By 芳姐 ( 15 2 月, 2014 at 3:08 下午)
· Filed under 外感/頭痛/呼吸道病, 小兒常見病
天氣時時寒時暖,近日不少人患上傷風、感冒,對一些身體素虛,或肺功能向來弱的朋友,傷風、感冒後往往會咳嗽一段時間,尤其是小朋友,又不會吐痰,容易因痰涎影響咳嗽不止..
龍脷葉是化痰止咳的良藥,菜市場常有鮮品供應. 用龍脷葉配合南,北杏,蜜棗煲湯飲,對咳嗽痰多人士很有幫助. 如果是小孩子感冒後咳嗽,可以加1-2個蘋果同煮,蘋果有潤肺功效,且可以令湯更加好味容易入口.
用料是: 新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲.
~ 小貼士: 此湯清甜可口,全家合飲.如作家常湯水,加瘦肉同煮即成.
Permalink
芳姐你好，
請問煲咩湯可以有助收鼻水和化痰？我小朋友3歲多，佢剛病好又有鼻水，而我又咳了很久還有多痰和鼻涕。
謝謝！
Celine:
你可以用葱白6棵，生薑5~6片,白蘿蔔1個,先將白蘿蔔切片和生薑用5碗水煮半小時,最後加入葱白,滾3分鐘可服,小朋友那碗可加少許蜜糖,好味些.有助止咳收鼻水.如鼻水多可以加8朵辛夷花同煮.
請問哪裏可以買辛夷花？謝謝！
Celine:
辛夷花在中藥店有售.
芳姐你好！
我個女依家一歲半發燒左幾日之後又咳有痰有鼻塞流鼻水，請問可以煲咩湯水比佢飲，唔該！
Yumi:
你試用金羅漢果1/6個,辛夷花5朵,陳皮1個,3碗水煮成1碗供囡囡服,有助化痰止咳收鼻水,服2劑.
芳姐你好
小朋友三歲，前3星期發高燒，咳，多痰，好返後仲有好咳，而且頸部經常痕，請問可以煲啲咩好？謝謝你！
Celine:
你可以用鮮龍脷葉1兩,金羅漢果1/4個,南北杏1兩,雪梨1個去核煲水供服,煲半小時,隨量服就成,連服2劑,看能否改善?
芳姐你好，
請問氣管炎應該煲咩湯好？謝謝
Celine:
氣管炎可以用鮮魚腥草2兩,南北杏5錢,蜜棗2粒滾瘦肉湯服,滾20分鐘可飲.
芳姨您好：
女兒4歲，感冒發燒後，日間完全沒有咳，但夜間一訓低就開始咳有痰聲，吐唔出黎，鼻水少量很清的。 可能剛剛感冒好番，見她行路冇力成日話攰， 面色無光彩。 請問可飲咩湯水？謝謝
Tina:
你可以用蘇子,萊菔子各3錢入茶包袋,煲瘦肉粥供囡囡食,連食3天,有助袪痰.另外可以用淮山,蓮子,芡實,茯苓各1兩煲排骨湯,全家可飲,能健脾袪濕,改善精神不振.
明白🙏🏻謝謝你呀☺️忘了講小兒有濕疹，係咪都飲得呢款湯水架？😆佢上年濕疹穩定返好多，但但今年都發得勁，會唔會都有咩湯水都唔煲架？
訪客:
濕疹要經常保持皮膚滋潤,太乾會令濕疹加劇.發物如筍,鵝肉,無鱗魚,蝦蟹,芒果,菠蘿等少食,因為易引致發病.綠豆,薏米糖水可適量食.
明白！謝謝你呀！
芳姐：
小兒3歲多，上星期感冒流鼻涕，看左西醫食左3天藥有好轉，不過仍有鼻涕同咳，有痰，這款湯水啱他嗎？謝謝你🙏🏻
Joice:
有炎不要用蜜棗,可以用1個桔餅代替.如鼻水多可以加6~8朵辛夷花用煮.
你好，我囡囡14個月大，佢由乾咳變到咳時帶有痰聲，氣管聲好嘈，再有流鼻水及打乞嗤，以及聲沙啞，請問有什麼湯水或食療幫助？謝謝
Suyi:
你試用蘇子,萊菔子,辛夷花各2錢入茶包袋,用來煲瘦肉粥供囡囡食,有助化痰止咳,收鼻水.連服3劑.
