By 芳姐 ( 15 2 月, 2014 at 3:08 下午)
· Filed under 外感/頭痛/呼吸道病, 小兒常見病
天氣時時寒時暖,近日不少人患上傷風、感冒,對一些身體素虛,或肺功能向來弱的朋友,傷風、感冒後往往會咳嗽一段時間,尤其是小朋友,又不會吐痰,容易因痰涎影響咳嗽不止..
龍脷葉是化痰止咳的良藥,菜市場常有鮮品供應. 用龍脷葉配合南,北杏,蜜棗煲湯飲,對咳嗽痰多人士很有幫助. 如果是小孩子感冒後咳嗽,可以加1-2個蘋果同煮,蘋果有潤肺功效,且可以令湯更加好味容易入口.
用料是: 新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲.
~ 小貼士: 此湯清甜可口,全家合飲.如作家常湯水,加瘦肉同煮即成.
Permalink
ET:
你試用香茅4支,青蘋果1~2個,去皮,去核,4碗水煮成2碗服,連服3~5劑,有助疏通經絡,改並膝痛.另外可用鹽敷法,亦很有效.粗鹽1斤,棉布袋1個,粗鹽白鑊炒7分鐘,入在布袋中,在膝蓋上鋪條厚毛巾(防燙傷),用鹽袋滾動,至温熱時將毛巾拿走再敷,至涼為止,一日一次,至症狀好為止.鹽袋可用2個月.
芳姐
膝頭哥上落樓梯酸痛，請問有什麼湯水可幫助。
lai lai:
痰多最好用蘇子,萊菔子各3錢,入茶包袋煲瘦肉粥供囡囡食,對小兒痰咳有效.魚腥草都能清熱化痰,但較寒涼,如痰黃稠較適合.但你看不到囡囡的痰顏色.都是用蘇子,萊菔子粥較佳.
芳姐你好，小囡25個月，之前傷風感冒，吃了4天西藥，現在沒有鼻水流出，咳不多，但有很多痰，但不懂咳出，此湯水是否適合？可化痰嗎？之前有人介紹煲魚腥草竹庶茶，是否適合？謝謝幫忙！
Crystal:
你試用蘇子,萊菔子各3錢,紫蘇葉2錢,3碗水煮成1碗供服,連服3劑,有助散寒止咳,化痰.
芳姐你好，小囡9個月，已咳嗽一個月，多數夜晚睡咳，有痰，應該煲咩俾佢飲
你好！ 如果氣管敏感咳食完西藥好返之後無耐又有少少咳仲有黃痰 應該煲d咩湯水好？thx🙏🏻
Baby:
你可以用玉竹,麥冬各5錢,雪梨,蘋果各1個,去皮,去核,南北杏1兩,無花果3~4粒煲瘦肉湯,能清肺熱潤肺燥,止咳.
Baby:
你試用白蘿蔔1個,去皮切條,用3湯匙蜜糖醃5小時,將滲出的蘿蔔水,用半杯,加半杯温水調勻飲,一日2~3杯,有助止咳.
芳姐你好：我男朋友33歲 佢感冒氣管敏感咳 夜晚咳得勁d 再加上有黃痰 之前睇西醫食佐西藥都未有好轉 請問應該煲咩止咳湯水佢飲？thx
Karen:
你試用烏梅2粒,菊花1湯匙,甘草5,6片泡茶服,可沖泡至淡,連服3劑,對風感,敏感咳有幫助.
芳姐，您好:
家人有咳嗽，一冷一熱就會咳，他自己覺得是胃寒引起的，這個會嗎? 現在沒有痰了, 之前試過是黃/白痰都有，請問有什麼湯水可以止咳?
謝謝!
Emily:
痰綠色表示有炎症,最好看醫生治理.可以用辛夷花3錢,羅漢果1/4個,胖大海3錢,甘草1錢,4碗水煮半小時服,連服3劑,有助袪痰,利咽,收鼻水.
