By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
唔該芳姐
芳姐
我剛感冒病好，仲有咳，可煲咩呀？
冇痰，想日好想咳，一咳個頭扯住痛，因為覺得有嘢cake喉嚨，會好大力咁咳
Smile:
你可用鮮龍脷葉1兩,蘋果1~2個,無花果4粒,南北杏1兩煲瘦肉湯,全家可飲,煲1小時就成.
Sarah:
服西藥後2小時飲最佳.可加蜜糖.
謝謝芳姐今晚試下, 如有食西藥要相隔時間服用嗎?? (因未食完抗生素) 另見你之前提及痰多可加蘇子,萊菔子, 可以加埋一齊煲嗎?? 另湯水會苦嗎?? 可否加蜜棗/ 無花果/ 蜜糖?? 不好意思, 咁多問題, 謝謝幫忙
sarah:
你試用麥冬,桔梗,辛夷花各3錢,甘草1錢,4碗水煮成碗半,供囡囡一天服,有助止咳,收鼻水.
小女2歲半一個月前感冒發燒, 好左之後係咁咳同有鼻水, 睇左三次醫生無再瞓教咳但日間仍有咳同鼻水, 好多痰, 上星期又突然發燒, 燒完後又返咳, 呢個幾星期晚晚咳醒好多次, 有咳到嘔同回唔到氣, 面都紅曬, 鼻水仍然止唔到, 日間都有咳. 食埋抗生素都唔得, 唔知點算, 可以煲咩比佢飲? 之前有試過煲雪梨水加果皮同薑, 適合嗎??
Shirley:
你試用蘇子,萊菔子各3錢入茶包袋,與白米,瘦肉煲稀粥供仔仔服,對痰咳有良效.
芳姐：
仔仔15個月大，一個星期前有鼻水，無睇過醫生，3日後收了鼻水開始有痰咳，好多痰，到訓覺時咳得更為厲害，飲過川貝燉蘋果及洋蔥水都沒有好轉，但我將川貝燉蘋果加到奶/粥內餵食仔仔都有點抗拒，請問還有哪些湯品適合？謝謝！
Jackie:
仔仔晚上咳多屬寒咳,可以用紫蘇葉3錢,生薑3片,紅糖少許,3碗水煮成2碗供1天服,有助散寒亦咳,如痰多加蘇子,萊菔子各3錢一齊煮.
芳姐,
小兒2歲8個月，痢苔偏白，估計是寒咳。試过川貝燉+虎乳靈芝+果皮+雪梨，第一晚很好，冇乜點咳。第二晚照樣比佢飲，咳咗大半晚。第三日冇飲，但開始發燒+流鼻水。睇西醫食咗退燒藥，但冇比其他中藥或湯水。夜晚依然咳到飛起。今日第四日，燒退咗，鼻水少咗（白色）但咳唔停，完全冇停過。我地比不斷比佢飲暖水星，空掌拍背，吸氣管藥都冇用。剛瞓覺前比咗洋蔥+蜜糖水，小睡左半小時，而家又咳過。見倒佢咁都好櫈佢辛苦。求教。
Joanne:
仔仔可能寒咳,羅漢果雖然化痰,但寒涼.不要放羅漢果和麥冬,改放蘇子,萊菔子各3錢,甘草1錢,配桔梗3錢同煮.
芳姐，
試過，飲左之後咳多左。
Joanne:
你可以用麥冬,桔梗各3錢,羅漢果1/4個,4碗水煮成2碗供仔仔飲,連服3劑,有助化痰止咳.
小孩5歲半男，早上咳有痰。飲過白术益智仁紫蘇葉，夜晚睡覺無咳，但早上咳醒。應該飲什麼?謝謝
STEPHANIE:
你試用羅漢果1/4個,桔梗,辛夷花,麥冬各3錢,甘草1錢,4碗水煮成2碗,一天分服,連服3劑,有助止咳,收鼻水.
芳姐,你好!