早晨，芳姐
我在澳門，我這裡買不到新鮮龍脷葉，可否用干的替代？
若可以，份量是多少？
另外，我女女22個月大，自從9月返托兒所後，每個月都會傷風感冒，
流鼻水，有何湯水可常煲，以提高她的免疫力？謝謝。
家佑媽媽:
乾龍脷葉可用5錢.囡囡易傷風感冒,可以買[玉屏風散]顆粒沖劑,每次可用1茶匙,加辛夷花6朵剪開,用開水沖泡,焗6分鐘供服.一星期3次.玉屏風散主要由北茋,防風,白朮三種藥組成,能增強體質,防傷風感冒,辛夷花則有助收鼻水.
多謝芳姐詳細回覆，十分感謝，我試試。
芳姐妳好，
小兒8歲，已經鼻塞超過半年，之前去咗中醫針灸，話佢有鼻竇炎，而家已經冇咗鼻竇炎，但中醫話佢可能仍然有敏感性鼻炎。而家停咗針灸，但都係一直鼻塞，朝頭早會流鼻水，夜晚有時鼻塞到會扎醒，瞓覺時候透氣好大聲。依家試緊食西醫嘅敏感藥，食咗幾日仍然冇效果，又有用西醫開嘅噴鼻，個鼻都係好塞，請問有冇啲湯水介紹可以舒緩敏感性鼻炎？有時佢話跑下步個鼻會通少少。唔該晒你！
ki ki:
你可以去裕華或農本方買[玉屏風散]顆粒沖劑,用6~8朵拍碎的辛夷花用碗半水煮片刻成1碗,用辛夷花水沖泡玉屏風散就成,每日1杯,服一星期,有助增强體質,改善鼻敏感.[玉屏風散]主要材料是北茋,防風,白朮三種藥材,主要增强體質,防傷風感冒,加上辛夷花茶沖泡,就能減少鼻敏感發作.
芳姐，你好，仔仔18個月大，咳左差不多一個月，咳有痰聲，通常朝早一起身會咳，日間間唔中會有幾聲咳。請問可以煲咩俾佢飲？
芳姐，你好，仔仔18個月大，咳左差不多一個月，咳有痰聲，通常朝早一起身會咳，日間間唔中會有幾聲咳。請問可以煲咩俾佢飲？
May:
你試用紅蘿蔔1個去皮切薄片,紅棗8粒切薄片,4碗水煮成碗半供仔仔一天分服,連服3~4劑.對小兒百日咳有益.
謝謝芳姐。可以每日飲？除咗呢個，仲可以煲咩俾佢止咳化啖？
GG88:
可以用川貝末2錢,蘋果1個,2碗水燉1小時供服,可加少許蜜糖.
請問bb8個半月 有鼻水一星期 早前黃色 現在透明 有吃西藥，沒有發燒，有一兩聲咳可能有少痰聲音，有什麼湯水適合？
煲蔥白水有用嗎？另外燉蘋果洋蔥蔥白水會否更好？
Kk:
你可以用洋葱1個,葱白3棵,3碗水煮20分鐘成1碗供BB1天分服.連服3劑.
謝謝 但如果bb8個半月有少鼻水， 呼吸時聽到有痰聲吼吼聲 ， 可以也飲蘋果桔餅水嗎？
Kk:
可以用蘋果桔餅水,痰多加個陳皮同煮.用舊陳皮少苦味.
芳姐
你好，仔仔17個月大，一星期前發燒後就有痰，幾聲咳！
吃完西藥後，痰方面有改善到，但咳反而多左
早上起身會咳密啲，仲有痰
呢兩日蒸左蘋果洋蔥水距飲，還可以飲乜幫助？
Mona:
你可以試蒸個鹽蒸橙供食,鹽放少許就成,否則太鹹仔仔未必肯服食.
謝謝你的回應，我有蒸過，不過仔仔飲了幾啖就吾飲，不過肯食果肉
Mona:
肯食果肉都有用,但由於療效主要在橙皮中,所以最好壓榨橙汁連橙皮素都一同供食,可以試用蜜糖,可能仔仔肯飲.
我仔仔7歲，初患傷風，現傷風好左8成，還開始咳嗽，可能鼻水倒流引致。又咳又傷風可煲什麼會較好
Yan:
你可以用洋葱1個,蒜頭5粒左右,冰糖少許,4碗水煮成2碗供仔仔飲,有助改善.
