By 芳姐 ( 31 12 月, 2017 at 5:43 下午)
· Filed under 其他, 外感/頭痛/呼吸道病, 小兒常見病
新的一年快到，祝大家身體健康﹗百事亨通﹗如意吉祥﹗
講起吉祥話，想起我們中國特有的桔餅，故推介這款小朋友都不會抗拒的化痰止咳甜茶給大家。
聴過很多家長說，小朋友一上學，就易感染上呼吸道疾病，而且病情反覆纒綿，剛痊癒很快又發病。我想起有次經過一間幼稚園，見校園裡一班可愛小朋友小息正在玩樂，却發現當中一、兩位小朋友鼻涕流流，用手仔一抹，又去拉着其他小朋友的手玩在一團。看來主要是小朋友没有衛生意識，互相間才容易傳染，令家長煩惱又心痛。
甜茶的用料是：桔餅2個，雪梨1個，南北杏5錢，陳皮1個。
做法：桔餅沖洗後切碎；雪梨洗淨，去核，切塊；南北杏、陳皮浸洗；全部材料用5碗水煮45分鐘成2碗，一天分服。
~ 小貼士：此茶味道清甜，老少可服。選購桔餅，以餅上自然結的白霜多者療效較佳，如果經人工打粉的，桔餅霜層鬆散，容易脫落及黏手。
Permalink
芳姐你好..
小兒23個月…上星期6開始流鼻水..嘔了痰出來…咳…已看了2次醫生
一共服了5天西藥還未好..咳是少了.胃口也開了..夜間也沒咳.但一日都有4,5次咳有痰聲..
斷不了尾….輕微鼻水…可以煲什麼好?
蘇子…萊菔子嗎?
謙媽:
蘇子,萊菔子粥對小兒痰多咳嗽有良效.如有嘔吐,可以加2錢法夏,及一小塊陳皮同煮,能止嘔化痰.
謝謝芳姐。湯水什麼介紹可化痰？
訪客:
用菜乾,羅漢果,紅蘿蔔煲豬展各適量煲湯都有助化痰.
早，芳姐:
想請問小兒今年接近三歲， 這兩天多咳嗽、有痰聲，但未懂吐痰。問他說喉嚨沒痛或痕癢， 見他也沒流鼻涕或打嘖嚏。
昨晚有煲桔餅雪梨水(如上)， 飲咗一次 今早仍然有些咳。
想請問這一款適合他嗎？ 或煲其他 ？和應該飲用多少次？ 謝謝你
Helen:
你可以用蘇子,萊菔子各3錢入茶包袋煲瘦肉粥供仔仔食,對痰咳有幫助.可連服3劑.桔餅太甜,怕惹痰.
謝謝你！芳姐，我會試試看。
仔仔8歲都咳左兩三星期，聽到好多痰，但唔知咩色，有小小打乞嗤流鼻水，怕凍！請問岩飲呢樣嗎？
Ling wong:
仔仔痰多不宜用桔餅2個,用半個就成.流鼻水多加6朵辛夷花同煮.
芳姐你好，我妹妹有有左3個月有多，已咳左3星期了，中西醫都睇唔好！佢日咳晚咳，講野又咳！痰有時白有時黃黃地！剛好有親人從大陸帶來新鮮枇杷葉和琵琶花！請問可以利用呢啲黎煲咩湯水！謝謝您解答🙏🏻🙏🏻🙏🏻
Ling wong:
可以用枇杷葉5錢,枇杷花5錢,南北杏1兩,無花果4粒,5碗水煮成2碗服,有助清熱化痰止咳.枇杷花可後下,滾5分鐘左右就成.
芳姐
兒4歲整日喘息聲，醫生說是有痰想咳咳不出
氣管敏感也有鼻涕
請問煲哪種湯可以改善呢？謝謝
佳芳:
你試用法夏,茯苓,白朮各3錢,陳皮2錢,甘草1錢,5碗水煮成2碗供仔仔飲,連服3劑,有助袪痰.
芳姐，
朋友甲型流感，服西藥已兩星期，仍然咳嗽，怎辦?
