天用,至印消失為止.
謝謝芳姐! 🙂 很喜歡你的網站!!
我女兒也用白果去暗瘡印, 效果不錯! 芳姐, 你知道有何方法去墨嗎?
may:
墨尿除了去美容院脫之外,暫時都未知有何方法可以用食療或食物脫除.必須找信譽良好的美容院.
每次需敷幾耐? 每星期敷多少次才有效? 謝謝您!
明白, 謝謝芳姐!
你是指白果肉如內服有消炎,去暗瘡印的功效? 磨成粉作面模可以有這功效嗎?
CL:
不是內服,白果肉去殼後生用塗面,或磨成茸敷面亦可.記得是生用才可去暗瘡印,但要有點耐性.
好的, 等我買一罐來用吓先得!
我弟弟一食熱氣野(牛肉都會), 第二天面部就會出現粒粒暗瘡同紅印, 飲了綠豆水後幾日後才漸退,
如內服, 可否介紹更有效的食品來改善?
如外服, 可否用綠豆粉做面模作日常護理而減去紅印? 或可否介紹其他有效的天然食品作面模?
謝謝你 ^^
CL:
綠豆海帶湯,或綠豆薏米糖水都對皮膚各種病症有幫助,但性較寒涼,體質偏寒就不適合.
白果肉有消炎,去暗瘡印的功效.絲瓜削皮後可按摩面部,作美白袪斑美容品.綠豆粉很少用來作面膜的,你還是用薏仁粉好了.
好開心呀, 我一定會試吓的, 多謝你芳姐 ! ^^
CL:
要有耐性才成,有效的,能令皮膚更細嫩.
芳姐, 請問是上環哪一間有機菜檔? 可否提供地址? 謝謝!!
may:
在上環正街,穿過皇后大道西沿正街往下走兩三個檔口左右就有一檔有機菜檔,很細小的,但品種多,今天我就買了有機菜和鮮蓮子,鮮栗子等,洛神花尚有供應,很多人買.
芳姐, 上述Candy Hung所提問的, 我也很有興趣想試吓, 請問薏仁粉用於面部通常是用生的還是熟的薏仁粉?
如整塊面做面模, 用料及時間需多少? 謝謝!
CL:
通常都用生薏仁粉.超巿有台灣出的現成薏仁粉賣,不太貴,可內服,外用.用1湯匙就夠,冷開水大半湯匙,蜜糖2茶匙,調勻後敷在面上,然後輕輕按摩,很快乾的,再拍些少水在面上,再按摩多一次,有點像做磨砂清潔美容般.半小時或1小時後用清水洗淨,塗點日常用的潤膚品就得.有美白,袪斑,去疣等作用.
明白, 如一次用不哂, 是否可以第二日再用? 還是不要了?
Candy Hung:
最好一天用完,以免滋生細菌,反而不美.
Candy Hung:
你可以用薏仁粉1湯匙,用少許蜜糖,少許開水調勻,(要濃稠些少),塗在患處後輕輕按摩,乾後可再用少許水稍弄濕再按摩,至發熱為止.半小時後用清水洗淨.眼部油脂粒也可以用此方法,但要輕手一些,不用皮膚發熱,發紅.
對呀! 我是剛剛驗到有膽固醇過高, 咁是否膽固醇低番, 就沒有那些油脂粒。
我想問清楚點, 我用薏仁粉開水搽, 咁是否日日開水搽? 用多少薏仁粉份量開多少水才適合。
咁油脂粒是否不能搽的?
想請問眼肚下生了那些油脂粒及步入中年開始出那些好像老人班, 是否可以用薏仁粉加水搽? 是否每日搽? 搽到結蕉就自動脫下。 每否令皮膚敏感, 因本人皮膚比較敏感。
仲有我發覺現在皮膚生了一些肉色的肉出來, 請問是否色肉? 是否可以用薏仁粉加水搽都可以?
Candy Hung:
眼睛附近生油脂粒,有可能是體內膽固醇過高之現象,建議去作檢查.老人斑和皮膚上長些肉色肉粒出來,都是一種疣病毒感染.可以用薏仁粉每天塗擦,要按摩至皮膚有些少熱,微紅才成.一頭半個月就會自動消失,有些較厚的會結焦,有些則自己消失.很有效的,但必須要有耐性.
唔好意思, 忘了告知他只有16個月大, 謝謝~
芳姐您好!
我囝囝咀嚼成日好乾, 我成日都有比水佢飲, 亦有用湯水來煲粥, 而家仲有脫皮, 請問有咩可以煲比佢飲呢? 佢可以飲花旗參嗎?
芝芝:
你仔仔得16個月大,不宜常用花旗參茶,間中飲用尚可.不妨煲些茅根竹蔗馬蹄紅蘿蔔水,或用蘋果,雪梨,無花果,杏仁煲瘦肉湯飲用,能益肺潤燥生津.