你妹芳姐
請問bb8個月和 家姐3歲半 ，近派有些鼻水 透明， 聲音少少沙啞。沒有發燒，請問可煲什麼湯水？
以下可以？
1）燉蘋果洋蔥蔥白水？
2）枇杷葉,龍脷葉各5錢,桔餅1個,辛夷花6朵,雪梨1個,去核,4碗水煮成碗半供囡囡一天分服,連服3劑？
Ho:
聲沙可以用枇杷葉第二款湯供服.BB8個月飲半碗,家姐可以一天分服2碗.
謝謝芳姐
請問家姐鼻水現在沒有了 但晚上睡覺不停咳會咳醒。聽起沒痰聲了。日頭只有一兩聲咳， 那可以照飲第2款湯水嗎？
還有其他推薦？ 是否氣管問題
Ho:
如果没有鼻水,只有咳,可以用桔餅1個切碎,蘋果1個去皮,去核,4碗水煮成2碗供服,連服2劑應可改善.
你好，芳姐，大女十一岁了，今次咳有两个来月了，咳有多痰咳不出，睇过西E照过X光正常，但化验痰有菌，吃过抗生素，听起肺清的，但有时咳还是有点痰声，吃西药太多了，都没有什么变好，最近这几天我给女饮辛夷花，苏孑，莱菔子，现在咳没痰了，但喉咙痕，白天还有少咳，想问你有什么汤水可以帮女女改善呢?
美麗:
如痰有菌,可以用鮮魚腥草2兩,陳皮1個,紅棗5粒,4碗水煮20分鐘成2碗服,連服3劑.
芳姐你好：女兒2歲多，呢幾日天氣凍左，她手腳冰冷，有點點鼻痕鼻敏感，流白鼻水，有兩聲乾咳，背脊有汗時就一定咳，咳左幾日，我就去執左虎乳芝煲太子參湯水俾佢止咳。點知咳止唔到、仲要塊面出左5、6粒又大又紅又痕的過敏粒。 請問點算好？？求指教。感激
Tina:
你囡囡可能對某些中藥材敏感,例如虎乳靈芝,太子參應該很少過敏的.你試用桔餅1個,蘋果1個去皮,去核,辛夷花6朵,4碗水煮成2碗供服,連服3劑,有助止咳收鼻水.不寒涼的.過敏的粒粒可以煲些金銀花水作外洗劑,用5錢就夠,可一天分3次用.
芳姐你好
囡囡2歲10個月大，這星期一開始不停流鼻水，有鼻塞，咳有痰聲，前天還發燒，現在吃了西藥，發燒退了，但仍有咳、鼻水及鼻塞，可以煲什麼湯水幫助她呢?
Sally:
你試用洋葱1個去衣切片,蒜頭4粒拍碎,生薑3片,4碗水煮半小時成2碗供囡囡服,連服3劑,有助改善.
芳姐：
你好！我仔九個月佢咳有痰，有鼻水可否飲此湯？謝謝！
菲菲:
你仔仔可飲此湯,但有痰不要放蜜棗,放半個桔餅同煮會好些.
芳姐：
我仲可以煲咩粥仔俾佢食可止咳化痰同收鼻水？謝謝！
菲菲:
你可用蘇子,萊菔子各3錢,辛夷 花6朵入茶包袋,煲瘦肉粥供仔仔服,連服3劑可止咳化痰收鼻水.
芳姐，阿女兩歲半。早星期發燒，退燒收左鼻水之後還有咳，有少許痰音，已經煲左三日龍利葉蘋果湯，請問此湯可以連續飲幾耐？或者還可以煲咩飲，唔知寒咳定熱咳，謝謝
Carriechung:
囡囡咳有痰,試用蘇子,萊菔子各3錢入茶包袋煲瘦肉粥供食,連服2~3劑,有助袪痰止咳.龍脷葉蘋果湯很平和,停2天再煲多兩次都没問題.
芳姐，阿女飲左蘇子湯已經少好多痰，但日抖間唔中都有咳，但唔多。中午訓覺會咳，夜晚訓覺前會咳多少少，訓到半夜都會咳一兩次，咳比較耐少少，唔知係熱到咳還是什麼原因咳，請問還可以煲咩飲
Carrie:
你可用桔餅1個切碎,陳皮1個,蘋果1個去皮,去核,4碗水煮20分鐘成2碗供囡囡服,連服3劑.