芳姐，我男友上星期喉嚨痛同流鼻水，今星期日開始咳，有痰，綠色，夜晚咳多啲，有痰就會咳，仲有鼻涕，請問呢個湯合用嘛？謝謝你呀
芳姐，我男友上星期喉嚨痛同流鼻水好返後開始咳，有痰，綠色，夜晚咳多啲，有痰就會咳，請問呢個湯合用嘛？謝謝你呀
Twinnie:
小兒鼻膜薄,一旦損傷很易流鼻血,你可用茅根1扎,鮮蓮藕節3個(蓮藕的肉可配馬蹄,紅蘿蔔排骨煲湯全家飲),雪梨1個,杏仁5錢,冰糖少許,5碗水煮成2碗供仔仔服,能止鼻血,止咳.連服3劑.
芳姐，小兒4歲昨天零晨4時及中午12時起身時也流鼻血，而且不停咳嗽，今年已經第五次流鼻血，請問是否體虚？西醫說他過敏容易令鼻腔充血，平時也很易傷風感冒，有什麼湯食療可以幫助他？面色蒼白，嗜甜，胃口不太好的心小孩可如何補血？多謝芳姐！
芳姐，小兒4歲月初感冒後，至今咳嗽不止，有痰聲，特別早上睡醒時候，但他不懂吐痰應如何拍痰？有什麼食療可以幫到他？謝謝芳姐。
June:
你用桑葉3錢,或鮮薄荷葉5錢代替亦可.
June said,
想問問喉嚨痕，但咳出黄痰，喉嚨不痛。煲甚么比较好？
芳姐 said
你試用烏梅3粒,菊花3錢,甘草1錢,3碗水煮10分鐘服,連服3劑,有助袪風止喉癢.
芳姐你好：
我在國外，如買唔到烏梅可用咩代替。謝謝
June:
你試用烏梅3粒,菊花3錢,甘草1錢,3碗水煮10分鐘服,連服3劑,有助袪風止喉癢.
想問問喉嚨痕，但咳出黄痰，喉嚨不痛。煲甚么比较好？
can:
你試用蘆根5錢,生薏米1兩,淡竹葉3錢,甘草1錢,5碗水煮成2碗作開奶茶或作水供服,有助清熱解毒退燒.薏米能殺病毒的.連服3劑.如痰咳,晚上咳多,可用蘇子,萊菔子各3錢入茶包袋煲瘦肉粥供服,對小兒痰咳好.
如要去外地,將蘇子,萊菔子白鑊炒香,加3片甘草入茶包袋,在外地用開水沖泡代水供仔仔飲,能化痰止咳.
我仔23個月，佢發咗三日先，依家仲有啲陰燒，同咳，一咳就連續咳，明顯係聽到有痰咳，請問煲咩比佢飲快啲見效？？因為中有三日上飛機😑
Man:
晚上咳多宜蒸個洋葱汁供服.如痰多可以用蘇子,萊菔子各3錢入茶包袋,煲瘦肉粥供食,對痰咳有效,可連服3劑.
芳姐，小兒兩歲多，剛患感冒初癒，退左烧，但仍有咳嗽和小痰，但他年幼不慬咳痰，不能見到痰顏色，未能辨別是熱咳還是寒咳。另小兒氣管很敏感，易咳嗽和氣促，亦易咳嗽，可否飲龍脷葉這湯水？夜晚比早上咳多左
芳姐您好，
小兒現在2歲4個月，早2日開始有咳，流鼻水及有痰，此湯水是否合適他飲用？另想一問川貝燉雪梨亦是否可給予他食用？謝謝。
BoBo:
鮮龍脷葉療效較乾品好,但如果有乾品,用5錢就成,幼兒都可以飲.
是否有乾龍脷葉？乾的與新鮮的功效有不同嗎？
3歲小朋友可以飲嗎？
謝謝
Wen wen:
粉葛湯一星期2~3次.山楂茶隔日1劑就成.
