By 芳姐 ( 15 2 月, 2014 at 3:08 下午)
· Filed under 外感/頭痛/呼吸道病, 小兒常見病
天氣時時寒時暖,近日不少人患上傷風、感冒,對一些身體素虛,或肺功能向來弱的朋友,傷風、感冒後往往會咳嗽一段時間,尤其是小朋友,又不會吐痰,容易因痰涎影響咳嗽不止..
龍脷葉是化痰止咳的良藥,菜市場常有鮮品供應. 用龍脷葉配合南,北杏,蜜棗煲湯飲,對咳嗽痰多人士很有幫助. 如果是小孩子感冒後咳嗽,可以加1-2個蘋果同煮,蘋果有潤肺功效,且可以令湯更加好味容易入口.
用料是: 新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲.
~ 小貼士: 此湯清甜可口,全家合飲.如作家常湯水,加瘦肉同煮即成.
Permalink
Ella:
你可以用川貝末3錢,蒸燉蘋果1個,可加蜜糖供服,連服3劑.蘋果要去皮,去核切塊.川貝能減少氣管過敏.
芳姐，
你好，小兒2歲半，咳咗2個星期，訓覺就咳的勁，咳到好似氣喘，中醫話係躁熱咳，西醫話係氣管敏感咳，請問可以煲乜湯，多謝
Kenki:
夜間睡咳多屬寒咳,可用蘇子,萊菔子各2錢,紫蘇葉2錢,紅糖少許,3碗水煮10分鐘供服,有助散寒,化痰,止咳.可連服3劑.
芳姐,你好
我家小兒16M大,患有G6PD,已咳了多天,有痰,亦看了醫生,通常睡著了就咳得較嚴重,請問這個湯水,他可以飲用嗎?除了這個湯水還有沒有其他湯水讓他飲用???
wingomado:
龍脷葉湯,可以作家常保健湯水,有清熱潤肺止咳作用.你可以按左手邊[外感]那欄,即可看到很多有關預防傷風感冒的湯水.
芳姐，想問龍脷葉蘋果湯依款湯水，無咳無病時都可以飲用，當作預防湯水嗎？
另外，可建議多幾款預防傷風，咳嗽的湯水嗎？
謝謝
芳姐你好
24個月女童因呼吸道感染病毒留了7天院
回家後不時咳和發燒，現在退了燒可是一直有咳
有時睡了覺也會咳到嘔
嘔吐物除了食物，都是透明痰
有湯水可推介嗎？
Bfung:
你試用法夏,茯苓,白朮各3錢,陳皮1個,蘆根,薏米各5錢,5碗水煮成2碗供囡囡服,連服3劑,有助袪痰,清熱退燒.要多飲水,可在兩餐之間幫囡囡拍背,拍到有咳表示該處積痰,可多拍兩下,然後飲水,有助將痰排走.
Lam:
你可以用紫蘇葉3錢,生薑3,4片,紅糖適量,3碗水煮10分鐘服,有助散寒解表.
請問芳姐受涼感冒後嘅咳應該飲咩湯好呢？
芳姐
仔仔兩歲，早兩星期感冒，已好得八八九九，唯獨而家每朝清晨起身或食奶後都咳得利害，聲時濁時清，此方可唔可以用？如用川貝蘋果陳皮又可唔可以？另想問係仔仔咳時俾佢飲暖薑水止咳，有無作用？另有聽過話烤熱塊薑再捽後頸，，後背，喉嚨等位置可止咳，又是否有效？問題太多，望芳姐你可以一一解答，謝謝！
阿欣:
你試用蘇子3錢,紫蘇葉3錢,生薑3片,甘草1錢,3碗水煮成2碗,一天分服,有助散寒止咳,化痰.連服2劑,看能否改善?