Victi:
你試用枇杷葉,龍脷葉各5錢,桔餅1個,切碎,雪梨1個,去核,5碗水煮成2碗服,連服3劑,看能否改善?
thank u thank u
芳姐：
你好啊！我阿仔23個月，佢早幾日低燒，咳，流鼻水。食左西藥，都仲未好。冇燒，但仲有咳，同流鼻水，鼻水係透明清。之前佢都係因為喉嚨有少少炎症引起發燒，佢扁桃腺比較大。依家咁咳可唔可以飲桔餅茶？
菲菲:
仔仔得23個月,桔餅太甜,只宜用半個,如鼻水多,加6朵辛夷花同煮.
芳姐：
謝謝你！除左桔餅茶我還可以煲什麼俾阿仔飲？
菲菲:
如果仔仔喉嚨仍有點紅,可用金羅漢果1/6個,雪梨一個去核,煲水給他飲,有利咽清熱作用.金羅漢果味道清甜,較普通羅漢果好味很多.如買不到就用普通羅漢果.
芳姐，伱好。我个女3岁半多，睇医生话气管差啲，比较易敏感。日 头小小咳，夜晚咳得犀利。没有其他症状了。煲川贝苹果汤得晤得呢？多谢
Lilian:
川貝能減少氣管痙攣,可用川貝蘋果湯供囡囡服,連服3劑.晚上咳多加個陳皮同煮.
4歲女女不停咳，有痰聲，咳唔到痰出黎，痴住喉嚨，喉嚨有發炎，多鼻水（淡黃色），今日體溫37.4，前兩天最高39.3，請問可以飲咩舒緩咳嗽。謝謝🙏
Tiffany:
你試用羅漢果(金羅漢果味道小朋友較喜歡)用1/4個,雪梨1個,去核,陳皮1個辛夷花6朵,4碗水煮成2碗供一天服,連服3劑,有助化痰收鼻水.
大人同一歲bb飲得嗎？
Tiffany:
有相同症狀大人,幼兒可飲.
大女4歲仲有少少鼻水、喉嚨痕咳有痰
細女1歲有清鼻水
我自己就病後鼻敏感，好多鼻水
可以煲咩飲？
謝謝
Tiffany:
你可以用辛夷花5錢,滾瘦肉湯,全家飲,有助收鼻水.
小女兒1歲今天體溫37.2，昨天開始流清鼻水，晚上睡覺時有鼻塞，可怎樣舒緩？謝謝
Tiffany:
小朋友37.2度未算發燒,用辛夷花茶供服就成.睡前用剪成條狀的棉紙巾沾淡鹽水替囡囡通鼻就成.
大女4歲仍有咳…喉嚨痕…有痰…日間咳較多…晚上瞓覺時有時都會咳…朝早起身時痰聲重…但沒有鼻水了
細女1歲都無鼻水…但仍有痰…日間少咳…晚上瞓覺時有時都會連續咳幾聲帶痰聲…朝早起身時痰聲重…
請賜教舒緩方法…謝謝
Tiffany:
你試用枇杷葉,龍脷葉各5錢,金羅漢果半個,南北杏1兩,雪梨2個,去核,6碗水煮成3~4碗,供小朋友服,有助清肺熱,去痰止咳.
大女未斷過尾…又返病…瞓覺鼻塞…起身有黃鼻涕…咳有痰…喉嚨痕…點算好…謝謝
Tiffany:
用食療不太見效,建議你看中醫或西醫治理才成.
芳姐你好，
我女兒3歲半，前兩日作把聲開始變沙啞先，到琴日同今日開始不停流清鼻水，有兩聲咳嗽（都算密），有些少痰聲…
請問煲尼個湯水可以加辛夷花收鼻水嗎？ 我已煲蔥白水比巨飲，多謝解答
emily:
你可以煲這款湯,加6朵辛夷花同用,有助收鼻水.但有痰桔餅用1個就夠.
多謝芳姐回復！
芳姐你好，小女這幾天鼻水變鼻涕，鼻涕比較傑，白色有時帶些少黃涕…比較難呻出來，鼻涕係白色的。請問是什麼原因。請問飲咩化痰好
emily:
你試用辛夷花6朵拍碎,葱白3~4條,綠茶1小撮,3碗水煮10分鐘供囡囡服,有助通鼻收鼻涕.連服3劑.
