By 芳姐 ( 3 10 月, 2012 at 7:18 上午)
· Filed under 家常食療
石崇魚功能健脾滋腎,對手術後傷口深層癒合很有幫助,但這種魚並不常有供應,大條的往往賣到二,三百元1條,但今天在上環街巿見有細條石崇魚賣,48元1斤,雖然不是游水的,但非常新鮮,魚鰓鮮紅,買了4條,才40元,用來配北茋,杞子,紅棗煲湯,對提高身體免疫力,增强體質很有裨益,對手術後,病後或產後體弱人士更為有益。
用料是: 石崇魚12兩,北茋4錢,杞子4錢,紅棗6粒,生薑2片.
做法: 石崇魚劏洗淨,用少許油煎香;其餘材料浸洗;將全部材料放入煲內,用6碗水煮個半小時成4碗即可供飲.
~ 小貼士: 石崇魚的鰭刺有毒,被刺後會產生劇痛,故必須要魚檔代為劏好,回家處理時亦需特別小心.手術後飲用此湯,可加快傷口癒合,令身體更快復元.
Permalink
芳姐，想問一下，小朋友8歲，剛剛星期五做了一個多生齒手術，全身麻醉，縫了11針
請問可喝石崇魚湯嗎？
因要食流質，還有甚麼可以煮給他吃？
Mak:
可以煲石崇魚湯供服,另外可用北茋4片煲瑤柱陳皮粥供食,有助加快傷口康復.
如果買唔到石崇，可用甚麼代替？
Mak:
鱸魚也有同樣功效.鱸魚很易買到.
芳姐你好 我也是子宮內膜癌需要下周接受子宮切除手術，在魚檔很難找到石崇魚，請問還有其他湯水適合手術後飲用和食用嗎，謝謝！
Mrs Yiu:
可以用海鱸魚代替石崇魚,海鱸魚通常很大條,可以一塊塊的買.大塊的一塊就夠.
謝謝你
芳姐..你好！請問膝關節手術大約做左10日，有咩湯水可以煲呢？
S:
你可以煲這款湯水.或用香茅6支,青蘋果2個,生薑4片,冰糖少許煲水半小時服,有助活血通絡.
再請問芳姐…煲石崇魚這款湯水…需要日日飲定係要隔幾耐再飲？謝謝
S:
可以一星期3劑,隔日飲亦可以.
芳姐你好
我姐姐要做線肌瘤手術，但佢又有甲狀腺，請問可以煲什麼湯水比佢飲呀？謝謝！
訪客:
可以煲些淮山,杞子,蓮子,百合,紅棗豬展湯供服,有助健脾胃,養心安神.
芳姐,
我有朋友送了一包牛大力給我，請問可否加埋牛大力煲石崇魚？
我都是在西營盤對電梯的一檔買，店主好好 幫的清理得好乾淨，不過而家要$96斤
芳姐，
唔好意思 唔係牛大力 係五指毛桃先真😅
Cindy:
可以加5錢牛大力一齊煲的.
謝謝 芳姐
小朋友後䐉有腫瘤剛開完後腦有飲雪莉羅漢果椰棗水可以嗎？或煲什麼可以當水飲?
及應該煲咩湯水及幾時可以開始飲
請指教
GIGI:
小朋友腦瘤手術後可用北茋,天麻,杞子各2錢煲水30分鐘飲用,可加紅棗切片,好味些.雪梨羅漢果椰棗水可以飲.用北茋,黨參各3錢,生薑2片,紅棗4粒煲石崇魚湯,有助加快傷口癒合,手術後3天飲.
芳姐請問有痛風可飲石崇魚湯嗎？我朋友爸爸上星期四切了胰臟、十二指腸和膽。現在痛風發作中。怕不能飲魚湯但又想傷口快些癒合。
Lee:
可以間中飲石崇魚湯,或用瘦肉代替鮮魚,配北茋5錢,黨參3錢,紅棗5粒,生薑2片同煮.
芳姐
我有兩個問題想請教
1.我老爺胃出血飲唔飲得石崇魚湯，同煲咩好？
2.我老公個前妻乳癌做完化療同手術，宜家又發現肺有，應該煲咩飲好？
麻煩晒，多謝指點
新抱仔:
胃出血可以用茅根1扎,蓮藕節3個,煲瘦肉湯供服.乳癌擴散有點麻煩,可用姬松茸5錢,杞子3錢,蘆筍6支煲瘦肉湯供服,要吃些湯料.
請問我爆肺，有胃炎，切除肺泡及做了黐肺手術，可以點補身？
C:
爆肺成因不明,你有胃炎,可多用猴頭菇3朵,北茋3錢,百合1兩,杏仁5錢,無花果3粒煲鷓鴣或鵪鶉湯服,對肺有益.