小吉婆婆:
感冒初起,痰濕體質,胃寒者慎用石斛.
多謝芳姐
重想問多一下.有o羊事係唔可以食石斛
重有一個好緊要的問題要問你呀, 就係想問吓你介紹的湯水, 係咪無寫住孕婦不宜, 意思係咪孕婦都可以飲呀, 因我唔知咩可以飲咩唔可以飲呀, 所以想看著你介紹的湯水來煲呀 THANKS
心急人:
你可以登入左下方[友情鏈結][寳寳好]網站,在該網站有很多產前/產後食療,都是由我寫的,你可作以參考.如有不太適合孕婦食用的,我多數會寫明.
多謝你回覆呀, 睇完你的回覆鬆一口氣, 重有想問吓剛開始知道有孕, 有咩要注意呀, 例如有咩不可以食呀, 謝謝
心急人:
懷孕時期宜多吃温暖的食物,少吃生冷寒涼之品,有助脾胃消化吸收.一些容易引起致敏的食物,如筍,蝦,蟹,鵝,芒果,菠蘿等少吃為宜.盡量吃[大路]及人們常吃的[正氣]東西.但凡有活血袪瘀作用的中藥材,如田七,丹參,紅花,桃仁,山楂等忌用.甚至生薏仁都對子宮有輕微興奮作用,懷孕初期都不宜用.
多謝芳姐詳細答覆!
芳姐 :
咁咩叫做微興奮子宮作用呀 ? 因我之前飲洛神花荼時未知自己懷孕, 到依家知道懷孕後就見到你話孕婦不宜飲用洛神花荼, 咁我飲咗有咩問題架 ? 好擔心呀
心急人:
子宮興奮即子宮有收縮作用,洛神花令子宮收縮的作用非常輕微,你飲過没事就没事,不用担心!紅花茶就不同,其活血袪瘀作用强,用量多會令孕婦小產.
芳姐；
你好，我又來煩你，後下的意思是不是煲好前10分鐘放花旗參片？謝謝！
李老太:
是煲好湯後放花旗參,息火焗10分鐘又得,或煮滾5分鐘又可以.
芳姐:我想問廣東豬腳彊醋怎樣煲…………
Wai Fong:
廣東豬脚薑醋,首先要買大肉薑,刮皮(皮吹乾,可以用來煲水洗頭沖涼),薑用刀背拍鬆.
買備甜醋10斤,黑醋1斤,薑6斤,蛋12隻,豬手2隻.薑與甜醋,黑醋煮1小時.
豬手出水後煮30分鐘,放入醋中煮20分鐘,蛋先烚熟,後放入浸1天即成.
芳姐：
你好，我想煲花旗參，玉竹頭，無花果生魚湯，因我家奶奶喜歡煲生魚，請問應該放多少玉竹頭花旗參和幾多碗水，今早我買了兩條生魚，大約9 兩重一條，我家一共6 個人飲用，謝謝解答。
李老太:
一家6口,玉竹頭可用1兩,花旗參4錢就夠,要後下.用大約10碗水煮成6碗.
芳姐早晨..想請問.我今早買左D粗食石斛
要黎煲o羊好.一家大小飲
唔該~~^^
小吉婆婆:
石斛可配玉竹,淮山,杞子,花旗參等煲瘦肉湯,能滋陰降火,養胃陰.
仲有芳姐, 細恐龍有磨牙, 是心火盛還是其它?
恐龍媽媽:
小朋友晚上磨牙,大多數是精神緊張的表現,小朋友一樣面對很多生活壓力,如朋輩的問題,功課學習上的問題等.宜多引導他們傾談心事,了解情況.可以用麥米1兩,甘草1錢,茯神4錢,紅棗8粒煲水代茶飲,有養心安神作用.加些冰糖同煮,非常好味,大人,小孩都可以飲.
早晨! 芳姐, 我買了隻鷓鴣, 煲什麼湯好? 兩個大細恐龍都是脾虛. 唔該!
恐龍媽媽:
鷓鴣可以配淮山,雪耳,杞子,杏仁煲湯,或配淮山,蓮子,芡實煲湯有潤肺養顏,健脾化痰等功效.或配川貝,杏仁,陳皮,紅棗燉湯,對容易患上呼吸道疾病,或痰多氣喘人士有益.小朋友脾虛容易生痰,常煲這類湯飲有益健康.
想問吓為何孕婦不可飲呢款洛神花呀 ? 飲咗會有咩問題架 ? 唔該
心急人:
花草茶雖然有益,但其中很多花茶都有活血袪瘀,或興奮子宮等作用,故孕婦不宜飲用花茶.洛神花亦有輕微興奮子宮作用,為安全計,孕婦還是少用為佳.
hi