By 芳姐 ( 9 7 月, 2012 at 7:46 上午)
· Filed under 內分泌疾病/造血系統疾病
雪耳含有天然膠質,可比美燕窩,加上它有滋陰作用,長期服用可潤膚養顏,並可減淡面上的黃褐斑,雀斑.它亦是一種含膳食纖維的減肥食品,可助胃腸蠕動,減少脂肪吸收.同時富含維生素D,能防止鈣質流失,對生長發育十分有益.
近代研究,雪耳能刺激造血細胞生長,因做手術或大病後白細胞減少,體質虛弱者,可以用雪耳,配合北茋煲湯作調理,有滋陰潤肺,益氣養胃,强心補腦,提高造血細胞等功效.
用料是: 北茋5錢,雪耳4錢,瘦肉適量.
做法: 北茋洗淨;雪耳浸軟後去蒂;瘦肉出水;將全部材料放入煲內,用5碗水煮成2碗即成.飲湯隨量吃雪耳.
~ 小貼士: 雪耳以肥厚而朵整,質地輕,色澤呈白色略帶微黃,無蒂頭、黑斑或雜質,摸起乾燥無異味者為佳品.此湯對肺氣虛弱,氣喘氣短者均適合.但外感未清者不宜.
Permalink
芳姐您好,如果牛大力湯飲唔飲得架?謝謝
Jenny:
你關節骨紅班狼瘡,可以用鮮土茯苓2兩,赤小豆,薏米各1兩,紅棗4粒,新鮮蜆肉或蚶肉4兩煲湯服,8碗水煮成4碗,可分2天飲,一星期2次.有助除濕解毒,通利關節.
芳姐您好,紅斑狼瘡(關節骨)除左用紅蘿蔔1個,蘋果薯仔榨汁因為之前飲,經常去廁所,所以想問仲有無其他適合嘅湯水?謝謝你
Jenny:
紅斑狼瘡是自身免疫功能出了毛病,切忌胡亂進補,以免挑釁免疫功能令病情加劇.可以用紅蘿蔔1個,蘋果1個,薯仔一個,洗淨去皮榨汁供服,一星期3~4次,即榨即飲,有助改善.可以去幾間大學的中醫門診找經驗好的中醫看診.
芳姐您好,爸爸57歲有紅斑狼瘡(關節骨)現在在醫院打抗生素針,醫生話要打一星期,請問平時應該俾咩湯水有助病情?謝謝
另外如果遲下打完針出院,佢食緊西藥,可唔可以睇埋中醫加快康復?謝謝
買了包雪耳,用1.5小時燉瘦肉百合湯。
後來雪耳遇熱少少融化,湯水變得似膠水質感,而且帶酸味。
請問這情況是否正常可飲用?
doris:
優質雪耳味清香,無酸味,你買的雪耳可能用化學品製過,最好用清水浸1小時,將水倒走才用.下次買樟州雪耳,細細朵,拿在手裡聞有蛋白似的清香味才買.
芳姐,多謝妳的回覆。
林槙:
你可以煲這款湯供仔仔服.另外花生衣最合血癌患者服用,在上環皇后大道西149~162號一帶有花生衣賣,大大包掛在店門前,可以買些來作日常保健,反正不是藥,西醫都不會反對.用花生衣3錢煲瘦肉湯,煲半小時,每日1劑.另外阿膠亦是補血佳品,可去大間有信譽的中藥店買山東阿膠,每次用1塊打碎,放入碗水,加八成滿水蒸至溶化,可存雪櫃一星期用,飲這款北茋雪耳湯時加2~3湯匙調勻供服,療效更顯.
芳姐妳好:仔仔十一歲,骨髓性急性白血病,剛做完化療白血球指數係零,可以飲這個北芪血耳瘦肉湯嗎?
仔仔十一歲,骨髓性急性白血病,剛做完化療白血球指數係零,可以飲這個北芪血耳瘦肉湯嗎?
KATIE:
靈芝可以和鮮淮山一齊煲.可以放杞子,紅棗,雪耳,瘦肉都得.
芳姐:
你好!我想問問靈芝可以同鮮淮山一齊煲呢?
還要落咩材料呢?
EMMA:
黑木耳,雪耳能刺激造血細胞生長,故不妨用白背黑木耳2朵,雪耳1朵,紅棗6粒,配黨參,北茋各3錢,紅糖適量,5碗水煮成2碗供仔仔服,飲湯吃木耳,雪耳.連服來劑,看能否改善?
芳姐,你好!
我兒10嵗,最近有白血球偏低,近俩个月來验咗好幾次血,结果都是一樣,骨髓檢查都做咗,但醫生都仲係話未揾出造成白细包偏低的原因,想請問芳姐有听過類似的事嗎?可否推介多啲有關這方面俾小朋友的食療?冒眛請敎,衹因心急,感激不盡。
訪客:
雪耳煲好當天食用没問題,別要浸過夜就成.