請問芳姐, 粉葛薏米赤小豆排骨湯一星期2次夠嗎？山楂菊花決明子茶每日一次多嗎？菊花有冇話要邊款？
謝謝！
Wen:
你平時可以多煲些粉葛薏米赤小豆排骨湯供你先生服.山楂菊花決明子茶(各3錢泡茶),亦可經常服,有助調整血壓,較為平和的食療.但血壓不穩定要告知醫生,將藥量作調校.
芳姐你好！
老公43歲 有心率不正及血壓時高時低好唔穩定令到個人成日暈暈地, 睇左醫生, 食左血壓藥有時135有時145, 未食藥之去到165, 但食左藥就周身冇力好想瞓, 請問可以煲咩飲？謝謝！
kitty:
你試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑.
斷斷續續咳咗個幾月多，之前係感冒起，現煲洋蔥水或食猴棗化痰素都冇用，請問煲咩湯水飲会止咳化到啲嚨痰呀？🙏🙏
sephora:
晚上咳多應屬寒咳,如有痰,可用蘇子,萊菔子各3錢,紫蘇葉2錢,甘草1錢,3碗水煮成1碗供服,有助散寒,化痰止咳,連服3劑.
芳姐，
一歲小朋友流鼻水，咳，有痰，朝早會有小咳，夜晚一瞓覺就咳得最犀利，宜家晚晚一瞓覺就會咳到嘔埋最後嗰餐奶出嚟，請問算寒咳定係熱咳?可以煲咩湯水俾佢飲等佢無咳得咁犀利?
FLORENCE:
你可用蘇子,萊菔子各3錢,紫蘇葉3錢,甘草1錢,4碗水煮成2碗供仔仔一天服,有助化痰止咳,連服2劑,看能否改善?
芳姐,
囝囝3歲，一個月前有37.7度左右輕燒及有咳，看醫生後燒已退，但就咳到今時今日，並沒有其他感冒徵狀。於晚間睡覺時咳嗽特別嚴重。較早前曾試過咳出一小舊痰，黃黃的。請問有什麼食療?
Jenny:
你可用川貝末3錢,蘋果1個,去皮,去核切塊,1碗水大火蒸半小時,加些蜜糖調服,連服3劑,如見效,停兩天再服2劑應可改善.
仔仔六歲半，氣管敏感，經常斷續咳幾個月，
早上起床咳較多，可以煲什麼食療？
急⋯⋯
麻煩解答！
Emily:
痰多咳就不是乾咳.你試用法夏,茯苓,桔梗各3錢,陳皮2錢,甘草1錢,5碗水煮成2碗供服,連服3劑.
芳姐,
我媽媽今年80歲, 佢冇傷風感冒, 但多啖, 而喉嚨好多時因為乾而咳, 但問可以飲咩湯水幫她化啖? 謝謝!
karen:
你試用川貝末3錢,雪梨1個,去核,陳皮1個,1碗水蒸半小時供服,連服3劑,有助化痰止咳.如鼻水多,可另外用6朵辛夷花拍碎泡茶供服.
小兒感冒咳，現已少咳但鼻水變得好結，好多痰，什麼湯水好
cc:
你試用羅漢果1/6個,麥冬3錢,桔梗3錢,甘草1錢,4碗水煮成2碗供服,連服2劑,看能否改善?
你好，想請教如果小朋友兩歲感冒後睇左幾次醫生，傷風小左但仍然不斷日夜乾咳甘應該煲咩湯水好？謝謝！
sharon:
你試用紫蘇葉3錢,辛夷花6朵,甘草1錢,3碗水煮成碗半供服,看能否改善?
芳姐，你好，
小女15個月, 一個半月前扁桃線發炎之後, 一直有鼻水同痰, 這幾天又多痰了, 半夜有咳(鼻水同痰都係透明的, 沒有黃綠色). 請問適合煲什麼給她喝? 謝謝~
ying:
你可以用川貝末3錢蒸燉雪梨1個,去核,1碗水蒸半小時供服,有助清熱化痰止咳.連服3劑.
女女5歲幾,之前高燒5日,只有咳和痰,退燒後又有痰就咳,都好多痰。想問要煲什麼?謝謝