芳姐你好
我小兒子 兩歲10個月 前天開始有痰咳 今日多咗，而且有打噴嚏。 請問可以煲些什麼食療給他？ 今早我會按你這兒教的，煲桔餅、陳皮、南北杏、雪梨給他先。謝謝你！
Helen:
你可用蘇子,萊菔子各3錢,入茶包袋煲瘦肉粥供仔仔食,有助袪痰止咳.連服2劑.要多給他飲暖水.
芳姐你好, 我女女20個月, 上星期日開始沒有胃口, 只飲奶。 跟住咳同有少少鼻水, 頭三日早上咳得好大聲, 但沒有痰聲，星期二帶了看中醫, 食了1.5日藥, 越咳越勁，仲有痰。晚上都變了有咳, 醒好多次。(唔知係咪好轉反應), 但之我停左食中藥，煲了川貝雪梨水, 立即咳少了，但早上依然咳得最多, 有日咳到嘔。下午和晚上都有咳, 不過冇早上咁密。鼻水還是少少。飲了都三日川貝, 仍然有咳，痰聲都好明顯, 呼吸都有痰聲。食野還是冇胃口, 沒有菜和沒有吃水果, 所以便便也不好。請問可以推介一些食療嗎? 謝謝。
訪客:
你試用蘇子,萊菔子,北杏各3錢,(入茶包袋)煲瘦肉粥供囡囡食用,對痰咳很有幫助.連服3劑.蘇子是紫蘇的種子;萊菔子是蘿蔔的種子,除了袪痰,三樣種子都有潤腸功用.
芳姐你好！囡囡氣管敏感咳左成個月、睇左中醫6次都未好，早上咳同日頭間唔中咳，有痰聲，同白色痰請問可以煲有什麼？
Ka:
氣管敏感最好用川貝末3錢,蘋果1個,去皮,去核,陳皮1塊,4碗水煮成2碗供1天服,連服3劑.此桔餅茶由於味甜,較惹痰,暫時不宜飲.
芳姐你好！囡囡氣管敏感咳左成個月、睇左中醫6次都未好，依家仲係早上咳同日頭間唔中咳，好多痰聲，請問可以煲有什麼？
芳姐早晨
小朋友寒咳煲什麼好
Ella:
寒咳可用紫蘇葉3錢,桔梗3錢,生薑3片,紅糖少許,4碗水煮成2碗供服.
桔梗中藥店有嗎
Ella:
桔梗,紫蘇葉中藥店有售.
寒咳可以嗎
Ella:
寒咳雪梨改用蘋果.
芳姐，你好！預先祝你新年快樂！小女兩歲半，上兩星期開始鼻塞，流清鼻水，早上較少咳，但夜晚就咳多些，瞓覺有時都有幾聲咳，聽落有痰聲，食咗西藥都未好，但臨近新年，都係要再睇多次西醫，想問食西藥可否飲用這食療？謝謝！
Yan:
你可以煲這款湯供你囡囡飲,如鼻水多可以加6朵辛夷花同煮.如果痰多,桔餅用1個就成.
芳姐，小女9個月，已持續咳嗽3個月，經常被2歲9個月大女傳染，一直都有睇中醫治療仍未痊癒，試過陳皮水、蘋果無花果南北杏、雪梨川貝、燉洋葱，一直反反覆覆；起身及夜咳多，少痰及有清鼻水，間中因咳嗽而嘔奶及嘔痰。請問有什麼湯水適合服用。
另大女2歲9個月，剛返學前班，經常傷風感冒，近日少咳鼻塞流鼻水，有什麼湯水合她嗎?
謝謝。
San:
你試用川貝末4錢,蘋果2個,去皮,去核切塊,陳皮1塊,5碗水煮成3碗,供兩個囡囡分服,連服3~4劑,有助袪痰止咳.鼻塞或鼻涕多可用6朵辛夷花拍碎泡茶服.
芳姐，我仔仔流感高燒一個禮拜後退燒，之後有急性支氣管炎，食左西藥，宜家咳無痰，有時日頭有幾聲乾咳，感覺喉嚨好似有痰咁，但D咳聲係無痰，聲有D沙啞，間中有流鼻水白色。請問可以煲D咩比仔仔飲？因為食得太多西藥了。
peggy32:
你可用枇杷葉,龍脷葉各5錢,雪梨1個,去核,桔餅1個切碎,5碗水煮成2碗供仔仔一天服,連服3劑.