芳芳姐:如果一早煲雪耳湯放燜燒煲,到晚上放工飲,怕唔怕的雪耳浸在湯太久?
YAUYAU:
你買嘉美雞或康保雞這類有機雞就成,不用激素飼養,安全有益.不用當歸,可改用圓肉10粒或紅棗6粒代替.
芳姐
八珍湯。
如果唔用當歸, 可以用什麼。
芳姐!
謝謝
請問走地雞 係唔係好難買?
yau yau:
白血球低,可用八珍湯燉雞常服.八珍湯料: 川芎,當歸,白芍,熟地;黨參,白朮,茯苓,炙甘草,各用1~2錢,燉走地雞1/4隻,3碗水燉2小時.或5碗水煮1小時亦可.一星期2次.有助改善.
芳姐您好!
本人45歲, 請問有白血球底, 有咩湯水可以幫助?
謝謝!
Irene:
外感即傷風,感冒發燒這類受感染疾病.北茋雪耳湯可加蜜棗,加了湯水甘甜些及潤些.
芳姐:你好!想請問外感即係? 北茋雪耳湯可否加蜜棗?如加了對功效會否改變呢?
多謝方姐的回覆⋯⋯^_^
alin:
白細胞偏低,可以經常用雪耳,雲耳(或木耳)各適量,杞子3錢,紅棗6粒煲瘦肉湯供服,飲湯要吃些雪耳或木耳,有助刺激造血細胞增長,又安全.只要加多些瘦肉,全家可服.
方姨你好,我女女三歲五個月,醫生話佢白細胞偏低,但又話無需要食藥,你呢個湯適合我女飲嗎?
芳姐晚上好~
老人家七十幾歲,因為糖尿病,剛做了折腳肢手術,想請教芳姐什麽湯水適合飲用,多謝!
rachel:
北茋能加快傷口癒合,故做了截肢手術要重用北茋.例如用北茋5錢,黨參3錢,淮山1兩,紅棗6粒燉花膠豬展湯服,或用北茋5錢,當歸2錢,紅棗6粒煲瘦肉湯服,都有助康復.
芳姐,你好!
我相知道白血球是否等於白細胞。謝謝
CHING:
白血球即白細胞.
謝謝你,芳姐
明白, 唔該晒芳姐
Connie:
口瘡膏小朋友可以塗,當然最好是改善體質,不要生痱滋及口瘡.
謝謝芳姐 ^0^
但我想問三歲小朋友可以塗口瘡膏…??
多謝芳姐回覆:
我身處美國,會找蘇梗,但如找不到可有其它代替呢? 請問懷孕可食豆豉嗎?
Thanks
mamah:
找不到蘇梗,就用蘇葉吧(即紫蘇葉)有安胎作用.懷孕可以食豆豉,但哺乳就不宜,因有回奶作用.
芳姐妳好,
我現在懷孕7週,從上週起每天都有morning sickness, 但冇真的吐出來,口常常都好乾,及常常覺凍,請問有什麼食療可幫助?
mamah:
懷孕初期會有嘔吐現象,可以用蘇梗2錢,陳皮1錢,生薑2片,紅茶包1個,放入真空壼內,先用開水沖洗一遍,開加入開水,焗7分鐘即可供服,每天都服,至症狀改善為止.此茶對妊娠嘔吐有良效,更有安胎作用.
芳姐, 您好!
我小朋友今年三歲, 在上個月中開始生咗一粒飛滋之後, 就話口腔好痛, 我哋睇過佢口腔, 只見口腔兩邊好腫, 跟住無端端好多口水, 之後帶佢去睇中醫, 中醫話佢心火盛好勁加喉嚨發炎, 所以開咗一次中藥俾佢飲, 飲完一次之後, 就話口腔唔痛, 之後就一直睇中醫到依家, 雖然依家口腔唔痛, 流口水情況少咗, 兩邊都無咁腫, 但仲有少少粒粒(好似生”倉”咁), 請問有無野可以渣..?? 而心火盛可以煲咩湯水/涼茶飲已減輕心火盛呀…??
有勞幫助, 謝謝!!
Connie:
生痱滋可能是心、胃火盛,亦有可能是身體抵抗力弱之故.可以去藥房買西德出的口瘡膏作外塗,[MERC]牌子,塗幾次即癒.另外可以用大豆芽菜,煲湯豆腐各適量,蠔豉3兩煲瘦肉湯服,8碗水煮成碗,全家可服.有清心胃火,滋陰降火功效.
angel:
紅菜頭,杞子,紅棗,雪耳,黑木耳等都能增加血色素,又不會升血壓的,可常食.羅宋湯加個紅菜頭煲湯就對你有益.能增血色素又能降血壓.
芳姐你好!!請教一下有高血壓.但又血色數低.比較煩惱然後吃了補血的東西血壓又上升.都不知道怎麼辦好?有什麼食譜可以提升血色數而又不會使血壓升高呢?多謝你的指教!!!
謝謝芳姐^^
芳姐,我咳未清可以飲這個嗎?
