By 芳姐 ( 15 2 月, 2014 at 3:08 下午)
· Filed under 外感/頭痛/呼吸道病, 小兒常見病
天氣時時寒時暖,近日不少人患上傷風、感冒,對一些身體素虛,或肺功能向來弱的朋友,傷風、感冒後往往會咳嗽一段時間,尤其是小朋友,又不會吐痰,容易因痰涎影響咳嗽不止..
龍脷葉是化痰止咳的良藥,菜市場常有鮮品供應. 用龍脷葉配合南,北杏,蜜棗煲湯飲,對咳嗽痰多人士很有幫助. 如果是小孩子感冒後咳嗽,可以加1-2個蘋果同煮,蘋果有潤肺功效,且可以令湯更加好味容易入口.
用料是: 新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲.
~ 小貼士: 此湯清甜可口,全家合飲.如作家常湯水,加瘦肉同煮即成.
Permalink
芳姐您好，
小兒2歲9個月，自去年10月患上手足口病後經常因傷風感冒長期咳嗽，那時食左抗生素一星期就冇咳，已痊癒，不過之後兩三日又咳返，只是早晚咳幾聲，我們不想他再食藥就冇理到。跟住11月發燒又病過，又咳嚴重左，有重痰聲，西藥既抗生素一停又咳，西醫醫唔好咳，就改為中藥，中藥食左一個月又唔得，持續一個幾月食藥，我再睇專科，話鼻水倒流，開左類固醇噴鼻，噴左一個月都係咳，又因感冒再睇普通科三次，到而家仲咳緊，好心痛。
期間，我聽中醫講燉過洋蔥水，川貝南北杏陳皮，我好聽話，一星期飲4日都唔得，連續3星期係改善左d，但冇斷尾，搞到乜零食甜品都冇食過，佢好唔開心。呢個月我停左中西醫，近幾日我煲左青欖桔餅陳皮南北杏，但都唔得，我又洋蔥水，好左d，我真係好無助，醫生話佢肺清，冇事，只係咳。
佢咳得來有重痰聲，但不算頻密，睡醒有10聲左右，早上咳得多d，間唔中10聲內，一日幾次咁，佢本身好細粒，雖然就3歲，但只有23磅，85cm高，
我可以點做？是否我d湯水唔岩佢，要分寒熱咳？是否不能飲淮山茨實湯？請救救小朋友和我們，萬分感謝！
hannah:
川貝能減少氣管痙攣,但最好都是少食煙,否則肺及氣管遲早有毛病!你可以用川貝3錢,蘋果2個,去皮,去核切塊,5碗水煮成2碗服,有助清熱化痰止咳,止瀉.
芳姐，講漏左，佢仲會經常打乞痴打不停，有鼻敏感。
芳姐你好，
想問如果早2日開始少少咳，有啖，但今日啖變黃色。
手背經常又紅，又水腫。平日又常肚瀉。
可以飲啲咩湯水？（平日有食煙）
李太:
你可以用辛夷花6朵,桔梗3錢,麥冬3錢,甘草1錢,4碗水煮半小時供囡囡服,連服3劑.有助收鼻水,止咳.但中藥店要初4以後才開.你試去超巿買鮮薄荷葉1包,2碗水煮成1碗供服,有助收鼻水.兩餐之間幫囡囡拍背,飲多些水,有助將痰排走.
芳姐:我囡囡7歲半，前幾天食左麥芽糖餅乾後咳嗽，有痰聲但咳不出痰，有好多鼻水，鼻塞，昨晚開始有黃鼻涕，應飲咩湯水
sherlockmama:
你仔仔可能寒咳,龍脷葉適合熱咳,痰黃稠者多一點.你可用紫蘇葉3錢,生薑3片,紅糖少許,3碗水煮10分鐘供服,連服2劑,看能否改善?如鼻水太多,可加5朵辛夷花同煮.
你好！芳姐，小兒一歲半了，上一個月感冒剛好，今個月又咳了，開始咳時我煲了龍脷葉，連飲2日，也未能舒緩，晚上及睡覺時咳多了，今天開始有鼻水，請問有什麼湯水能作舒緩病症的？謝謝！
好的，謝謝您的回覆
SHARON:
你試用辛夷花6朵,茯苓,白朮,法夏各3錢,甘草1錢,生薑3片,陳皮1個,5碗水煮成2碗服,連服3劑,有助化痰,收鼻水.
Ra113:
你試用法夏,茯苓,白朮各3錢,陳皮2錢,甘草1錢,5碗水煮成2碗供服,連服3劑,有助袪痰.
芳姐,
您好. 兒子大傷風, 現在嚴重鼻窒, 多鼻涕, 多痰. 食藥也沒太大進展. 請問有什麼湯水可介紹以作舒緩之用呢? 謝謝.