你好！芳姨，小兒患感冒流鼻水康復中。初期煲了一次枇杷葉龍利葉湯，鼻水減少後開始有幾聲咳，我便煲了3天龍脷葉萍果茶。今天咳嗽多了，仍有鼻塞情況，沒有吃西藥了，請問煲桔茶有幫助嗎？謝謝！
訪客:
你可以煲這款桔餅茶,但小朋友桔餅用1個就夠,怕太甜會惹痰.
謝謝芳姨！現在沒有咳但鼻水還有，時多時少，請問還有什麼湯水能減輕鼻水呢？另外，有鼻水能飲姬茸雞湯嗎？再次感謝你
何太:
有鼻水用辛夷花6朵拍碎泡茶供服就成,連服3劑.姬松茸雞湯只要没發燒可以飲.
芳姐，新年快樂！
小兒3歲初時小咳後來發高燒（持續5天）睇醫生吃藥後已經退燒但現在流鼻涕（鼻涕帶黃）日夜咳沒有痰已經咳足一個月!請問我應該煲什麼俾他吃好？萬分感謝
陳太:
你試用紅蘿蔔1個,去皮切薄片,北杏3錢,紅棗8粒,去核切片,5碗水煮成2碗供服,連服4~5劑,對小兒百日咳有良效.但如果痰多紅棗用5粒.
芳姐,
小兒4歲, 剛中了甲型流感, 現在康復了, 但體溫仍然偏低, 多數時間在34-35.9之間, 就算穿了很多件衫也是低溫, 請問可否煲甚麼湯水嗎?
謝謝
Gigi
May0219:
你可以用北茋,防風,白朮,桂枝各3錢,生薑3片,紅棗6粒,5碗水煮成2碗供服,連服3劑,有助改善低温症狀.
芳姐你好,小孩6岁这幾天睡覺一直会不久不久乾咳幾声,平时也有但比較少,该给他吃点什庅改善？谢谢！
May:
你可以用川貝末3錢,陳皮1塊,紅蘿蔔1個,紅棗6粒煲鷓鴣湯供小朋友服.8碗水煮2小時成4碗,小朋友一天分服2碗.
芳姐：
你好，我小朋友歲半，近日作感冒鼻塞左3日，飲奶、訓覺都受到影響。有時候連帶幾聲咳！請問可以點幫到？
謝謝
to:
你試用辛夷花6朵,葱白3棵,生薑3片,2碗水煮10分鐘供服,連服3劑.
芳姐您好
大女4歲，咳嗽已兩星期,食完西藥沒有好轉，一直有透明鼻水，昨晚咳嗽嚴重了不斷咳好多痰,有鼻塞,星期初還出了風疹
小女2歲，上星期才感冒發燒剛痊愈, 可能比大女感染了, 又番咳有透明鼻水
請問有什麼湯水可以處理她們呢?
謝謝你!
sylvilin:
你試用洋葱1個,蒜瓣5,6粒,冰糖適量,4碗水煮成2碗供一天分服,如鼻水多,加6朵辛夷花同煮就成,連服3劑.
芳姐妳好，小兒三歲，鼻敏感，鼻水倒流，咳了3星期，有痰吐不出;西医話自然好，有何食療可幫助？一
Victoria:
你試用辛夷花3錢,麥冬3錢,南北杏5錢,桔餅1個切碎,4碗水煮成2碗供1天服,連服2劑,看能否改善?
thank you!所以連續2日就可以？
Victoria:
連服2天,如有改善,可以多服1~2劑.
芳姐您好！仔仔22個月，就來2歲，近這星期他有D咳，咳時有痰聲，多數在飲完奶，訓著時咳，不是成日咳，一日2-3次，同時他大便好臭，好硬，2日一次，放屁也好臭，請問可以煲些什麼湯水，謝謝！
Ling:
你試用桔餅1個,切碎,雪梨1個,去核,南北杏5錢,陳皮1塊,無花果3個切碎,4碗水煮成碗半供一天服,有助化痰止咳,潤腸.連服3劑.
上星期患傷風咳有睇西醫，反復好了幾日又再喉嚨痕咳，間中夜晚會咳醒，和間中有少量白痰和鼻涕。應該煲甚麼飲?