芳姐
你好 請問以下是幾人份量湯水
（新鮮龍脷葉1兩, 南,北杏1兩, 蜜棗3粒, 蘋果2個.
做法:龍脷葉洗淨; 蘋果洗淨,去核切塊; 將全部材料用6碗水煮約1小時即可供飲）
如小孩兩歲半和大人五個 是否份量加倍就好以嗎？
Ling:
這個份量差不多夠4~5人量,你加多個蘋果同煮就成.
芳姐，你好
小兒3歲，已經咳了2個月，西醫睇咗話 鼻水倒流而影響咳，依家鼻水又唔覺佢有，但咳仍然持續，尤其是夜咳，跑幾下又咳，醫生話唔係氣管敏感，咳聲好清脆，偶有痰聲。燉川貝，桔餅水，龍利葉都試過，請問還有什麼可以幫到佢 ，謝謝你感激回覆。
gigi:
你試用川貝末2錢,蘋果1個,冰糖少許,4碗水煮成碗半供仔仔服,連服3~4劑,看能否改善?
芳姨，仔仔5歲 ，夜晚就開始咳，有痰d痰有泡泡，怕凍，應該煲什麼湯或燉什麼湯水 ，吾該！
candy:
你可用蘇子,萊菔子各3錢入茶包袋,生薑2片,滾瘦肉湯供服,煲粥亦佳,連服3劑.
我BB 10個月大, 有G6PD, 呢幾日狂咳同痰多, 但食左西藥好左少少咋, 可以飲D咩? 謝謝芳姐
同埋我女女宜家仲食緊西藥, 可以照飲嗎?
Angel:
你可以用蘇子,萊菔子各3錢入茶包袋煲瘦肉粥供BB食,連服3劑,有助袪痰止咳.蘇子是紫蘇的種子,萊菔子是白蘿蔔的種子,對G6PD小朋友没影響的.你囡囡也是痰咳?可以照服此粥,如日間咳多,痰黃屬熱咳可以龍脷葉蘋果湯.
我女女唔多食粥, 咁仲可以有咩湯水? 佢宜家有d咳同痰
Angel:
不吃粥就用蘇子,萊菔子滾瘦肉湯吧.
你好!芳姐，细女现是5岁9个月，已咳8天了，有鼻涕，有痰黄色，已喝过5剂的辛夷花，苏子，来菔子茶。但现还是咳有痰声咳不出，鼻涕没收，鼻痕，想问有什么汤水可以帮女女改善呢?多谢!!
美麗:
你試用桔餅1個切碎,陳皮1個,辛夷花6朵,4碗水煮成2碗供服,連服3劑,看能否改善?
請問發燒中可飲嗎？加甘草可以嗎？
Yan:
你指哪款食療?龍脷葉蘋果湯無需加甘草.發燒可以飲.
芳姐，我想問！我個女！坐月差不多兩個月，但剛有咳嗽！但佢有餵人奶！我可以煲什麼湯水比我女飲呀！唔該你！
Winnie:
你可以用桔餅1個切碎,雪梨(或蘋果)1個去核,陳皮1片,5碗水煮成2碗供服.如日間咳多屬熱咳用雪梨,如日夜都咳用蘋果有益正氣.連服3劑,看能否改善?
芳姐，小兒一歲半，流鼻水，咳並有痰，大約一星期，煲什麼湯水給他好？
同埋小兒近來運動後也是冷汗，人比較冷不暖咁～
Joice:
你可以用蘇子,萊菔子,紫蘇葉各2錢,生薑2片,甘草4片,4碗水煮成2碗供仔仔服,連服3劑,有助袪痰,散寒止咳.
你好，此湯水餵母乳可以飲用?
傷風後經常有痰咳 (痰有時白，有時有微黃)，加上晚上睡不足咳嗽一直唔好
Wing:
哺乳媽媽有痰咳可以煲這款湯;或用桔餅1個切碎,蘋果一個,陳皮1片煲水服,4碗水煮半小時服,亦有助化痰止咳.
芳姐：
你好！小女4歲，她咳嗽了差不多一個月，睇醫生也睇了6次，抗生素也食過，但還有咳嗽，小女說有痰咳不出來，醫生說她是敏感咳，她每次咳也發出哼哼的聲音，這樣令喉嚨很不舒服，請問有什麼湯水可以舒緩她的咳嗽？謝謝你！
Shan:
你可以用川貝末3錢,蘋果1個去核切片,陳皮1個,4碗水煮半小時成碗半供囡囡服,連服3~4劑,有助化痰止咳.川貝能減少氣管痙攣咳的.