芳姐：
你好！小兒四歲，上星期氣管炎，現尚有濃痰，晚上還有些咳（食咗化痰藥都無進展），煲過這款湯但未見有大幫助，請問可以煲什麼湯？同平時可以煲什麼湯可以增強氣管底抗力（平時都有蒸洋蔥汁），因小兒時常咳咳吓（約2-3日）就轉氣管炎。謝謝。
CARRIE:
你試用紫蘇葉3錢,生薑3,4片,紅糖適量,3碗水煮15分鐘供服,有助散寒止咳.另外可以蒸一個洋葱,得洋葱汁約3湯匙餵服,亦有助止咳.
芳姐，您好!
小姪女5歲，夜晚咳到睡不到，日間少咳，未見痰聲，請問飲咩可以止咳。
謝謝芳姐!
wing:
生蛇可以飲此湯.一般清潤的湯水都適合飲用.
請問生蛇可以飲這個湯嗎？
陳師奶:
你可以用陳皮1個煲水作開奶茶,有助化痰理氣.淮山粉可加芡實粉煲粥,建脾就能減少痰涎發生.如没胃口,加2錢雞內金及6粒紅棗同煮亦佳.四神湯能增强體質,用淮山,蓮子,茯苓,芡實各5錢,紅棗6粒,陳皮1塊煲瘦肉湯供服,一星期2次.
芳姐，
你好，小兒1歲，之前感冒咳，依家已差不多好返，雖然冇流鼻涕，但睡覺後，總聽到佢鼻呼吸時有雜聲，又未至於鼻塞果種，同埋間中仲會咳二聲有痰聲甘，我已冇再比西藥佢食，可以點做好，辛夷花岩焗水比佢沖奶嗎？另外，佢總係冇咩胃口，煲咩粥開胃呢？最後，佢好易生病，好返後點做幫佢增強抵抗力，我只係平時煲粥加左淮山粉，同間中用果皮沖奶！謝謝！
WILLY:
你可以用川貝末3錢,蘋果1個,去皮去核,2碗水蒸半小時,加些少蜜糖調服,連服3劑.
芳姐，你好，小兒已咳了兩星期有多，主要白天咳，夜晚間中咳，多痰，但不懂咳出來，請問有什麼食療或湯水可以煲呢？(小兒有蠶豆症及氣管比較弱)，感謝萬分!
謝謝芳姐的細心回答與幫助，我試著煲來給女女食
晨曦:
你試用蘇子,萊菔子各3錢入茶包袋,紫蘇葉2錢,與白米煮成稀粥供囡囡服,有助散寒,化痰止咳.煮好粥後將茶包袋及紫粥葉撈走,可加些肉碎將粥煮多7~8分鐘,會好味些.連服2劑,看能否止到痰咳.好後可以用虎乳靈芝3錢,雪耳2錢,百合5錢,南杏5錢,紅蘿蔔1個,紅棗6粒煲瘦肉湯供服,有助補肺氣,減少咳嗽.此湯全家可飲,一星期1~2次.此湯很平和,可服用一段時間.
芳姐，女女還流鼻涕，希望芳姐可以幫幫我，萬分感謝
芳姐，我女兒咳嗽，十月份開始到十二月份每晚都會咳，有痰，白天不咳！十二月月底有幾天沒咳嗽！但是後來又感冒了，就白天晚上都咳嗽，今天西藥吃完了，咳嗽稍微好了一些，就咳幾聲，但是還是很多痰，請問芳姐有什麼可以煲給女女吃，治好咳嗽，之前咳，醫生都說氣管敏感引起的，女女現在十個月，
芳姐，你好！我仔快8個月，最近有點兒咳同流鼻水，請問可以煲甚麼湯水他飲？感激！
STEPHANIE:
你可以滾些芫荽葱生薑魚片水供服,趁温熱飲,有助發汗解表,舒緩不適.如一時間未有材料,用生薑3,4片,蒜子4,5粒,紅糖少許,2碗水煮10分鐘供服,亦有幫助.
yan:
你可以去裕華或華潤堂買[玉屏風散]沖劑,每次沖泡時加5朵拍碎的辛夷花同沖泡,有助增强體質,防傷風,感冒及鼻敏感.一星期3次.
芳姐你好，小朋友2歲4個月，有鼻敏感底，好易傷風感冒，最近鼻塞鼻涕同半夜重痰咳，瞓得唔好，請問要飲咩湯療？
chrissie:
你囡囡可以飲此湯.肺炎後要引導平時多飲水,少吃煎炸辛辣食物.雪耳,百合,杏仁,蘋果,雪梨,紅蘿蔔這些食材可以煲湯常服.鹹甜皆宜.
芳姐:女兒十歲肺炎剛食完抗生素，半夜會咳醒少痰，日間又正常冇乜咳。可飲此湯嗎？
taro:
你可以用蓮子,百合各1兩,燈芯草6扎,4碗水煮半小時供服,連服2劑,看能否改善?平時可以煲四神湯作調理.用淮山,蓮子,茯苓,芡實各5錢,紅棗6粒煲瘦肉湯供服,飲湯吃些湯料,一星期2次,有助健脾益氣,强身.