Ming:
你試用生薑4,5片,蒜瓣4,5粒,紅糖少許,3碗水煮15分鐘服,連服3劑,有助散寒止咳.
小童1歲，好多痰，請問三子粥最多可以連服幾日？
Elaine:
可連服3劑,停兩天如痰仍未完全袪除,可多服2劑.小朋友細個,建議只用蘇子,萊菔子煲瘦肉粥就成.白芥子可能較辛辣不適合.
我一路有睇你既post,照你方法之前已食左雙子粥5日有多，都係有好多痰同埋少少鼻水，琴日燉川貝雪梨，因只係1歲b,唔敢俾太多份量，只落左1錢川貝粉，2小碗水，唔知係咪水太多，飲左一半，都唔係好work.之前都有試過俾煲橘餅水，期間也有俾緊西藥化痰收鼻水，請問芳姐是否要轉其他食療，定係要再睇醫生? 謝謝～！
Elaine:
bb細個,所以不宜過用中藥材,痰多你可以在兩餐之間替寶寶輕輕拍背,拍到有咳表示該處積痰,可多拍兩下,然後餵些暖水供飲,有助將痰排出,一日可拍2次.你試用川貝末1錢,蘋果1個,去皮,去核切塊,桔餅半個切碎,4碗水煮成碗半一天分2次服,有助袪痰止咳.連服3劑.
芳姐早晨，女兒一歲九個月痰咳很厲害，煲了這湯連續兩日，痰咳狀況停止了，很有效，感激芳姐。之後一日轉乾咳，我煲了蘆根無花果雪梨茶，之後完全無咳了兩三天，今天睡醒又有少少起痰咳，請問煲什麼可以清到呢？因最近流感較厲害，想治好她的咳，謝謝芳姐
Man:
你可用蘇子,萊菔子各3錢入茶包袋,煲瘦肉粥供囡囡食,連服2~3劑,有助袪痰止咳.
芳姐，我照你方法用蘇子萊服子煲瘦肉粥,bb 肯食，但食緊粥都成日咳，搞到佢自己都唔想食太多粥。跟住，我就用蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水沖奶佢飲，佢又肯飲，但無落瘦肉，可以嗎？
因為佢成日捽眼，鼻水流過不停，成日鼻水倒流打鼻鼾。而家一瞓醒朝早同半夜咳，半夜咳有痰聲，又成日瞓唔到，又出汗，咁仲可以飲啲乜呀？
洋蔥蒜頭都有飲過。同埋佢唔識吐痰，見佢啲痰到口又吞番落去，有乜方法可以咳出痰呀？
蘇子、萊服子、麥冬、甘草、羅漢果、菊花銀花少少、辛夷花、桑葉嚟煮水係咪可以繼續煲呀？飲左都有3日啦！謝謝你。
芳姐你好，
我4歲囡囡早前聖誕假患感冒，現在康復得七七八八，但唯獨早上一起身後，就會咳幾聲，有時乾咳，有時似有痰聲，但其他時間，睡覺都冇咳，好正常。請問可煲什麼湯水或茶？謝謝幫忙!
Abby:
這款桔餅止咳茶就很適合你囡囡飲,但桔餅放1個就夠,因為怕惹痰.
芳姐你好
小兒2歲，日前因身癢，眼屎多，有口氣，睡不好，煲了七星茶飲，當晚睡眠有改善，但起床後眼屎增多，連眼睫毛都有眼屎，昨日又煲蘆根薏米麥冬雪梨水飲，以及少少菊花茶，但昨晚睡不好，口氣仍然重，但今朝眼屎有改善。請問有什麼可以飲用呢？
雯:
你試用雲苓,白朮,扁豆衣,菊花各3錢,甘草1錢,5碗水煮成碗半供仔仔一天服,有助健脾去濕,明目.連服3劑.
你好芳姐
小孩今年八歲，前排因感冒看了幾次醫生，之後咳到現在已有2⃣️
個星期，他話有痰，但咳不到出來，請問有什麼可以吃
黃太:
你試用蘇子,萊菔子各3錢入茶包袋,煲瘦肉粥供小朋友食,連服3劑,有助袪痰止咳.
你好！芳姐，我仔2歲感冒流鼻水，咳一段時間，睇了西醫好返好多，但仍然還有少少咳，鼻水，請問可以煲d咩佢飲？謝謝！
Aee:
你可以用這款桔餅止咳茶,加6朵辛夷花同煮,有助止咳收鼻水.