芳姐你好，
我先生做咗肝癌手術一星期
請問煲甚麼湯水好？ 謝謝
赖太:
手術後可以用姫松茸5錢,杞子3錢,蘆筍5支,紅棗4粒煲瘦肉湯供服,有助增强體質,抗癌.
煲幾耐同埋幾耐煲一次 ,咁係咪以後可以keep住煲嚟飲？ 謝謝
訪客:
你指姬松茸杞子蘆筍湯?可以煲30分鐘,一星期3次,最好吃湯料.如癌症手術後可作保健湯水常服.
芳姐你好，我先生要做扁桃腺切除手術和鼻甲切除手術，請問手術後多少天可飲石崇魚湯？一般放什麼材料？按照以上的次序煲嗎？
細黃太:
石崇魚湯可按文章中材料煲湯供服,有助加快傷口癒合.或配合掌瓜,豆腐,紅棗,生薑煲亦可以.
芳姐你好，
請問做手術後，可不可以天天飲石崇角
⒲魚湯？
kenken:
手術後可以飲3~4劑石崇魚湯,有助加快深層傷口癒合.但無需天天飲.
芳姐你好
能加入瘦肉或豬展和再加入一片果皮同煲嗎？知道已有姜片。謝謝
Mrs H Chan:
生薑和陳皮可以同用的.加瘦肉或豬展能增加鮮味及營養,没問題.
你好 芳姐
請問做完換骨鉸手術，石崇魚煲甚麻材料好呀，謝謝🙏🏻
Agnes:
換骨骹可以用北茋5錢,杜仲3錢,黑豆1兩,無花果4粒煲石崇魚湯服,有助强筋骨,加快傷口癒合.
芳姐你好！請問骨折做完手術，喝石崇好嗎？芳姐，還有其他湯水配方，可以幫助骨折癒合，請芳姐能教我配方幫助我家人，感謝！
陳惠富:
骨折可以用田七3錢,杜仲5錢,栗子3兩,紅棗4粒,生薑2片煲豬展湯.石崇魚有助加快傷癒合,可以飲.河蟹粥對骨折有幫助,將蟹劏洗乾淨,煮好粥後加入河蟹及薑絲再煮15分鐘即成,很好味的.
芳姐，
你好，請問那裏可以買魚崇魚？大約幾錢一斤😄
Samantha:
在西營盤正街街巿(第二層對住自動步梯那檔)長年有石崇魚賣,細細條,56元1斤.其它街巿都有,你要找找.
你好芳姐，請問開刀做完子宮肌瘤手術，可第幾日飲石崇魚湯？還可煲其他湯嗎？可第幾日飲。謝謝你
請問如果買唔到石崇魚，用山班魚可以嗎
Karrie:
無石崇魚可用海鱸魚代替,在海鮮檔有售,肉質實較便宜,但煲湯不成問題.
請問做完子宮肌瘤、朱古力瘤過幾多天才可喝這湯，隔幾耐飲一次，唔該晒
如果割腮腺瘤後煲石崇魚湯適合嗎？需要加咩材料？幾多天可以飲？
Aubley:
手術後3天可以用北茋,黨參,杞子各3錢煲石崇魚湯服.
你好，請問石崇魚可加黑豆煲湯嗎？
Vivian:
石崇魚可加黑豆一齊煲湯的.
剛做完切除二期乙結腸和淋巴核手術後第六天，年齡50歲，男性可否飲石崇魚湯請推介。
J:
手術第6天了,可以飲石崇魚湯,配北茋,黨參,杞子,紅棗,生薑同煮,可加快深層傷口癒合.表面傷口一般10天左右可埋口了.
芳姐，患有淋巴瘤，剛做切脾手術，之後等化療，切脾後可以喝石崇魚湯吗？
sss:
手術後3,4天後可以飲石崇魚湯.
芳姐, 請問我剛做完切除脾臟手術6星期, 可煲石崇魚湯水補身嗎? 還需加什麼, 是否每天飲呢 ?
Mrs Chin:
手術後可以煲石崇魚湯,配北茋5錢,杞子3錢,紅棗5粒,生薑2片,煲1小時可飲,一星期3劑.
媽有食道癌，做緊化療要飲什麼湯水？
神小姐:
可以多用金針,黑木耳,雪耳,杞子各適量,煲瘦肉湯服.有助剌激造血細胞生長.
請問可以給她喝燉肉汁嗎？ 謝謝
神小姐:
可以燉肉汁的.有益健康.