Iris:
咳未清都可以飲此湯.加3錢北杏及幾粒無花果同煮效果更好
芳姐
請問容易喉乾涸,適合飲這湯嗎?
謝謝
糖糖:
容易喉乾都可飲此湯,加幾粒無花果滋潤些.
不好意思, 另外想問:
在一個題目下, 看到你說可於[雲苓白术扁豆衣] 加上北芪.
要是加了北芪, 還是否可以加上冰糖當水飲呢?
謝謝
extraextra:
加了北茋,主要提高免疫力,可加冰糖煮,當茶飲.
芳姐, 你好啊,
我咀唇長期都好乾咁, 好多唇紋. 連夏天都要揸潤唇膏..
其實唔止咀唇, 我連個咀都好似好乾.. 成日要飲水..
咁係反映身體有咩問題呢?
可以煲d 咩平和番
謝謝你
extraextra:
你應該是陰虛體質,體內津液不足,所以出現唇乾舌燥口渴等現象.可以用花旗參,海玉竹各3錢,無花果4粒切片,放入真空壼內,先用開水沖洗一遍,再沖入開水,焗7分鐘即可供飲,可沖泡至淡.
芳姐:
天氣真熱, 今早在街行了一會兒, 即頭暈、手震、呼吸困難, 差點中暑, 隨即買提子汁飲及走進冷氣地方。我血壓偏低易頭暈, 已隨身常備糖果, 平日可煲什麼湯防中暑? 又可沖什麼茶飲外帶上街?
謝謝!
jojo-wong:
你血壓低,可能血糖亦偏低,容易頭暈手震.平時可以麥冬,乾荷葉各3錢,冰糖適量5碗水煮成2~3碗,真空壼入先放入1小撮花旗參,將煮好的麥冬荷葉湯沖入,外帶上街飲,可防中暑,又有益氣養陰生津功效.
手術後的產婦可否喝此湯, 另有什麼代茶可介紹.
MOK:
手術後產婦可飲此湯.另外可以用紅棗6粒,圓肉5錢,炒米1小撮煲水代茶飲,能養顏補血.
芳姐, 如果找不到新鮮魚腥草, 有冇代替品?
另外, 老公脾胃比較虛寒, 綠豆糖水會不會”寒得滯”?
黃太:
如没有鮮魚腥草,就去中藥店買乾品,用1兩煲亦成.脾胃虛寒就用鮮土茯苓3兩,紅棗6粒,生薑3片煲烏龜(或龜板2個)湯服.就不太寒涼.
芳姐妳好 , 之前我曾問過關於我喉間在吐痰時會擠出微黃色有臭味的粒狀東西 ,
後來在網上見有人說這是慢性咽喉炎 , 請問是否對嗎?
若是這樣我有什麼是該吃和什麼是不該吃的呢 ? ( 我有紅斑狼瘡 ) 多謝 !
Maya:
慢性咽炎可以用牛蒡乾1小撮,羅漢果半個泡茶飲,或用青欖10粒,羅漢果半個,煲水代茶飲都有幫助.平時少吃辛辣及煎炸之品,每天保持最少飲8杯水的習慣,可減少咽乾喉燥,亦有助排走咽喉細菌.
芳姐, 我先生經醫生診斷有陰囊濕疹, 請問有什麼湯水有幫助?
黃太:
濕囊濕疹可用新鮮魚腥草3兩,用1公升水煮5分鐘,待涼,用紗布沾藥汁擦洗,早晚各1次,連續5~7天..鮮魚腥草在山草藥檔間中有售,我在旺角奶路臣街兩檔山草藥檔見過有鮮品賣的,你不妨去看看.另外可以用綠豆,薏米各1兩海帶4錢白糖適量煲糖水服,有助清熱解毒袪濕.
此湯手術後可以用嗎?
CC:
此湯手術後可以服用,能加快康復.
芳芳姐
請問雪耳煲湯,雪耳不可以放過夜呢?
謝
大洋
大洋:
雪耳最好吃多少煮多少,因為雪耳煮熟後浸在湯中會起化學變化.如煮多了,要將雪耳和湯水分開存放,第二天取出合在一起煮滾才食則可以.
芳姐早晨:
謝謝芳姐多次解答問題,現請問在你介紹湯水中 – 猴頭菇准山芡實百合湯,蓮子百合麥冬湯,准山海底椰虎乳靈芝雪耳湯、北茋、猴頭菇湯,冬瓜袪濕湯,請問六個月 B B 可不可以飲呢,B B 很多痰聲,又可以飲什麼湯呢?請芳姐指教!謝謝!
思思:
小b6個月,不宜飲太多有藥材的湯,滾些豆腐魚片湯,番茄牛肉湯等已很有益.間中飲半碗這類湯是可以的.痰多可用川貝末2錢燉雪梨服,有助袪痰.亦可輕輕拍小b背門,拍到有咳嗽時表示該處是積痰之處,要拍多幾下,然後飲些水,有助將痰排走.