芳姐，之前兩女兒還有小小痰咳，你教我煲龍脷葉平果雪梨湯，已經好好多了，多謝您！現在我想煲一些湯調理一下，增強佢地體質，有什麼好介紹?昨晚小女睡覺總是發開口夢在喊而且尿床，請問是否可在湯水加燈芯草同煲?謝謝
芳姐:
女兒十歲肺炎剛食完抗生素，半夜會咳醒少痰，日間又正常冇乜咳。
可飲此湯嗎？
如果小兒痰咳伴有少許氣管敏感，喉嚨紅腫可以飲此湯
aki:
喉嚨紅腫,有痰咳可以飲此湯,可以加1/4個羅漢果同煮,有利咽消炎功效.
MONKI:
傷風未好,可以飲鮮龍脷葉湯.生薑紅棗炒米茶都可服.淮山,蓮子等湯最好傷風好後才飲,以免病邪坐大.可以用生薑4,5片,蒜子5,6粒,紅糖適量,3碗水煮15分鐘服,連服3劑,有助防治傷風,感冒.
芳姐：
您好！嫂嫂在未生bb之前已有傷風感冒，現在順產生完BB第4天(餵母乳)還未好，有咳有黃痰，請問可否飲龍脷葉南北杏蘋果蜜棗瘦肉湯？生薑紅棗炒米茶？鮮淮山，乾品淮山，蓮子，杞子，百合，黑豆，龍眼肉，這些藥材現在情況可以食嗎？因為聽人講坐月生病就不可以進補啊！請問還有什麼湯水可以醫治這情況，真的不好意思，麻煩曬芳姐。
如果冇新鲜龍俐葉可否乾品
AKI:
乾龍脷葉用5錢就夠.
芳姐!您好!
我兒子3歲半，返個幾月不停流鼻涕，鼻塞同咳，已經睇左1次中醫，2次西醫都不能痊癒，鼻涕同鼻塞還嚴重左，唔知咩原因？夜晚訓覺都塞到用口抖氣，仲好大聲。聽到都覺得好辛苦!希望你可以提供食療湯水？等佢盡快好返，可以返學，已經一星期無返學啦!!十分感激!!另外可否推介湯水給全家增加免疫力？
芳姐：
龍利葉點選先靚呢?
第一次到花店買新鮮龍利葉未煲已,聞到葉既香味,煲一陣巳經出味
但是今次再另一間花店買，聞不到味,煲了近半小時多，仲未出味，是否今次葉不新鮮？功效會否無咁好？
謝謝
芳姐，
我的兒子五歲，每早起床便咳嗽，有一兩次黄痰，少許鼻水，之後全日都正常，已维持一個多月了。起初是感冒引起，吃了很多中藥，現在尚餘上述問題。請問可以煲什麼?感謝。
黃太:
你試用紅蘿蔔1個,麥冬3錢,馬蹄6粒, 5碗水煮成2碗供仔仔服,連服3劑.
芳姐您好，
兒子五歲半，日間少咳有痰聲少流鼻水，但晚上睡著後，半夜咳有痰聲，打噴嚏有流水，大約二十至三十分鐘，再入睡。有什麼湯水可幫助呢？謝謝。
sasa:
你試用蘇子,萊菔子各3錢,紫蘇葉3錢,生薑2片,4碗水煮半小時,有助散寒,化痰止咳.
YINGZI:
你試用洋葱1個去衣切片,放碗中,隔水大火蒸半小時,用湯匙功洋葱汁供仔仔服,一日2次,有助改善.
９个月仔仔咳嗽愈后，有痰鼻塞情況。
SL:
感冒仍未清,如鼻涕黃綠色表示炎症,要看醫生才成.你試用鮮龍脷葉1兩,羅漢果半個,蘋果,紅蘿蔔各1個,南北杏1兩煲瘦肉湯,全家可飲,仔仔一天分服2碗,有助清熱化痰止咳.
芳姐：
仔仔3歲，吃過西藥後感冒仍未清，有黃色鼻涕及痰。
上次教我用辛夷花6朵,北杏3錢,甘草1錢,3碗水煮10分鐘服,連服3劑。但已連服了5劑但都沒改善。請問還可以㷛什麼？謝謝！
sherlockmama:
你可以用辛夷花5朵,葱白3棵滾瘦肉(少許就成)湯供服,滾8分鐘可飲,一星期3次,有助防鼻敏感.
你好！芳姐，小兒15個月大，氣管不太好，時常一轉天氣就容易流鼻水，現在天氣又冷又熱，小兒開始流淡鼻水，昨晚瞓瞓下有咳，仲嘔，請問小兒仲細，可以飲怎麼湯水治理？謝謝！
心急媽媽:
你試用紫蘇葉3錢,法夏3錢,茯苓3錢,甘草1錢,4碗水煮半小時供囡囡服,連服3劑,有助化痰止咳.
女兒八歲，感冒後變成氣喘咳，現多痰並入肺。晚上咳得尤其厲害。請問有乜湯水化痰止咳？
多謝芳姐!