芳姐：
謝謝你，若她現在還在吃藥，可以服用嗎？
Shan:
服西藥後隔2小時飲就成.
芳姐，謝謝你！
請問月經來時可否飲龍脷葉湯？
Kiki:
龍脷葉湯不算太寒涼,來經可飲.
小兒現在三歲，感冒痊愈後。
喉嚨常有痰卡住，又不懂如何吐出。間唔中打噴次又有鼻涕噴出。
有冷氣地方流鼻涕情況嚴重。
但係在室外有陽光地方便沒有鼻涕。
晚上睡眠情況不是太好，輾轉反側。
請問可以飲和吃什麼呢？
感激回答！
王太:
你可以用蘇子,萊菔子各3錢,辛夷花6朵入茶包袋,煲瘦肉粥供仔仔食,滾瘦肉湯亦可,有助袪痰止咳,收鼻水,連服3劑.
芳姐，我寶寶一歲，昨天流鼻血今天發低燒，點算要煲咩飲好
Joey:
你可用鮮茅根1扎,鮮蓮藕節3個,生薏米1兩,5碗水煮成2碗供一天分服,連服2劑.有助清熱,止鼻血.
芳姐你好 想問下我寒咳 可以煲咩湯水飲 謝謝
訪客:
寒咳可用紫蘇葉3錢,葱白4棵,生薑3,4片,3碗水煮15分鐘成2碗服,有助散寒止咳.
芳姐，
請問bb 10個月大可以煲咩可以止咳化痰？
謝謝
Celine:
10個月大BB可以用洋葱1個,去衣切片,放碗中大火蒸半小時,用湯匙壓洋葱汁供服,有助化痰止咳,一日可蒸2次.
謝謝芳姐
芳姐，小朋友16個月大，已經飲左呢個湯三日，亦有食西藥，但仍然有咳同痰，仲有咩可以化痰？
因小朋友不喜飲水，用雪利乾煲水可以嗎？會不會令佢更咳？
Yvonne:
你試用川貝末2錢,蘋果1個,去皮,去核,4碗水煮成碗半供一天服,連服3劑,有助清痰.雪梨乾煲水偏涼,適合日間咳多者.如要用必須將核拿走,核有小毒.
川貝要煲幾耐？因用電爐煲好快已經冇水
Yvonne:
煲半小時,如電爐乾水快,就用5碗水來煮.
可以加果皮嗎？因為好多痰
Yvonne:
可加果皮1個.
你好芳姐 .
我BB差唔多2岁， 但常常喉嚨痛感冒 近期先病完 但仍喉嚨發炎同有黃鼻涕 可唔可以飲呢個湯
謝生:
你家寶寶可能免疫力較弱,故易喉痛,感冒.可以用這款湯,但不宜用蜜棗,改用金羅漢果1/6個代替,金羅漢果對咽喉炎有幫助.
芳姐，請問係咪冇分寒咳熱咳都可以飲，小孩16個月大，聽聲好似好多痰，川貝又有冇用呢？
Yvonne:
此湯寒熱咳都可以飲.但蜜棗最好不要放,否則幼兒會惹痰.川貝能減少氣管痙攣,可用川貝末2錢,蘋果1個,去核,4碗水煮成碗半供幼兒服,連服3劑.
食緊西藥可吾可以飲？thx
Yvonne:
服西藥隔2小時可飲.
有鼻水鼻涕，係咪要加辛夷花煲？幾朵？飲幾天這個湯？thx.
Yvonne:
有鼻水加6朵辛夷花,連服3劑.
又多鼻涕又多痰，可以食咩快d好
芳姐謝謝，不過我買吾到辛夷花，洋蔥水同龍脷葉湯同一日飲有冇用？
Yvonne:
洋葱水,龍脷葉湯可以一日內飲用.
已經飲左呢個湯三日，亦有食西藥，但仍然有咳同痰，仲有咩可以化痰？
因小朋友不喜飲水，用雪利乾煲水可以嗎？會不會令佢更咳？
芳姐，
6歲早幾日因氣管炎咳嗽發燒，吃過西藥已退燒，但很多痰咳吾到出來，飲這個湯可以嗎？
Kennis:
可以飲這款湯,痰多不要放蜜棗,改放陳皮1塊較佳.