小兒3歲半，兩星期前開始一瞓覺就咳，看了3次西醫都未好，本身有鼻敏感，鼻水倒流，昨晚仲咳嗽到停不到，有嘔吐及咳到面赤，飲熱小小的湯，喉嚨感辣口，請問有什麼食療或湯水可舒緩此問題，謝謝。
Mama K:
你試用紅蘿蔔1個,切薄片,紅棗6粒,去核切片,陳皮1個,5碗水煮成2碗,供囡囡一天服,連服3劑,對小兒百日咳或久咳不好有幫助.不是藥,可放心服用.
你好, 我兒23個月大, 之前感冒後, 久該未愈(一個月多), 有睇過中醫, 食藥粉, 依然半夜咳醒(日頭沒有咳), 可有咩湯水或食品幫助止咳?
謝謝你!
丁媽:
你可用川貝末3錢蒸燉蘋果1個,陳皮1塊,1碗水大火蒸半小時供服,可加蜜糖,每日1碗,連服4~5天,有助化痰止咳.燕窩坊間太多假品,又含激素,建議用優質雪耳燉南北杏雪梨更佳.
咳嗽已經無痰！謝謝
芳姐， 小朋友2歲，剛支氣管炎及輕微肺炎初癒，日頭無咳或鼻水，精神食慾都好好，但每晚一訓覺就咳嗽到喊醒，要食舒緩敏感藥水先訓得到，有無湯水可以治療，現時朝早已食冰糖燕窩，仲有煲川貝鱷魚肉淮山百合湯飲。麻煩晒
Fornia:
仔仔的情況没好轉,唯有看中醫治理.因為食療只能作輔助治療.鼻水多可用6朵辛夷花拍碎泡茶供服,能減少鼻水流出.
芳姐, 你好,
小兒10個月大，2日前開始有痰咳，
伴有鼻水, 濃洁帶黃, 沒有鼻塞,
睡眠不錯, 精神也好,
請問可以服用甚麼湯水食療可代痰咳, 改善情況?
謝謝
芳姐，我已試用洋蔥水2天給仔仔飲用。第一天有好轉，第二天又轉差。現在仍鼻塞、鼻涕倒流，咳嗽時乾咳，時痰咳。夜晚最嚴重。洗鼻只有少量鼻水流出。
昨晚睡前與半夜給了兩次咳水，好似咳嗽加劇。請問還可以用甚麼湯水﹖
應該再給法夏,茯苓,白朮各3錢,陳皮2錢,甘草1錢嗎﹖謝謝
Selina:
你試用法夏,茯苓,白朮各3錢,陳皮2錢,甘草1錢,5碗水煮成2碗供仔仔服,有助清痰.連服3劑.
芳姐，
我仔快3歲，咳了一星期，現在咳比較少，晚上訓覺沒有咳，但白天一咳就很多啖痰聲，煲了5天川貝雪梨，痰依然清不到，還可以煲什麼好呢？
Fornia:
你試蒸1個洋葱,去衣,切塊,隔水蒸半小時,壓洋葱汁供服,有助止咳.試連服2天.
芳姐，我已煲了法夏,茯苓,白朮各3錢,陳皮2錢,甘草1錢,5碗水煮成2碗供服。仔仔仍然有痰咳嗽，及睡覺時鼻塞，平時不覺流鼻水。用鹽水通鼻有少量黃色鼻涕，請問可以用甚麼湯水﹖仔仔差不多一歲。謝謝
Fornia:
痰多可用法夏,茯苓,白朮各3錢,陳皮2錢,甘草1錢,5碗水煮成2碗供服,連服3劑可清痰.
芳姐，早幾天請教過，仔仔退熱後乾咳。您教用麥冬3錢,雪梨1個,去核,蘆根5錢,甘草1錢,5碗水煮成碗半供仔仔服,有助清熱止咳。現仔仔轉變為痰咳，咳嗽次數不多，痰咳不出來。請問是否仍可用同樣配方﹖
MOMO:
剛開始咳,蒸些洋葱汁供服,或蒸隻鹽橙供服亦佳.都是大火蒸半小時,用湯匙壓汁供服就成,不用加水.
芊芊:
有熱氣就不用加薑.白朮買回來用白鑊炒片刻,可加强健脾療效.