芳姐新年快樂~我家女兒1.5歲初時流鼻水，咳（咳主要夜晚）睇完醫生話氣管敏感吃了藥未見好試過煲龍利葉+蘋果+紅蘿蔔+南北杏反而好似嚴重左半夜咳到發燒，第三次睇醫生時話有菌要吃抗生素依家流鼻水＋咳特別夜晚好犀利！我應該煲什麼給她飲好呢？謝謝你~
陳太:
如囡囡晚上咳又鼻水多,可用紫蘇葉,辛夷花各2錢,生薑2片,桔餅1個切碎,4碗水煮成碗半供一天服,連服2劑,服西藥後2小時飲,看能否改善?
多謝您
你好芳姐，我仔2歲，曾經患急性氣管炎，若他同時有鼻敏感和氣管敏感，有什麼湯水可經常喝作調理？謝謝
IVY:
你可以用此湯,加6朵辛夷花同煮,一星期2~3劑,有助止咳收鼻水.症狀好就停.
芳姐您好
女兒14個月，最初感冒流鼻水，跟住咳，主要夜晚訓覺咳，有痰，主要系鼻水倒流，睇咗三次西醫，食了很長時間西藥都唔好，後來病情加重返（可能屋企人有病再傳染）再睇醫生話有菌，又食西藥加抗生素一個星期才好，剛好不到一星期，呢兩日又開始夜晚訓覺少少咳，聽到個鼻有少少聲，但無流鼻水，所以感覺不太有痰聲，請問此茶適合嗎？或其他湯水更好？
另外屋企有陳皮冰糖燉檸檬，唔知又是否適合佢飲？
感謝！
kat:
可以用陳皮冰糖燉檸檬沖水供囡囡服.此茶亦有幫助,最好加6朵辛夷花同煮,可能有點鼻水倒流影響咳都未定.
謝謝回覆，等我試試先
芳姐，昨日煲了此茶比阿女飲了一次，夜晚咳聲變得有痰，是否正常呢？之前咳聲好似無咩痰或咳唔到痰
另外其實佢同一時間夜晚訓覺不安，會喊醒1-2次，會踢腳好似炆憎咁，已經持續1星期，但白天完全無咩特別，懷疑出大牙，但無見牙齦位有腫。
以上兩種症狀有無同一種湯水可調理？還是先等咳好再試其他？
謝謝
kat:
你囡囡可能有些心火,痰多可能桔餅太甜,你試用半個桔餅,加百合5錢,燈芯草6扎同煮,有助清心火.止咳.
芳姐，新年快樂！
小兒岩岩1歲，本身氣管比較敏感，成日好燥嘴唇比較紅，平時訓覺頭頸部易出汗汗，有時背部都會,可能汗濕到身體，琴日見有少少鼻水，多痰. 有俾西藥止左少少鼻水，但仍多痰，今日咳多左.請問有什麼湯水岩佢.
橄欖，橘餅，辛夷花岩佢嗎？謝謝.
Elaine:
可以用這款桔餅甜茶供服,痰多桔餅用1個就成.
芳姐
我囡囡今年10歲，本身有敏感底。最近患感冒，咳嗽及流黃涕，香看了兩次西醫和1次中醫，依然未好。差不多成個月，現在還是有很多黃稠鼻涕，好似有痰沾在喉嚨。想請教你可以煲甚麼湯水她喝？真的很煩人。謝謝🙏
詩媽:
你試用辛夷花3錢,蒼耳子3錢,羅漢果1/4個,甘草1錢,4碗水煮半小時,連服3劑,有助收鼻水,減少鼻水倒流引起的痰咳.
Hi 芳姐，因近牌工作虛勞，前兩天，起床，感覺喉嚨乾涸，有少許黃痰，但沒有理會，到今天開始全身沾寒沾凍，近眉心有輕微帳頭痛，頭後枕位，近風池穴兩側都痛，，已經吃左必理痛，舒緩左頭痛，我是否作感冒，你可以推介什麼方便茶療飲用呢？謝謝指教分享
訪客:
你可能作感冒,你試用洋葱1個,去衣切塊,蒜瓣7~8粒,冰糖適量,4碗水煮成1碗服,連服2~3劑,有助殺菌治感冒.