芳姐，你好
向芳姐請教一下，
我呢幾日係咁咳，通常有痰先咳，
由其瞓覺就咳多啲，如果吐左啲痰就舒服少少，
但轉頭又嚟過，唉，成晚都瞓唔好，
唔知自己係寒咳定熱咳，本身我係溫帶熱底，知道龍脷葉化痰就煲過一次，好似無咩效，係咪我唔應該飲龍脷葉呢？
謝謝芳姐！
Ycwf:
1歲幼兒晚上咳,試用紫蘇葉2錢,生薑3,4片,紅糖少許,2碗水煮成2碗供服,有助散寒止咳.最好不要開冷氣,自然室温可能情況好些.
請問1歲小朋友夜晚咳得好犀利，啱飲嗎？
Susu:
龍脷葉湯對熱咳較好,鱷魚肉性偏温,對寒咳較理想,所以兩物不宜一齊煲.
芳姐你好，
家中老人家不太懂㷛湯水，但又見4歲孫女咳了很久，故用了龍脷葉止咳湯料另加入海星，鱷魚肉和川貝一起煲，請問這樣可以比孫女飲嗎？
Becca:
此湯懷孕可飲.
芳姐:
你好!
請問懷孕可飲嗎?
芳姐，謝謝你嘅解答^_^
Ms Chan:
懷孕乾咳,可以用麥冬3錢,杞子1湯匙,甘草1錢,3碗水煮成2碗服,連服3劑.
早晨呀芳姐^_^
請問我已懷孕15週， 但有少少乾咳，咁我可以飲枇杷葉，龍俐葉廋肉湯呢? 謝謝 !
karen:
可以繼續飲洋葱水.另外如痰多,可以用蘇子,萊菔子各3錢入茶包袋,與肉碎煲稀粥供仔仔食,有助化痰止咳.
芳姐，我仔１１個月，前幾天開始咳，打噴嚏，流鼻水，晚上 冇覺好訓，連續飲３天燉洋蔥水加晚上食保嬰單，咳嗽，鼻水，噴嚏方面都大有改善，但現在還有好多痰，請問飲以上的龍利葉蘋果蜜棗南北杏湯水有否改善？因我擔心甜的湯水會令到他更多痰？另外，洋蔥水是不是可繼續給他飲？請指教
明白，唔該芳姐。
芳姐，
多謝你的解答，如上述的中藥味道帶甘，可否加什麼作調味以便小女飲用？
esther:
麥冬,甘草本身味道帶甘,只桔梗,辛夷花微苦,不宜加糖調味,否則易惹痰.
esther:
你可以用桔梗,麥冬,辛夷花各2錢,甘草1錢,3碗水煮成碗半供服,連服3劑,有助止咳,收鼻水.
芳姐，
我女21個月，發燒一天，星期一退燒後開始有鼻水，食過兩日收鼻水西藥有少少好轉，鼻水很稀，星期三半夜開始咳，昨日日間及夜晚都有咳，咳時帶少許痰音，手腳有點凍，大便正常，胃口正常。
有什麼方法收鼻水及止咳？謝謝。
sally:
鼻塞多屬敏感,你單用辛夷花6朵,拍碎泡茶,如超過歲半可加蜜糖,否則加砂糖調服,好味些.
另外，他很奇怪地日間才會鼻塞，晚上睡覺卻沒有，為什麼會這樣呢？
麻煩哂！
Sally
芳姐，
小兒不太肯飲辛夷花桔梗羅漢果茶，有什麼易入口的可以再試試呢？
三劑是分開三天喝嗎？
Sally
SALLY:
你試用辛夷花,桔梗,各1錢,羅漢果1/6個,3碗水煮成碗半供服,有助化痰收鼻水,止咳.連服3劑,如無改善,看中醫較佳.洋葱水可以繼續給小朋友飲.