芳姐 你好，請問老人家70幾歲，切除卵巢手術，應該煲邊款湯水？謝謝
wah:
這款湯水可以煲給手術後的老人家飲,另外如有胃口,可以燉些海參豬展湯供服,配些淮山,杞子,用量隨意.
芳姐，我老公剛剛開刀做咗割盲腸手術，煲d咩湯好吖
Bo Kong:
手術後一,兩天最好飲些蘿蔔陳皮水,有助通利大小便,將麻醉藥排清.可以用北茋5錢,煲瑤柱陳皮粥供食,北茋能加快傷口癒合.配石崇魚煲湯,能令深層傷口加快康復.
想問吓剛剛做完面部割除皮膚癌手術，可以煲咩湯飲？
Chau:
你可以用北茋3錢,姬松茸4,5朵,杞子3錢,雪耳3錢,紅棗4粒煲瘦肉湯服,有助潤膚,抗癌,加快傷口癒合,可連服3劑.
請問屋企人，剛剛做完一個樂骨大手術，應該飲什麼湯比較好
剛剛做完第二日
YSS:
可以用北茋5錢,黨參5錢,杞子3錢,紅棗6粒煲豬展湯供服,有助加快傷口癒合.如過兩天有胃口,可以燉些淮山杞子花膠雞湯供食,但花膠易滯胃,要患者有胃口才可以食,每次食一小塊浸發花膠就成,不要太多.一星期3劑,有助康復.
家人三星期前做完全膝關節置換手術, 想問可否用急凍鵪鶉煲石崇飲用嗎？石崇北芪跟鵪鶉一齊煲有衝突嗎？
Zuleika:
石崇魚和鵪鶉不相沖的,但我較少這樣用,多數魚配瘦肉同煮.
芳姐您好，
想請問一下，要開刀割乳房纖維瘤，有那種湯水會合適，術後馬上飲用，另外，可以幾耐後開始飲用石崇魚煲湯，因為很多人說煲生魚湯会長肉芽，石崇魚就可以嗎！謝謝
yannes:
手術後能飲水時可以飲白蘿蔔陳皮水,小口小口飲,有助加快排走麻醉藥,以免影響腦細胞.之後可以用北茋3,4片煲瑤柱陳皮稀粥服,能加快傷口癒合.石崇魚湯手術後4~5天可飲,不會長肉芽.生魚,山斑魚,田雞由於其細胞活力强,劏了老半天肌肉還會跳動,所以認為易長肉芽.
謝謝 芳姐 回覆 會跟著您教的試試
芳姐你好～
想問一下…石祟魚+芫茜+黑豆+豆腐一齊煲湯..可以嗎??
多啦B:
石崇魚,黑豆,豆腐可以先煲湯,芫荽後下.
你好芳姐
我11號晚上做完眼部手術
想問而家可以飲石唇魚湯嗎
小怡:
做完眼手術可以飲石崇魚湯.
謝謝你 芳姐
芳姐你好～
我剛剛因子宮內膜癌切除了子宮及輸卵管，朋友煲了石祟魚湯給我，請問除此之外我應多喝哪種湯調理？謝謝
Hilda:
石崇魚湯可以一星期飲2劑.美國研究指海參對抑制癌細胞非常有效,可以經常用海參煲湯或煲瘦肉粥食.忌高脂肪食物,如用雞煲湯要去皮,不要吃雞翼尖及雞脚,以免進食激素太多.
芳姐，請問我新袍現在8個幾月，就快9個月，可唔可以飲石崇湯呢？謝謝！
請問我新袍現在8個幾月，差不多9個月,可以飲石崇湯嗎？
Irean:
懷孕後期可飲石崇魚湯,配合掌瓜,豆腐煲就成,無需用行氣中藥材.
明白，瘦肉可以一起加入齊煲嗎？謝謝
Mrs Chan:
可以加瘦肉同煮,鮮味些.
明白，多謝您
芳姐你好，
我月初做了切除卵巢畸胎瘤手術，已每日飲石崇魚湯有十天，是不是已經足夠？如之後沒有石崇魚，有沒其他魚可代替？如紅衫魚 大眼雞之類。現在是手術完十多天了，有沒補元氣湯水推介？
謝謝。
Mrs Chan:
如無石崇魚可改用海鱸魚,有助深層傷口加快癒合.因為表面傷口10天左右埋口,但深層傷口一般要2~3個月才完全康復,所以魚湯可以一星期2劑,牛鰍魚,大眼雞,紅衫等,只要新鮮就成.配淮山,杞子,紅棗有助健脾補血,配北茋,黨參,紅棗等令身體强壯,可加快康復.
多謝您 芳姐
忘了一問，同樣要下果皮和生薑嗎？
謝謝
Mrs Chan:
可以放陳皮或生薑.或兩種一齊放亦没問題.