Hi 芳姐，兩天前起床，發覺喉龍乾，跟住䦕始有稀黃痰，少許乾咳，但未有理會，到今天，開始全身皮膚表沾寒沾凍，有前額近眉心頭痛，是否作感冒，我現在可以簡便用什麼茶療飲用？謝謝分享
芳姐你好，
我老公前幾日發燒感冒喉嚨痛，退燒後全個人手軟腳軟，而家咳出尼既痰仲有血塊，請問可以食啲乜野？
謝謝!
小甫:
咳有血塊一定要看醫生,看是否喉嚨破損了,還是肺有毛病,可大可小.可用鮮茅根1扎,雪梨1個,去核,北杏3錢,冰糖適量,5碗水煮成2碗服.
芳姐:
想問主婦手可以塗什麼?之前用過滋潤無香料潤膚膏同中藥紫膏都反覆未見好轉?
LING:
你試去山草藥檔買一支蘆薈葉,切一小段,去皮後用來塗手,塗好後待20分鐘後才洗,有消炎潤燥功效.一日2次,連用一星期.蘆薈葉片可以放雪櫃一星期的.
芳姐，新年好！我是您的粉丝，居住广州。很想很想购买您的作品，但是网上没有。请问除了去香港，还有什么途径呢？
丹子:
謝謝支持!你可以登入[商務印書館門巿網站],你看到左手邊中文書,按到即將出版,按到去第12頁就可看到我本《養護好體質 手術前後飲食自療》一書,即可網上訂購.
芳姐:
你好! 這幾天不知太晚睡.是否火氣? 這幾天喉嚨口好乾喝.有不像喉嚨痛. 可飲些什麼?謝!
小敏:
你可用青欖6粒拍扁,羅漢果半個,5碗水煮成3碗,一天分服,有利咽解渴功效.如無青欖,用麥冬3錢都可以.
芳姊新年快樂
想請教小孩3歲，最近很頻繁一直有清喉嚨的聲音，醫師說他本身過敏體質，會鼻涕倒流到喉嚨
吃了3個禮拜藥都不見好轉，可以煲什麼給小孩喝呢？謝謝
佳芳:
你試用辛夷花,麥冬各3錢,羅漢果1/4個,3碗水煮10分鐘供服,連服3劑,有助清痰收鼻水.
芳姐你好，
我煲淮山、蓮子、茨實、茯苓各一両，雞內金3錢，煲瘦肉湯。此湯味苦的嗎？有辦法可以減少苦味嗎？
Emma:
雞內金你用2錢,加蜜棗2粒或紅棗8粒同煮就好味.
芳姐，小兒3歲，咳嗽有一個多月了，起床和臨睡覺前咳嗽，跑跳時咳嗽厲害（乾咳），晚上醒左就會咳嗽（好重痰音，感覺好多痰粘喉嚨，呼嚕呼嚕的），四處求醫，吃了很多西藥都不見好轉，請問有什麼湯水可以調理調理，謝謝你
Ixm2311:
你試用蘇子,萊菔子,桔梗,麥冬各3錢,甘草1錢,4碗水煮成2碗供仔仔一天分服,連服3劑,有助袪痰止咳.要多飲水,不要吃甜食.
我仔一直都有氣管敏感咳嗽都未清，，上次煲過蘇子，萊菔子桔梗麥冬甘草，喝過三劑晚上還是咳嗽非常，可是這兩天感冒咳嗽又加重了，日夜都咳嗽，鼻塞流鼻涕（淡黃色的），晚上一整晚都咳嗽好重痰音，粘住喉嚨唔上唔落，鼻子咕嚕咕嚕的，不知道是不是鼻水倒流，食左好多西藥都冇改善，想請問芳姐有什麼辦法？
lxm2311:
你試用枇杷葉,龍脷葉各5錢,雪梨1個,去核,桔餅1個切碎,如鼻水多加辛夷花6朵,4碗水煮成2碗,一天分服,連服3劑.
龍脷葉和枇杷葉是不是買新鮮的？
芳姐，2018新年快樂!
請問有咩可以化痰？因為咳唔出好辛苦,真係咳到頭痛.
訪客:
如果是大人有痰咳不出,可用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑能袪痰.