芳姐你好，我仔仔三歲，剛剛開始咳，不過無咩痰，可以煲咩湯水俾佢飲，謝謝
芳姐你好,请问炒白术是不是白术一样？如果有熱氣可以加生薑吗？谢谢！
謝謝芳姐
芳姐你好
小孩5岁反反复复咳嗽,睡覺咳得厉害有时会咳到吐,睡覺会流很多口水?请问可以服用甚麽湯水?谢！
芊芊:
你試用炒白朮,益智仁各5錢,生薑3片,紫蘇葉3錢,紅糖少許,5碗水煮成2碗供服,連服3劑,有助止咳,改善流口水.
Fornia:
你試用麥冬3錢,雪梨1個,去核,蘆根5錢,甘草1錢,5碗水煮成碗半供仔仔服,有助清熱止咳.睡前要幫仔仔通鼻.用棉紙巾剪成條狀,浸淡鹽水,扭緊就可通鼻.千萬不要用棉花捧,以免傷及鼻黏膜.
芳姐您好﹗
小兒快滿一歲，4日前斷續發高燒，食了數次西藥。
伴有乾咳，沒有痰，但夜晚睡覺有鼻塞及咳嗽嚴重。
精神不佳。
請問可以服用甚麼湯水﹖
謝謝
Julie:
你試用紫蘇葉3錢,桔梗2錢,甘草1錢,3碗水煮15分鐘供服,有助散寒止咳,連服2劑,看能否改善?
你好~
小兒三歲, 感冒後久久咳嗽未好, 常常半夜咳醒, 日間好小咳,冇痰
試過飲洋蔥水，好了小小又沒改善….
請問有咩湯水合適?
CO:
你可以用辛夷花6朵拍碎,加滾水沖泡供囡囡飲,可加蜜糖,連服3劑.
芳姐請問小囡二歲流鼻水、可以飲咩野？謝謝
kelly 媽媽:
你可用川貝末2~3錢蒸燉蘋果一個供服,要去皮,去核,可加蜜糖,每日1劑,連服3~5劑,有助減少氣管敏感.
senga:
你仔仔可能鼻水倒流咳,可用辛夷花6朵,拍碎泡茶供服,可加蜜糖,每日1杯,至鼻水收為止.洋葱水可以飲,不是藥,没問題.
芳姐你好，小兒兩歲半，早前流鼻水看了西醫，沒發燒，但身體比平時熱，吃了一星期藥，鼻水仍未止哂。
間中有咳，沒有痰，亦咳不出來，鼻水清無黃，有口氣，夜晚訓覺有咳，無痰聲乾咳，但鼻塞有鼻寒聲。
請問煲咩湯水適合？屬於熱定寒咳？有咩食療有助清鼻水同咳？
試過飲兩次洋蔥水，合適嗎？
謝謝
芳姐你好！
在26/8曾經就仔仔氣管咳請教妳良方，妳所建議的桔梗麥冬配方飲了4劑，後再煲虎乳靈芝鰐魚肉湯水，果皮燉川貝也飲了幾次。但是，亞仔的氣管咳依舊斷唔到尾，醒著的時候就會咳（1-2聲短促）。可以點做好呢？
好煩好煩！
Kelly
carrie:
你繼續給2~3劑辛夷花桔梗甘草茶較適合.可加雪梨,但要去核.
芳姐，您好!
謝謝你回覆。
仔仔飲左兩劑辛夷花桔梗甘草茶，有好轉，但昨日上學可能有冷氣今早又比較咳，多痰。昨日係學校老師話有綠色鼻涕添，回家又無。
煲這茶可以加其他如紅蘿蔔或者梨嗎，仔仔每次飲都飲唔晒，唔太喜歡這味道。
謝謝!
carrie:
你仔仔可能鼻水倒流才會咳,試用辛夷花6朵,桔梗2錢,甘草1錢,3碗水煮15分鐘供服,有助止咳收鼻水,可連服3劑.
芳姐，
您好!
小兒兩歲半(g6Pd)，星期日開始傷風，有黃色杰鼻涕，醫生說喉嚨發炎，鼻膜發炎。早兩天煲龍脷葉雪梨百合湯給他，日間仲有咳，晚上下半夜咳比較密(是否那湯水太涼呢)，時有痰聲，鼻涕依然有些少黃稠。請教芳姐他是寒咳定熱咳呀？可以煲咩湯水?
謝謝!