芳姐，孩子兩歲, 半夜咳，但沒有痰，感冒還未清，仍在發燒，可飲用這湯水嗎，謝謝你！
Janice:
感冒未清可飲此湯.痰多不要加蜜棗,加甘草3,4片代替.
你好!芳姐，我妈咪68歲，37歲開始颈骨增生，時常头暈，這幾年如果睡眠不好血压就會高，但天天都吃西葯，這兩天去抽血檢查血脂升高5.9，;現也在吃西藥，想問你有什幺食普可以幫我媽呢?(亞麻籽油可捞飯食嗎)
美麗:
可以用亞麻籽油撈飯,適量用没問題.平時可以多用青色甜肉椒,蘋果榨汁飲,有助降血脂.頸骨增生可以多用黑豆,黑芝麻,杜仲,巴戟一類補腎食材煲湯,有助改善.
芳姐，我久咳不能愈。吃過西醫，心吃過西藥。仍不能好！症狀是像氣管堵塞了，試過三日你推薦的龍利葉蘋果肉湯但無效。請指教我
Hennry:
你會否肝氣鬱結引致咳?你試用桔餅1個切碎,佛手柑3錢,陳皮2錢,4碗水煮成2碗服,連服3劑,有助疏肝解鬱,止咳.
芳姐，
我女5歳半，前2⃣️日凍親，流鼻水同咳，可以煲咩湯水？謝謝你!
Yoko
Yoko:
你可以滾些芫荽葱生薑魚片水供囡囡飲,趁温熱飲,連服2劑.簡單的用生薑紅糖水都有幫助.
芳姐，
但她可能係熱咳可以飲嗎？thx
Yoko
訪客:
痰黃,有喉嚨紅腫咳才屬熱咳.芫荽葱魚片水主要解表,對傷風,感冒初起有幫助.蒸隻洋葱水供飲有助止咳.
咁應該唔係熱咳，魚片係平時煮麵果d魚片嗎？
訪客:
用鯇魚肉切片滾湯就成.
芳姐，你好，我小朋友差不多3歲，假期後第二日上學就開始有少少鼻水，同有2聲咳，聽不到有痰聲的，但早晚訓覺時，就會聽到有咳有痰聲，剛剛初起，呢個湯有幫助嗎？還是需要其他湯水呢？謝謝
Katherine:
這款湯可以煲給你小朋友飲.如鼻水多或鼻水倒流引起咳嗽,可用辛夷花6朵拍碎泡茶供服,可加少許蜜糖.
芳姐, 請教, 3歲小朋友有蠶豆症, 可以呢個湯水嗎？ 佢都係成日病, 最近病咗一星期, 西藥已食完. 但仍有流鼻水, 時黃時清, 咳也有痰, 又不會吐痰. 想煲呢個湯試下.
殷媽:
此湯蠶豆症患兒可以飲,很平和的,對肺熱咳有幫助.如鼻水多,加6朵辛夷花同煮.
請問如果我有咳嗽但晚上咳得比較多而且有痰（顏色偏綠）
和有鼻涕！剛好昨天買了龍利葉，我這個情況可以煲來飲用嗎？
謝謝芳姐
Ray:
你可以用龍脷葉,配蘋果,無花果,北杏各適量煲湯飲用,鼻涕多加3錢辛夷花同煮.
芳姐 蘋果皮應該點清洗？
請問感冒期間可以飲嗎？
Kitty:
此湯感冒都可以飲.
芳姐，你好！
我妹妹做完乳房切除手術有半個月，喉嚨有好多痰，但沒有咳！她有糖尿病！
請問有什麼湯水可幫她！她應該是屬於濕熱體質，因舌頭有齒痕及常生飛滋！
謝謝！
Ling:
你可用法夏,茯苓,白朮,扁豆衣各3錢,陳皮2錢,甘草1錢,5碗水煮成2碗供令妹服,連服3劑可清痰.
芳姐，
謝謝你！
祝聖誕快樂！
我囝囝鼻水倒流到起痰咳，請問可否龍脷葉加辛夷花一齊煲?
Steven:
鼻水倒流用辛夷花3錢,葱白3~4棵,生薑2~3片,3碗水煮10分鐘供服,連服3劑,有助改善.
芳姐你好
小朋友20個月大有G6pd,正在出玫瑰疹，可以飲用此湯嗎？
Momo:
此湯患兒可以飲.
唔該晒芳姐