芳姐，
仔仔飲多日洋蔥水真的咳少了好多，終於有覺好訓，十分謝謝你！
但現在他仍好多痰，呼吸時D痰呼路呼路在喉嚨附近，又唔識吐出來…
鼻有好濃的鼻涕塞住，攪到呼吸不到，成日用口呼吸，食飯時不肯吞，因為鼻孔塞住抖不到氣。
西藥食極都冇乜好轉，都唔知仲應不應該繼續，還是再看醫生…
可以用什麼方法幫他化痰、清鼻𥚃的濃涕呢？
Sally
西旨
Sally:
蘿蔔蜜水似乎合日間咳多小兒.你試用鹽蒸橙試試,鮮橙一個,皮要洗擦乾淨,切開頂部,加少許鹽,用筷子插幾下,放碗中大火蒸20分鐘,用湯匙壓橙汁供服,當中橙皮素能治咳,故必須連皮蒸.
芳姐，
我已試過洋蔥水，但仍有咳，若用羅白蜜水可以嗎？謝謝
Sally
Sally:
你可以用洋葱1個,去衣切塊,放碗中,大火蒸半小時,得汁約3湯匙餵仔仔服,一日蒸2個洋葱汁試試,有助止咳.吃西藥後1小時服就成.
不好意思，漏了說他正在吃西藥中。謝謝！
Sally
芳姐：
我仔仔由傷風變感冒，再變成氣管炎，已咳了兩個星期，咳中有痰，中間看了兩次醫生都未好。他飲了這個湯，咳少了，但一到睡覺躺下來就會咳，尤其是夜晚訓覺，咳得特別厲害，仲因不懂吐痰咳到嘔。
不知他為何只是在夜晚才咳得厲害，還有什麼可煲比佢令佢夜晚少咳些訓得好D？他32個月，怕藥味的湯。請𧶽教！
Sally
芳姐，想問夜咳，有白痰，沒有其他感冒症狀，西醫話氣管敏感，夜咳時都有聽到有氣管聲，可否渴此湯？有冇方法可止夜咳？謝謝！
儀:
夜咳,痰白似寒咳多些,可試用紫蘇葉3錢,生薑3,4片,甘草1錢,3碗水煮10分鐘服,連服3劑.有助散寒止咳.如痰多可加蘇子3錢同煮.
ekei:
枇杷葉味苦的.龍脷葉不苦.
芳姐你好, 請問如果放多左龍利葉會唔會苦? 上次煲完出黎好苦, 佢係咪俾左枇杷葉我? 定係龍利葉都唔可以放太多?
芳姐你好！
我現在懷孕5個月，幾天前感冒後有咳有痰，請問這款湯適合我飲嗎？有沒有其他止咳湯水？
謝謝！！
polly:
懷孕感冒可以飲這款湯,如痰黃稠,可以用雪梨代替蘋果.可以用桔梗,麥冬各1湯匙,羅漢果1/4個,3碗水煮成2碗服,有化痰止咳作用.
Zita:
龍脷葉蘋果湯孕婦可服.
你好！請問此湯孕婦可服？
yoyo:
你可以用蘇子,萊菔子各3錢入茶包袋,煲肉碎粥供仔仔食,連食3劑,有助袪痰止咳.
你好，我仔14個月。昨晚開始咳同有痰，仲半夜起身喊，請問應該煲咩湯水/粥仔好?
想問BB一歲大可唔可以飲？
virginia:
此湯BB可以飲,半碗就成.
Josey:
你試用花旗參,麥冬,杞子,桔梗,甘草各5克泡茶服,連服3劑,有助舒緩.
我咳了2個星期多,現在還有少少咳,又睇過中醫,西醫都未好,現在還在食自己買的藥,有咩湯水可以飲,我都不知道現在是寒咳，還是熱咳，之前是寒咳晚上要食姜才能睡覺，現在好了點,現在一張開口耳邊就好痛,不知道是什麼原因,我現在只吃瘦肉粥，菜,你可以給我建議有咩可以食呢？謝謝
JOYCE:
你可用白蘿蔔半個至1個,葱白4,5棵,雪梨1個,去核,5碗水煮成2碗供服,葱白後下,連服3劑,有助治喉嚨不適,防咳嗽.